Pramāṇa · Search · About · API

Kumarikakhanda 33

Kumārikākhaṇḍa 33

Language
Sanskrit

Contents

33.1

cha || || nārada uvāca
te cainaṃ yojya cāśīrbhirayācaṃta varaṃ guham || eṣa eva varo'smākaṃ yatpāpaṃ tārakaṃ jahi

33.2

evamastviti tānuktā yogoyoga iti bruvan
tārakārimahātejā mayūraṃ cādhyarohata

33.3

śaktihasto vinadyātha guho devāṃstadābravīt || yadyadya tārakaṃ pāpaṃ nāhaṃ hanmi surottamāḥ

33.4

gobrāhmaṇāvamantṝṇāṃ tato yāmi gatiṃ sphuṭam || evaṃ tena pratijñāte śabdo'tisumahānabhūt

33.5

yogoyoga iti prāhurājñayā śarajanmanaḥ || arajo
vāsasī rakte vasānaḥ pārvatīsutaḥ

33.6

athāgre sarvadevānāṃ sthito vīro yayau mudā || tasya keturalaṃ bhāti caraṇāyudhaśobhitaḥ

33.7

caraṇābhyāṃ
girīñchṛṅgo yo vidārayituṃ raṇe || yā ceṣṭā sarvabhūtānāṃ prabhā śāṃtirbalaṃ yathā

33.8

tanmayā guhaśaktiḥ sā bhṛśaṃ haste vyarocata || yadvāḍhatyaṃ
sarvalokeṣu tanmayaṃ kavacaṃ tathā

33.9

yotsyamānasya vīrasya deheprādurabhūtsvayam || dharmaḥ satyamasaṃmohastejaḥ kāṃtatvamakṣatiḥ

33.10

balamojaḥ
kṛpā ca vaddhā karayugaṃ tathā || ādeśakārīṇyagre'sya svayaṃ tasthurmahātmanaḥ

33.11

tamagre cāpi gacchaṃtaṃ pṛṣṭhato'nyayau haraḥ || rathenādityavarṇena
pārvatyā sahitaḥ prabhuḥ

33.12

nirmitena hareṇaiva svayamīśena līlayā || sahasraṃ tasya siṃhānāṃ tasminyuktaṃ rathottame

33.13

abhīpūnpuruṣavyāghra
brahmā ca jagṛhe svayam || te pibaṃta ivākāśaṃ trāsayaṃtaścarācaram

33.14

siṃhā rathasya gacchaṃto nardaṃtaścārukesarāḥ || tasminrathe paśupatiḥ sthito
bhātyumayā saha

33.15

vidyutā maṃḍitaḥ sūryaḥ seṃdracāpaghano yathā || agratastasya bhagavāndhaneśo guhyakaiḥ saha

33.16

āsthāya ruciraṃ yāti
puṣpakaṃ naravāhanaḥ || airāvaṇaṃ samāsthāya śakraścāpi suraiḥ saha

33.17

pṛṣṭhato'nyayau yāṃta varadaṃ vṛṣabhadhvajam || tasya dakṣiṇato devā marutaśca
trayodhinaḥ

33.18

gacchaṃti vasubhiḥ sārdhaṃ rudraiśca saha saṃgatāḥ || yamaśca mṛtyunā sārdhaṃ sarvataḥ parivāritaḥ

33.19

ghorairvyādhiśataiḥ
ścāpi savyato yāti kopitaḥ || yamasya pṛṣṭhataścāpi ghoratriśikharaḥ sitaḥ

33.20

vijayo nāma rudrasya yāti śūlaḥ svayaṃ kṛtaḥ
tasyapāśo bhagavānvaruṇaḥ salileśvaraḥ

33.21

parivārya śatairyāti yādobhirbividhairvṛtaḥ || pṛṣṭhato vijayasyāpi yāti rudrasya paṭṭiśaḥ

33.22

gadāmuśalaśaktyārdyairvarapraharaṇairvṛtaḥ || paṭṭiśaṃ cānvagātpārtha astraṃ pāśupataṃ mahat

33.23

bahuśīrṣaṃ mahāghoramekapādaṃ bahūdaram
kamaṃḍaluścāsya paścānmaharṣigaṇasevitaḥ

33.24

tasya dakṣiṇato bhāti daṇḍo gacchañchiyā vṛtaḥ || bhṛgvaṃgirobhiḥ sahito devairapya
bhipūjitaḥ

33.25

rākṣasāścānyadevāśca gandharvā bhujagāstathā || nadyo nadāḥ samudrāśca munayo'psarasāṃ gaṇāḥ

33.26

nakṣatrāṇi grahāścaiva
jaṃgamaṃ sthāvaraṃ tathā || mātaraśca mahādevamanujagmuḥ kṣudhānvitāḥ

33.27

sarveṣāṃ pṛṣṭhataścāsīttārkṣyastho buddhimānhāriḥ || pālayanpūtanāṃ sarvāṃ
svaparīvārasaṃvṛtaḥ

33.28

evaṃ sainyasamopeta uttaraṃ taṭamāgataḥ || tāmraprākāramāśritya tasthau tryaṃbakanaṃdanaḥ

33.29

sa tārakapurasyāpi paśyanṛddhi
manuttamām || visiṣmiye mahāsenaḥ praśaśaṃsa tapo'sya ca

33.30

sthitaḥ paśyansa śuśubhe mayūrastho guhastadā || chatreṇa dhriyamāṇena svayaṃ soma
samastviṣā

33.31

vījyamānaścāmarābhyāṃ vāyvagnibhyāṃ mahādyutiḥ || mātṛbhiśca sureṃdraitaiḥ svairgaṇairapi saṃvṛtaḥ

33.32

tataḥ praṇamya taṃ śakro deva
madhye vaco'bravīt || paśyapaśya mahāsena daityānāṃ balaśālinām

33.33

ye tvāṃ kālaṃ na jānaṃti martyā gṛharatā iva || eteṣāṃ ca gṛhe dūto
yastvāṃ śaṃsatu tārakam

33.34

vīrāṇāmucitaṃ tvetatkīrtidaṃ ca mahājane || anujñayā tataḥ skandabhaktaṃ śakro dhanaṃjaya

33.35

māmādiśyāsure
ndrāya prāhiṇoddautyayogyakam || ahaṃ svayaṃ gantukāmaḥ śakreṇāpi ca preṣitaḥ

33.36

prāsāde strīsahasrāṇāṃ prāvocaṃ madhyato'pyaham || asurādhama
durbuddhe śakrastvāmāha tacchṛṇu

33.37

yajjagadgalanādātaṃ kilibaṣaṃ dānava tvayā || tasyāhaṃ nāśakaste'dya puruṣaścedviṣyasi

33.38

śīghraṃ niḥ
sara pāpiṣṭha niḥsariṣyasi cenna hi || kṣaṇāttava puraṃ kṣepsye pāviśyāyaiva sāgare

33.39

iti śrutvā rūkṣavācaṃ kuddhaḥ strīgaṇasaṃvṛtaḥ || sudhimudyamya
māṃḍathāvadrītaścāhaṃ palāyitaḥ

33.40

vyākulastatra vṛttāṃtaṃ kumārāya nyavedayam || mayi cāpyāgate daityaściṃtayāmāsa cetasi

33.41

nālabdha
saṃśrayaḥ śakro vaktumetaddihārhati || nimittāni ca ghorāṇi saṃtrāsaṃ janayaṃti me

33.42

evaṃ viciṃtya cotthāya gavākṣaṃ sodhyarohata || sahasrabhau
mikāvāsaśṛṅgavātāyanasthitaḥ

33.43

apaśyadevasainyaṃ sa divaṃ bhūmiṃ ca saṃvṛtam || rathairgajairhayaiścāpi nāditāśca diśo daśa

33.44

vimāne
ścādbhutākāraiḥ kiṃnarodgītanāditaiḥ || dundubhirbhirgoviṣāṇaistālaiḥ śaṃkhaiśca nāditaiḥ

33.45

akṣobhyāsiva tāṃ senāṃ dṛṣṭvā so'ciṃtayattadā || ete
mayā jitāḥ pūrvaṃ kasmādbhyaḥ samāgatāḥ

33.46

iti ciṃtāparo daityaḥ śuśrāva kaṭukākṣaram || devabaṃdibhirudghuṣṭaṃ ghoraṃ hṛdayadāraṇam

33.47

jayātu
laśaktidīdhitipiṃjarucāruṇamaṃḍalabhujodbhāsitadevasainya puravadanakumudakānana vikāseneṃdo kumāranātha jaya ditikulamahodadhivaḍavānala madhuraravamayū
raravāsuramukuṭakūṭakuṭṭitacaraṇanakhāṃkura mahāsena tārakavaṃśaśuṣkatṛṇadāvānala yogīśvara yogijanahṛdayagaganavitatatiṃtāsaṃtānasaṃtamasanodanakharakira
ṇakalpanakhanikaravirājitacaraṇakamala skanda jaya bāla saptavāsara bhuvanāvaliśokasaṃdahana

33.48

namo namastestu manoramāya namostu te
sādhubhayāpahāya || namostu te bālakṛtācalāya namonamo nāśāya devaśatrūn

33.48.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kumārasya tārakāsuranagaraṃ prati gamanavarṇanaṃnāmaikatriṃśo'dhyāyaḥ

Linked texts (9)