Prabhasakhanda 4

Prabhāsakhaṇḍa 4

Language: Sanskrit

4.49 — 1 part

4.1

prahlāda uvāca
tato gacchedvijaśreṣṭhā gomatīṃ kṛṣṇasaṃśrayām || yasyā darśanamātreṇa mucyate sarvapātakaiḥ || sarvapāpavinirmuktaḥ kṛṣṇasāyujyamāpnuyāt

4.2

duritaughakṣayakaramaṅgalyavināśanam
sarvakāmapradaṃ nṝṇāṃ praṇamedgomatījalam

4.3

mahāpāpakṣayakaramagatīnāṃ gatipradam || pūrvapuṇyavaśātprāptaṃ praṇame
dgomatījalam

4.4

ṛṣaya ūcuḥ || || daityendra saṃśayo'smākaṃ taṃ tvaṃ chettumihārhasi || iyaṃ kā gomatī tatra kenānītā mahāmate

4.5

kena kāryavaśeneha saṃprāptā varuṇālayam || sarvaṃ bhāgavataśreṣṭha hyetadvistarato vada

4.6

prahlāda uvāca || || ekārṇave purā bhūte naṣṭe sthāvarajaṅgame
tadā brahmā samabhavadviṣṇornābhisaroruhāt

4.7

ādiṣṭaḥ prabhuṇā brahmā sṛjasva vividhāḥ prajāḥ || iti dhātā samādiṣṭo hariṇā sṛṣṭikāraṇe

4.8

uktā bāḍhamiti brahmā tataḥ sṛṣṭau mano dadhe || sasarja mānasānsvayaḥ sanakādyānkumārakān || uvāca vacanaṃ brahmā prajāḥ sṛjata putrakāḥ

4.9

brahmaṇo vacanaṃ śrutvā te kṛtāñjalayo'bruvan || bhagavanbhagavadrūpaṃ draṣṭukāmā vayaṃ prabho

4.10

na bandhamanuvarttāmaḥ sṛṣṭirūpaṃ durāsadam || ityuktā te yayuḥ sarve sanakādyāḥ kumārakāḥ

4.11

paścimāṃ diśamāsthāya tīre nadanadīpateḥ || tejomayasya rūpasya draṣṭukāmā mahātmanaḥ || tasminmārnasamādhāya tepire paramaṃ tapaḥ

4.12

bahuvarṣasahasraistu prasanne dharaṇīdhare || bhitvā jalaṃ samuttasthau tejorūpaṃ durāsadam

4.13

anekadaityadamanaṃ bahuṃyaṃtravidāraṇam || sūryakoṭiprabhābhāsaṃ sahasrāraṃ sudarśanam

4.14

taṃ dṛṣṭvā vismitāḥ sarve brahmaputrāḥ parasparam
vīkṣamāṇā bhagavataḥ paramādbhutamuttamam

4.15

tāṃnvilokya tathābhūtānvāguvācāśarīriṇī || bho brahmaputrā bhagavānchrīgramāvirbhaviṣyati

4.16

arhaṇārthaṃ bhagavataḥ śīghramarghyaṃ prakalpyatām || āyudhaṃ lokanāthasya dvijāḥ śīghraṃ prasādyatām

4.17

tacchrutvā''kāśavacanaṃ tuṣṭuvuste sudarśanam

4.18

ṛṣaya ūcuḥ || || jyotirmaya namaste'stu namaste harivallabha || sudarśana namaste'stu sahasrārākṣarāvyaya

4.19

namaste sūryarūpāya brahma
rūpāya te namaḥ || amoghāya namastubhyaṃ rathāṃgāya namonamaḥ

4.20

evaṃ te pūjayāmāsuḥ sumanobhistathā'kṣataiḥ

4.20-2

stavairnānāvidhaiḥ stutvā
praṇemurharivallabham || tatprasādya sunābhaṃ tu prasusaṃdarśanotsukāḥ

4.21

asmaranmanasā devaṃ brahmāṇaṃ pitaraṃ svakam || teṣāṃ tu ciṃtitaṃ jñātvā brahmā
gaṃgāmathābravīt

4.22

yāṃhi śīghraṃ saricchreṣṭhe pṛthivyāṃ harikāraṇāt || gāṃ gatā tvaṃ mahābhāge tato bahumatā'si me

4.23

urvyāṃ te gomatī
nāma suprasiddhaṃ bhaviṣyati

4.24

vasiṣṭhasyānugā bhūtvā yāhi śīghraṃ dharātalam || tāṃtaṃ putrīvānuyātā vasiṣṭhatanayā bhava

4.25

bāḍhamityeva
sā devī prasthitā varuṇālayam || vasiṣṭhastvagrato yāti taṃ gaṃgā pṛṣṭhato'nvagāt

4.26

tāṃ dṛṣṭvā manujāḥ sarve vasiṣṭhena samanvitām || namaścakruḥ
mahābhāgāṃ gacchaṃtīṃ paścimārṇavam

4.27

āvirbabhūva tatraiva yatra te munayaḥ sthitāḥ || draṣṭukāmā hare rūpaṃ śriyā juṣṭaṃ caturbhujam

4.28

dṛṣṭvā
vasiṣṭhamanugāmāyāntīṃ surapāvanīm || avākiranmahābhāgāṃ sumanobhiśca sarvaśaḥ

4.29

divyairmālyaiḥ sugandhaiśca gandhadhūpaistathā'ścate
saṃpūjya hṛṣṭamanasaḥ sādhusādhiti cābruvan

4.30

vasiṣṭhaṃ te'gragaṃ dṛṣṭvā hyadatiṣṭhaṃstato dvijāḥ || arghyādisatkriyāṃ kṛtvā prahṛṣṭā idamabruvan

4.31

yasmāttvayā samānītā hyasmiṃlloke saridvarā || tasmāttva sutetyevaṃ khyātiṃ loke gamiṣyati

4.32

goḥ svargādāgatā yasmādidaṃ
sthānaṃ matī matā || tasmāddhi gomatīnāma khyātiṃ loke gamiṣyati

4.33

asyā darśanamātreṇa muktiṃ yāsyaṃti mānavāḥ || kiṃ punaḥ snāna
dānādi kṛtvā yāṃti hareḥ padam

4.34

tāmeva cārghyaṃ dattvā te yogīṃdrā īḍire harim || paraṃ puruṣasūktena pum̐ruṣaṃ śeṣaśāyinam

4.35

iti
saṃstuvatāṃ teṣāṃ harirāvirbabhūva ha || pītakauśeyavasano vanamālāvibhūṣitaḥ || divyamālyānuliptāṃgo divyābharaṇabhūṣitaḥ

4.36

śeṣāsanagataṃ
devaṃ divyānekodyatāyudham || jvalatkirīṭamukuṭaṃ sphuranmakarakuṃḍalam

4.37

bhaktābhayapradaṃ śāṃtaṃ śrīvatsākaṃ mahābhujam || sadā prasannavadanaṃ ghana
śyāmaṃ caturbhujam

4.38

pādasaṃvāhanāsaktalakṣmyā juṣṭaṃ manoharam || taṃ dṛṣṭvā munayaḥ sarve harṣotkarṣasamanvitāḥ || viṣṇuṃ te viṣṇusūktaiśca tuṣṭuvuḥ
vedasaṃbhavaiḥ

4.39

evaṃ saṃstuvatāṃ teṣāṃ viṣṇurdīnānukaṃpakaḥ || uvāca suprasannena manasā dvijasattamān

4.40

śrībhagavānuvāca
bhobhoḥ kumārāstuṣṭo'haṃ pradāsyāmi yathepsitam || bhaviṣyatha jñānayutā aspṛṣṭā mama māyayā

4.41

yasmānmokṣārthibhirviprā jalenāhaṃ prasāditaḥ || tasmādidaṃ paraṃ tīrthaṃ sarvakāmapradaṃ param

4.42

anugrahāya bhavatāṃ yatra cakraṃ sudarśanam || niḥsṛtaṃ prathamaṃ viprā jalaṃ bhittvā samāprataḥ

4.43

cakratīrthamiti khyātaṃ tasmādetadbhaviṣyati || mamāpi niyataṃ vāso bhaviṣyati mahārṇave

4.44

ye'tra snānaṃ prakurvaṃti prasaṃgenāpi mānavāḥ || cakratīrthe dvijaśreṣṭhāsteṣāṃ muktiḥ kare sthitā

4.45

bhavaṃto'pi sadā hyatra tiṣṭhadhvaṃ ca dvijarṣabhāḥ || vāyubhūtāṃtarikṣasthāḥ sarvakāmasya dāyakāḥ

4.46

prahlāda uvāca || || tacchrutvā hṛṣṭamanasaḥ kṛtvārghyaṃ surapāvanīm || avanijya hareḥ pādau mūrdhna'paścāpyadhārayan

4.47

prakṣālya sā hareḥ pādau praviṣṭā varuṇālayam || tasminmahāpāpaharā gomatī sāgaraṃ gatā

4.48

varaṃ dattvā tato viṣṇustatraivāntaradhīyata || sanakādyā brahmasutāstasthustatra samāhitāḥ

4.49

evaṃ sā gomatī tatra saṃjātā sāgaraṃgamā || sarvapāpaharā proktā pūrvagaṃgeti yāṃ śrutā

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye sanatkumāratapobalena bhagavatprādurbhāva vṛttāntavarṇanepuraḥsaragomatyutpattimāhātmyavarṇanaṃnāma pañcamo'dhyāyaḥ

Prabhasakhanda 4

Contents

Linked texts (6)