Prabhasakhanda 34
Prabhāsakhaṇḍa 34
- Language
- Sanskrit
Contents
- 34.50 — 1 part
34.1
prahlāda uvāca || || aho kṣetrasya māhātmyaṃ samaṃtādaśayojanam || diviṣṭhā yatra paśyaṃti sarvāneva caturbhujān
34.2
aho kṣetrasya māhātmyaṃ
dṛṣṭvā nityaṃ caturbhujān || dvārakāvāsinaḥ sarvānnamasyaṃti divaukasaḥ
34.3
aho kṣetrasya māhātmyaṃ sarvaśāstreṣu viśrutam || aho kṣetrasya māhātmyaṃ
śṛṇvaṃtu ṛṣayo'malāḥ
34.4
muktiṃ necchaṃti yatrasthāḥ kṛṣṇasevotsukāḥ sadā || yatratyāścaiva pāṣāṇā yatra kāpi vimuktidāḥ
34.5
api kīṭa
pataṃgādyāḥ paśavo'tha sarīsṛpāḥ || vimuktāḥ pāpinaḥ sarve dvārakāyā prasādataḥ || kiṃ punarmānavā nityaṃ dvārakāyāṃ vasaṃti ye
34.6
yā gatiḥ
sarvajaṃtūnāṃ dvārakāpuravāsinām || sā gatirdurlabhā nūnaṃ munīnāmūrdhvaretasām
34.7
sarveṣu kṣetratīrtheṣu vasatāṃ varṣakoṭibhiḥ || tatphalaṃ nimiṣārdhena
dvārakāyāṃ dinedine
34.8
dvārakāyāṃ sthitāḥ sarve narā nāryaścaturbhujāḥ || dvārakāvāsinaḥ sarvānyaḥ paśyetkaluṣāpahād || satyaṃsatyaṃ dvijaśreṣṭhāḥ
kṛṣṇasyātipriyo bhavet
34.9
dvārakāvāsino ye vai niṃdaṃti puruṣādhamāḥ || kṛṣṇasnehavihīnāste pataṃti duḥkhasāgare
34.10
jayaṃtena bhṛśaṃ trastāḥ
śūlāgrāropitāściram || karpitāstāḍitāste vai mūrcchitāḥ punarutthitāḥ
34.11
trāhitrāhi jayaṃta tvaṃ vaṃdato hi bhayāturāḥ || smaraṃtaḥ pūrvapāpaṃ te
jayaṃtena pratāḍitāḥ
34.12
jayaṃta uvāca || || kiṃ kṛtaṃ maṃdabhāgyairvo yatpāpaṃ ca sudāruṇam || sarvaṃ puṇyaphalaṃ labdhvā dvārakāvāsamuttamam
34.13
dvārakāvāsināṃ niṃdā mahāpāpādhikā dhruvam || na nivarteta tatpāpaṃ sā jñeyā parameśvarī
34.14
ataḥ kṛṣṇājñayā sarvānyāpino daṃḍayāmyaham
vaiṣṇavānāṃ ca niṃdāyā phalaṃ bhuktvā sudāruṇam
34.15
tatastu dvārakāyāṃ ca puṇyaṃ janma bhaviṣyati || kṛṣṇaṃ pratoṣya saṃsiddhirbhaviṣyati muhurmuhuḥ
34.16
tasmādgujyatāṃ pāpaṃ jātaṃ vaiṣṇavaniṃdanād || tatratyānāṃ prabhurnaiva yama īṣṭe maheśvaraḥ
34.17
śrīprahlāda uvāca || || tasmadvāravatīṃ gatvā saṃsevyo devanāyakaḥ
34.18
gomatītīramāśritya dvārakāyāṃ prayacchati || yannu kiṃciddānaṃ viprāḥ śṛyatāṃ tatphalodayam
34.19
hema
bhārasahasraistu ravivāre ravigrahe || kurukṣetre yadāpnoti gajāśvarathadānataḥ
34.20
sahasraguṇitaṃ tasmātsatyaṃsatyaṃ mayoditam || hemamāṣārddhamānena
dvārakādānayogataḥ
34.21
pattrāṇāṃ caiva puṣpāṇāṃ naivedyasikthasaṃkhyayā || kṛṣṇadevasya pūjāyāmanaṃtaṃ bhavati dvijāḥ
34.22
annadānaṃ tu yaḥ
kuryādvārakāyāṃ tu tatphalam || naiva śaknomyahaṃ vaktuṃ brahmā śeṣamaheśvarau
34.23
brāhmaṇaḥ kṣatriyo vaiśyaḥ śūdro vā'pyatha vāṃtyajaḥ || nārī vā dvāra
kāyāṃ vai bhaktyā vāsaṃ karoti ve
34.24
kulakoṭiṃ samuddhṛtya viṣṇuloke mahīyate || satyaṃsatyaṃ dvijaśreṣṭhā nānṛtaṃ mama bhāṣitam
34.25
dvārakā
vāsinaṃ dṛṣṭvā spṛṣṭvā caiva viśeṣataḥ || mahāpāpavinirmuktāḥ svargaloke vasaṃti te
34.26
pāṃsuvo dvārakāyā vai vāyunā samudīritāḥ || pāpināṃ
muktidāḥ proktāḥ kiṃ punardvārakāśruvi
34.27
śrīprahrāda uvāca || śṛṇutāṃ dvijaśārdūlā mahāmohavināśanam || dvārakāyāśca māhātmyaṃ goma
tīkṛṣṇasannidhau
34.28
kuśāvartātsamārabhya yāvadvai sāgarāvadhi || yasyāṃ tithau samāyāti siṃhe devapurohitaḥ
34.29
tasyāṃ hi gomatīhlānaṃ
dviṣannodāvarīphalam || avagāhitā prayatnena siṃhāṃte gautamī sakṛt
34.30
godāvaryāṃ bhavetpuṇyaṃ vasato varṣasaṃkhyayā || tatphalaṃ samavāpnoti goma
tīsevanādvijāḥ
34.31
gomatyāṃ śraddhayā snānaṃ pūrṇe siṃhasthite gurau || sahasraguṇitaṃ tatsyādvāravatyāṃ dinedine
34.32
gacchagaccha mahābhāga dvāra
kāmiti | vadet || tasyāvalokanādeva mucyate sarvapātakaiḥ
34.33
dvāraketi ca yo brūyādvārakābhimukho naraḥ || kṛpayā kṛṣṇadevasya muktibhāgī
bhaveddhruvam
34.34
dvārakāṃ gomatīṃ puṇyāṃ rukmiṇīṃ kṛṣṇameva ca || smaraṃti ye'nvahaṃ bhaktyā dvārakāphalabhāginaḥ
34.35
sahasrayojanasthānāṃ yeṣāṃ
syāditi mānasam || dvāravatyāṃ gasiṣyāmo drakṣyāmo dvārakeśvaram
34.36
sarvapāpaiḥ pramucyaṃte dhanyāste lokapāvanāḥ || kiṃ vācyaṃ dvārakāyātrāṃ
ye prakurvaṃti mānavāḥ || kiṃ punardvārakānāthaṃ kṛṣṇaṃ paśyaṃti ye narāḥ
34.37
mitradhrugbrahmahā goghnaḥ paradārāpahārakaḥ || mātṛhā pitṛhā caiva brahmasvāpaharastathā
34.38
ete cānye ca pāpiṣṭhā mahāpāparatāśca ye || sarvapāpaiḥ pramucyaṃte kṛṣṇadevasya darśanāt
34.39
kiṃ vedaiḥ śraddhayā hīnaiḥ
॰ vyākhyānairapi kṛtsnaśaḥ || hemabhārasahasraiḥ kiṃ kurukṣetre ravigrahe
34.40
gajāśvarathadānaiḥ kiṃ kiṃ maṃdirapratiṣṭhayā || teṣāṃ pūjādinā samyagiṣṭā
pūrtādibhiśca kim
34.41
rājasūyāśvamedhādyaiḥ sarvayajñaiśca kiṃ bhavet || sevanaiḥ kṣetratīrthānāṃ tapobhirvividhaistu kim
34.42
kiṃ mokṣasādhanaiḥ
kleśairghyānayogasamādhibhiḥ || dvārakeśvarakṛṣṇasya darśanaṃ yasya jāyate
34.43
māhātmyaṃ dvārakāyāstu athavā yaḥ śṛṇoti ca || viśeṣeṇa tu vaiśā
khyāṃ jayaṃtyāścaiva jāgare
34.44
māghyāṃ ca phālgune caitre jyeṣṭhe caiva viśeṣataḥ || adyāpi dvārakā puṇyā kalāvapi viśeṣataḥ
34.45
yasyāṃ
satraṃ prapāṃ kṛtvā prāsādaṃ maṃcameva ca || yatīnāṃ śaraṇaṃ kṛtvā tīre maṃḍapameva ca
34.46
vāpīkūpataḍāgānāṃ jīrṇodvāramathāpi vā || mūrtiṃ viṣṇoḥ
pratiṣṭhāpya dattvā vā bhogasādhanam
34.47
śṛyatāṃ tatphalaṃ viprāḥ sarvotkṛṣṭaṃ vadāmyaham || saṃprāpya vāṃchitānkāmānkṛṣṇānugrahabhājanam
34.48
tejomayeṣu lokeṣu bhuktvā bhogānukramāv || prāpnoti viṣṇulokaṃ vai naro devanamaskṛtam
34.49
sthāpayedvārakāyāṃ vai mūrtiṃ dāruśilāmayīm
trailokyaṃ sthāpitaṃ tena viṣṇoḥ sādhujyatāmiyāt
34.50
praroho nāsti pāpasya puṇyasya vṛddhiruttamā || dvārakāyāṃ kathaṃ jātaṃ vailakṣaṇyamidaṃ prabho
kṣetrebhyaḥ sarvatīrthebhya āścaryaṃ kathayaṃti te²
34.50.p1
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvārakānāmamāhātmyavarṇananāma ṣaṭtriṃśo'dhyāyaḥ
Linked texts (4)
- Skandamahāpurāṇa (vulgate) — Sanskrit
- Padmapurāṇa — Vyāsa, Sanskrit
- Prabhasakhanda (ed1909) — Sanskrit
- Dvārakāmāhātmya — Sanskrit