Modhapurana 10

Moḍhapurāṇa 10

Language: Sanskrit

10.26-2 — 1 part

10.1

vyāsau uvāca-saṃprāpya dharmavāpyāṃca yaḥ kuryāt pitṛtarpaṇaṃ
tṛptiṃprayāntipitaro yāvadindrāścaturdaśa

10.2

pitarāścātra sampūjyāḥ khyātāyeca mumukṣavaḥ
piṇḍāṃśca nirvapetteṣāṃ prāpyaitatmuktikānanam

10.3

tretāyāṃ divasai pañca dvāpare tridine natu
ekacittendriyaḥ śuddho dina mekaṃ phalaṃ kalau

10.4

laulyāśca mānavoloke samprāpteca kalauyuge
paradāra ratā. lokāḥ striyotica palāḥ punaḥ

10.5

paradroha ratāḥ sarve naranāri janā stathā
paradāra ratā nityaṃ paranindā parāyaṇāḥ

10.6

vaṃca drohī kṛtaghnaśca yeca viśvāsaghātakāḥ
te narānarakaṃyānti yāvaccandra divā karau

10.7

parodvega karānityaṃ kalahaṃ mitra bhedanam
sarve te śuddhi māyānti kābjeśāḥ svayamabruvan

10.8

etaduktaṃ mahābhāga dharmāraṇyasya varṇanam
phalaṃ caivātra sarvaihi yaduktaṃ śūlapāṇinā

10.9

vāṅmanaḥ kāyaśuddhocca paradāra parāṅmukhāḥ
adrohāśca viśuddhāśca pitṛ mātṛ parāyaṇāḥ

10.10

alaulyālobharahitāḥ dāna dharma parāyaṇāḥ
asteyāśca svadharmajñāḥ svāmibhakti ratā bhavet

10.11

pativratā tuyānārī pati śuśrūṣaṇeratā
ahiṃsādi vratasthāca svadharma niratā sadā

10.12

ārttārte muditte hṛṣṭā prośite malinā kṛśā
mṛteca mriyate caiva sāstrī jñeyāpativratā

10.13

krīḍāṃ śarīra saṃskāraṃ samājotsava darśanaṃ || .
hāsyaṃ paragṛhe yānaṃ tyajetproṣita bhartṛkā

10.14

teṣāṃ phalamidaṃ rājan nānyeṣāhikadācana
dharmavāpī samāsādya dānaṃ dadyādvica kṣaṇaḥ

10.15

koṭidhāvardhate nityaṃ śramhaṇovacanaṃyathā
tila dhenuṃcayoda dyāt dharmeśvara puraḥsthitaḥ

10.16

tila saṃkhyānivarṣāṇi svarga loke mahīyate
dharmakṣetraṃtu saṃprāpya śrāddhaṃ kuryādataṃdritaḥ

10.17

tasya saṃvastaraṃ tāvat tṛptāsyuḥ pitarodhruvaṃ
tatonye pūrvajāḥ svarge yecānye narakau kasaḥ

10.18

yecatīryak samāpannāḥ yeca bhūtādisaṃsthitāḥ
tān sarvān yajamānovai śrāddhaṃ kuryāt yathāvidhī

10.19

annaṃprakirṇanaṃyatte manuṣyaiḥ kriyatebhuvī
tena vai tṛptimāyānti ye piśācatva māgatāḥ

10.20

yaccāmbu snāna vastrotthaṃ bhūmaupatatiputraka
..tenayetarutāṃ prāptāḥ teṣāṃ tṛptiḥ prajāyate

10.21

yāstu gandhāmbu kaṇikā patantidharaṇītale
tābhirāpyāyanaṃ teṣāṃ ye devatvakulegatāḥ

10.22

uddhṛteṣvatha piṇḍeṣu yaccānnakaṇikābhuvi
tābhirāpyāyanaṃ teṣāṃ yetīryak tvakulegatāḥ

10.23

yecādantāḥkulebālāḥ kriyāyogyāhyasaṃskṛtāḥ
vipannāstetra vikira saṃmārjana jaleśinaḥ

10.24

anyāyopārjitaiḥ dravyaiḥ śrāddhaṃyatkrīṃyate naraiḥ
tṛpyanti tena cāṃḍālāḥ puṣka lādiṣu yoniṣu

10.25

eva māpyāyanaṃvatsa vahūnāmekavāndhavaiḥ
śrāddhaṃkurvadbhirannāmbu śākairapihi jāyate

10.26

tasmātśrāddhaṃ narobhaktyā śākairapi yathāvidhi
kurutekurvataḥ śrāddhaṃ kulekaścinnasīdati

10.27

anyaṃ vidhikṛtaṃ sarvaṃ puṇthena vardhate dhruvaṃ
akurvannarakeghore pacyatenātrasaṃśayaḥ

10.28

yathāpuṇyaṃ tathā pāpaṃ kṛtaṃkarmaśubhāśubham
tatsarvaṃvardhatenūnaṃ dharmāraṇyenṛpottama

10.26-2

kāmināṃ kāmadaṃjñeyaṃ yogīnāṃ muktidāyakam
siddhānāṃ siddhidaṃproktaṃ dharmāraṇyaṃ tu sarvadā

10.26-2.p1

itiśrīskaṃdapurāṇepātālakhaṇḍe dharmāraṇyopākhyānekṣetraphalavarṇanaṃnāma daśamo'dhyāyaḥ || 10