Modhapurana 1
Moḍhapurāṇa 1
- Language
- Sanskrit
Contents
- 1.51 — 1 part
1.4
kailāsa śikhare ramye surāsura nisevite
tatrā'sīnaṃ mahādevaṃ gaṇaiśca parivāritaṃ
1.5
kṛtāñjalipuṭobhūtvā kumārovākya mabravīt
skaṃdauvāca-bhagavan tvatprasādena śrutādharmā mayānatha
1.6
śrautakāḥ smārtakāścaiva evānye cetihāsakāḥ
sarvāṇi caivatīrthāni puṇyā ṇyāyatanānica
1.7
caturāśītijñātīnāṃ sthānānīcaiva sarvaśaḥ
śrutānicaivadeveśa tvatprasādānmaheśvara
1.8
sthāṇuruvāca-adhunā saṃpravakṣyāmi dharmakṣetraṃ sanātanaṃ
pṛthivyāṃ naimiṣaṃśreṣṭhaṃ tacchreṣṭhaṃ dharma saṃjñakaṃ
1.9
āyuṣyaṃca yaśasyaṃca puṇyaṃkīrti vivardhanaṃ
svargāpavargadaṃtīrthaṃ dharmāraṇyaṃ pracakṣate
1.10
skaṃdovācakenaproktaṃ purātāta kenacaivā'nuśāsitaṃ
ko'saudharmaṃ kimāraṇyaṃ kimutpannaṃpurātanaṃ
1.11
sthāṇuruvāca —
purāsatyayugeprāpte bhagavānviśvasṛkpatiḥ
suduṣkaraṃ tapaścakre ādauloka misṛkṣayā
1.12
tapasā kaśyapojātaḥ kaśyapojanayatsutān
mārtaṃḍasyā'bhavadbhāryā tanayā viśvakarmaṇaḥ
1.13
saṃjñānāma mahābhāgā tasyāṃ manurajījanat
manuṃ prakhyātayaśasaṃ aneka jñāna pāragaṃ
1.14
vivasvataḥ sutoyasmāt tasmādvaiva svataḥsmṛtaḥ
bhānuputro mahātejo viśvabhartā suhṛtpriyaḥ
1.15
viśvaṃcadhāryateena jagatsthāvarajaṃgamaṃ
puṇyānāṃ paramoyastū sarvai dharma prakartitaḥ
1.16
tenaiva tapasātaptaṃ dharmakṣetraṃ taducyate
brāhmaṇānāṃca yajñārthaṃ kṣatriyāṇāṃ jayāyaca
1.17
vaiśyānāṃdhanasamṛddhyai śūdrāṇāṃtusukhāyavai
satovāca-namaskṛtyasurānsarvān śaunakādīnmunīṃstathā
1.18
bhāratī cāṅghriyugmaṃca praṇamāmi gaṇādhipam
yatprasādādahaṃvakṣye dharmāraṇyakathānakam
1.19
sthāṇuruvāca-devamohanakaṃ tīrthaṃ putrapautra pravardhanaṃ
ekadātu purādharmo jagāma brahmasaṃsadī
1.20
brahmaṇāpūjito dharmo madhu parkeṇa vedhasā
viṣṭarādikuśāndatvā āsanecopa veśayan
1.21
sananāmasabhāmukhyān karmadevāndvijāṃstathā
puṇyavantastathālokān vasiṣṭhādīnmunīṃstathā
1.22
namaskṛtya yathāāste sabhāyāniyatātmavān
devairmunibhiśrāntāṃ sabhāmālokya vismitaḥ
1.23
harṣeṇamahatāyukto romāṃcita tanūrūhaḥ
tatropaviṣṭaṃtaṃdṛṣṭvā vyāsaṃ satyavatīsutaṃ
1.24
romaharṣaṃ mahātmānaṃ vidyuttejasamaprabham
vyāsamukhāttusuśrāva kathāṃpaurāṇi kiṃśubhām
1.25
dharmāraṇyodbhavāṃdivyāṃ sarvāpadavināśinīm
śrutvāramyāṃ pavitrāṃca paurāṇīṃ pāpanāśinīm
1.26
tāṃ niśamya suvistīrṇāṃ kathāṃ brahmāṇḍa sambhavām
pramodotphulla nayanāḥ sneha nirbhara mānasaḥ
1.27
pitāmahaprasādācca svāṃniśamya kathāṃ tadā
brahmāṇaṃ manumantryātha stutiṃ kṛtvā samāhitaḥ
1.28
namaskṛtya tadā dharmo brahmāṇaṃ sapitāmahaṃ
anujñāta stutenaiva gato'sauyama sādanaṃ
1.29
śubhāṃśubhā prāṇināṃca sākṣittvetu niyojitaḥ
puṇyānāṃ puṇyajaṃ samyak pāpānāṃ pāpa sambhavam
1.30
dharmaṃ paśyanti puṇyāstaṃ krūraṃdṛśyanti pāpajāḥ
sa tathānucaraiḥ sākaṃ saṃyaminīṃ manoramām
1.31
prahṛṣṭa manaso bhūtvā praviśat svaṃpuraṃ hariḥ
sthāṇuruvāca—
atrāntare mahātejo nāradaścāgatastadā
1.32
brahmaputro muniśreṣṭhaḥ sarvabhūta hiterataḥ
śikhāyutassopavītaḥ prajjvalaṃ nijatejasā
1.33
vīṇā kammaṇḍalurdaṃḍa dharaścārka mivadyutiḥ
brahmarūpa mivaścānyo jñānamūrtiśca vedavit
1.34
durnirīkṣaḥ kṛpāyuktā samadarśī taponidhiḥ
tapasā dagdhadeho'pī viṣṇubhaktiparāyaṇaḥ
1.35
sarvavit sarvagaścaiva nādapriyaḥ sadāśuciḥ
vedādhyayana śīlaśca gato saṃyaminīṃ prati
1.36
uttiṣṭhat sahaso dharmaḥ sevakaissaha dharmavit
sanmukho harṣa saṃyuktaḥ āgacchantaṃ munīśvaram
1.37
vacasā caiva saṃstūya nāradaṃ pratyapūjayat
arghapādyena vidhinā viṣṭareṇa yathāvidhiḥ
1.38
munivaryaṃ praṇamyātha vidhinācopaveśayat
āsane sve mahādivye ratnakāṃcana bhūṣite
1.39
dharmarāja sabhāṃ dṛṣṭvā manasā śaṃkito muniḥ
citrārpitāṃca jantūnāṃ dīpā nirvāta jāiva
1.40
vidhāya kuśalaṃ praśnaṃ svāgate nānumoditaḥ
hṛṣṭa citto munivaro dharmeṇa paritoṣitaḥ
1.41
stutyā prīto muniśreṣṭhaḥ yamāya cāśiṣaṃ dadau
yamastatsakalaṃvettī martyānāṃca śubhāśubham
1.42
pāpeṣu caiva puṇyeṣū karma sākṣi pravartate
duṣṭaduṣṭa svarūpaṃca puṇyādharma svarūpiṇaṃ
1.43
nāradauvāca —
bhagavanharṣasaṃyuktaḥ kāraṇaṃkenahetunā
kathayasva yathā vṛttaṃ mahābhāga suvistaraṃ
1.44
dharmovācaśṛṇuṣvaivaṃ muniśreṣṭha gato'haṃ brahma śāsanaṃ
jagmustatra purāṇāste yajvāno brahmavādinaḥ
1.45
tatraika mānaso bhūtvā praṇipatya pitāmaham
śrutvāṃ dharma kathāṃ divyāṃ puṇyāṃ brahmāṇḍajāṃśumām
1.46
dharmāraṇya bhavāṃdivyāṃ tena hṛṣṭo mahāmune
adhimodo'smidevarṣe bhagavadāgamanenaca
1.47
adyā'haṃ kṛtakṛtyobhū dadyā'haṃ sukṛtī tathā
dharmassudharmatāṃyātī tvadaṅghri yuga darśane
1.48
pūto'haṃca kṛtārtho'haṃ dharmo'haṃ cādya sambhavāt
yuṣmadaṅghri prasādācca pūjyo'haṃca muhāmune
1.49
brahmaṇogre śrutaṃ tāvat vyāsoktaṃ ca purātanam
yamena kathitaṃ sarvaṃ dharmāraṇyasya vistaram
1.50
sūtauvāca —
kathitaṃ ṛpayastasmai nāradāya mahātmane
evaṃ vidhaiḥkalairvākyai stoṣito munisattamaḥ
datvāśipaṃca dharmāya tatraivāntara dhīyata
1.51
punarvyāpāratāmeti prāṇināṃ karma sārataḥ
śubhāśubhe karmaṇīca vipākaḥso'pi dāpayat
1.51.p1
iti śrī skaṃdapurāṇe pātālakhaṇḍe dharmāraṇyopākhyāne sthānotpatti vivecano nām prathamo'dhyāyaḥ || 1
Linked texts (2)
- Skandamahāpurāṇa (vulgate) — Sanskrit
- Dharmāraṇyakhaṇḍa — Sanskrit