Pramāṇa · Search · About · API

Modhapurana 26

Moḍhapurāṇa 26

Language
Sanskrit

Contents

26.1

sūṃta u0-ataḥ śṛṇudhvaṃ viprendrāḥ lohāsuraviceṣṭitam
baleḥ putraśatasyāpi kathayiṣyāmi vikramam

26.2

yathātau bhrātarau vṛddhau prāpatusthānamuttamam
kaścitkālena vairāgyaṃ daityo lohāsuro dadhau

26.3

kiṃkaromikvagacchāmi sevekaṃ sthāna muttamam
kimārādhyaṃmayādevaṃ vadancintayate. bhṛśam

26.4

iti cintayatastasyamatirjātāmahātmanaḥ
yasyapāraṃ na jānanti devatāmunayonarāḥ

26.5

dadhau gaṃgāṃ svasīrṣaṇa puṣpadāntau ca netrayoḥ
hṛdinārāyaṇaṃ devaṃ brahmāṇaṃ kaṭimaṃḍale

26.6

iṃdrādyāḥ devatāḥ sarve yaddehe pratibimbitāḥ
prapaśyanti sadātmānaṃ bhāskaraṃ salile yathā

26.7

tamevārādhayiṣyāmi niraṃjanamakalmapam
evaṃ kṛtvā matirdaityaḥ tapastepe suduṣkaram

26.8

bhītojanma bhayāt ghorāt duṣkaraṃ yanmahātmabhiḥ
aṃbuṃbhakṣo vāyubhakṣaḥ śīrṇaparṇā śanastathā

26.9

divyaṃ varṣa śataṃ sāgraṃ yadā tepe mahattapāḥ
tatastutoṣa bhagavān triśūlavaradhārakaḥ

26.10

īśvara u0-varaṃvṛṇīṣvabhadraṃte manasāyadabhīpsitaṃ
lohāsura mayādeyaṃ tava nāsti tapobalāt

26.11

iyeṣadānavastatra śaṃkarālokaśaṃkarāt
lohāsura u0-yadiduṣṭosideveśa varamekaṃvṛṇomyahaṃ

26.12

śarīrasyājaratvaṃ ca mā mṛtyo rapi mebhayaṃ
hyasmin janmani bhūyācca sthātavyaṃ hṛdayemama

26.13

mahādeva u0-evamastvaśivaprāha tatrataṃ dānaveśvaram
evaṃlabdhavarāddatyo punastepemahattapāḥ

26.14

ramyesarasvatītīre taraṇāyabhavārṇavāt
vatsarāṇāṃ sahasrāṇi prayutānyarbudānica

26.15

śaṃkate bhagavānindro bhītastasya tapobalāt
māmepadacyutirbhūyāt daityāllohāsurātkvacit

26.16

maghavāgṛdhrarūpeṇa sametyāśramakānanam
tapobhaṅga prakurute kopayitvāmahā'suram

26.17

tāḍayanti śarīraṃtaṃ caṃcubhistīkṣṇakarkaśaiḥ
athakruddhenadaityenayadādṛṣṭyā nirīkṣitam

26.18

jñātaṃsurakṛtaṃsarvaṃ tapobalavināśanam
vyāsa u0-tasyaitarabhavadyuddhaṃ amarairatikarkaśaiḥ

26.19

ekasyabahubhissārdhaṃ devāstetenasaṃyuge
rudhiraklinnadehāvai prahārairjarjaṃrīkṛtāḥ

26.20

keśavaṃśaraṇaṃprāptāḥ trāhi trāhīti bhāṣiṇaḥ
mārkaṃḍeya u0-devānāṃvākyamākarṇyavāsudevojanārdanaḥ

26.21

yuyudhekeśavastena saṃvatsara śataṃkila
athanārāyaṇodevo jitolohāsurenatu

26.22

śrīpahādeva u0-maṃtrayāmāsarudreṇa brahmaṇāca puna: puna:
mīmāṃsitvātrayodevā: tatpurāśramakānanam

26.23

mahadāsītpunaryuddhaṃ daityakeśavayosrtadā
na mamāra yadā daityo viṣṇunāprabhaviṣṇunā

26.24

tarasāpṛṣṭhato gatvāpātayāmāsabhūtale
dānavaṃ patitaṃ dṛṣṭvā pinākī parameśvara:

26.25

dadhāra hṛdaye tasya svarūpaṃ rūpavarjitaṃ
kaṃṭhe tasthau tato brahmā lohayaṣṭīmukhekṛtā

26.26

caraṇau pīḍayāmāsa keśihāpuruṣottamaḥ
athadaityaḥ samuttasthau bhṛśaṃbaddho'pi bhūtale

26.27

ardhotthitaṃ tato daityaṃ ghātayantaṃ surottamān
uvāca divyayāvācā viraṃciḥ kamalāsanaḥ

26.28

brahmā u0-lohāsurasadārakṣā pāṃcodharma mabhīpsubhiḥ
yattvayāprārthitaṃrudrāt tadeva samupasthitaṃ

26.29

ahaṃ viṣṇuśca rudraśca trayo'mī surasattamāḥ
tavadehamupāsyāmo yāvadābhūtasaṃplavaṃ

26.30

dānaveśa śivaprāpti rbhavabhakti niraṃtaraṃ
śivaṃ cālayituṃ buddhiḥ kathaṃ tava bhaviṣyati

26.31

acalān cālayedyastu prāsādāddhariṇākṛtāt
acireṇaiva kālena pātake naivalipyate

26.32

smaśānavatparityājyo sarvadharma vahiṣkṛtaḥ
satyavāgāsibhadraṃte mā vicāralaya devatāḥ

26.33

yenayātāstupitaro yenayātā pitāmahāḥ
tenamārgeṇa gantavyaṃ naca laṅghyāsatāṃ gatiḥ

26.34

dānaveśāpitātubhyaṃ dadaulokatrayaṃhareḥ
vākpāśabaddhapātāle rājyaṃcakre mahītale

26.35

tathātvamapivākpāśāt śivabhaktau vicintakaḥ
bhūtale tiṣṭhadaityendra māvāgvaikalya māpnuhi

26.36

varāṃstava pradāsyāmo māvicālayadevatāḥ
vyāsa u0-tacchrutvā brahmaṇovākyaṃ saṃhṛṣṭodānaveśvaraḥ

26.37

prāhaprasannayāvācā brahmāṇaṃ keśavaṃharam
lohāsura u0-vākpāśabaddhastiṣṭhe'haṃ na punarbhravatāંછલે

26.38

brahmā viṣṇuśca rudraśca trayomīsurasattamāḥ
sthāsyantīveccharīreme kiṃ na labdhaṃ mayātataḥ

26.39

idaṃ kalevaraṃ mahyaṃ samārūḍhaṃ tribhissuraiḥ
bhūmyām̐bhavatuvikhyātaṃ matprabhāvostupadmaja

26.40

lohāsurasya vākyena harṣitāstri daśāstrayaḥ
vyāsa u0-dadhuḥ pratyuttaraṃ vyagrāḥ tato lohāsuraṃ kila

26.41

satyavāgasidaityendra na satyāccalitoyataḥ
tena satyena saṃtuṣṭāḥ dāsyāmastesamīhitam

26.42

śrībrahmovāca-yathāsnānaṃ brahmajñānaṃ dehatyāgogayātale
dharmāraṇye tathā daitya dharmeśvara purasthitiḥ

26.43

vyāsa u0-kūpecatarpaṇaṃśrāddhaṃ śaṃsantipitarodivī
santuṣṭāḥ piṇḍa dānena gayāyāṃ pitaro yathā

26.44

vāñchanti tarpaṇaṃkūpe dharmāraṇye viśuddhaye
dānavendra tayoḥ tulyaṃ tīrtha tava bhaviṣyati

26.45

ekaviṃśati vārāṃstu gayāyāṃ tarpaṇekṛte
pitṝṇāṃ yā parā tṛptiḥ jāyate dāna vādhipa

26.46

dharmeśvarapurastāttu sakṛtsyātpitṛtarpaṇe
syātte daśaguṇāvaktre tarpaṇena bhaviṣyati

26.47

pitṝṇāṃ piṇḍadānena akṣayā tṛpti rastvaho
śivarūpāntarāletu dharmāraṇye dharātale

26.48

kūpodakena kartavyaḥ śrāddhapiṇḍo yathānaraiḥ
tathāntarāle cāsmākaṃ śrāddhapiṇḍo viśeṣataḥ

26.49

tathāśarīraṃ kartavyaṃ bhaviṣyatyasurottama
brahmaṇovākya mākarṇya rudraprāha tato'suraṃ

26.50

śrīmahādeva u0-lohāsuranatekāryā cintāsatyo'sisuvrata
triṣulokeṣu duṣprāpyaṃ satyaṃte divisaṃsthitaṃ

26.51

asmadvākyena satyena tava dehecavai sadā
gayā samadhikaṃ tīrthaṃ tava dehe bhaviṣyati

26.52

asmākaṃ sthitiravyagrā tava dehe na saṃśayaḥ
satyapāśena baddhāsmaḥ dṛḍhapāśaistavānagha

26.53

śrīviṣṇuruvāca-gayāprayāgakasyāpi phalaṃ samadhikaṃ smṛtaṃ
caturdaśyāmamāvāsyāṃ lohayaṣṭyāṃ hi śrāddhataḥ

26.54

baliputrosi satyena mahanīyo'sinosura
mākuruṣvātra sandehaḥ tavadehe sthitāvayam

26.55

sarasvatī puṇyatoyā brahmalokāttu āgatā
plāvayiṣyati dehoyaṃ gaṅgayāsaha saṃgatā

26.56

yathāvaidvārikāvāso kailāseca maheśvaraḥ
viraṃciḥ satyalokeca trīṇyetāni dharātale

26.57

bhaviṣyatica pātāle svargaloke tathaivaca
vikhyātaṃ hyasuraśreṣṭha pitṝṇāṃ tṛptihetave

26.58

apyanyatsaṃpravakṣyāmi gāthāṃpitṛkṛtāṃvara
asmākaṃ priyaputrāṇāṃ tāṃśrṛṇuṣvamayānagha

26.59

pitaraūcuḥ-śaṃkarasyāgratasthānaṃ rudralokaprayennṛṇām
pānaṃdehaviśuddhyarthaṃ pāpenopahatātmanām

26.60

tasmintilodakenāpi sadgatiyāntisarpitāḥ
pitaronarakādvāpi suputreṇa sumedhasā

26.61

gopradānaṃ praśaṃsanti ṛṇatrayanivṛttaye
pitrādyena samuddiśya tuṣṭobhavati keśavaḥ

26.62

tilapiṇyāka piṇḍena tṛptiyānti mahatparām
caturdaśyāṃ nabhasyāsya tathāca pitṛtarpaṇam

26.63

bhṛtyāstathāntyajanmānaḥ tebhyaḥ piṇḍāṃstu nirvapet
tepiyāntidivaṃ sarve piṇḍedatte itiśrutiḥ

26.64

sarvakāryāṇi saṃtyajya mānavaiḥ puṇyamicchubhiḥ
māse bhādrapademāsī gaṃtavyālohayaṣṭikā

26.65

ajātagotranāmnātu piṇḍamaṃtramimaṃśṛṇu
pitṛvaṃśe mṛtāye ca mātṛvaṃśe tathaiva ca

26.66

guru śvaśura baṃdhūnāṃ ye cānye bāṃdhavāsmṛtāḥ
ye me kule luptapiṇḍā putradāra vivarjitāḥ

26.67

kriyālopagatāye ca jātyandhāpaṅgavastathā
virūpāśrāmagarbhāścajñātā'jñātakulemama

26.68

tebhyaḥ piṃḍomayādattoakṣayyamupatiṣṭhatu
śrīviṣṇuruvāca-anenaivatumaṃtreṇamamāgrehyasurottama

26.69

kṣīṇecaṃdre caturdaśyāṃnabhasyepiṃḍamāharet
pitṛṇāmakṣayā tṛptirbhaviṣyati na saṃśayaḥ

26.70

tilapiṇyākapiṃḍena pitaro mokṣamāpnuyāt
ṛṇatrayavinirmuktāḥ mānavājagatītale

26.71

bhaviṣyati na saṃdeho lohayaṣṭyāṃhitarpaṇe
snātvāyaḥ kurute cātra pitṛpiṇḍodakakriyām

26.72

pitarastasya tṛpyaṃti yāvadbrahmadivāniśaṃ
amāvāsyādinaṃ prāpya māsi bhādrapade'sura
brahmaṇo yaṣṭikāyāṃtuyaḥkuryātpitṛtarpaṇaṃ

26.73

teṣāṃprasanno bhagavān ādidevomaheśvaraḥ
asyatīrthasyayātrāyā matireṣāṃbhavivyati

26.74

gokṣīreṇatilaiḥśvetaiḥ snātvāsārasvatejale
pitṝṇāmakṣayātṛptiḥ tasyamadvacanaṃyathā

26.75

tatraśrāddhānikurvīta saktubhiḥpayasāsaha
amāvāsyādinaṃ prāpya pitṝṇāṃ mokṣamicchukaiḥ

26.76

rudratīrthe tatodhenuṃ dadyādvastrāṇipadmaje
viṣṇutīrthe hiraṇyaṃca pradadyānmokṣamicchatā

26.77

vinākṣatairvinādarbhaiḥ āsanena vinā'pivā
vārimātraṃlohayaṣṭyāṃ gayāśrāddhaphalaṃlabhet

26.78

atrāgatasyamartyasya pāpaṃyamapaṭesthitam
tatsarvaṃnāśamāyāntikoṭijanmakṛtaṃcayat

26.79

sahasrahemaśṛṅgīṇāṃ dhenunāṃkurujāṅgale
datvāsūryagrahepuṇyaṃ lohayaṣṭyāṃhitarpaṇe

26.80

sūtauvā0-etadvaḥkathitaṃviprāḥ lohāsuraviceṣṭitam
yacchrutvā brahmahāgoghno mucyatesarvapātakaiḥ

26.81

ekaviṃśativārāṃstugayāyāṃ piṇḍapātane
tatphalaṃsamavāpnoti sakṛdasminśrutesati

26.82

catuḥkoṭidvilakṣaṃca sahasraṃdveśataikaca
etedāśarathīrāma mamadṛṣṭau divaṃgatāḥ

26.82.p1

itiśrīskaṃdapurāṇe pātālakhaṇḍe dharmāraṇyopākhyāne lohayaṣṭimahātme baliputralohāsura viceṣṭitam nāma ṣaṭviṃśo'dhyāyaḥ

Linked texts (2)