Modhapurana 28
Moḍhapurāṇa 28
- Language
- Sanskrit
Contents
- 28.69 — 1 part
28.1
vyāsa uvāca-tatastretāyugeprāpte vaiṣṇavāṃśoraghudvahaḥ
sūryavaṃśesamutpanno rāmorājīvalocanaḥ
28.2
sarāmo lakṣmaṇasakhaḥ kākapakṣadharoyuvā
tātasyavacanāttautu viśvāmitramanuvratau
28.3
yajñasaṃrakṣaṇārthāya rājñādattaukumārakau
dāntaudhanurdharauvīrau viśvāmitramanuvratau
28.4
pathipravrajatotāva ttārṭikā nāma rākṣasī
āgatācavaneghore tayorve vighnakāraṇāt
28.5
ṛperanujñayārāmaḥ tāḍayāmāsa rākṣasīm
sāmamāra dhanurveda vidyābhyāsena rāghavaḥ
28.6
tasyapādatalasparśācchilāvāsavayogajā
ahilyāgautamavadhūḥ punarjātā svarūpiṇī
28.7
viśvāmitrasyayajñetu saṃpravṛtte raghūdvahaḥ
māricaṃcasubāhuṃca 'jaghānaparameśrubhiḥ
28.8
īśvarasyadhanurbhaṃgaṃjanakasyagṛhesthitam
rāmaḥpañcadaśevarṣe ṣaḍvarṣā mathamaithilī
28.9
upameye vivāhenaramyāṃ sītāmayaunijām
kṛtakṛtya stadājātaḥ sītāṃ saṃprāpyarāghavaḥ
28.10
tatodvādaśavarṣāṇī vanerāmastayāsaha
saptaviṃśatimevarṣe yauvarājyamakalpayat
28.11
rājānamathakaikeyī varadvayamayācata
tayorekenarāmastu sasītaḥ sahalakṣmaṇaḥ
jaṭādharapravrajatāṃ varṣāṇīhacaturdaśa
28.12
bharatastudvitīyena yauva rājyādhipostume
jānakīlakṣmaṇasakhaḥ rāmo pravrajatunṛpa
28.13
trirātramudakāhāraḥ caturthenhiphalāśanaḥ
pañcamecitrakūṭetu rāmovāsa makalpayat
28.14
tatogacchan vanerāmo pañcavaṭyāṃ mahāmanāḥ
virūpayāmāsatūrṇaṃ sūrpanakhyāṃ niśācarīṃ
28.15
vanevicaratastasyajānakī sahitasya ca
āgato rākṣasaḥ kaścit mārīco mṛgarūpadhṛk
28.16
tato māghasitāṣṭamyāṃ muhūrtevaṃdasaṃjñake
rāghavābhyāṃ vināsītāṃ jahāradaśakaṃdharaḥ
28.17
tenaivanīyamānāsā cakrandat kurarī yathā
rāmarāmetisājalpan rakṣamāṃrakṣasāhṛtāṃ
28.18
yathāśena kṣudhākrāntaḥ krandanti vartikāṃ nayet
tathākāmavaśaṃprāptaḥ rāvaṇojanakātmajām
28.19
nayatyevaṃjanakajāṃ jaṭāyuḥ pakṣirāṭ tadā
yuyudhe rākṣasendreṇa rāvaṇenahato patat
28.20
māghaśuklanavamyāṃ tu sītāca rāvaṇā laye
saṃpātirdaśame māsi ācakṣevānareṣutām
28.21
ekādaśyāṃmahendrāttu paplaveśatayojanam
hanumantu niśāyāṃ vai laṅkāyāṃ gamanaṃkarot
28.22
tadākṛtaṃtusītāyāḥ darśanaṃtuhanūmataḥ
dvādaśyāṃśiśupāvṛkṣe hanumānparyavasthitaḥ
28.23
tasyāṃniśāyāṃjānakyāḥ viśvāsālāpa saktathām
rakṣobhiśca trayodaśyāṃ tatoyuddhapravartanam
28.24
brahmāstreṇacaturdaśyāṃ baddhaḥśakrajitākapiḥ
vanhinā pucchayuktena laṅkāyā dahanaṃ kṛtam
28.25
pūrṇibhāyāṃmahendrādrau punarāgamanaṃkapeḥ
māghe'sita pratipadīpañcabhiḥ pathivāsaraiḥ
28.26
punarāgatyaṣaṣṭhenhi dhvastaṃmadhuvanaṃ kila
saptamyāṃpratyabhijñāna dānaṃsarvanivedanam
28.27
aṣṭamyuttara phālgunyāṃ muhūrte vijayābhidhe
madhyaṃprāpte sahasrāṃśo prasthānaṃ rāghavasyaca
28.28
rāmaḥkṛtvāpratijñāṃtu prayāte dakṣiṇāṃ diśam
tīrtvā'haṃ sāgara mapi haniṣyerākṣaseśvaram
28.29
dakṣiṇāśāṃ prayātasya sugrīvo hyabhavatsakhā
vānaraiḥsaptabhi steṣāṃ skaṃdhācāra niveśanaṃ
28.30
pauṣa śuklapratipado samudrasyāntikeyayau
upasthānaṃ sa sainyasya rāghavasyavabhūvaha
28.31
vibhīṣaṇaścaturthyāṃtu rāmeṇasahasaṃgamaḥ
samudra taraṇārthāya pañcamyāṃ maṃtraudyamaḥ
28.32
prāyopaveśanaṃ cakre rāmo dinacatuṣṭayam
samudrādvara lābhaśca sahopāyapradarśanam
28.33
setordaśamyāmāraṃbhaḥ trayodaśyāṃ samāpanaṃ
caturdaśyāṃ suvelādrau rāmaḥ sainyaṃ nyaveśayat
28.34
purṇimāto dvitīyāyāṃ tridinaisainya tāraṇaṃ
tīrtvā toyanidhiṃrāmaḥ vānareśvara sainyavān
28.35
rurodhaca purīlaṅkāṃ sītārthaṃ sahalakṣmaṇaḥ
tṛtīyādi daśamyantaṃ niveśaśca dināṣṭakaṃ
28.36
śuka sāraṇa yostatra prāptirekādaśīdine
pauṣā sitākhya dvādaśyāṃ sainya saṃdhāna mevaca
28.37
rāvaṇassainya saṃkhyānaṃ yuddhotsāhaṃtadākarot
prayayau aṅgado daitye māghaśuklādyavāsare
28.38
saṃtāsaṃprepaṇe bodho aṅgadenaivakāritaḥ
māghaśukla dvitīyāyāṃ dinaiḥ saptabhiraṇamim
28.39
māghaśukla navamyāṃtu rātrāvindrajitāraṇe
lakṣmaṇāyamahārāja pāśabandhakṛtaḥ kila
28.40
ākuleṣukapīśeṣu nirutsāheṣusarvaśaḥ
nāgapāśavimokṣārthaṃ daśamyāṃ garuḍobhyagāt
28.41
lakṣmaṇenatadārājan indrajītavadhakṛtaḥ
dvādaśyāṃcaiva nīlenadhumrākṣasyavadhakṛtaḥ
28.42
tridinenaprahastasyanalenavihitovadhaḥ
māghekṛṣṇa dvitīyāyāṃ caturthyāṃtaṃ dvibhirddinaiḥ
rāmeṇatumuleyuddhe rāvaṇodrāvito raṇāt
28.43
pañcamyāmaṣṭamīṃyāvat rāvaṇena prabodhitaḥ
kuṃbhakarṇastadācakre mahadyuddhaṃcaturddinam
28.44
kuṃbhakarṇo dinaiḥ ṣaḍbhiḥ punaryuddhaṃcakāraha
rāmeṇanihitoyuddhe bahuvānarabhakṣakaḥ
28.45
phālgunādipratipadaḥ caturthyantaṃcaturdinaiḥ
atikāyaprabhṛtayo nihatāḥ pañcarākṣasāḥ
28.46
pañcamyāṃ saptamīṃ tāvat prahetiścavadhastahāt
aṣṭamyāṃ dvādaśīyāvat nihatodinapaṃcakāt
28.47
nikuṃbhakuṃbhādūrdhvaṃtu makarākṣaścaturdinaiḥ
oṣadhyā nayane vyagrā devahārobabhūvaha
28.48
aṣṭamyāṃ rāvaṇo māyā maithilīṃ hatavān kudhīḥ
śokavegāttadārāmaḥ cakre sainyāvalokanaṃ
28.49
caturdaśyāṃ daśagrīvo dīkṣāṃ prāpyaca homakṛt
amāvāsyādineprāgāt yuddhāyadaśakandharaḥ
28.50
caitraśukla pratipadaḥ pañcamīṃ dinapañcake
rāvaṇe yuddhamāne'bhūta pracuro rākṣasāṃvadhaḥ
28.51
caitraṣaṣṭhyaṣṭamīyāvat mahāpāścāṃ dikāraṇaṃ
caitraśukle navamyāṃtu saumitreḥ śaktibhedanaṃ
28.52
kopāviṣṭenarāmeṇa drāvito daśakandharaḥ
droṇādrito hanumataḥ ānitāmṛtajīvanīṃ
28.53
daśamyāmavahāro'bhūta rātrauyuddhaṃtu rākṣasāṃ
ekādaśyāṃtu rāmāya rathaṃ mātalisāṃrathiḥ
28.54
prāptoyuddhāyadvādaśyāṃ yāvatkṛṣṇacaturdaśī
aṣṭādaśadinairāmo rāvaṇaṃdvairathe'vadhīt
28.55
saṃgrāmetumulejāte rāmojayamavāptavān
māghaśukla dvitīyāyāṃ caitraśukla caturdaśī
28.56
saptāśīti dinānyevaṃ madhyaṃ pañcadaśāhakam
yuddhāvahāraḥ saṃgrāmo dvāsaptatidinānyabhūt
28.57
saṃskārorāvaṇādīnāṃ amāvāsyādine'bhavat
vaiśākhādi tithaurāma ūvāsaraṇabhūmiṣu
28.58
abhiṣiktodvitīyāyāṃ laṅkārājye vibhīṣaṇaḥ
sītāśuddhistṛtīyāyāṃ vānarebhyo varaṃ dadau
28.59
hatvā'cireṇalaṅkeśaṃ lakṣmaṇena samanvitaḥ
gṛhītvā jānakīṃ puṇyāṃ duḥkhitāṃ rāvaṇenatu
28.60
ādāyaparayā prītyā jānakīṃ satyavartinīm
vaiśākhasyacaturthyāṃtu rāmaḥ puṣpakamāśritaḥ
28.61
vihāyasānivṛttastu bhūyoyodhyāṃpurīṃprati
pūrṇecaturdaśevarṣe pañcamyāṃmādhavasyaca
28.62
bhāradvājāśramerāmaḥ sagaṇaḥ samupāviśat
nandi grāmetuṣaṣṭhyāsaḥ bharatenasamāgataḥ
28.63
saptamyāmabhiṣikto sau bhūyoyodhyāṃraghudvahaḥ
varṣe dvātriṃśakerāmo hyakarot rājyakarmaca
28.64
caturdaśecavarṣānte praviṣṭaḥ svāṃpurīṃprabhuḥ
ayodhyāṃnāmamudito rāmorāvaṇa hāraṇe
28.65
bhrātṛbhiḥ sahitastatra rāmorājyamakārayat
rājyaṃprakurvatastasya purodhāvadatāṃvaraḥ
vaśiṣṭhomunibhiḥ sārdhaṃkṛtvātīrthānyanekaṃśaḥ
28.66
ājagāma brahmaputro mahābhāgastaponidhiḥ
rāmastaṃpūjayāmāsa munibhiḥ sahitaṃ guruṃ
28.67
abhyutthānārgha pādyaiśca madhuparkeṇapūjayat
apṛcchakuśalaṃrāmo vaśiṣṭhaṃmunipuṃgavaṃ
28.68
sasarvaṃ kathayāmāsayathātīrthānyanekaṃśaḥ
sevitāninadharāpṛṣṭhe kṣetrāṇyā yatanā nica
28.69
tataḥsavismayāviṣṭo rāmorājīvalocanaḥ
papṛcchatīrtha māhātmyaṃ yattīrtheṣūttamottamaṃ
28.69.p1
itiśrīskaṃdapurāṇe pātālakhaṇḍedharmāraṇyopākhyāne vyāsadharmasaṃvāderāmacaritavarṇanaṃnāma aṣṭāviṃśatitamo'dhyāyaḥ 28
Linked texts (5)
- Skandamahāpurāṇa (vulgate) — Sanskrit
- Padmapurāṇa — Vyāsa, Sanskrit
- Dharmāraṇyakhaṇḍa — Sanskrit
- Dharmāraṇyamāhātmya — Sanskrit
- Rāmāśvamedha — Sanskrit