Modhapurana 18
Moḍhapurāṇa 18
- Language
- Sanskrit
Contents
- 18.77 — 1 part
18.1
rudra u0-śṛṇuskaṃdamahāprājña adbhutaṃca kṛtaṃtayā
sthāne duṣṭomahādaityaḥ āgato vighnakārakaḥ
18.2
hatotayāmahādevyā mahāduṣṭo'surastadā
tadāsthānīyakāviprāḥ prahṛṣṭāstenakarmaṇā
18.3
skaṃda u0-kosauduṣṭo mahādaityo hatetasminpurekhare
he prabho brahmaputryāstu kasmājjātaśca saṃgaraḥ
18.4
śiva u0-etatsarvaṃ samācakṣva vistareṇa mahadyute
ekadāca mahāduṣṭaḥ karṇāṭākhyo mahāsuraḥ
18.5
āgatosau samīpetu dharmāraṇye suśobhane
vighnaṃ karoti duṣṭosau dampatyoḥ satataṃ bhuvi
18.6
dharmāraṇyasya saṃbhūtāṃ vasatāṃ ca dvijanmanāṃ
apaharanmahāduṣṭoḥ dampatyoḥ satataṃ bhuvi
18.7
mahāghorataraṃkarma kurvantasminpurekhare
tatrodvignādvijāḥ sarve trāsayantaḥ diśodaśa
18.8
na paśyantīca taṃduṣṭaṃ udvignāścavabhūvute
śrīmātā ca varādivyā brāhmī saumyā varapradā
18.9
nāśayiṣyatitaṃduṣṭaṃ prasannāsāmahadyutiḥ
ekacittāstu susnātāḥ jitendriyāścatanmanāḥ
mīlitāstu gatāstatra yatra brahma kumārikā
18.10
pūjayitvārcitāmātā caṃdanādya suśobhanaiḥ
puṣpairdhūpaiścanaivedyaiḥ bhaktiyuktai stadānṛpa
18.11
stutimāre bhiretatra vāṅmanaḥ kāyakarmabhiḥ
ekacittā mahārāja brahmaputrī purasthitāḥ
18.12
viprāūcuḥ-namastebrahmaputritvāṃ namastebrahmacāriṇī
namastejagatāṃmātu rnamaste sarvage sadā
18.13
hrīṃkārī vedarūpāca klīṃkārītvaṃ mahadyute
ādimadhyāvasānātvaṃ trāhicāsmānsuśobhane
18.14
mahāpāpīcaduṣṭāṅgo daityoyaṃ bādhatedhunā
trāṇarūpā tvamekāca asmākaṃ kuladevatā
18.15
stutāsampūjitā bhaktaiḥ śrīmātāca tadādvijaiḥ
pratyakṣāsābhavattatrādvijānvara pravardhinī
18.16
śrīmātā u0-dadāmivo dvijātibhyo yathecchaṃ vaktumarhatha
bhaktyāca bhavatāṃ viprāḥ kariṣyenātra saṃśayaḥ
18.17
dvijāūcuḥ-tvaṃcadhartrī mahāvidyā traividyānāṃ purākṛtā
karṇāṭākhyo suroraudro ghātayatvaṃ mahadyute
18.18
śrīmātā u0-tathetyuktvāta sādivyā prahasan kuladevatā
vadhopāyaṃ prakartavyaṃ bhaktānāṃ rakṣaṇāyavai
18.19
tataḥkopa parājātā śrīmātānṛpasattama
kopena bhṛkuṭīvakrā raktanetrācasātadā
18.20
kopenamahatā viṣṭā vamantīpāvakaṃtadā
tasyāḥtejātsambhūtā mātaṅgīvaragāminī
18.21
kālīkarālavadanā śubhanāsā ca śobhanā
raktamālyāmbaradharā madāghūrṇita locanā
18.22
dhanurbāṇadharādevī khaḍga kheṭaka dhāriṇī
kuṭhāraṃ churikāṃ caiva triśūlaṃ pāna pātrakaṃ
18.23
akṣamālā dharānityā mada kuṃbhānudhāriṇī
gadā sarpacaparighaṃśaṃkhaṃ cakraṃ ca pāśakaṃ
18.24
śaktiṃ ca tomarairebhiḥ bhujairaṣṭādaśaiḥ śubhaiḥ
kiṃkaromi mahāprājñāḥ bhāṣayantī dvijānprati
18.25
karṇāṭākhyo mahādaityo ghātaya iti bhāṣitam
tatrā bhavatadmahadyuddhaṃ tumulaṃ romaharṣaṇam
18.26
mātaṅgyāssahasaṃjātaṃ dānavenanṛpottama
divyāstraiścavavividhaiḥ devyāssahakaraṇāṃgaṇe
18.27
yuyudhe tannavai devyā līlayaivaśarotkarān
sakaraṃcadhanuḥ chitvāpātayāmāsa bhūtale
18.28
mudgaraṃca mahāghoraṃ gṛhītvācā surottamaḥ
tāḍayāmāsatāṃ devīṃ roṣeṇa mahatāvṛttaḥ
18.32
tataste cintayāmāsuḥ vaṇigviprrāstasmākulāḥ
prahṛṣṭā tu tadā devi māmaiṣī ritisābadan
18.33
haniṣyeasuraṃduṣṭaṃ kṛtvā pānādanaṃtaraṃ
papaudevītumaireyaṃ vadhārthe sāmahānanā
18.34
mātaṅgīca tadākruddhā hananārthetutasyavai
karṇāṭaṃcamahādaityaṃ na paśyatitadācasā
18.35
tatodevyākṣaṇaṃdhyātvā kvagatosau mahāsuraḥ
chedayāmāsatāṃ māyāṃ svapnaprāyāṃ svatejasā
18.36
dṛṣṭaḥkarṇāṭa koduṣṭo yuyudheca parasparam
divyāstraivividhai ścaiva ghātayantaḥ parasparam
18.37
vāryāmāsaśastrāṇi devī kṣiptānivaitadā
svastraiśca mahādevī ghātayāmāsa corasī
18.38
ubhayauspardhamānautau anyo'nyaṃ jayakāṃkṣiṇau
vidhāyamāyāṃmahatīṃ śukrācārya kṛtāṃtadā
18.39
tatodevī tigma tejā abhavaccaiva tatkṣaṇāt
tadāyuddhaṃ parityaktvā daityarājo vimūḍhadhīḥ
18.40
sannidhautu gatastatra śrīmātā yatrātiṣṭhati
rūpaṃ mārasamaṃkṛtvā patipati sabhāṣata
18.41
varayatvaṃhi māṃ devī vīrohaṃ bhuvanatraye
śrīmātā u0-sādhyedaṃcatvayāproktaṃ daityarāja tavapriyaṃ
18.42
rūpeṇa sadṛśonānyo vidyate bhuvanatraye
pratijñā mekṛtāpūrvaṃśrūyatāṃ surottama
18.43
mamānujāśubhāśyāmā vivāhe vighnakāriṇī
pitrāmesthāpitā daitya rakṣārthe kilaśāmalā
18.44
nakaścidvarayetkanyā ityuktvā sthāpitātayā
kathayāśu tavavaco śrutvopāyaṃkaromyaham
18.45
bhaginīme'sti daityendra śāmalā aparigrahā
tayā'haṃrakṣitāśūra śreṣṭhāṃ pūrveṇa codvaha
18.46
sapitā tāṃ mahāvīra dāsyantivai śubhāmimām
gacchatvaṃ cāgatā hyeṣā śāmalākopa saṃyutā
18.47
tataḥ karṇāṭakaḥ kruddho gṛhītvā śaktiśāmalām
abhidhāvata duṣṭātmānidhanārthecaśāmlām
18.48
āgataṃcāsuraṃdṛṣṭvā śunārūḍhā mahābalā
vivāhārthaṃ samāyāto tayāsodaitya ghātitaḥ
18.49
mahāyuddhamabhūttatra ghātitastudivaṃgatataḥ
dharmāraṇye mahāśaktiḥ kaumārīca arindama
18.50
māghekṛṣṇa tṛtīyāyāṃ karṇāṭākhyonipātitaḥ
tatoviprāḥprahṛṣṭāste jayamāta rudīrayan
18.51
tatotsavaṃ prakurvīta gītaṃnṛtyaṃ śubhapradaṃ
pāyasairvaṭakaiścaiva naivedyaṃ modakaistathā
18.52
tuṣṭāyāśubhadāteṣāṃ sthāne moherake pure
śrīmātāca pramuditā sukhasaukhya dhanapradā
18.53
mahotsavetusaṃprāpte mātaṃgī pūjanaṃ hivai
arcayantīcasthānīyā dhanaputrārtha siddhaye
18.54
vyāsa u0-śṛṇu bhūpamahārāja mātaṅgyāḥ pūjanaṃca yat
vivāhotsava māṃgalye vratabaṃdhādikarmaṇī
18.55
utsaveṣucasarveṣu mātaṅgyāḥ pūjanaṃsadā
yonapūjayate martyaḥ tasya pīḍābhaveddhṛvam
18.56
pūjanāddampatīnāntu sukhaṃbhavati niścitaṃ
tataḥ pramuditādevī vāñchitārthaṃ prayacchati
18.57
kulamātā u0-śṛṇudhvaṃsarvaśūdrāśca mātaṅgīpūjanaṃ sadā
vivāhānantaraṃkāryaṃ sarvaiḥsvāsthyaṃsamicchatāṃ
18.58
ekāvano vidhirnāma asmābhiśca sukhapradaḥ
paṃcāśatkoṣṭakāścaiva taṃḍulai raktavarṇakaiḥ
18.59
tasminsthāne mahāpūjā kartavyā śūdra jātibhiḥ
evamuktvātatastasthau tadā teṣāṃ purogrataḥ
punaḥprovācaviprendrāḥ natakandhara mānasāḥ
18.60
viprāūcuḥ-mātastvamevamasmākaṃ rakṣitāsthānakesadā
dampatīnāṃ śubhārthe ca sthātavyaṃ sthānake sadā
18.61
evamastviti sāproktā antardhānaṃ yayau tadā
tato viprā gatāstatra yatrāste kula devatā
18.62
pūjayanti sadāsarve tatratyānucarādvijāḥ
śrīmātā ca tadā bhūpa tuṣṭā teṣāṃ varaṃdadau
18.63
tuṣṭā'haṃ tava viprāṇāṃ varaṃcaiva yathepsitam
tadahaṃ saṃpravakṣyāmi kājeśavacanānnṛpaḥ
18.64
dvijāūcuḥ-dampatīnāṃ ca sarvāsāṃ dvijātīnāṃ varānane
vaṇijāṃ ca mahādevī nirvighnaṃ kuru sarvadā
18.65
śrīmātāu0-tatheti caivasābrūyātpunarvacanamabravīt
vivāhotsava sarveṣāṃ dampatīnāṃ dvijottamāḥ
18.66
aṃjanaṃ nayanekāryaṃ tṛtīya vacanānmama
bhūmadghetu prakartavyaṃ sarvāvayava saṃyutam
18.67
nirvighnārthaṃ prakartavyaṃ dvijaiśca sevakaistathā
mātaṃgī pūjanaṃkṛtvā madya māṃsādibhiryutaṃ
18.68
evaṃkṛte tadābhūpa śāntirbhavatinānyathā
tataḥ śāntāḥ prajāḥ sarvāḥ dharmāraṇya nivāsinaḥ
18.69
prasādādbramhaputryāstu kalyāṇaṃ ca gṛhe gṛhe
tatohaṣṭamanāḥ viprāḥ pratyūcustevidheḥ sutām
18.70
mātaṃgyāścaprakartavyaṃ varṣe varṣetupujanaṃ
māghesite tṛtīyāyāṃ bhakṣabhojyādibhiḥ sadā
18.71
tathetyuktvā mahāvidyā jagāmādarśanaṃ tadā
tatohaṣṭamanāḥ sarve ājagmurdvijasevakāḥ
18.72
tataḥ prabhṛtikurvatī śrīmāturvarṣa pūjanaṃ
śrīmātā ca mahāśaktiḥ kumārī brahmaputrikā
18.73
yayā'suromahāyuddhaḥ karṇāṭākhyo nipātitaḥ
tataste sevakāḥ viprāḥ nananduḥ svapuresadā
18.74
etatsarvaṃ mayākhyātaṃ kuladevyā samāsataḥ
brahmaṇā nirmitāsāca rakṣaṇārthaṃ purehivai
18.75
japahomaparānūnaṃ yajñakarmasu niṣṭhitāḥ
svādhyāya niratāḥ sarve sarvesatrasyakovidaḥ
18.76
teṣāṃ svarūpaṃ māhātmyaṃ kathitaṃcatavānagha
śrīmātuśca māhātmyaṃ vaiśṛṇotiśrāva iṣyati
teṣāṃ kule kadācittu ariṣṭaṃ naivajāyate
18.77
aputrolabhateputrān dhanahīnastusampadaḥ
āyurārogyamaiśvaryaṃ śrīmātuśca prasādataḥ
18.77.p1
iti śrīskaṃdapurāṇe pātālakhaṇḍe dharmāraṇyopākhyāne śrīmātāmātaṅgīmahātmyanāma aṣṭādaśo'dhyāyaḥ ||18
Linked texts (2)
- Skandamahāpurāṇa (vulgate) — Sanskrit
- Dharmāraṇyakhaṇḍa — Sanskrit