Modhapurana 20
Moḍhapurāṇa 20
- Language
- Sanskrit
Contents
- 20.36 — 1 part
20.1
vyāsa u0-sthānāttu devayajanaṃ tīrthaṃ mohāpahārakaṃ
yatrāsau śaṃkarodevaḥ punarjanmadharobhavat
20.2
kīlito devadeveśaḥ śaṃkaraśca trilocanaḥ
girijāyā mahābhāga pātito bhuvimaṃḍale
20.3
chalito muhyamānastu divārātrirna jānataḥ
striyā puṃsaśca śaivātmā jaḍībhūta strilocanaḥ
20.4
kalpāntamivasaṃjrātaḥ tadāttasmiṃścakīlite
pārvatyāḥ sahasātasya kṛtaṃkīlanaṃkatadā
20.5
yudhiṣṭhira u0-etadāścarya matulaṃ vacanaṃyattvayoditaṃ
yoguruḥ sarvadevānāṃ yogināṃcaiva sarvadā
20.6
pārvatyākīlitaḥ kasmātnaṣṭacittaḥ śivastathā
kāraṇaṃ kathyatāṃ tāta paraṃkautūhalaṃhime
20.7
vyāsa u0-maṃtrāścavividhā rājan śaṃkareṇa prakāśitāḥ
bhavānyāgre mahārāja artharvasyopavedajāḥ
20.8
śākinī ḍākinī caiva kākinī hākinī tathā
rākinī lākinī hyetā ṣaṭbhedāttatrakīrtitāḥ
20.9
bījānyuddhṛtya vainānā mālā mekatratā kṛtāḥ
śaṃbhunākathitācaiva pārvatyagre nṛpottama
20.10
pārvatīuvāca-prakāśayamahānātha bhedāhyete ṣaḍaivahi
ṣaḍvidhāśaktayonātha agamyāyogamālinī
20.11
ṣaḍvidhākūṭabhedāhī mamāgrekathayaprabho
rūdrauvāca-aprakāśomahādevī kūṭabhedo suvistarāt
20.12
pārvatī uvāca-namaste sarvarūpāya namaste vṛṣabhadhvaja
jaṭilevāmanetubhyaṃ nīlakaṃṭha namostute
20.13
kṛpāsiṃdhonamastubhyaṃ namastekālarūpiṇe
namonityāyadevāya śūlinesthāṇurūpiṇe
20.14
etaiścabahubhirvākyai komalairkaruṇānidhiḥ
toṣayitvā'dritanayā daṃḍavaccapapātasā
20.15
sājagrāhā'ṅghriyugalaṃ tāṃprovācadayāparaḥ
mahārudra u0-kimarthaṃ stūyasebhadre yācyatāṃmanasepsitaṃ
20.16
pārvatī u0-kūṭamaṃtraṃmahārāja kathayasvasuvistaraṃ
asandehaṃ hyaśeṣaṃca yatohaṃ tavavallabhā
20.17
rudra u0-aprakāśayaṃ paraṃdevī kathayāmitavāgrataḥ
preyasitvā dahaṃvakṣye maṃtrakūṭaṃca yacchubhaṃ
20.18
kūṭaśeṣān tatomaṃtrān kṛtaṃkuḍaṃtu śambhunā
dadaubhāryāṃ kṛpāsiṃdhuḥ sādhayasva yathāvidhi
20.19
kailāsāttūharastatra dharmāraṇye gatobhṛśam
jñātvādevī yayautatra yatrāsau vṛṣabhadhvajaḥ
20.20
tatkṣaṇātpatito bhūmau dharmāraṇye nṛpottama
jaṭācaṃdroragā·śūlaṃ vṛṣabhādyā yudhānivai
20.21
muṃḍamālāca kopīnaṃ kapālaṃca kamaṇḍaluṃ
gaṃgāgaṇāśca sarvatra bhūtapreta diśodaśa
20.22
visaṃjñaṃcaivamātmānaṃ jñātvādevo maheśvaraḥ
etatjñātvātūtatsarvaṃ gaurīvrīḍāpyadhomukhī
20.23
tapastepecatatraiva śaṃkarādeśakāriṇī
pañcāgniṃtutataḥ kṛtvā dhūmrapānamadhomukhī
20.24
kūṭākṣaraiḥ tatastaistu snāpitovṛṣabhadhvajaḥ
dhārākṣetra midaṃrājan pāpaghnaṃsarvakāmadaṃ
20.25
āśvine kṛṣṇapakṣeca caturdaśyāṃ dine nṛpa
tatrasnātvāca pītvāca sarvapāpaiḥ pramucyate
20.26
pūjayitvāca deveśaṃ dīpaṃkṛtvā vidhānataḥ
śākinīḍākinīcaiva vaitālāḥ pitarograhāḥ
20.27
grahādhiṣṭānapīḍyante satyaṃjānīnasaṃśayaḥ
sāṅgarudraṃ japaṃstatra śrutvāpāpaiḥ pramucyate
naśyante vividhārogāḥ satyaṃsatyaṃca ṣaṇmukha
20.28
etatsarvaṃ mayākhyātaṃ devamajjanakaṃ śubham
yatraśuddhomahādevo kūṭamaṃtreṇa mohitaḥ
20.29
dharmāraṇyasyamāhātmaṃ yenarāḥ satataṃ bhuvi
śṛṇvaṃtica sadābhaktyā teṣāṃ puṇyaphalaṃ śṛṇu
20.30
aśvamedha sahasraistu kṛtaistu bhūridakṣiṇaiḥ
tatphalaṃsamavāpnoti śrotāśrāvayitānaraḥ
20.31
aputrolabhateputrān dhanahīnomahaddhatam
āyuṃrārogyamaiśvaryaṃ labhatenātrasaṃśayaḥ
20.32
vācakāya tato deyaṃ vastrālaṅkārabhūṣaṇaṃ
vyāsarūpāya viprāyadattaṃ koṭiguṇaṃ bhavet
20.33
manovākkāyajanitaṃ pātakaṃ trividhaṃca yat
tatsarvaṃ nāśamāyānti śravaṇātkīrtanātsakṛt
20.34
dhanaṃ yaśaṃca āyuṣyaṃ sukhasantānadāyakaṃ
māhātmyaṃ śṛṇuyādvatsa sarva saukhyāptaye naraḥ
20.35
sarvatīrtheṣu yatpuṇyaṃ sarvadāneṣu yatphalaṃ
sarvayajñakṛtaṃpuṇyaṃ jāyate śravaṇānnṛpa
20.36
svastiste'stu gamiṣyāmi dharmāraṇyadidṛkṣayā
tavavākyajalaughena plāvito'haṃ maheśvara
20.36.p1
itiśrī skaṃdapurāṇe pātālakhaṃḍe dharmāraṇyadhārākṣetropākhyāne śivakārtikeyaṃ saṃvāde pārvatīprabodho nāma viṃśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Dharmāraṇyakhaṇḍa — Sanskrit