Shrikshetramahatmya 8
Śrīkṣetramāhātmya 8
- Language
- Sanskrit
Contents
- 8.151 — 1 part
8.3
ekādaśo'dhyāyaḥ:
indradyumnasyanāradenasahapuruṣottamakṣetragamanārthamparāmarśavarṇanam
jaiminiruvāca
nāradādbrahmaṇaḥ putrādbhagavadbhaktimuttamām | śrutvetthaṃ paramaprītaindradyumno'pyuvācatam
indradyumna uvāca
sādhusaṅgastu vidvadbhirbhavavyādhivināśanaḥ | mamopadiṣṭobhagavanso'bhūtsāmpratamevame
yena sākṣātkṛto viṣṇuḥ paramātmā parātparaḥ
sa tvaṃ yanmandirāyātastvadanyaḥ sādhuratra kaḥ
8.5
tvatsannidhānādbhagavaṃstamo me nāśamabhyagāt | yanmetvarayatecittamarcituṃnīlamādhavam
vetsi brahmāṇḍavṛttāntaṃ paryaṭansārvalaukikaḥ
tadāvāṃ rathamāsthāya paśyāvo nīlamādhavam
8.6
puruṣottamasañjñasyakṣetrasyā'laṅkṛtaṃśubham | tatratīrthānisantītibahubhiḥkathitānime
tvadvākyādyadi jānāmi bhaveyuḥ safalāni me
8.8
nārada uvāca
hanta te darśayiṣyāmikakṣetraṃkṣetrasthitāni ca | tīrthāniśaktitaśśambhośkṣetramāhātmyamevaca
sākṣād drakṣyasi deveśaṃ bhaktasyā''tmasamarpakam
tavā'nugrahataḥ śīghraṃ caturddhā samvyavasthitam
8.10
yasyasandarśanānmartyā jāyatebhaktibhājanam | evaṃ kathāntetauprītāvahaḥkṛtyaṃsamāpyaca
yātrā'nukūlaṃ nirṇīya pañcamyāṃ budhavāsare | jyeṣṭhakṛṣṇetare pakṣe puṣyarkṣe lagna uttame
ekatra śayitau rātriṃ ninyaturnṛpanāradau
8.14
tataḥ prabhāte vimalaindradyumno nṛpottamaḥ | ghoṣaṇāṃ kārayāmāsa rājyasyasahabandhubhiḥ
yathāvibhavataḥ sainyairnīlādrigamanamprati | yāvajjīvaṃtatravāsaṃ kariṣyāmoviniścitam
yāvṛttiḥkalpitāyasyasatayātatrajīvatu | rājānaḥsāvarodhāścasāmātyāḥsaparicchadāḥ
rathairgajaisturaṅgaiśca koṣaiḥ saha padātibhiḥ
8.15
vrajantu sajitāstatra brāhmaṇāḥ sā'gnihotriṇaḥ
vaṇijaḥ saha bhāṇḍaiśca sapaṇyāḥ paṇyajīvinaḥ
8.17
rāṣṭrakarmaṇiniṣṇātāḥkuśalārājavatmarsu | jyotirvidonnṛtyavidodaṇḍanītaupravīṇakāḥ
nṛtyagāyanavāditracaturvidhasubuddhayaḥ | gajavājinarāṇāñca bhaiṣajye śāstrauttame
8.22
kuśalā dṛṣṭakarmāṇo vidyāsvaṣṭādaśasvapi | upāṅgavidyāsu tathā kuhakārthakutūhalāḥ
ghāṭasāhasikāścorāstathānyepaśyatoharāḥ | vicitrakathanājīvāścāṭukārāścamāgadhāḥ
śāstropajīvinaścaivatathā'nyeśalyahārakāḥ dyūtakārāśca puṃścalyoveśyāveśānugāvidaḥ
kṛṣīvalāśca gomeṣacchāgoṣṭrakhararakṣakāḥ | śakuntapālāśca kapivyāghraśārdūlarakṣakāḥ
āhituṇḍikagorakṣyaśavarā mlecchajātayaḥ
8.23
anye ca ye mālavadeśajātā ājñāmmadīyāmanupālayanti
te yāntu sarve vasatau hi nīlācale yathā svaṃ kṛtavāstubhāgāḥ
8.24
evamājñāpya nṛpatiryātrāyāṃ ca kṛtakṣaṇaḥ | nāradena samāgamya daivajñamidamāha saḥ
8.27
sāmvatsaramuhūrttaṃ me nirṇītaṃ te yathā purā | tāvanmāṅgalikaṃ vastujātaṃ samyagupānaya
purohitamatenā'sminkṣaṇeyāvadvimṛgyate | tenā''diṣṭaḥsa gaṇakaḥ purohitasahāyavān
ājahāra samastāni māṅgalyāni dvijottamāḥ
atrāntare sa rājarṣirdivyasiṃhāsanasthitaḥ
8.37
yātrābhiṣekamāṅgalyaṃ vipraiḥprāganubhāvitam | śrīsūktavahrisūktābhyāṃ sūktenā'bdaivatenaca
pāvamānyāndhrisūktenapṛthaṅmāṅgalyavarddhakaiḥ | tīrthādbhiroṣadhīmiśraissarvagandhaiḥpṛthakpṛthak
abhiviktastato rājā cīnāṃśukahṛtāmbhasā | rarāja vapuṣā dīpto nirdhūmaḥpāvakoyathā
āmuktaśuklavasanaḥsvācāntaḥsapavitrakaḥ | nāndīmukhānṛpitṛgaṇānūjāyitvāyathāvidhi
jayārāṣṭrabhṛto hutvā gaṇahomāṃśca yatnataḥ | śaṅkhadhvanisugandhāḍhyaṃ śvetavarṇaṃ viumakam
vahniṃ pradakṣiṇaṃ cakre dakṣiṇāvarttagārciṣā | sākṣātkāreṇa dadataṃ jayaṃ rājñe jayārthine
navagrahamakhānte ca grahakumbhenasevitaḥ | grahāṇāṃdauṣṭyanāśāyasausthyasyā'pivivṛddhaye
jyotiḥśāstroditairmantrairdaivajñavidhicoditaiḥ | tato māṅgalyanepathyavidhānamupacakrame
cīnāṃśukaprāvaraṇe vidhāya kavacaṃ nijam | śiroveṣṭanakaṃ śubhraṃ suratnamukuṭojjvalam
sāvataṃse śrutiyuge ratnakuṇḍalabhūṣite | graiveyakaṃ mahārghaṃ tu hāraṃ taralabhūṣitam
8.43
dadhārā'tha nṛpaśreṣṭhaḥ keyūrāṅkadamadrikāḥ | madhyena trivalīsaktaṃ svarṇasūtraṃ trivṛddhau
hiraṇyakiṅkiṇīyuktamuktā toraṇamālikam | nānāratnaiḥsughaṭitāṃdadhārā'thasumekhalām
anarghyaṃ pādakaṭake pādayoḥ saṃnyaveśat | sammukhādarśitā''darśe'dṛśe svaṃ vibhūṣitam
maṅgalāropaṇārthāya haimapīṭhamupāviśat | prāṅmukhaḥ śrīdharaṃ devaṃ saṃsmaranmadhusūdanam
maṅgalāyatanaṃ viṣṇuṃ sarvamāṅgalyakāraṇam | smaraṇādasya naśyanti pātakānivahūntyapi
saumanasyāmatho mālāmārttavīṃ gandhavarṇitām
dadhāra prathamaṃ rājā mantritāṃ svapurodhasā
8.47
mṛdaṃ dīpaṃ phalaṃ dūrvādadhigorocanāṃtataḥ | mantrābhimantritānsarvānsiddhārthairabhirakṣitaḥ
ātmānaṃ dadṛśe rājā saurabheye haviṣyatha | mukure mantrite paścātsvaṃ dṛṣṭvā nṛpakesarī
bahvṛcaiḥ śāntighoṣeṇasamudīrṇaśubhāyatiḥ | yājuṣkaiḥpathisūktenavrajanmārge'bhirakṣitaḥ
paurāṇairmaṅgalairvākyaiḥ kṛtavīryadhṛtirnṛpaḥ | māgadhaiḥ stutipāṭhena prādurbhūtaparākramaḥ
8.51
pārijātaharaṃ satyāsahitaṃ garuḍadhvajam | dhyāyanhṛtpaṅkaje rājā dakṣiṇaṃ pādamuddhadhau
pradakṣiṇīkṛtya muniṃ nāradaṃ purataḥ sthitam | madhyadvāramupāgacchadvetrapāṇibhirāvṛtaḥ
ādiṣṭapadamārgo'sāvagnihotrapuraḥsaraḥ | tatrā'paśyatsthitānviprānātmanodakṣiṇenavai
māṅgalyasūktaṃ paṭhataḥ śubhrānpāṇḍurāṃ'śukān
lājāḥ sapuṣpā rājā'gre kṣipataḥ śaṃsataḥ śubham
8.54
vāmapārśvasthitā veśyāścāmaravyagrapāṇayaḥ | śubhrāsaṅkāravasanāḥ smerapadmānanāḥ śubhāḥ
brāhmaṇānpūjayāmāsa bhaktinamrodvijottamāḥ !| vastrā'laṅkāramālyaiśca sugandhairanulepanaiḥ
toṣayāmāsa tānviprānbhagavadbuddhibhāvitān
veśyābhyo māgadhebhyaśca dīnānāthebhya eva ca
8.55
rājānumatyā sacivo yathāhaṃ pradadau dhanam
śvetānpārāvatānhaṃsāñśvetāśvaṃ śvetakuñjaram
8.64
sacūtapallavaṃ śvetamālāphalavibhūṣitam | kadalīkāṇḍasannaddhatoṭaṇādhaḥsthitaṃ nṛpaḥ
pūrṇakumbhaṃ sa paśyanvai maṅgalāni bahūnyapi | sitātapatreṇa śiraḥpradeśe vāritātapaḥ
yugapatpūryamāṇaistukambubhiḥśatasaṅkhyakaiḥ | sammiśritāniśuśrāvavāditrāṇibahūnisaḥ
tathā maṅgalagītāni jayaśabdāṃśca bhūpatiḥ | tato viveśa prāsādaṃ nṛsiṃhamavalokitum
yaṃ smṛtvājāyatemartyaḥsarvakalyāṇabhājanam | dṛṣṭvāsadūrānnṛhariṃdivyasiṃhāsanasthitam
praṇamya sāṣṭāvayavaṃsantoṣyopaniṣadgirā | dakṣapārśvasthitāṃdurgāṃsarvadurgatimocinīm
vavande caraṇābhyāśe paśyantīṃ kṛpayā nṛpaḥ | tataḥ purodhā devāṅgādavaropya śubhāṃsrajam
āsañjayāmāsa gale sugandhenā'nvalepayat | nīrājayāmāsa rājñaḥ śiraśvāveṣṭyanmudā
punaḥ pradakṣiṇīkṛtya tau devau nṛpasattamaḥ | śivikāyāṃ samāropya pratasthecapuraskṛtau
prādurbhūya bahirdvāre rathaṃ dṛṣṭvā susajjitam | turaṅgamairvātajavairdaśabhiḥ parayojitam
8.66
pradakṣiṇīkṛtya nṛpo nāradena samāviśat | ḍhakāmṛdaṅganiḥsāṇabherīpaṇavagomukhāḥ
madhurīcarcarīśaṅkhā avādyanta sahasraśaḥ
syandanāḥ koṭiśastatra nṛpāṇāmanujīvinām
8.68
cakāśire śreṇikṛtā indradyumnarathābhitaḥ | nānāpraharaṇopetāḥ patākābhiralaṅkṛtāḥ
dhvajocchritāḥ svarṇaraupyaiḥ kiṅkiṇījāladarpaṇaiḥ
yantrairnānāvidhairyuktā gambhīrasnigdhaniḥsvanāḥ
8.71
padātīnāṃ kuñjarāṇāṃhayānāṃ vātaraṃhasām | pattiṃsphoṭanairhastibṛṃhitairhayaheṣitaiḥ
bahulai rathanirghoṣairmiśritāvādyaniḥsvanāḥ | yugāntārṇavanisvānatulyāḥ śuśruvire janaiḥ
tasminkṣaṇe paurajanāḥ svasvasambhārasajjitāḥ
aśvakai rāsabhairuṣṭrairvāhakaikaiḥ pratitasthire
8.87
āndolikāśca palyaṅkāḥkoṭiśaścaturaṅgakāḥ | śreṇībhūtāścadṛśyanterāṣṭraprasthānasaṅkule
rājāvarodhāḥśataśo vṛtāvarṣavaraistataḥ | nānāyānasamārūḍhāḥpālitāścā'dhikāribhiḥ
mahāsainyaiścasaṃraddhā rājāgārādviniryayuḥ | yajvānaścāgnihotrāṇiśamyārūḍhānivṛndaśaḥ
śakaṭeṣu samāropya sapatnīkāḥ pratasthire | tathā pustakabhārāṃścadevatārcākaraṇḍakān
idhmabarhiṃkuśānpātrīḥ sambhārānhomasambhṛtān | vāhayāmāsuranyaiścaśakaṭāvā hakadvijaiḥ
sāmantāmātyabhṛtyāścapurodhāṛtvijaśca ye | rājñaḥ prakṛtadāsāścaupacāraniyoginaḥ
sarvāpacārasambhā rānāsate'nye prayāyinaḥ | koṣāgāraniyuktāśca koṣajātamaśeṣataḥ
samādāya yayustūrṇaṃ rājño'vasarasevakāḥ | mālākārādayaḥ sarve paṇyajīvādayastathā
svaṃsvaṃ paṇyaṃ samādāya yayūrājaniyoginaḥ | śreṣṭhaśreṇyādayaḥ sarve purakharvaṭavāsibhiḥ
samaṃ viniryayuḥ svasvavyavahāravilāsakāḥ | indradyumnasyanṛpateryātrāsamayavāditān
bherīmṛdaṅgapaṭahānvyaśnuvānāndigantaram | śrutvā janapadāvāsijanāḥ sarvesasambhramāḥ
rājājñāṃ mūrddhinasammānya nirgatānīlaparvatam | yasyayaścaṛjuḥpanthāḥ sacatenaiva jagmivān
na rājamārgaṃprajavādvyamṛgyantanṛpājñayā | nīlādiprāptimārgeṇa durgameṇā'pi te yayuḥ
indradyumno'pirājendraḥ samastapuravāsibhiḥ | caturaṅgānīkinībhiḥ saharṣāmiśraveṣṭitaḥ
śreṇībhūtakṣitipattisyandanāvalimadhyage | rathe rarāja rājarṣiḥ śakratulyaparicchadaḥ
purastrīmaṅgalācāragītalājaprasūnakaiḥ | maṅgalācāraśobhābhiḥ prasannaśubhacetanaḥ
8.88
vātaraṃhairhayairyukta rathena prayayau mudā | anukūlānilaprodyaddhanacchāyasuśītale
8.60
nīra jaske mahīpṛṣṭhe samīkṛtacatuṣpathe | deśā'dhvanīnaiḥ puruṣaiḥ kānanāntaravedibhiḥ
ādiṣṭavartmā nṛpatirmārgasyobhayapārśvagān
deśānaraṇyāni muhuḥ paśyannā''nandalocanaḥ
8.64-2
sīmāmutkaladeśasya vibhajantīṃ vanāntare | mārgasthāṃ carcikāmaprāpa carcitāṃ muṇḍamālayā
avatīrya rathādrājā vinato nāradā''jñayā | sāṣṭāṅgapātaṃ tāṃ natvā tuṣṭāvā''nandacetanaḥ
indradyumna uvāca
namaste tridaśeśānisarvāpadvinivāriṇi | brahmaviṣṇuśivādyābhiḥ kalpanābhirudīrite
kāraṇaṃ jagatāmādye prasīda parameśvari !| tvayā vinā jagannaitatkṣaṇamutsahate śive
8.102
siddhayaḥ sarvakāryāṇāṃ maṅgalā nicaśāśvate | tvatpādārādhana phalaṃ martyaloke hi nā'nyathā
' carācarapaterviṣṇoḥ śaktistvaṃ parameśvari !| yayā sṛjatyavati ca jagatsaṃharate vibhuḥ
carācaraguruṃ devaṃ nīlācalanivāsinam | anugṛhīṣva māṃ devi yathā paśye svacakṣuṣā
jaiminiruvāca
nāradasyopadeśena stutvā devīṃ narādhipaḥ | āruroha rathaṃ tūrṇaṃ vivasvānudayaṃ yathā
tataḥ pratasthe tarasā sa rājā śrāntavāhanaḥ | citrotpalamahānadyāstīre viralakānane
dhātukandara vikhyāte nyaveśayadanīkinīm | aparāhna kriyāṃ kartuṃ yāvadāhnikamādṛtaḥ
jalāvataraṇe nadyāṃ viveśa svapurodhasā | pūrvaṃ saṃśodhite prājñairviṣa kaṇṭakavarjite
snātvā santarpya devāṃśca pitṝnatha viṃśāmpatiḥ
sampūjya vidhivadviṣṇuṃ nṛpatīndrakṛtīstataḥ
8.107
sammānayāmāsa nṛpaḥ sanniveśāsanādibhiḥ | nāradena saha śrīmānpraviśyāntaḥpurantataḥ
sudhārasānibhojyānibubhujeprītamānasaḥ | paścimādritatoyāte vivasvativiśāmpatiḥ
sāyaṃvidhiṃsamāpyāśuśītabhānau samudyate | anujīviviśāṃnāthaḥsabhāmadhyeupāviśat
tatra tasminnarapatirbabhausāmrājyalakṣaṇaḥ | sampūrṇamaṇḍalaścandro jyotiṣāmivaśāradaḥ
kavayaḥ kavayāñcakruḥ kīrtiṃ tasya sudhāmalām
jagurgāthāṃ sugrathitāṃ gāyakāḥ kalasusvarāḥ
8.108
rūpayauvanalāvaṇyagarvitā gaṇikāstataḥ | layatārtāṅgahāraiśca suśuddhairnanṛtu puraḥ
8.112
māgadhāstuṣṭuvuścainaṃ lokottaraśubhākṛtim | gadyapadyaprabandhādyaiścitraiḥ padakadambakaiḥ
tataḥ sa rājā prānarca vaiṣṇavāgrayānsabhāsadaḥ | susaṃmatairgandhamālyatāmbūlairatiśobhanaiḥ
nṛpāṃśca śataśastatra sukhāsīnānnṛpājñayā | sambhāvayāmāsa yathāyogyaṃ nṛpatibhājanaiḥ
athā'pṛcchanmunivaraṃ nāradaṃ bhagavatpriyam | siṃhāsanāheṃ svāsīnaṃ bahumānapuraḥsaram
bhagavaccaritaṃ śrotuṃ sarvapāpāpanodanam
8.116
indradyumna uvāca
bhagavanvedavedāṅganidhāna ! bhagavatpriya | tvameva caritaṃ viṣṇorjānāsi jñānacakṣuṣā
hareścāritrasudhayā dṛḍhapaṅkamalīma sam | kṣālayā'ntarmama mune yadyanukrośano mayi 114
itthamālāpasaṃmiśre munirājñoḥ kathāntare | praviveśa nṛpaṃ dvāḥstha utkaleśaprasevakaḥ
uvāca devadvārānte tiṣṭhatyutkalabhūmipaḥ | sopāyano devapādapadma draṣṭuṃ samaulikaḥ
vijñāpitaḥsarājarṣirdvāḥsthenaivaṃsasambhramaḥ | uvācataṃhibho viprāḥ śrutvātaddeśamaṇḍalam
kṣetraṃ śrīpuruṣeśasya tadvārttākarṇanotsukaḥ | praveśayā vilambaṃ taṃ śrīmadoḍhramahīpatim
sa hi nīlagirau viṣṇu samārādhya sunirmalaḥ
yasya sandarśanātsarve bhaviṣyāmo hatāṃhasaḥ
8.122
śrutvā tadvacanaṃ sadyo dvārapālo mahīpatim | praveśayāmāsa sabhāmindradyumnasyabhūpateḥ
viveśoḍhrapatistūrṇaṃsacivairvaiṣṇavaiḥ saha | nanāmā'ṅghriyugaṃvandyamindradyumnasyasādaram
tamutthāpya ca rājendra puraskṛtya sa vaiṣṇavam
svā''sanānte niveśyā'tha proce sapraśrayambacaḥ
8.125
rājansarvatra kuśalī bhavānodbhūtate! kila| api devo vijayate nīlādriśikharālayaḥ
kaccitte nirmalāvuddhirbhagavatpādapadmayoḥ | upaiti samacittasya sarvabhūteṣu te harau
oḍhrādhīśastadā tasya vacaḥ śrutvā kṛtāñjaliḥ
uvāca praśritaṃ vākyaṃ harṣavismayacañcukaḥ
8.128
svāminsarvatra kuśalaṃ tvatpādānugrahānmama | tūrye tapatyandhakāraḥ kathamvvāprabhaviṣyati
nisargaguṇasaṃsargavaśīkṛtamahībhujā | tvayā sanāthā pṛthivī jiṣṇunevā'marāvatī
sadā dharmaścatuṣpādastvayi śāsati medinīm
niṣedhācaraṇaṃ rājankevalaṃ śrūyate śrutau
8.130
rājanītiṣuyerājñāṃguṇāḥsamuditāstvayi | ta ekaikaṃkṣitibhujāṃgatādāṣṭrrāntikaṃvibho
etāvadapi sāmrājyaṃ durlabhaṃ te nṛpottama | aṣṭādaśadvīpavatīkṣitirekagṛhopamā
8.132
yadi tvāṃnā'sṛjadbrahmāvatsalaṃsarvajantuṣu | kathaṃśokavihīnāḥ syurmṛteṣvātmajabandhuṣu
sādhāraṇā nṛpatayo viṣṇoraṃśā iti śrutiḥ
bhavānsākṣāttu bhagavānko'nya īdṛgguṇākaraḥ
8.135
dakṣiṇodadhitīre'stinīlādriḥkānanāvṛtaḥ | natatralokasañcārastatrāstesā'pidevatā
vātyayā vālukākīrṇaḥsāmprataṃ śrūyatetu saḥ | tadvaśānmamarājye'pidurbhikṣamarakādikam
tvayyāgate tu sarvasminkuśalaṃ me bhaviṣyati
ityuktavantaṃ nṛpatirutkaleśaṃ dvijottamāḥ !
8.138
visarjayāmāsa tadā saṃniveśāyamānayan | nāradampekṣyanirvviṇṇaḥ kimetaditibhomune!
yadarthaṃ me śramastañca viphalaṃ hi vitarkaye | ityuktavantaṃ taṃ prāha nāradastukikālavit
na kāryā vismayaste'tra bhāgyavānvaiṣṇavottamaḥ
vaiṣṇavānāṃ na vāñchā hi viphalā jāyate kvacit
8.141
avaśyaṃ prekṣase rājanbibhrataṃ pārthivaṃ vapuḥ | kāraṇaṃ jagatāmādiṃ nārāyaṇamanāmayam
tvadanugrahahetorvai kṣitāvavatariṣyati | jagaccarācaraṃ sarvaṃ viṣṇorvaśamupāgatam
na kasyā'pi vaśe so'pi paramātmā, sanātanaḥ
kevalambhaktivaśagobhagavā-nbhaktavatsalaḥ
8.145
brahmādikīṭaparyantaṃ suguptaṃ yasya māyayā | sa kathaṃ paratantraḥ syādṛte bhaktajanānnṛpa
dharmārthakāmamokṣāṇāṃ mūlaṃ bhaktirmuradviṣaḥ | saiva tadgrahaṇopāyastāmṛtenāstikiścana
eka eva yadā viṣṇurbahudhā svasya māyayā | tamṛte paramātmānaṃ sukhaheturna vidyate
ye'pyanye śivadurgādyāstaistaiḥ kamabhirāvṛtāḥ
yacchanti pūjitāḥ kāmaṃ te'pi viṣṇuparāyaṇāḥ
8.150
antaryāmī sa bhagavāndevānārmāpa hṛtsthitaḥ | yāvatphalamperayati tāvadeva dadatyamī
vaiṣṇavastvañcarājendra! padmayoneśca pañcamaḥ | aṣṭādaśānāṃ vidyānāṃ pāragovṛttasaṃsthitaḥ
nyāyena rakṣitāpṛthvīṃ viśeṣādbrāhmaṇārkakaḥ | avaśyaṃdrakṣyasikṣetre vaikuṇṭhaṃ carmacakṣuṣā
pitāmaho'pyatrakāryebhavatomāniyuktavān | sarvaṃ te kathayiṣyāmi prāptekṣetrottame nṛpaḥ
sāmprataṃ rātrirnaśeṣo hi tṛtīyaṃ yāmamṛcchati
svānsvānniveśānnirgantuṃ rājña ājñāpaya'dhunā
8.151
tvamapyantargṛhaṃ yāhi nidrāyā vaśamāgataḥ
8.151.p1
iti śrīskānde mahāpurāṇa ekāśīti sāhasrayāṃ saṃhitāyāṃ dvitīyevaiṣṇavakhaṇḍāntargatotkalakhaṇḍepuruṣottamakṣetramāhātmye jaiminiṛṣisamvāde indradyumnasyapuruṣottamakṣetragamanaṃnāmaikādaśo'dhyāyaḥ
Linked texts (7)
- Skandamahāpurāṇa (vulgate) — Sanskrit
- Puruṣottamattvamāhātmya — Sanskrit
- Puruṣottakhaṇḍa — Sanskrit
- Puruṣottamakhaṇḍa — Sanskrit
- Purushottamakṣetramāhātmya — Sanskrit
- Puruṣottamacetramāhātmya — Sanskrit
- Sriksetramahatmya (ed. Caitanyacaraṇa Dāsa Mahārāja) — Sanskrit