Pramāṇa · Search · About · API

Purushottakhanda 11

Puruṣottakhaṇḍa 11

Language
Sanskrit

Contents

11.2

śaśaṃsa nāradasyā'gre yathā svapno'nvabhūyata | sa cāpi nāradaḥ prāha śokastevigatonṛpa
aruṇodayakāle hi bhagavantaṃ dadarśa yat | daśāhātphaladaḥsvapnastānmankālenṛpottama
kratvante bhagavānatra pratyakṣaste bhaviṣyati | yadāha madgirā tvāṃ hi carācaragururvidhiḥ
so'pi tvayā jagatsraṣṭā svapne'sminnavalokitaḥ | tadanuṣṭhīyatāṃjayajñaḥparāgryenaprakāśaya
svapno'yaṃ nṛpaśārdūla! durbodhāccaritohareḥ | kintubhāgyavatastvevasvapnastādṛkprajāyate
aṣṭādaśo'dhyāyaḥ
akṣayavaṭotpattivarṇanam
jaiminiruvāca
tataḥ pravṛtte sutyā nṛpatervājimedhike | tasyāṃ trailokyamabhavadekasadmanibhaṃ dvijāḥ
śāstraiḥ stotrairdivaspṛgbhirvarṇakramasamujjvalaiḥ
yathāpadasvaranyāsārairnye śabdāstirohitāḥ

11.6

dānebhyo'vāritaṃtatra dīyantevāñchitāni vai | naṭanartakasūtānāṃ sā'bhūtkalpadrumopamā
tanmadhye'vabhṛthe snātuṃ kṛtā yatropakārikā | dakṣiṇe taṭabhūdeśe bilveśvarasamīpataḥ
niyuktāḥ sevakārājñā sasambhramamupasthitāḥ | nyavedayanta nṛpati kṛtāñjalipuṭādvijāḥ
deva dṛṣṭo mahānvṛkṣastaṭabhūmau mahodadheḥ | praviṣṭāgrasamudrāntaḥkallolaplavamūlakaḥ

11.10

maṃṇiṣṭhavarṇaḥsarvatraśaṅkhacakrāṅkitaḥ plavan | snānaveśmasamīpe'saudṛṣṭo'smābhiḥparo'dbhutaḥ
na dṛṣṭapūrvo vṛkṣo'yamudyatsūryanibho'ṃśunā | gandhenavāsayansarvāṃ taṭabhūmiṃ sugandhinā
drumaḥ sādhāraṇo nā'yaṃlakṣyate devabhūruhaḥ | kaściddevastaruvyāṃjādāgato lakṣyatedhruvam
niyuktānāṃ vacaḥ śrutvā rājā nāradamabravīt
tatkiṃ nimittaṃ yad dṛṣṭaṃ taruśreṣṭhaṃ vadanti te

11.23

nāradaḥ prahasanvākyamuvāca nṛpasattamam | pūrṇāhutiḥ samāpnotu yathā syātsaphalaḥkratuḥ
upasthitaṃte tadbhāgyaṃsvapneyaddṛṣṭavānpurā | śvetadvīpe viśvamūrttirhṛṣṭo yoviṣṇugddhvayaḥ
tadaṅgaskhalitaṃ roma tarutvamupapadyate | aṃśāvatāraḥ sthāsnuryaḥ pṛthivyāṃ parameṣṭhinaḥ
tadrūpāvataraṃ yātibhagavānbhaktavatsalaḥ | drumo hāpauruṣo yo'saubhājanaṃnā'sya darśane
tvāmṛte puruṣavyāghra pṛthivyāṃ nṛpasattama | tvadbhāgyavaśataḥsarvalokānāṃ nayanā'tithiḥ
bhaviṣyati mahārāja sarvakalmaṣanāśanaḥ | samāpyā'vabhṛthasnānaṃ tadānte saritāmpateḥ
utsavaṃ sumahatkṛtvā kṛtakautukamaṅgalam | mahāvedyāṃ sthāpayatra yajñeśaṃ tarurūpiṇam
vicāryetthaṃmudāyukau tāvubhau nṛpanāradau | susamṛddhautatra yātau yatrā'sau bhagavaddrumaḥ
taṃdṛṣṭvā harṣitāḥ sarvebrahmākṣādupasthitam | menire janmasāphalyaṃ jīvanmuktā mahodayāḥ
indradyumno'pinṛpatirmamajjā'mṛtasāgare | svapne dṛṣṭā jagannāthaṃ yathā'sau bhagavatpriyaḥ
tathā dadarśa taṃ vṛkṣaṃ catuḥśākhaṃ caturbhujam | svakaṃ śramaṃ manyamānaḥ saphalaṃ nṛpasattamaḥ
jahauśokaṃ nīlamaṇimādhavāntarddhijaṃ dvijāḥ | punaḥ punaḥ praṇamyainaṃ harṣāśrunayano nṛpaḥ
dvijairāhārayāmāsa taruṃ kallolalolitam | śaṅkhakāhālamurajaḍhakkāpaṭahaniḥsvanaiḥ

11.24

gītavāditraninadairjayaśabdaiḥsahasraśaḥ | sugandhipuṣpāñjalibhirākāśātpatitairmuhuḥ

11.28

paritodhūpapātraiśca kṛṣṇāgurusudhūpitaiḥ | veśyābhiryauvanonmattasurūpāmiḥ pracālitaiḥ
ratnadaṇḍaprakīrṇaiśca vījyamānaṃ samantataḥ | patākābhirddivyapaṭṭadukūlābhiḥ suśobhitam
rājanirājavṛndaiśca turaṅgaiḥ pattibhirvṛtam | māgadhairvandyamānaṃ tu stūyamānaṃ maharṣibhiḥ
ṛtvigbhirbrāhmaṇaiścaiva vidvadbhiḥ śrotriyaistathā
rājanyairvaiśyakulajaiḥ sacchūdraiḥ paricāritam

11.32

stotrairbahuvidhaiḥ smāntaiḥ paurāṇikaistathā | stūyamānaṃ taruṃ viṣṇorbhūlokepariveṣṭitam
sraggandhālaṅkṛtaṃ divyaṃmahāvedīṃ vinindyatuḥ | vitānavaracitrāyāṃveṣṭitāyāṃnirantaram
vedyāṃ taṃ sthāpayāmāsurindradyumnasya śāsanāt | vacasā nāradasyainaṃpūjayāmāsapārthivaḥ
sahasrairupacārāṇāṃ divyairūpairnṛpottamaḥ | pūjāvasāne papraccha nāradaṃ munisattamam

11.33

kīdṛśyaḥ pratimā viṣṇorghaṭayiṣyati kaḥ punaḥ
tacchrutvā taṃ muniḥ prāha acintyamahimāguruḥ

11.41

ko veda tasyaceṣṭāmvaisarvalokottarāṃ nṛpa | kṣatrā yojagatāṃ tasyā'pyevāsaṃśayagocarā
vicārayantau tāvitthaṃ yāvannāradapārthivau | aśarīrā tatovāṇī śuśruvecā'ntarikṣataḥ
tatra vismayamānānāṃ sarveṣāmeva śrṛṇvatām | apauruṣeyo bhagavānvicārapathe sthitaḥ
suguptāyāṃ mahāvedyāṃsvayaṃso'vatariṣyati | pracchādyatāṃ dinānyepāyāvatpañcadaśānivai
upasthito'yaṃ yo vṛddhaḥśāstrapāṇistu varddhakiḥ | enamantaḥpraveśyaivadvāraṃbadhnantuyatnataḥ
bahirvādyāni kurvantu yāvattuvaṭanābhavet | śruto hi ghaṭanāśabdobādhiryāndhatvadāyakaḥ
narake vasatiścaiva kuryātsantānanāśanam | nāntaḥ praveśaṃ kuryānna paśyecca kadācana
niyuktādanyaḥ paśyeccedrājño rāṣṭrasya caiva ha
draṣṭuścā'pi mahārbhītiranyatā cakṣuṣoryuge

11.44

tasmānnāvekṣaṇaṃkāryāyāvatpratimānirmitiḥ | niryyaṅ‌hastusvayaṃdevaḥ kṛtyāntetuvadiṣyati
yadyatkāryaṃ prayatnena sarvalokasukhāvaham | tacchrutvānāradādyāsteyathoktaṃviṣṇunāsvayam
cikīrṣanti tathā karttuṃ tatrā''yātaśca varddhakiḥ
provāca nṛpatiṃ so'tha svapne dṛṣṭāstu yāstvayā

11.46

tāevā'haṃghaṭiṣyāmidāruṇādivyarūpiṇā | ityuktvā'ntardadhevedyāṃvṛddhavarddhakirūpadhṛk
vañcanārthaṃ manuṣyāṇāṃ sākṣānnārāyaṇo vibhuḥ

11.46.p1

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍāntargatotkalakhaṇḍe śrīpuruṣottamakṣetramāhātmye jaiminiṛṣisamvāde mūrttighaṭanārthaṃ vṛddhavarddhakisamāgamonāmā'ṣṭādaśo'dhyāyaḥ

Linked texts (7)