Modhapurana 33

Moḍhapurāṇa 33

Language: Sanskrit

33.57 — 1 part

33.1

brāhmaṇāūcuḥadyano saphalaṃjanma jīvitaṃ ca sujīvitaṃ
adyano moḍhalokasya dhanyo dharmaśrvavaigṛhāḥ

33.2

dhanyāca sakalāpṛthvī yajñadharma pravartaka
namaḥ śrīrāma bhaktāya akṣavidhvaṃsanāyaca

33.3

namo rakṣaḥ purīdāhaḥ kāriṇe jalatāriṇe
jānakī hṛdayatrāṇa kāriṇe kaṃruṇātmane

33.4

sītāviraha taptasya śrīrāmasya priyāyaca
namo namo mahābīra rakṣasmān majjataḥkalau

33.5

namo brahmaṇya devāya vāyuputrāyate namaḥ
namosturāmabhaktāya gobrāhmaṇa hitāyaca

33.6

namostu rudrarūpāya kṛṣṇa vaktrāyate namaḥ
añjanī sūnavetubhyaṃ sarva vyādhiharāyaca

33.7

nāgayajñopavītāya kapivaktrāyate namaḥ
harīśvarāyavīrāya daitya vidhvaṃsanāyaca

33.8

mahallāṃgulayuktāya puruṣāya namostute
svayaṃsamudratarṇāya sītānveṣaṇahetave

33.9

yadiduṣṭo sideveśa rāmājñā pālakaprabho
dharmadhīra mahāvīra svarūpaṃdarśayasvanaḥ

33.10

pratītyarthaṃ mahābāho kiṃciccinhaṃ dadasvanaḥ
enacinhena dattena sarājā puṇya bhāgbhavet

33.11

pratyayedarśitevīra śāsanaṃ pālayiṣyati
tavakīrtiṃ pṛthivyāṃtu vistāraṃ prāpayiṣyati

33.12

śrīhanumān 0-mamarūpaṃmahākāyaṃ martyacakṣurnapaśyati
tejomayaṃmahāghora mitijānaṃtuvāḍavāḥ

33.13

tathāpi parayābhaktyā prīto'haṃ sustavādibhiḥ
vasanāntaritaṃrūpaṃ darśayiṣyāmipaśyata

33.14

evamuktetadāviprāḥ sarvedraṣṭuṃsamutsukāḥ
vasanāntaritaṃ kṛtvā cakṣurnirmilanaṃ kṛtāḥ

33.15

ambarāntaritaṃrūpaṃ dadṛśuste śubhānanam
evaṃstuti viśepeṇa rāmavākyenayaṃtritaḥ

33.16

āvirbabhūvasahasāhanumānati vikramaḥ
viprāvismayamāpannāḥ harṣitāśca parasparam

33.17

kathaṃciddhairya mālaṃbya vākyamūcuḥ śanaiḥ śanaiḥ
yathoktaṃtupurāṇeṣu tattathaivāhi dṛśyate

33.18

śrīhanumān u0-uvācarcadvijānsarvāścakṣuḥpracchādyasaṃsthitān
phalānīmāni gṛhṇadhvaṃ bhakṣaṇārthaṃ mṛṣīśvarāḥ

33.19

īmaistu bhakṣitairviprāḥ tṛptiṃ paraṃmayāsyatha
kṣudhākrāntai stadāvipraiḥ kṛtaṃvaiphalabhakṣaṇam

33.20

bhakṣaṇeca kṛte teṣāṃ matitṛpti rajāyata
punarāhamahāvīra kenasthānā nirākṛtāḥ

33.21

kiṃkurvatī dvijāḥ hyanne sthānerāmagatepurā
ūcustebrāhmaṇāḥ sarve duḥkhapīḍita mānasāḥ

33.22

smaraṇaṃ tavakurvati vartante satyamaṃdire
viprāviṃśati saṃkhyākā āāgatādya nivartitāḥ

33.23

garvādducurnanaḥ kāryaṃ sthānavṛttyā kathaṃcana
āmāmidhana bhūpena rāmadānaṃ pralopitaṃ

33.24

tadarthamāgatāḥ sarve ānjaneya tavāntikam
abhijñānaṃ kimasmākaṃ dehitvaṃrāmavallabha

33.25

teṣāṃtvākarṇya vacanaṃ bhujayorubhayorapi
pṛthagromāṇisaṃgṛhya cakārapuṭikādvayam

33.26

bhūrjapatreṇa saṃveṣṭya madanena guṭitayoḥ
vāmetuvāmakakṣasthāṃ dakṣiṇotthāṃcadakṣiṇe

33.27

kāmadāṃ rāmabhaktānāṃ anyeṣāṃ kṣayakāriṇīm
uvācacayadārājā brūte cinhaṃ pradīyatām
prathamātānideyāni mudrāṃ kṛtvātuśūkarīm

33.28

yānidattāni romāṇi vāmakakṣodbhavānica
jvālayiṣyatitatsainyaṃ anivārakarāṇica

33.29

aviromāṇisaṃgṛhya kimarthamihacāgatāḥ
iti jalpatibhūpāle nastheyaṃtatra vāḍavaiḥ

33.30

bhasmībhaviṣyatitadā gṛhaṃ sainyaṃ na saṃśayaḥ
dhāvansanṛpatiḥ paścāt gṛhītvācaraṇaucavaḥ

33.31

nipatiṣyativaibhūmau tadāśāṃtirbhaviṣyati
dattāyāṃtudvitīyāyāṃ puṭikāyāmitastataḥ

33.32

bruvatyevaṃ mahāvīre brāhmaṇo mada mohitaḥ
vatsagotra samutpannaḥ tadālocanatatparaḥ

33.33

cakṣuruddhātya vaṃ hai sagāḻastakṣaḻāndvat ..
cinhaṃdtvāsāviprebhyaḥ kapiraṃtara dhīyata

33.34

cakṣurudghāṭanaṃ kṛtvā ānaṃdāśru pariplutāḥ
ānhikīṃte kriyāṃ cakruḥ tīrthayātrā purassarām

33.35

phalānāṃ bhakṣaṇāttetu sudhāpītā ivābhavan
rāmeśvarasya purataḥ cakruste śayanaṃ dvijāḥ

33.36

yāminyāḥ paścimeyāme brahmayajñaṃ pracakrire
brahmaghoṣeṇa mahatāṃ tadvanaṃ badhirrī kṛtam

33.37

sthitvātrirātraṃ te viprāḥ gamane kṛtabuddhayaḥ
rātrau hanumadāmete idamūcuḥ subhaktitaḥ

33.39

brāhmaṇāūcuḥ-vayaṃ prātargamiṣyāmo moheraṃ prativāyuja
navismārthā vayaṃtāta kṣamyatāṃ kṣamyatāmiti 38
iti vijñāpyate sarve nidrāmīyaḥ sukhapradām
evaṃ tekṛtakṛtyāsyuḥ bhūtvāsuptvā niśā mukhe

33.40

kṛpāluḥ sacarudrātmā rāma śāsanapālakaḥ
svāmino mamadāsāśca sañcintyevaṃ muhurmuhuḥ

33.41

tatonidrābhi bhūtāṃstān vāyuputreṇanoditaḥ
niśīthe prāpayāmāsa svasthānaṃ dvijasattamāḥ

33.42

ṣaḍbhirmāsaistuyaḥpaṃthā atikrānto dvijātibhiḥ
tribhirevamuhūrtaiste mārgaprāpurdvijarṣabhāḥ

33.43

prabhātesuprasannetu uttiṣṭhanaparasparam
ūcuste vismitāssarve svapno kiṃvā matibhramaḥ

33.44

antarbuddhyāsamālokya prabhāvovāyujasyaca ..
ānandāyāmahāpīṭhe prātaḥ pānthā samutthitāḥ

33.45

ayaṃttudakṣiṇodvāraḥ śāntipāṭhotra paṭhyate
dṛśyatecagṛhāramyāḥ śacīpati gṛhopamāḥ

33.45-2

dadṛśuste mahāsthānaṃ sotkaṇṭhā harṣapūritāḥ
āścaryaṃ paramaṃprāptuḥ kiṃjāta miticintayan

33.47

prāsādakalaśāyatra dṛśyante cātiśobhanāḥ
evaṃ bruvatsuvipreṣu mahāśakti prapūjakaḥ

33.48

āgato brāhmaṇaḥ paśyat tatra viprakadambakam
harṣitodhāvitastatra yatraviprāḥ sabhāsadaḥ

33.49

uvācādiṣṭayā bhoviprāḥ hyāgatāḥ pathiodvijāḥ
satān saṃpūjya vegāttu sanmukhāstatra cāgatāḥ

33.50

pratyutthānābhivādābhyāṃ yathāyogyaṃ prapūjyaca
papṛcchuḥkuśalaṃ tebhyo tairūktaṃca yathābhavat

33.51

harīśvarasyayadavṛttaṃ vipravyāvṛtti revaca
sarvaṃ vistārya kathitaṃ śīghrāgamanamātmanaḥ

33.52

pathikānāṃvacaśrutvā harṣa pūrṇā dvijottamāḥ
saṃpūjya vidhivatsarvān pūgatāmbūla kuṃkamaiḥ

33.53

śāntipāṭhaṃ paṭhaṃtastehaṣṭā nijagṛhānyayuḥ
vimṛśya militāḥ prātaḥ jyotirvidbhiḥ pratiṣṭhite

33.54

brāhme muhūrte cotthāya kānyakubjaṃgatādvijāḥ
dolābhirvāhitāḥ kecit kecidaśvairathaistathā

33.55

tatpuraṃ tu samāsādya gaṃgāyāḥ śobhanetaṭe
akurvan vasatiṃ dhīrāḥ snānadānādi karma ca

33.56

cāreṇa kenacidṛṣṭāḥ kathitaṃ nṛpa sannidhau
aśvāśca bahuśo dolāḥ rathāśca bahuśo nṛpāḥ

33.57

viprāṇāmihadṛśyante dharmāraṇyanivāsinām
jñāyante ca sabhāyātāḥ nṛpaṇoktaṃ sabhāgrataḥ
abhijñānāyaye pūrvaṃ gatāścakapisannidhau

33.57.p1

iti śrīskaṃdapurāṇe pātālakhaṇḍe dharmāraṇyopākhyāne śāsanaprāptivarṇanam nāma trayatriṃśo'dhyāyaḥ || 33

Modhapurana 33

Contents

Linked texts (3)