Modhapurana 24
Moḍhapurāṇa 24
- Language
- Sanskrit
Contents
- 24.52 — 1 part
24.1
sūta u0-tatratasyasamīpasthaṃ mārkaṃḍenopalakṣitam
tīrthaṃ govatsasaṃjñaṃtu sarvatrabhuviviśrutam
24.2
tatrāvatīrya govatsaḥ svarūpeṇāmbikāpatiḥ
svayambhuliṃgarūpeṇa saṃsthitojagatāṃpatiḥ
24.3
skaṃda u0-rudro govatsarūpeṇa avatīrṇaḥ kathaṃpurāḥ
etatpraśnaṃ samārabdhaṃ mārkaṃḍo sumatistadā
24.4
śrīmārkaṃḍa u0-āsīdvalāhakonāma rudrabhakto mahābalaḥ
ākheṭakaḥ samāyukto nṛpaḥ parapuraṃjayaḥ
24.5
mṛgayūthe sthitaṃdṛṣṭvā govatsaṃ tatpadātinā
uktorājāmayādṛṣṭaṃ kautukaṃ nṛpasattama
24.6
govatsamṛgayūthasya dṛṣṭomadhyasthitomayā
teṣā mevānuraktosau jananyā rahitastathā
24.7
tacchrutvā kautukaṃrājā taṃpatiḥ purataḥsthitaṃ
provāca darśaya sveti govatsaṃvanamāviśat
24.8
gatvāṭavīṃ tasya rājño darśitaḥ sapadātinā
padātināmṛgānīkaḥ dudrāvatrāsitaṃtadā
24.9
pīlugulmaṃpratigataṃ govatsaḥ prasthitastadā
rājāttadgṛhaṇākāṃkṣī prāviśadgulmamādarāt
24.10
tatrasthitaṃ sa govatsaṃ apaśyannṛpatiḥ svayam
yāvat gṛhṇāttitaṃ tāvat liṃgaṃ jātaṃ mahojvalam
24.11
taṃdṛṣṭvāvismitorājā kimetaditivintayat
yāvaccintayatohyete dehaṃtyaktvādivaṃgata:
24.12
tāvatpaśyantitaṃnābhyāṃ govatsaṃ bālakaṃ sthitam
nūnameṣamahādevo vatsarūpimaheśvaraḥ
24.13
nanāmānayane devo notiṣṭhatikathaṃcana
devāūcuḥ-bhagavansarvadeveśasthātavyaṃ bhavatāvibho
24.14
mahādeva u0-śukrenaliṅgarūpeṇa sarvaloka hitaiṣiṇā
sthāsyāmyahaṃ sadaivavātra liṅgarūpeṇavaisurāḥ
24.15
yasmādbhādrapademāsī kṛṣṇapakṣe kuhudine
tasmāttadivase tatrasnānaṃ kṛtvāvidhānataḥ
liṅgaṃye pūjayiṣyanti na teṣāṃhibhayaṃ bhavet
24.16
kṛte ca piṇḍa dānena pūrvajāḥ sāśvataṃsamāḥ
raurave narake ghore kuṃbhipākeca ye gatāḥ
24.17
aneka narakasthāśca tiryagyonim̐gatāścaye
tesakṛtpiṇḍadānenasyātteṣā makṣayāgatiḥ
24.18
eva muktvātu saṃhṛṣṭaḥ vatsarūpo jagadguruḥ
śuklārociborderśārājan svadhāmapratya padyata
24.19
vyāsa u0–tatodevāḥ svayaṃviṣṇuḥ sarvadevasamanvitaḥ
sthāpayāmāsatalliṅgaṃ sarvadevasamīpataḥ
24.20
cakāra varadānāni lokānāṃ hitakāmyayā
yāvacintayatohyevaṃ rudropiṃsvaya māgataḥ
24.21
rudra uvāca-asyāṃ rātrautumanujāḥ śraddhābhaktisamanvitāḥ
yerca iṣyantideveśaṃ teṣāṃpuṇyamanantakaṃ
24.22
jāgaraṃ ye kariṣyanti gītaśāstrapuraḥsaram
uddhariṣyaṃtitamartyāḥ kulamekottaraṃśatam
24.23
tāvadgarjantitīrthāni naimiṣaṃ puṣkaraṃ gayā
prayāgaṃca prabhāsaṃca dvārakā mathurā'rbudaḥ
24.24
yāvannadṛśyate liṃgaṃ govatsaṃ paramādbhutaṃ
yadāhikurutebhāvaṃ govatsagamanaṃprati
24.25
svavaṃśajāstadāsarve pūrvenṛtyaṃtiharṣitāḥ
vyāsa u0-paścādatyadbhūtaṃtatra vṛttāntaṃ śrṛṇutadvijāḥ
24.26
yenavaiśrutimātreṇa sarvapāpa kṣayobhavet
yadāvaisthāpitaṃliṅgaṃ sarvairdevaiḥpurātanaṃ
24.27
viṣṇunāsthāpita guṇāt sarveṣāṃcadivaukasāṃ
iṣupātapramāṇe pranyahaṃ samavardhata
24.28
tatastemanujāssarve bhītāstaṃśaraṇaṃyayau
devāūcuḥ-vṛddhiṃsaṃharadeveśalokānāṃsvatikṛdbhava
24.29
evamuktetatoliṅgātvāguvācāśarīriṇī
śivavāṇī u0-helokāmābhayaṃyāta upāyaḥśrūyatāmayam
24.30
kaściccāṇḍālamānīya matpuraḥ sthāpyatāṃdhruvam
cāṇḍālaśca samānīya dadhu rdevaspate puraḥ
24.32
tathāpitasyaliṅgasya vṛddhiṃnaivanivartate
punaḥvāguvāca-karmaṇāyastucāṇḍālaḥ agremesthāpyatāṃjanāḥ
tacchrutvāmahadāścaryaṃ matiṃcakrurvilokane
mārgamāṇājanapadān grāmāṇica purāṇica
24.33
kaścitkarmarataṃ pāpe dadṛśurbrāhmaṇaṃbruvam
vṛṣabhānbhārasaṃyuktān madhyāhnevāhayantisaḥ
24.34
kṣu ṭśramaparītāṃśca durbalānkrūramānasaḥ
anācāripravāsīca bhakṣabhakṣeti vai dvijaḥ
24.35
taṃ samādāya vai vipraṃ jagmuryatra jagadguruḥ
tadagrehyānitaṃ bhūmyāṃ sthāpayāmāsurādṛtāḥ
24.36
bhasmīvabhūvasahasā govatsāgrenirūpitaḥ
cāṇḍālasthala ityeṣaḥprasiddhaḥso'bhavatkṣitau
24.37
tatrāsthitairnacādyāpi prāsādo dṛśyatehisaḥ
tadāprabhṛtitalliṅgaṃ sāmyabhāva mupāgatam
24.38
dhautapāpmā gataḥ svargaṃ dvijo liṅga nirīkṣaṇāt
pratyahaṃ pūjayāmāsu govatsaṃ gatakalviṣaḥ
24.40
viśeṣātkṛṣṇa pakṣasya caturdaśyāṃ samāgatāḥ
etanmahadbhutaṃ tasya devasya ca triśūlinaḥ 39
vyāsa u0-śrṛṇuyādyonarobhaktyā sarvapāpaiḥ pramucyate
tataḥ prabhṛti tattīrthaṃ govatseti ca saṃjñitam
narāṇāṃ puṇya phaladaṃ mārkaḍe na prabhāṣitam
24.41
tatrarājan sadāsnānaṃ rudralokaṃ nayennṛṇām
pāpaṃ deha viśuddhyarthaṃ pāpenopa hatātmanām
24.42
kūpe tarpaṇakaṃ śrāddhaṃ saṃśanti pitarodivi
utkṛṣṭaṃ piṃḍa dānena gayāyāṃ pitaro yathā
24.43
vānchanti tarpaṇaṃ kūpe dharmāraṇye viśuddhaye
bhādrapade viśeṣeṇa pakṣasyānte'site kalau
24.44
ekaviṃśati vārāṃstu gayāyāṃ tarpaṇe kṛte
pitṝṇāṃ yā parātṛptiḥ jāyate gaṃgakūpake
24.45
tasmin govatsa sāmipye tiṣṭhate gaṃga kūpakaḥ
tasmin tilodakenāpi sadgatiṃ yānti tarpitāḥ
24.46
pitaro narakādvāpi suputreṇa sumedhasā
gopradānaṃ praśaṃsanti tasmintīrthe munīśvarāḥ
24.47
viprāyadānaṃsvargāya rudralokaṃ naye nṛṇām
sarasvatī śivakṣetraṃ gaṅgakūpaṃtathaivaca
24.48
ekatrametattritayaṃ svargāpavargakāraṇam
sevitaṃṛṣibhissiddhaiḥ tīrthasarvatraviśrutam
24.49
pīlugulmaṃ sthitaṃtatra tattīrthaṃ munisevitam
snānātsvargapradaṃnṝṇāṃ pānātpāpaviśuddhidam
24.50
kīrtanātpuṇyajananaṃ sevanānmuktidaṃparam
tadvipaśyantiyebhaktyā brahmahāyadimātṛhā
24.51
bālaghātīca goghnaścayaca strīśūdraghātakāḥ
garadāścāgnidāścaiva gurudroharatāścaye
24.52
tapasvī nindakāścaiva kūṭasākṣikarotiyaḥ
vaktāca paradoṣasya parasyaguṇalopakāḥ
sarvapāpamayopyatramucyate liṅgadarśanāt
24.52.p1
itiśrīskaṃdapurāṇepātālakhaṇḍe dharmāraṇyopākhyāne-govatseśvara mahātme caturviṃśo'dhyāyaḥ || 24
Linked texts (2)
- Skandamahāpurāṇa (vulgate) — Sanskrit
- Dharmāraṇyakhaṇḍa — Sanskrit