Pramāṇa · Search · About · API

Setukhanda 44

Setukhaṇḍa 44

Language
Sanskrit

Contents

44.1

śrīsūta uvāca || bhūyopyahaṃpravakṣyāmi dhanuṣkoṭestuvaibhavam || atyadbhutataraṃguhyaṃ sarvalokaikapāvanam

44.2

purātarā
vasurnāma brāhmaṇovedavittamaḥ || ajñānātpitaraṃhatvā brahmahatyāmavāptavān

44.3

sopisnātvādhanuṣkoṭau taddopānmu
mucekṣaṇāt || ṛṣaya ūcuḥ || pitaraṃhatavānpūrvvaṃ kathaṃsūtaparāvasuḥ

44.4

kathaṃvādhanuṣaḥkoṭau muktistasyāpyabhūnmune
etannaḥśraddadhānānāṃ vistarādvaktumarhasi

44.5

śrīsūta uvāca || āsīdrājāvṛhadyumnaścakravartīmahābalaḥ|| dharmeṇapālayā
māsa sāgarāntāṃvasundharām

44.6

ayajatsatrayāgena devānindrapurogamān || yājakastasyaraibhyobhūdvidvānparamadhārmikaḥ

44.7

āstāṃputrāvubhautasyāpyarvāvasuparāvasū || ṣaḍaṅgavedaviduṣau śrautasmārteṣukovidau

44.8

kāṇādejaiminīyeca
sāṃkhyevaiyāsiketathā || gautameyogaśāstreca pāṇinīyecakovidau

44.6-2

manvādismṛtiniṣṇātau sarvaśāstraviśāradau
satrayāgesāhayārthaṃ bṛhadyumnenayācitau

44.10

bhrātarausamanujñātau pitrāraibhyeṇajagmatuḥ || bṛhadyumnasyasatrantāvaśvināvivarūpiṇau

44.11

atiṣṭhadāśramairaibhyaḥ snuṣayājyeṣṭhayāsaha || taugatvābhrātarautatra rājñaḥsatramanuttamam

44.12

yāja
yāmāsatussatre bṛhadyumnamahīpateḥ || nābhavatskhalanaṃbhrātroḥ satresāṅgeṣukarmasu

44.13

satresantanyamānesmin bṛhadyumnasyabhūpateḥ
munayobhyāgamansarve rājñāhūtānirīkṣitum

44.14

vasiṣṭhogautamaścātrijārbālirathakaśyapaḥ || kraturdakṣaḥ
pulastiśca pulaho nāradomuniḥ

44.15

mārkaṇḍeyaḥśatānando viśvāmitraḥparāśaraḥ || bhṛguḥkutsothavālmīkirvyāsa
dhaumyādayo pare

44.16

śiṣyaiḥpraśiṣyairbahubhirasaṃkhyātaiḥsamāvṛtāḥ || tānāgatānsamālokyabṛhadyumnomahīpatiḥ

44.17

arghyādināmunīnsarvānūpūjayāmāsasādaram || nānādigbhyaḥsamāyātāścaturaṃgabalairyutāḥ

44.18

upahūtāstadābhūpāssa
traṃvīkṣitumādarāt || vaiśyāḥśūdrāstathāvarṇāścatvāropisamāgatāḥ

44.16-2

varṇināthagṛhasthāśca vānaprasthāścabhikṣavaḥ
satraṃnirīkṣituṃtasya bṛhadyumnasyacāyayuḥ

44.20

tānsarvānpūjayāmāsa yathārharājasattamaḥ || dadaucānnā nisarvebhyo ghṛtasū
pādikāṃstathā

44.21

vastrāṇicasuvarṇāni hāraratnānyanekaṃśaḥ || evaṃsatkārayāmāsa rājāsatresamogatān

44.22

raibhyaputrautadāviprā arvāvasuparāvasū || adhvarādīnikarmāṇi cakratusskhalitaṃvinā

44.23

tadṛṣṭvāmunayassarve
kauśalaṃraibhyaputrayoḥ || ślāghantesaśiraḥ kampaṃ vasiṣṭhapramukhāstadā

44.24

karmāṇi kānicittatra kārayitvāparāvasuḥ
tṛtīyasavanasyānte gṛhakṛtyaṃnirīkṣitum

44.25

prayayausvāśramaṃsāyaṃ vinaivārvāvasuṃdvijāḥ || tasminnavasareraibhyaṃ
kṛṣṇājinasamāvṛtam

44.26

vanecarantaṃpitaraṃ dṛṣṭvāsammṛgaśaṅkayā || nidrākaluṣītoratrau andhetamasisaṃkule

44.27

ātmānaṃhantumāyāti mṛgoyamiticintayan || jaghānapitaraṃsoyaṃ mahāraṇyeparāvasuḥ

44.28

rirakṣuṇāśarīraṃsvante
nākāmanayāpitā || rajanyāṃhiṃsitoviprā mahāpātakakāriṇā

44.26-2

antikaṃsasamāgatya vyalokayatataṃhatam
jñātvāsvapitaraṃrātrau śuśocavyathitendriyaḥ

44.30

pretakāryaṃtataḥkṛtvā pituḥsarvvaparāvasuḥ || bhūyopinṭpateḥsatraṃ parāva
surupāyayau

44.31

svaceṣṭitantutatsarvvamanujāyatatobravīt || mṛtaṃsvapitaraṃśrutvā sopiśokākulobhavat

44.32

jyeṣṭhonujaṃtataḥprāha vacanaṃdvijasattamāḥ || mahatsatraṃsamārabdhaṃvṛhadyumnasyabhūpateḥ

44.33

voḍhṛtvaśaktirnāstyasya karmaṇo
bālakasyate || janakaścahatorātrau mayāpimṛgaśaṅkayā

44.34

prāyaścittaṃcakarttavyaṃ brahmahatyāviśuddhaye || madarthaṃvrataca
ryāṃtvaṃcaratātakaniṣṭhaka

44.35

ekākīdhuramuḍhohuṃ śaktohaṃsatrakarmaṇaḥ -|| arvāvasuritiprokto jyeṣṭhenasatambhavya
dhāt

44.36

tathābhavatvahaṃjyeṣṭha cariṣyevratamuttamam || brahmahatyāviśuddhyarthaṃ tvaṃsatradhuramāvaha

44.37

ityuktvā
so'nujojyeṣṭhaṃ tasmātsatrādviniryayau || kārayāmāsakarmāṇijyeṣṭhastasmingatekratau

44.38

dvādaśābdaṃkaniṣṭhopi brahmaha
tyāvrataṃdvijāḥ || caritvāsatrayāgesminnājagāmapunarmudā

44.36-2

taṃdṛṣṭvānātaraṃjyeṣṭho bṛhadyumnamuvācaha || ayantebrahma
hāsatramarvāvasumupāgataḥ

44.40

enamutsārayāśutvamasmātsatrānnṛpottama || anyathāsatrayāgasya phalahānirbhaviṣya
ti

44.41

itīritaḥsvapreṣyairyāgāttamudavāsayat || udvāsyamānorājñānamarvāvasurathābravīt

44.42

namayābrahmahatyeyaṃ
bṛhadyumnakṛtānagha || kintujyeṣṭhenamesāhi brahmahatyākṛtāvibho

44.43

brahmahatyāvrataṃcīrṇaṃ tadarthaṃcamayādhunā || evamukto
pirājāsau vacasāsaparāvasoḥ

44.44

arvāvasuṃnijātsatrādudavāsayadāśuvai || dhikkṛtobrāhmaṇaiścāryaṃ yayautūṣṇīṃvanaṃ
tadā

44.45

munivṛndasamākīrṇaṃ tapovanamupetyasaḥ || arvāvasustapaścakre devairapisuduṣkaram

44.46

tapaḥkurvaṃstathā
dityamupatasthesamāhitaḥ || mūrttimāṃstapasātasya mahatātṛṣṭadhīḥsvayam

44.47

āvirāsītsvayādīptyā bhāsayañjaga
tītalam || karmasākṣījagaccakṣurbhāskarodevatāgraṇīḥ

44.48

āvirbabhūvurdevāśca puraskṛtyaśacīpatim || indrāyastato
devāḥ procurarvāvasuṃdvijāḥ

44.46-2

arvāvasotvaṃpravarastapasābrahmacaryataḥ || ācāreṇaśrutenāpi vedaśāstrādiśikṣayā

44.50

nirākṛtovamānena tvaṃparāvasunābahu || tathāpikṣamayāyukto nakupyatibhavānyataḥ

44.51

yasmājjyeṣṭhovadhīttātaṃ
nahiṃsitvāmahāmate || brahmahatyāvrataṃyasmāttadarthaṃcaritaṃtvayā

44.52

ataḥsvīkurmahetvāntu parākurmaḥparāvasum || uktvai
vaṃbalaminyukhyāḥ sarvecatridivālayāḥ

44.53

tantepravarayāmāsurnirāsuścaparāvasum || punarindrādayodevāḥ purodhāyadi
vākaram

44.54

arvāvasuṃprocuridaṃ varaṃtvaṃvarayetivai || sacāpiprārthayāmāsa janakasyotthitaṃpunaḥ

44.55

vadhecāsmara
ṇaṃ‍devāvātmajojanakasyavai || tathāstvitisurāḥ procurpunarūcuridaṃvacaḥ

44.56

varaṃcānyaṃpradāsyāmo varayatvaṃmahāma
te || evamuktaḥ suraiḥ soyamarvāvasubhāṣata

44.57

mamabhrāturaduṣṭatvaṃ bhaṃvatutridaśālaṃyāḥ || arvāvasorvacaḥśrutvā tridaśāḥ
punarabruvan

44.58

brāhmaṇasyapiturghātānmahāndoṣaḥparāvasoḥ || nahyanyaṃkṛtapāpaṃsyaṃ pareṇānuṣṭhitenavai

44.56-2

prāyaṃ
ścittenaśāntiḥsyānmahāpātakapañcake || piturbrāhmaṇahantustu sutaronāṃstiniṣkṛtiḥ

44.60

ātmanānuṣṭhitenāpi vrate
nanahiniṣkṛtiḥ || parāvaṃsostavabhrāturatonaivāstiniṣkṛtiḥ

44.61

atosmābhiraduṣṭatvamasmainaidātuṃnaśakyate || arvāvasuḥ
punaḥprāha devānindrapurogamān

44.62

tathāpiyuṣmanmāhātmyātprasādāddevatāntathā || piturbrāhmaṇahanturme bhrātṛstri
daśasattamāḥ

44.63

yathāsyānniṣkṛtirbrūtatathaivakṛpayāyutāḥ || evamarvāvaṃsoḥśrutvā vacastetridaśālayāḥ

44.64

dhyātvāṃttumuciraṃkālaṃ viniścityedamanruvan || upāyantepravakṣyāmastatpātakanivāraṇam

44.65

dakṣiṇāmbunidhaupuṇye
rāmasetauvimuktide || dhanuṣkoṭiritikhyātaṃ tīrthamastivimuktidam

44.66

brahmahatyāsurāpānasvarṇasteyavināśanam
gurutalpagasaṃsargadoṣāṇāmapināśanam

44.67

akāmenāpiyaḥsnāyādapavargaphalapradam || dusvapnanāśanaṃdhanyaṃ naraka
kleśanāśanam

44.68

kailāsādipadaprāptikāraṇaṃparamārthadam || sarvakāmamamidaṃpuṃsāṃ ṛṇadāridryanāśanam

44.69

dhanuṣkoṭirdhanuṣkoṭirdhanuṣkoṭiritīraṇāt || svargāpavargadaṃpuṃsāṃ mahāpuṇyaphalapradam

44.70

tatragatvātvadbhātā
snāyādyadiparāvasuḥ || tatkṣaṇādevatejyeṣṭho mucyatebrahmahatyayā

44.71

idaṃrahasyaṃsumahatprāyaścittamudīritam || uktvai
tyarvāvasuṃdevāḥ prayayuḥsvapurīṃprati

44.72

tataścārvāvasurjyeṣṭhaṃ samādāyaparāvasum || rāmacandradhanuṣkoṭiṃ prayayaumukti
dāyinīm

44.73

setausaṃkalpamuktvāta niyamainaparāvasuḥ || sahabhrātrādhanuṣkoṭau sasnaupātakaśuddhaye

44.74

snā
tvotthitaṃdhanuṣkoṭau tamaprovācāśarīriṇī || parāvasovinaṣṭāte piturbrāhmaṇaghātajā

44.75

brahmahatyāmahāghorā naraka
kleśakāriṇī || ityuktvāvirarāmātha sāpivāgaśarīriṇī

44.76

parāvasustadāviprāḥ kaniṣṭhenasamanvitaḥ || rāmacandra
dhanuṣkoṭiṃ praṇamyacasabhaktikam

44.77

rāmanāthaṃmahādevaṃ natvābhaktipuraḥsaram || vimuktapātakoviprāḥ prayayaupitu
rāśramam

44.78

mṛtvotthitastadāraibhyo dṛṣṭvāputrausamāgatau || santuṣṭahṛdayodyāstai putrāmyāṃsvāśramaṃtadā

44.76-2

rāmacandradhanuṣkoṭau snānenahatapātakam || enaṃparāvasuṃsarve svīcakrurmunayastadā

44.80

evaṃ parāvasoroktaṃ brahmahatyāvi
mokṣaṇam || snānamātrāddhanuṣkoṭau yuṣmākaṃmunipuṅgavāḥ

44.81

surāpānādayopyatraṃ naśyantyevātramaṃjanāt || satyaṃ
satyaṃ punaḥ satyamuddhṛtyabhujamucyate

44.82

mahāpātakasaṃghāśca naśyeyurmajjanādiha || yaimaṃpaṭhatedhyāya brahmahatyāvimo
kṣaṇam

44.83

brahmahatyāvinaśyeta tatkṣaṇātrāstisaṃśayaḥ || surāpānādayopyasya śāntiṃgaccheyurañjasā

44.83.p1

iti śrīskandapurāṇesetumāhātmyedhanuṣkoṭipraśaṃsāyāṃparāvasorbrahmahatyāvimokṣaṇannāmatrayastriṃśo'dhyāyaḥ

Linked texts (2)