Modhapurana 27
Moḍhapurāṇa 27
- Language
- Sanskrit
Contents
- 27.45 — 1 part
27.1
yudhiṣṭhira uvāca-gaṃgākūpaṃkathaṃ proktaṃ gaṃgātatrakathaṃ sthitā
etadākhyāhigaṃgāyāḥ paraṃkautūhalaṃhime
27.2
vyāsa uvāca-śrūyatāṃ nara śārdūla itihāsa purāṃtanaṃ
yenaśrutenavai martyaḥ gaṃgāsnānaphalam̐labheta
27.3
gaṃgādevīṃparijñāya girīśaṃ tatrasaṃsthitaṃ
svamūrdhnā vidhṛtāyena lokavaṃdyenaśaṃbhunā
27.4
tadārādhanamicchanti kāṅkṣamāṇācatāṃpriyaṃ
rasātalādbhogavati kūpetatronmamajjaha
27.5
tāṃjñātvāvibudhāḥsarve sasnuḥtatramudānvitāḥ
tataḥkālāntare kaścit tīrthayātrā ratodvijaḥ
27.6
paribhraman prasaṃgena tatastaṃ deśamāgataḥ
govatsasyapurobhāge kūpesnātoviśeṣataḥ
27.7
cirāddaṣṭāṃ haridvāre nijāṃyaṣṭi mabuddhayata
paramāścarya saṃyukto janebhyastāmadarśayata
27.8
svarūpaṃ kathayāmāsa tasyāḥbhraṃśo yathābhavat
tatogacchan mahābhāga govatsaṃ nābhisaṃsthitaṃ
27.9
pūrvoktena vidhānena sarvaṃkuryātsamāhitaḥ
tataḥprabhāte vimale kṛtvāpūrvāhnikīṃkriyāṃ
27.10
amāvāsyādinegacchan śivayātrārtha mādṛtaḥ
caturmukhasvayaṃdevo yatrātiṣṭhatisarvakṛt
27.11
dūrādevajanairyatradṛśyatelohayaṣṭikā
sarasvatyāṃnarasnātvā tasyāmadhyesvaśaṃbalam
27.12
tataḥprabhṛtitattīrthaṃ pratiṣṭhāmatulāmagāt
taddinetaṃtrayaḥsnātvā dhavalaṃvṛṣabhottamam
27.13
govatsaṃdevamuddiśya dvijāyapratipādayet
śivalokamavāpnoti bhuktvābhogānmanoramān
27.14
kurukṣetrācchataguṇaṃ kṣetraṃtatkalpitaṃpurā
tatrasarṣapamātraṃtu dānaṃmerusamaṃbhavet
27.15
ṛpayaūcuḥ- bhagavanbhavatāproktaṃsaṃsthānaṃśaṃkarasyanaḥ
nivāsaṃbrahmaṇastatragovindasyahareḥprabhoḥ
27.16
kṣetrasyāsyapramāṇaṃtuyathāvadvaktumarhasi
tṛptirnasyāccapivatāṃ tvanmukhādvacanāmṛtam
27.17
sūtauvāca- sarvaṃśṛṇutavaihyatraṛṣayaḥ saṃśitavratāḥ
kathayiṣye yathātathyaṃ bhavatāṃbrahmavādinām
27.18
gavyūtimātraṃtatkṣetraṃ pramāṇenamaharṣayaḥ
snānadānādikaṃ sarvaṃ tanmadhye'kṣayatāṃvrajet
27.19
lohāsurasyacaraṇau yatracāstisanātanaḥ
krīḍārupeṇavairdevai daityamākramyasaṃsthitāḥ
27.20
tadvaidvārāvatīnāmatīrthaṃ dvāravatīsamam
tatradevassvayaṃviṣṇuḥ sākṣādvasati sarvadā
27.21
punānaḥ sakalaṃlokaṃ svamūrtyā bhaktavatsalaḥ
caturdaśīdinaṃprāpya ye'rcayiṣyantitaṃprabhuṃ
27.22
snātvāsaṃrasvatī toye kalikalmapanāśane
devān pitṝn hisaṃtarpya śrāddhaṃkṛtvā vidhānataḥ
27.23
dhātrīphalapramāṇe na piṃḍaṃdadyātsvapāṇinā
kṛtārthāḥ pūrvajāḥsarve modante dividevatāḥ
27.24
kiṃkariṣyatyahoteṣāṃ māyārātristamasvinī
kalikālothavāghoraḥ tattīrthaṃ yairniśevitaṃ
27.25
tatrasnātvācayomartyo surūpāṃgāṃpayasvinīṃ
dadātidvijamukhyāya vedavedāṅga pārage
27.26
sadācārāya śāntāya gurave guṇa śāline
ghṛtakulyāpayaḥkulyā pitṝṇāṃtenakalpitā
27.27
paramātṛpti māpannāḥ bhogān yacchanti śobhanān
yatphalaṃ gomatītīre godānātkṛṣṇa darśanāt
27.28
tasmācchataguṇaṃ puṇyaṃ caturdaśyāṃ na saṃśayaḥ
yathāviṣṇu parāṃprītiṃ āhave bhaktitoṣitaḥ
27.29
sārasvataṃ jalaṃyatramaharṣigaṇasevitaṃ
sadāsanni hitoviṣṇuḥ anyat kiṃmṛgyateparaṃ
27.30
etadvārāvatītīrthaṃ mahātmaṃśṛṇuyādvijāḥ
gomatisnānajaṃpuṇyaṃ saṃprāpnotinasaṃśayaḥ
27.31
sūtauvāca-jaloghaiḥplāvitaṃtīrthaṃ ṛpetadviddhibhūtalam
pūrvaṃtatra svayaṃñcahmāyajayajñaṃ surairvṛtaḥ
27.32
kṛtvāyajñaṃ śrutaṃtatralohāsuraviceṣṭitam
svayaṃcasthitavāntatra lokānugrahakāmyayā
27.33
aśrukṣiptāstatastena liṅgarūpāvabhūvaha
lohaliṅga samākārā śilāparamapāvanī
27.34
tatrasnātvācayomartyaḥ kuryāddugdhena tarpaṇam
pitṝṇāṃjāyatetṛptiḥ kalpakoṭiśataṃ samam
27.35
pitṝnuddiśyayastatra piṇḍaṃdadyātsamāhitaḥ
narakasthādivaṃyānti svargasthā mokṣamāpnuyāt
27.36
gayāśilāyāṃyatpiṇḍa dānācchrāddhāñcalabhyate
lohayaṣṭyāṃśataguṇaṃ amāyāṃ prāpyatenaraḥ
27.37
kiṃpunarmānavobhaktyā vittaśāṭhya vivarjitaḥ
snātvātraśilāyāṃtu piṇḍaṃdadyātprayatnataḥ
27.38
svarṇaṃdadyādyathāśaktyā tatpuṇyaṃcanibodhata
vājapeyādibhiryajñaiḥ aśva medhādibhistathā
27.39
yatphalaṃ prāpyateloke samāptyāṃvaradakṣiṇaiḥ
tatphalaṃlabhatenūnaṃ suvarṇakaṇikāmapi
27.40
tasmātsarvaprayatnena hiraṇyaṃ tatradāpayet
yadīcchedvipulānbhogān bhuvisvarga sukhopamān
27.41
etadvaḥkathitaṃ viprāḥ yanmāṃsaṃparipṛcchataḥ
lohāsurasya caritaṃ lohayaṣṭī samudbhavaṃ
27.42
govatsasyaca māhātmyaṃ gaṃgākūpaṃpunastathā
dvārāvatyāśca māhātmyaṃ tathā'nyāścasarovarāḥ
27.43
snānadāna phalaṃ puṇyaṃ kimanyat śrotumicchatha
yaidaṃ śṛṇuyānnityaṃ ākhyānaṃca purātanam
27.44
śraddhayāparayopetaḥ śivabhakti samanvitaḥ
mṛtyulokeciraṃsthitvāpuṇyaṃprāpya supuṣkalaṃ
27.45
paramaṃ sthānamāpnoti punarāvṛtti varjitaṃ
prasādādvāsudevasya brahmaṇaḥśaṃkarasyaca
27.45.p1
itiśrī skaṃdapurāṇe pātālakhaṇḍe dharmāraṇyo pākhyāne saṃkṣepa tīrtha mahātmyaṃ nāma saptaviṃśo'dhyāyaḥ ||27
Linked texts (1)
- Padmapurāṇa — Vyāsa, Sanskrit