Pramāṇa · Search · About · API

Kumarikakhanda 36

Kumārikākhaṇḍa 36

Language
Sanskrit

Contents

36.1

nārada uvāca || || tatastṛtīyaliṃgasya cikīrṣuḥ sthāpanaṃ gṛham || brahmā
prāhāsya prītyarthaṃ svayamanyaṃ prakurmahe

36.2

yadyapyetacchubhaṃ liṃgaṃ sarvadoṣavivarjitam || tathāpyanyatkariṣye'haṃ sarvaśreṣṭhatamaṃ hi yat

36.3

tato brahmā
sarvadoṣavimuktaṃ nirmame svayam || hṛṣṭikāṃtaṃ manaḥkāṃtaṃ phalakāṃtaṃ suliṃgakam

36.4

tatra skaṃdasya prītyarthaṃ sarvadevairvinirmitam || saraḥ suramyaṃ tīrthāni
tatra te nidadhustathā

36.5

gaṃgādikāni tīrthāni yāni prokturdivaukasaḥ || idaṃ yāvatsarastāvatsarvairatra samuṣyatām

36.6

evamastviti tānyūcuḥ
prītyarthaṃ śarajanmanaḥ || tato brahmā svayaṃ tatra raudrairmantrairhutāśanam || gādhiputrādibhirvipraistarpayāmāsa saṃyutaḥ

36.7

tato vaiśākhamāsasya caturdaśyāṃ
śubhe dine || pratiṣṭhāṃ cakrire liṃge ciraṃ vipramukhā dvijāḥ

36.8

jayurgaṃdharvapatayo nanṛtuścāpsarogaṇāḥ || tataḥ skaṃdaḥ prītiyuktaḥ snātvā sarasi śobhane

36.9

sarvatīrthodakaiḥ snāpya talliṃgaṃ bhaktisaṃyutaḥ || vividhaiḥ pūjayāmāsa puṣpairmaṃtraiśca paṃcabhiḥ

36.10

pūjākāle svayaṃ tatra liṃgamadhye sthito haraḥ || jaṃgamā
jaṃgamaiḥ sārdhaṃ svayaṃ jagrāha pūjanam

36.11

tatastaṃ pūjayanprāha skaṃdo bhaktipariplutaḥ || kena kenopahāreṇa tvayi dattena kiṃ phalam

36.12

śrīmahādeva uvāca || || mama yaḥ sthāpayelliṃgaṃ śubhaṃ sajha ca kārayet || marttoke vasate'sau ca yāvaccaṃdradivākarau

36.13

mama sajha
sudhāśubhraṃ yāvatsaṃkhyaṃ karoti yaḥ || tāvaṃtyeva ca janmāni yaśasāsau virājate

36.14

dhvajabhūto dhvajaṃ dattvā vipāpaḥ syātpatākayā || vidhāya citra
vinyāsa gaṃdharvaiḥ saha modate

36.15

rajaḥsaṃśodhanaṃ kṛtvā naro rogaiḥ pramucyate || prāpnoti dehaṃ hārdaṃ ca surasaṅghātulepanāt

36.16

puṣṭāśīradi
bhirdattostilāṃbho'kṣatadarbhakaiḥ || śaṃbhoḥ śirasi dattvārghyaṃ divi varṣāyutaṃ vaset

36.17

ghṛtena haṃtpāpaḥ syānmadhunā subhago bhavet || girogo dadhi
dugdhābhyāṃ liṃgaṃ saṃsnāpya jāyate

36.18

pānīyadadhidugdhādyaiḥ kramādaśaguṇaṃ phalam || māṃsaṃ saṃsnāpya vai bhaktyā piṣṭādyaiśca virūkṣayet

36.19

kapilāpaṃcagavyena surasiṃdhujalena vā || māṃ ca saṃsnāpya cābhyarcya mallokamadhigacchati

36.20

kuśodakādyairghajalaṃ tasmāttīrthodakaṃ varam || tīrthe
bhyaśca jalaṃ darśe mahīsāgarasaṃbhavam

36.21

kapilāṃ dattvā yadāpnoti tatphalaṃ kalaśe pṛthak || mṛttāmrarāaupyasauvarṇaiḥ kramācchataguṇaṃ phalam

36.22

śrīkhaṃḍāgarukāśmīraśaśinaḥ kramaśo'dhikāḥ || māṃ ca taiśca samālabhya syācchrīmānsubhagaḥ sukhī

36.23

praśasto guggulo dhūpastasmāccaṃdro'garu
varaḥ || dhūpānetāmro dattvā sukhaṃ svargamavāpnuyāt

36.24

dīpadaḥ kīrtimāpnoti cakṣuruttamameva ca || naivedyasya pradānena naro mṛṣṭāśano bhavet

36.25

puṣpeṇa hemakarṇasya prabaddhena dvisaṃguṇam || phalamāpnoti puruṣaḥ satyasaṃdhaśca jāyate

36.26

akhaṃḍairbilvapatraiśca puṣpairvā vividhairapi
liṃgaṃ prapūraṇaṃ kṛtvā lakṣamekaṃ vaseddivi

36.27

yastu puṣpagṛhaṃ kuryādvaraḥ śuddhāśayo bhavet || puṣpakeṇa vimānena divi saṃkrīḍate ciram

36.28

bhūṣaṇāṃbaradānena naro bhavati bhogabhāk || saccāmarapradānena jāyate pārthivo naraḥ

36.29

ramyaṃ vitānaṃ yo dadyācchatrubhirnābhibhūyate || gītaṃ
vādyaṃ pranṛtyaṃ ca kṛtvā śuddho vrajetsa mām

36.30

śaṃkhaghaṃṭāpradānena vidvānbhavati śabdavān || vidhāya rathayātrāṃ ca ciraṃ śokaiḥ pramucyate

36.31

namaskāraṃ praṇāmaṃ ca kṛtvā jāyenmahākule || vācayaṃścāgrataḥ śāstraṃ mama jñānī prajāyate

36.32

vimucyate manomohairbhaktyā stutvā ca māṃ
naraḥ || godānaphalamāpnoti nirmālyaspheṭanānmama

36.33

ārārtikaṃ bhrāmayitvā artihīnaḥ prajāyate || kṛtvā śītalikāṃ tāpairmucyate doṣaṃ
saṃbhavaiḥ

36.34

nartvā dattvātha śaktyā ca dānaṃ liṃgasya saṃnidhau || phalaṃ śataguṇaṃ prāpya iha cāmutra modate

36.35

praṇāmātpaṃcadaśa ca ghrā
nādviṃśatiṃ pūjayā || śataṃ yathāproktavidheraparādhānahaṃ kṣame

36.36

etatsarvaṃ yathodiṣṭaṃ kumārātra bhaviṣyati || ye māṃ prapūjayiṣyaṃti kumāreśvara
saṃsthitam

36.37

vārāṇasyāṃ yathā vatsa viśvanātho'smi saṃsthitaḥ

36.38

guptakṣetre tathā sthāsye kumāreśvaramadhyataḥ

36.39

śrutveti vacanaṃ
rudrādevānāṃ śṛṇvatāṃ guhaḥ || vismitaḥ praṇipatyainaṃ tuṣṭāva girijāpatim

36.40

namaḥ śivāyāstu nirāmayāya namaḥ śivāyāstu manomayāya
namaḥ śivāyāstu surārcitāya tubhyaṃ sadā bhaktakṛpāparāya

36.41

namo bhavāyāstu bhavodbhavāya namostu te dhvastamanobhavāya || namo'stu
te gūḍhamahāvratāya namo'stu māyāgahanāśrayāya

36.42

namostu śarvāya namaḥ śivāya namostu siddhāya purātanāya || namostu kālāya
namaḥ kalāya namo'stu te kālakalātigāya

36.43

namo nisargātmakabhūtikāya namo'stvameyokṣamaharddhikāya || namaḥ śaraṇyāya namo
guṇāya namo'stu te bhīmaguṇānugāya

36.44

namo'stu nānābhuvanādhikartre namo'stu bhaktābhimatapradātre || namo'stu karmaprasavāya dhātre namaḥ
sadā te bhagavansukartre

36.45

anaṃtarūpāya sadaiva tubhyamasahyakopāya sadaiva tubhyam || ameyamānāya namostu tubhyaṃ vṛṣeṃdrayānāya namo'stu
tubhyam

36.46

namaḥ prasiddhāya mahauṣadhāya namo'stu te vyādhigaṇāpahāya || carācaraॉyātha vicāradāya kumāranāthāya namaḥ śivāya

36.47

mameśa bhūteśa maheśvarosi kāmeśa vāgīśa baleśa dhīśa || krodheśa moheśa parāpareśa namostu mokṣeśa guhāśayeśa

36.48

iti saṃstūya varadaṃ jhūlapā
ṇimumāpatim || praṇipatya umāputro namonama uvāca ha

36.49

evaṃ bhaktiparākrāṃtamātmayogyaṃ stevaṃ śivaḥ || abhinandya ciraṃ kālamidaṃ vacanam
bravīt

36.50

tvayā duḥkhaṃ na saṃcityaṃ mama bhaktavadhātmakam || karmaṇānena śghyo'si munīnāmapi putraka

36.51

ye ca sāyaṃ tathā prātastva
tkṛtena stavena mām || stoṣyaṃti parayā bhaktyā śṛṇu teṣāṃ ca yatphalam

36.52

na vyādhirna ca dāridryaṃ na caiveṣṭaviyojanam || bhuktvā bhogāndurlabhāṃśca mama yāsyaṃti sahya te

36.53

tathānyānapi dāsyāmi varānaparamadurlabhān || bhaktyā tavātituṣṭo'haṃ prītyarthaṃ tava putraka

36.54

mahīsā
garakūle tuṃ ye māṃ stoṣyaṃti pūjayā || teṣāṃ tadakṣayaṃ sarvaṃ vaiśākhyāṃ dānapūjanam

36.55

sarasyatra ca ye snānaṃ prakariṣyaṃti mānavāḥ || sarvatīrthaphalā
vāptirvaiśākhyāṃ prabhaviṣyati

36.56

kumāreśaṃ tuṃ māṃ bhaktyā mahīsāgarasaṃgame || snātvā saṃpūjayennityaṃ tasya jātismṛtirbhavet

36.57

jātismṛ
tiriyaṃ putra yasyāṃ jāto prajāyate || smarate'syāḥ prakartavyaṃ śreyorūpaṃ sudurlabham

36.58

yasminkāle hyanāvṛṣṭirjāyate kṛttikāsuta || snāpayedghi
dhivanmāṃ ca kalaśairvividhaiḥ śubhaiḥ

36.59

ekarātraṃ trirātraṃ vā pañcarātraṃ ca sapta vā || snāpayedghṛtatoyena kuṃkumena vilepayet

36.60

karavīraiḥ rakta
puṣpairjapāpuṣpaistathaiva ca || arcayetpuṣpamālābhiḥ paridhāyāruṇavāsasī

36.61

bhojayedbrāhmaṇāṃścaiva tāpasāñchaṃsitavratān || lakṣahomaṃ prakurvīta
śivahomaṃ grahādikam

36.62

bhūmidānaṃ tataḥ kuryāttato dyādṛvāṃhnikam || āghoṣayecchivāṃ śāṃtiṃ rudrajāpyaṃ hi kārayet

36.63

anenaiva
vidhānena kṛtena tu dvijottamaiḥ || agarbhitāstadā meghā varṣaṃte nātra saṃśayaḥ

36.64

vividhaiḥ pūryate dhānyaiḥ śādvalaiśca vasundharā || ārogyaṃ hi
bhaveccaiva jane gopakule tathā

36.65

dharmayukto bhavedrājā paracakrairna pīḍyate || ghṛtena snāpayenmāṃ ca arkāṃkāṃtau naro'tra yaḥ

36.66

kanyādāna
phalaṃ tasya nātra kāryā vicāraṇā || kṣīreṇa snāpayeddevaṃ tathā paṃcāmṛtena yaḥ

36.67

agniṣṭomasya yajñasya phalaṃ tasyopajāyate || kumāreśvaratīrthe
yaḥ prāṇatyāgaṃ karoti hi

36.68

rudraloke vasettāvadyāvadābhūtasaṃplavam || ayane viṣuve caiva grahaṇe caṃdrasūryayoḥ

36.69

paurṇamāsyāmamāvāsyāṃ
saṃkrāṃtau vaidhṛte tathā || kumāreśaṃ naraḥ snātvā mahīsāgarasaṃgame

36.70

bhaktyā yobhyarcayenmāṃ ca tasya puṇyaphalaṃ śṛṇu || yanmahītalatīrtheṣu snāne
syāttu mahatphalam

36.71

yadyārciteṣu liṃgeṣu sarveṣu syātphalaṃ ca tat || ārogyaṃ putralābhaṃ ca dhanalābhaṃ sukhaṃ sutam

36.72

niścitaṃ labhate martyaḥ
kumāreśvarasevayā || brahmacārī śucirbhūtvā yastiṣṭhedatra tāpasaḥ

36.73

paraṃ pāśupataṃ yogaṃ prāpya yāti layaṃ mayi || pāpātmanāṃ ca martyānāṃ sadyo'smi
phaladarśakaḥ

36.74

divyenāṣṭavidhenātra kośaḥ sādhāraṇo'tra ca || aghorādyaiḥ paṃcamaṃtraiḥ prāpya liṃgaṃ mahojjvalam

36.75

aghoreṇaiva tattoyaṃ dyādvi
dhvaṃsasya kāraṇe || pibedetadudīryāsau prasūtitrayameva ca

36.76

yadi dharmastathā satyamīśvaro'tra jagattraye || kośapānātphalaṃ sadyo drakṣyāmyasmiṃ śubhā
śubham

36.77

yāsye ceti kulaṃ hanyādbhamane caiva kuṭumbakam || darśane ca śubhaṃ pāne hanyādehaṃ ca mithyayā

36.78

tribhirdinaistribhiḥ pakṣaistribhi
rmāsaistribhiḥ samaiḥ || atyugrapuṇyapāpānāṃ mānena phalamaśnute

36.79

ete varā mayā liṃge dattāścaṃ sthāpite tvayā || tava prītyabhivṛddhyarthaṃ brūhi bhūyo'
pyumātmaja

36.80

skanda uvāca || || kṛtakṛtyo varairdattaistvayā caitairmaheśvara || namonamo namastestu nātra tyājyaṃ tvayā vibho

36.81

evaṃ
praṇamya devaṃ sa mātaraṃ praṇato'bravīt || tvayāpi mātarnaivātra tyājyaṃ mama priyepsayā

36.82

tvāmapyatra sthāpayiṣye varadā bhava pārvati

36.83

śrīdevyuvāca || || yatra śarvaḥ svabhāvena tatra tiṣṭhāmyahaṃ suta

36.84

tava bhaktyā viśeṣeṇa sthāsye strīṇāṃ varapradā || yuddheṣu tava
karmāṇi rudrabhakteṣu te 3 kṛpām

36.85

paśyaṃtī putriṇāṃ mukhyā prīṇitā ca bhṛśaṃ tvayā || garbhakleśaḥ striyo manye sāphalyaṃ bhajate tadā

36.86

suto yadā rudrabhaktaḥ sānaṃdaṃ saddhirīryate || bhava tasmātpriyārthāya tiṣṭhāmyatra ṣaḍānana

36.87

strībhirārādhitā dāsye saubhāgyaṃ supārtiṃ sutān
caitre cāpi tṛtīyāyāṃ snātvā śītena vāriṇā

36.88

arcayiṣyaṃti māṃ yāśca puṣpairdhūpairvilepanaiḥ || dāsyāmi cāṣṭasaubhāgyaṃ yā nārī bhaktitparā

36.89

pitarau śvaśurau putrānpatiṃ saubhāgyasaṃpadaḥ || kuṃkumaṃ puṣpaśrīkhaṃḍaṃ tāṃbūlāṃjanamiśravaḥ

36.90

saptamaṃ lavaṇaṃ proktamaṣṭamaṃ ca sujīra kam || tolayettulayā vāpi sāṃgiśca tulitā bhavet

36.91

suvarṇenātha saugandhyadravyaiḥ śubhaphalairapi || bhuṃkte vā lavaṇaṃ paścānnāsau vai vidhavā bhavet

36.92

māghe vā kārtike vāpi caitre snātvārcayeta mām || daurbhāgyaduḥkhadāridrayairna sā saṃyogamāpnuyāt

36.93

śrutveti girijāvācaṃ sānaṃdaḥ pārvatīsutaḥ || sthāpayitvā girisutāṃ karpardinamathābravīt

36.94

puṣpairdhūpairmodakaiśca pūrvamabhyarcya tvāṃ prabho || pūjayaṃti kumāreśaṃ teṣāṃ vighnaharo bhava

36.95

kapardyuvāca || || prītestvayā sthāpite'smiṃchiṃge bhaktāśca ye narāḥ || na teṣāṃ mama vighnāni mama vāgnugāminī

36.96

evamukte vighna rājā pratīte'sthāpayacca tam || tasmādasau sadābhyarcyaścaturthyāṃ ca viśeṣataḥ

36.97

evaṃ sthāpya kumāreśaṃ labdhvā caitānvarāñchivāt || manasā kṛtakṛtyaṃ cātmānaṃ mene ṣaḍānanaḥ

36.98

tasthāvaṃśena tatraiva kumāreśvarasaṃnidhau || atra sthitaṃ kumāraṃ ye paśyanti svāmiyātriṇaḥ

36.99

saphalā svāmiyātrā ca teṣāṃ bhavati bhārata || kārtikyāṃ ca viśeṣeṇa kārtikeyaṃ samarcayet

36.100

yatphalaṃ svāmiyātrāyāṃ tatphalaṃ samavāpnuyāt || evaṃvidhamidaṃ pārtha mahīsāgarasaṃgamam

36.101

nimittīkṛtya cātmānaṃ sādhyarthe liṃgamarcitam || rogābhibhūto rogairvā nāmnāmaṣṭottaraṃ śatam

36.102

jatvā śucirbrahmacārī māsaṃ mucyeta pātakāt || etadārādhya saṃjātā rajirāmādayaḥ purā

36.103

śatasaṃkhyābalaṃ rājyaṃ rudraloka ca bhejire || jāmadagyastvidaṃ liṃgamārādhya ca samāptam

36.104

lebhe kuṭhāramuñjahe yenārjunabhujānyudhi || agrato devadevasya jñātvā tīrthe mahāguṇān

36.105

rāmeśvaramiti khyātaṃ sthāpitaṃ liṃgamuttamam || tacca yo'bhyarcayedbhaktyā rudralokaṃ sa gacchati

36.106

prītaḥ syāttasya rāmaśca kumāreśaśca
phālguna || iti saṃkṣepataḥ proktaṃ kumāreśasya varṇanam

36.107

kumāreśasya māhātmyaṃ kīrtayedyastadadyataḥ || yeca śṛṇvaṃtyanudinaṃ rudraloke vasaṃti te

36.108

asya liṃgasya māhātmyaṃ śrāddhakāle tu yaḥ paṭhet || pitṝṇāmakṣayaṃ śrāddhaṃ jāyate nātra saṃśayaḥ

36.109

asya liṃgasya māhātmyaṃ gurviṇīṃ śrāva
yedyadi || guṇavāñjāyate putraḥ kanyā cāpi pativratā

36.110

etatpuṇyaṃ pāpaharaṃ dharmyaṃ cāhlādakārakam || paṭhatāṃ śṛṇvatāṃ cāpi sarvābhīṣṭaphala
pradam

36.110.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśasthāpanapūrvakamāhātmya varṇanaṃ nāma catustriṃśo'dhyāyaḥ

Linked texts (6)