Modhapurana 30

Moḍhapurāṇa 30

Language: Sanskrit

30.76 — 1 part

30.1

śrīrāmauvāca-jīṇoddhāraṃ kariṣyāmi śrīmāturvacanādahaṃ
ājñāpradīyatā̍mahyaṃ yathāsiddhiḥ prajāyate

30.2

adhi devyā mukhenaiva trimūrteḥ sthāpanādikam
mayāśrutaṃdharādevāḥ vilaṃboneva yujyate

30.3

ādeśodīyatāmahyaṃ yathā dānaṃ dadāmivaḥ
vyāsau0-tatastumilitāssarve vimṛśya ca parasparaṃ

30.4

kecidūcustadārāmaṃ vayaṃśiloñcha jīvikāḥ
santoṣaṃ paramāsthāya sthitā dharmaparāyaṇāḥ

30.5

pratigrāha prayogeṣu na cāsmākaṃ prayojanam
ekāhikāḥ dvijāḥ kecit kecitsvāmṛta vṛttayaḥ

30.6

kumbhīdhānyādvijāḥ kecit kecit ṣaṭkarma tatparāḥ
trimūrti sthāpitāḥ sarve pṛthagbhāvāḥ pṛthagguṇāḥ

30.7

kecidevaṃvadantīsma trimūrtyā'jñāṃ vināvayam
pratigrahasyasvīkāraṃ kathaṃkūryā mahe prabho

30.8

na tāmbūlaṃ svīkṛtanno yāvaddevairna bhāṣitam
tadā prabhṛti teṣāṃ tu virodho'dyāpi vartate

30.9

vimṛśyasatadārāmo vaśiṣṭhena mahātmanā
brahmaviṣṇuśivādīṃśca sasmāraguruṇāsaha

30.10

smṛtamātra statodevāḥ taddeśe samupāgamat
surya koṭipratīkāśāṃḥ vimānāvali saṃsthitāḥ

30.11

rāmeṇāthayathānyāyaṃ pūjitāḥ parayāmudā
niveditaṃtu tatsarvaṃ rāmeṇakṛtabuddhinā

30.12

adhidevyāścavacanaṃ jīrṇoddhārasyakāmanā
dharmāraṇye harikṣetre śūnyasvāmī samīpataḥ

30.13

tatastevāḍavāḥ sarve trimūrtīḥ praṇipatya ca
mahatāharṣa yuktenapūrṇāḥ prāptamanorathāḥ

30.14

argha pādyādi vidhinā śraddhayātānapūjayat
kṣaṇaṃviśramyatedevāḥ brahmaviṣṇuśivādayaḥ

30.15

ūcurāmaṃ mahābāhuṃ vinayātkṛtasampuṭaṃ
devāūcuḥ-devānyūyustavayārāma yaddhatā rāvaṇādayaḥ

30.16

tenatuṣṭāvayaṃrājan tejasāvṛddhiṃrastute
sṛṣṭātvaṃ sarvabhūtānāṃ sādhūnāṃparipālakaḥ

30.17

dharmatrāṇāyāvatīrṇo bhānuvaṃśavibhūṣaṇaḥ
uddharasvamahāsthānaṃ mahatkīrti mavāpnuhi

30.18

vyāsau0-ityuktvā rāghavaṃ devāḥ dvijānāhapurasthitān
praṇatānparayābhaktyā meghagaṃbhīra yāgirā

30.19

devāūcuḥ-bhūmidevānivodhadhvaṃ rāmoyaṃ jagatīpatiḥ
rāvaṇasyavadhārthāya viṣṇurmānuṣatāṃgataḥ

30.20

ayaṃhimabhagavān sākṣāt jīrṇoddhāraṃ karotica
kartavyaṃvacanaṃ tasya prasannenāntarātmanā

30.21

tepidevāsvakaṃsthānaṃ yayurbrahma purogamāḥ
datvāśiṣaṃturāmāya vāṃchitaṃ tava sidhyatu

30.22

labdhvāsateṣāmājñāṃtu prītodaśarathātmajaḥ
jīrṇoddhāretu dviguṇaṃ phalamicchannilāpatiḥ

30.23

devānāṃ sannidhau teṣāṃ kāryārambhamathā karot
sthaṇḍilaṃ pūrvavatkṛtvā mahāgirisamaṃśubham
tasyopari vahiḥśālā gṛhaśālā hyanekadhā

30.24

brahmaśālā viśālāśca nirmame śobhanākṛtiḥ
nidhānaiśca samāyuktāḥ gṛhopakaraṇairbhṛtāḥ

30.25

etatsarvaṃ kārayitvā traividyebhyastadā dadau
catvāriṃśat śataṃShape:prādāt grāmāṇāṃ caturādhikam

30.26

traividyamoḍhaviprebhyo rāmodaśarātmajaḥ
dattvādānaṃ tadātmānaṃ kṛtakṛtyo nareśvaraḥ

30.27

krājeśaiḥsthāpitāpūrvaṃ dharmāraṇyeca ye dvijāḥ
pūjitā raghunāthena jīrṇoddhāre kṛte punaḥ

30.28

preṣayitvāñjanīsūnuṃ hanumantaṃ mahākapiṃ
ānināyavaṇiph śreṣṭhān gobhujān raghunandanaḥ

30.29

ṣaṭtriṃśacca sahasrāṇi gobhujāye vaṇigvarāḥ
śuśrūṣārthaṃ dvijānāṃ tu sthāpayāmāsatatravai
datvātuvetanaṃ tebhyaḥ saṃtuṣṭaḥ puruṣottamaḥ

30.30

tānuvācatadārāmaḥ sevākāryā dvijanmanāṃ
eṣāvaḥ paramāvṛttiḥ smṛtyuktāsātvikīvarā
khaṅgaṃ tadojjvalaṃ dattaṃ tadāśveteca cāmare

30.31

vivāhādau vareṇaiva dhāryaṃ cinhaṃ sadaivahi
cāmaraṃvyajanaṃkāryaṃ varasyāgrevaṇigvarāḥ

30.32

śrīmātuḥpūjanaṃkāryaṃ dhanadasyaviśeṣataḥ
brāhmaṇāḥ pūjanīyāśca śubhekarmāṇi sarvadā

30.33

vṛddhayā gameṣuptāpteṣu vṛddhidāpaka dakṣiṇā
pradeyābālavṛddhebhyo mamarāmasyaśāsanāt
ājñayāvartitavyaṃhi traividyādvijajanmanām

30.34

śubhevāpya śubhakārye pūjyāṃste dvija sattamāṃ:
dvijājñāṃ naivamaṃtāro madāndhāḥsmaragarvitāḥ
sarvathāte bhaviṣyanti naṣṭavaṃśāḥnasaṃśayaḥ

30.35

maṇḍaru grāmajāḥśūrāḥ ye rāmeṇa sahāgatāḥ
sapādalakṣāstedattāḥ śuśrūṣārthaṃ dvijanmanām

30.36

sunirmalaṃ karburañca patamānaṃ krameṇatat
cāmara dvitayaṃ rāmo dattavān khaṅgamevaca

30.37

māṇḍalikāścatemoḍhāḥ jñeyārāmasyaśāsanāt
ityājñāpyatadārāmo vāstupūjāmakārayat

30.38

kulasyasvāminaṃ sūryaṃ pratiṣṭhāvidhipūrvakam
brahmāṇaṃsthāpayāmās caturvedaiścasaṃyutam

30.39

śrīmātaraṃmahāśaktiṃ śūnyasvāmiṃharaṃtathā
vighnapradhvaṃsanārthāya dakṣiṇadvāra saṃsthitaṃ

30.40

gaṇeśaṃsthāpayāmāsa tathānyāścaivadevatāḥ
kāritāstenarāmeṇa prāsādāssaptabhūmikāḥ

30.41

devānāmapyajayyāstu prākārāstusuśobhanāḥ
durgopakaraṇairyuktāḥ pratolībhiścatasṛbhiḥ

30.42

nirmitānicakuṃḍāni sarāṃsicatathaivaca
dharmavāpyaścakūpāyca tathānyedevanirmitāḥ

30.43

etatsarvaṃ suvistīrṇaṃ dharmāraṇyemanohare
dadautraividyaviprebhyaḥ śraddhayāparayāyutaḥ

30.44

āpatkāleputāṃgrāmaḥ śāsanaṃtutadādadau
hanumantasya vīrasya dadauśikṣāṃtvarānvitaḥ

30.45

dharmāraṇye tvayāstheyaṃ nyāyānyāyavinirṇaye
sabhāśālāsuhe dūta vyavahāradidṛkṣayā

30.46

samudraśāsanaṃkṛtvā vāyuputraṃprabodhyaca
tasyapīḍātvayākāryā śāsanaṃlopayettuyaḥ

30.47

vāyuputra mahāvīra tavapūjābhaviṣyati
ānjaneyastutadvākyaṃ praṇamyaśirasādadhau

30.48

jīrṇoddhāraṃ tadākṛtvā kṛtakṛtyo babhūvaha
śrīmātaraṃ namaskṛtya tīrthā nyanyānirāghavaḥ

30.49

dharmauvāca-kīdṛśaṃ rāmacaṃdreṇa śāsanaṃ likhitaṃ dadau
kathayasvaprasādena tretāyāṃ satyamaṃdire

30.50

vyāsauvāca-moherakapureramye vakulasvāmyadhiṣṭhite
śunyasvāmini rājendrasthite nārāyaṇe prabho

30.51

dakṣiṇādhipatau deve sarvajñe gaṇanāyake
bhavasāgara magnānāṃ tāriṇī yatrayoginī

30.52

śāsanaṃ tatrarāmasya sāvadhānamanāḥ śrṛṇu
tāmrapaṭṭā śrayaṃ tatra likhitaṃ dharmaśāstrataḥ

30.53

mahāścaryaṃ karaṃtacca hyanekayugasaṃsthitau
sarvedhātu kṣayaṃyāti natāmraṃkṣaya mertica

30.54

pratyakṣaṃ dṛśyateputra dvijaśāsanamakṣayaṃ
avināśe hitāmrasya kāraṇaṃ tatravidyate

30.55

vedoktisakalaṃyasmāt viṣṇustenehakathyate
purāṇepucavedeṣu dharmaśāstreṣumānada

30.56

avatīrṇaḥ svayaṃsākṣāt purāṇaṃ puruṣottamaḥ
devadruhavināśāya dharmasaṃrakṣaṇāyaca

30.57

tenedaṃśāsanaṃdatta mavināśātmakaṃsuta
yasyaprāsādādṛpadaḥ tāritājalamadhyataḥ

30.58

vānarairveṣṭitālaṅkā dattāyenavibhīṣaṇe
muniputraṃmṛtaṃrāma yamalokādupānayat
tenedaṃ śāsanaṃdattaṃ akṣayaṃnakathaṃ bhavet

30.59

svavaṃśavarṇanaṃtatra likhitvāsvayamevatu
deśakālādikaṃsarvaṃ lilekhavidhipurvakam

30.60

samudrāvadhitaścaiva traividyebhyastadādadau
catuścatvāriṃśadgrāmā śatamekaṃtathāparam

30.61

vaṇigvṛttisamopetān nyāyānyāyavivecanam
suvarṇā raupyayosnātvā suryakuṇḍe tathaivaca

30.62

tasminkālemahāścaryaṃ sajātaṃ kilabhārata
suvarṇāsvarṇa sadṛśaṃ raupyāraupyamayaṃtathā

30.63

uvāha salilaṃlābhyāṃ devarṣiḥ pitṛtṛptidaṃ
svavaṃśanāyakorāmaḥ vipraṃviṣṇuṃ prapūjyaca

30.64

traividyebhyodadaurāmaḥ brahmārpaṇa manāśuciḥ
rāmalekhavicitraistu vicitraṃtāmrapaṭṭake

30.65

vākyāniyāniśrūyante śāsane kilabhārata
āsphoṭayantipitaro kathayantipitāmahāḥ
bhūmidosmatkulekaścit so'smānsantārayiṣyati

30.66

bahubhirvasudhābhuktā rājabhiḥ sagarādibhiḥ
yasyayasyayadābhūmī tasyatasya tadāphalaṃ

30.67

ṣaṣṭhivarṣa sahastrāṇi svargevasati bhūmidaḥ
āchettācānumantāca ta eva narakaṃ vrajet

30.68

bhūmiṃraṃguladātāca sakathaṃ puṇyamācaret
bhūmiṃraṃgulahartāca makathaṃ pāpamācaret

30.69

mahāṭavīṣvatoyāsu śuṣkakoṭaravāsinaḥ
kṛṣṇa sarpāḥ prajāyante dattadāyāpahārakāḥ

30.70

taḍāgānāṃ sahasreṇa aśvamedha śatenaca
gavāṃ koṭipradānena bhūmihartā na śuddhyati

30.71

yānīhadattānipurānarendraiḥ dānāni dharmārtha yaśaskarāṇi
nirmātyavattvipravivodhitāni konāmasādhuḥ punarādadīṣyat

30.72

ihahi jagatilīlā caṃcale jīvaloke
tṛṇalava laghusāre sarva saṃsāra saukhye
apaharatudurāśā śāsane brāhmaṇānāṃ
naraka gahana gartāt pāpabhītotsukoyaḥ

yātāyāntimahībhujaḥ kṣitimimāform yāsyantibhuktvā'khilām
nāyātānanuyāti yāsyatinavākenāpi sārdhaṃdharā
yatkiṃcit bhuvitadvināśi sakalaṃkīrtiḥ paraṃsthāyinī
matvaivaṃ vasudhādhipai rupakṛtā lopyānasatkīrtitaiḥ

30.75

hatvābhūmibhāriṇaḥ pārthivendrān bhūyobhūyoyācaterāmacandraḥ
sāmānyoyaṃdānadharmonṛpāṇāṃ svesvekālepālanīyobhavadbhiḥ 74
asminvaṃśekṣitaukṣīṇekopirājābhaviṣyati
tasyedaṃkaralagnaṃvai madattaṃparipālyatāṃ

30.76

likhitvāśāsanaṃrāmaḥ vāyuputraṃprabodhyaca
ayodhyānagarīṃ prāpya ciraṃrājyaṃcakāraha

30.76.p1

iti śrīskaṃdapurāṇe pātālakhaṇḍe dharmāraṇyopākhyāne śāsana pradānam nāma triṃśo'dhyāyaḥ || 30

Modhapurana 30

Contents

Linked texts (3)