Modhapurana 22

Moḍhapurāṇa 22

vyāsa u0-asādhubhyo'rthamādāya sādhubhyaḥ saṃprayacchati
sakṛt plavatimātmānaṃ sa tārayatitāubhau

sūta u0-mārkaṃḍeyaṃ sukhāsīnaṃ bṛhanmuni niśevitam
taruṇādityasaṃkāśaṃ sarvaśāstraviśāradam

sarvatīrtha mayaṃdivyaṃṛṣīṇāṃ pravaraṃ dvijam
āsanasthaṃ samāyuktaṃ dhanyaṃ pūjyaṃdṛḍhavratam

yogātmānaṃ paraṃśāntaṃ kamaṇḍaludharaṃvibhum
akṣasūtradharaṃdāntaṃ tathā kalpānta vāsinam

akṣobhyaṃ jñāninaṃ svasthaṃ pitāmaha samadyutim
evaṃ dṛṣṭvā samādhisthaṃ praharṣotphulla locanam

praṇamyamuninaṃ bhaktyā mārkaṃḍaṃ pṛṣṭavān gurum
janaka u0-bhagavannaimiṣāraṇye satredvādaśa vārṣike

śrutaṃ mayāpi tatraiva gaṅgāvataraṇaṃ kṣitau
gīyamānaṃ kulapate śaunakasya mune purā

sūtenamuni mukhyānāṃ anyeṣāmapi tatvataḥ
tacchrutvā mahadākhyānaṃ itime hṛdi saṃsthitam

kenāva tāritā brahman nadīyā brahmaṇaḥ sutā
pāpaghnī puṇyajananī prāṇināṃ darśanādapi

mārkaṃḍeyaṃ u0-vaḍavānalasyabhayātsatyalokātsarasvatī
samānītā surendrādyaiḥ śaraṇyāśaraṇārthinām

bhādrapade sitepakṣe dvādaśī puṇyasaṃyutā
tatradvārāvatī tīrthe munigandharva sevitam

etatsarvaṃ mayākhyātaṃ tavāgrejanakeśvara
tasmindineca tattīre piṇḍadānādi kārayet

mahatphalamavāpnoti pitṝṇāṃdattamakṣayam
mahadākhyānamakhilaṃ pāpaghnaṃ puṇyadaṃca yat

pavitraṃ yatpavitrāṇāṃ mahāpātaka nāśanam
sarva maṅgala māṅgalyaṃ vandyaṃ sārasvataṃ jalam

ūrdhvaṃkadivi yatpuṇyaṃ prabhāsetu vyavasthitaṃ
sārasvatajalaṃnṝṇāṃ brahmahatyāṃ vyapohati

sarasvatyāṃ narasnātvā saṃtarpya pitṛdevatāḥ
paścāt piṇḍapradātāraḥ stanyapāḥ na bhavantite

yathā kāmadughā dhenuḥ bhavatīṣṭa phalapradā
tathā svargāpavargābhyāṃ hetubhūtāsarasvatī

itiśrīskaṃdapurāṇe pātālakhaṇḍe dharmāraṇyopākhyāne sarasvatīmāhātma drāviṃśo'dhyāyaḥ .. 22 ..

Linked texts (2)