Kumarikakhanda 55

Kumārikākhaṇḍa 55

Language: Sanskrit

55.38 — 1 part

55.1

nārada uvāca || || athānyatsaṃpravakṣyāmi śālāmāhātmya
muttamam || saṃsthāpite purā sthāne proktohaṃ dvijapuṃgavaiḥ

55.2

sthānasya rakṣaṇārthāya upāyaṃ kuru suvrata || tato mayā pratijñātaṃ kariṣye sthāna
rakṣaṇam

55.3

ārādhitā mayā paścādbrahmaviṣṇumaheśvarāḥ || trayastvekāgracittena tatastuṣṭāḥ surottamāḥ

55.4

samāgamyātha māṃ procurnārada
triyatāṃ varaḥ || proktaṃ tānārcya ca mayā kiyatāṃ sthānarakṣaṇam

55.5

ayameva varo mahyaṃ deyo devaiḥ sutoṣitaiḥ || sthānalopo yathā na syādyathā
kīrtirbhavenmama

55.6

evamastviti deveśaiḥ pratijñātaṃ tadā munee || svāṃśena prakariṣyāma dvijānāṃ tava rakṣaṇam

55.7

evamuktā kalā³ muktā devai
tripuruṣaiḥ svayam || aṃtardhānaṃ tataḥ prāptāḥ sarve'pi surasattamāḥ

55.8

tato mayā dvijaiḥ sārdhaṃ śālāgre sthānarakṣaṇam || sthāpipi
tāśca pṛthagdevāñcayatribhuvaneśvarāḥ

55.9

pīḍyamānā yadā viprāḥ kenāpi ca bhavaṃti hi || pūrvāhṇe cāpi ṛgvedaṃ madhyāhne ca yajū
ṣyatha

55.10

yāme tṛtīye sāmāni tārasvaramadhītya ca || śāpaṃ yasya pradāsyaṃti śālāgre bhṛśaroṣitāḥ

55.11

satāhādvarṣamadhyādga
trivarṣādvsamatāṃ vrajet || pratijñātā sthānarakṣā yadi vo nāradāgrataḥ

55.12

satyena tena no vairī bhasmībhavatu ha kṣaṇāt || anena śāpa
maṃtreṇa bhasmībhavati niścitam

55.13

śālāṃ tripuruṣāṃ tatra yaḥ paśyati dinedine || arcayettoṣayeccāsau svargaloke mahīyate

55.14

iti tripuruṣaśālāmāhātmyam || || nārada uvāca || || athānyatsaṃpravakṣyāmi madīyasaraso mahat

55.15

māhātmyamatulaṃ pārtha devānā
mapi durlabham || mayā pūrvaṃ saraḥ khātaṃ darbhāṅkuraśalākayā

55.16

mṛttikā tāmrapātreṇa tyaktā bāhye tataḥ svayam || sarveṣāmeva tīrthānāmāhātmyodakamuttamam

55.17

tattatra sarasi kṣiptaṃ tena saṃpūritaṃ saraḥ || āśvine māsi saṃprāpte bhānuvāre naraḥ śuciḥ

55.18

śrāddhaṃ yaḥ kurute tatra snātvā dānaṃ viśeṣataḥ || pitarastasya tṛpyanti yāvadābhūtasaṃplavam

55.19

nāradīyaṃ saro hyetadvikhyātaṃ jagatītale || mahatā puṇyayogena devairapi hi labhyate

55.20

yadatra dīyate dānaṃ hūyate yacca pāvake || sarvaṃ tadakṣayaṃ vidyājjapānaśanasādhanāt

55.21

nāradīye saraḥśreṣṭhe snātvā yo nāradeśvaram || pūjayecchraddhayā martyaḥ sarvapāpaiḥ pramucyate

55.22

atra tīrthe purā pārtha sarvanāgaistapaḥ kṛtam || kadrūśāpasya mokṣārthamātmano hitakāmyayā

55.23

tataḥ siddhiṃ parāṃ prāptā etattīrthaprabhāvataḥ || tato nāgeśvaraṃ liṃgaṃ sthāpayāmāsurūrjitam

55.24

nāradāduttare bhāge sarve nāgāḥ praharṣitāḥ || nāradīye saraḥśreṣṭhe yaḥ snātvā pūjayeddharam

55.25

nāgeśvaraṃ mahābhaktyā tasya puṇyamanantakam || teṣāṃ sarpabhayaṃ nāsti nāgānāṃ vacanaṃ yathā

55.26

iti nāradīyasaromāhātmyam || || nārada uvāca || || aparadvārakānāma devī cātrāsti pāṃḍava

55.27

sā ca brahmāṇḍadvāre vai sadaiva vihitālayā || caturviṃśatikoṭībhirdevībhiḥ parirakṣitā

55.28

tato dīrghaṃ tapastaptvā mayānītātra toṣitā || aparasmiṃstato dvāre sthitā parameśvarī

55.29

pūrvasminnagaradvāre sthāpitā dvāravāsinī || navamī caitramāsasya kṛṣṇapakṣe bhavettu yā

55.30

kuṇḍe snānaṃ naraiḥ kṛtvā tāṃ ca devīṃ prapūjayet || balivākulanaivedyairgandhadhūpādipūjanaiḥ

55.31

saptajanmakṛtaṃ pāpaṃ nāśamāyāti tatkṣaṇāt || yānyānprārthayate kāmāṃstāṃstānāpnoti mānavaḥ

55.32

vandhyā ca labhate putraṃ snānamātreṇa tatra vai || navamyāṃ caitramāsasya puṣpadhūpārghyapūjayā

55.33

vighnāni nāśayeddevī sarvasiddhiṃ prayacchati || bhaktānāṃ tatkṣaṇādeva satyametanna saṃśayaḥ

55.34

uttaradvārakāṃ cāpi pūjyaiva vidhivannaraḥ || etadeva phalaṃ sopi prāpnuyānmānavottamaḥ

55.35

pūrvadvāre tu vai devī yā sthitā dvāravāsinī || tasyāḥ pūjanamātreṇa prāpnuyādvāṃchitaṃ phalam

55.36

āśvine māsi saṃprāpte navarātre viśeṣataḥ || upoṣya navarātraṃ ca snātvā kuṇḍe samāhitaḥ

55.37

pūjayeddevatāṃ bhaktyā puṣpadhūpānnatarpaṇaiḥ || aputro labhate putrānnirdhano labhate dhanam

55.38

vandhyā prasūyate pārtha nātra kāryā vicāraṇā

55.38.p1

iti śrīskāṃde mahāpurāṇe ekāśītisāhasryāṃ saṃhitāyāṃ prathame māheśvara khaṇḍe kaumārikākhaṇḍe koṭitīrthādimāhātmyavarṇanaṃnāma tripaṃcāśattamo'dhyāyaḥ

Kumarikakhanda 55

Contents

Linked texts (5)