Tritiyaskandha 17
Tṛtīyaskandha 17
- Language
- Sanskrit
Contents
- 17.36 — 1 part
17.1
iti śrībhāgavate mahāpurāṇe
brahmovāca || iti tadgṛṇatāṃ teṣāṃ munīnāṃ yogadharmiṇām || pratinandya jagādedaṃ vikuṇṭhanilayo vibhuḥ
17.2
śrībhagavānuvāca || etau
tau pārṣadau mahyaṃ jayo vijaya eva ca || kadarthīkṛtya māṃ yaddho bahvakrāntamatikramam
17.3
yastvetayordhṛto daṇḍo bhavadbhirmāmanuvrataiḥ || sa evānumato'smābhirmuunayo devahelanāt
17.5
tadvaḥ prasādayāmyadya brahma daivaṃ paraṃ hi me || taddhītyātmakṛtaṃ manye yatsvapumbhibhirasatkṛtāḥ 4|| yannāmāni ca gṛhṇāti
loko bhṛtye kṛtāgasi || so'sādhuvādastatkīrtiṃ hanti tvacamivāmayaḥ
17.6
yasyāmṛtāmalayaśaḥśravaṇāvagāhaḥ sadyaḥ punāti jagadāśvapacādvikuṇṭhaḥ
so'haṃ bhavadbhya upalabdhasutīrthakīrtiśchindyāṃ svabāhumapiḥ vaḥ pratikūlavṛttim
17.7
yatsevayā caraṇapadmapavitrareṇuṃ sadyaḥ kṣatākhilamalaṃ pratilabdhaśīlam || na śrīrviraktamapi māṃ vijahāti yasyāḥ prekṣālavārtha itare niyamānvahanti
17.8
nāhaṃ tathā'dmi yajamānahavirvitāne ścyotadghṛtapluta Flowed from upper line: madan
hutabhuṅmukhena || yad brāhmaṇasya mukhataścarato'nughāsaṃ tuṣṭasya mayyavahitairnijakarmapākaiḥ
17.9
yeṣāṃ bibharmyahamakhaṇḍavikuṇṭhayogamāyāvibhūtiramalāmaṅghrirajaḥ kirīṭaiḥ | vipraॉstu ko na viṣaheta yadarhaṇāmbhaḥ sadyaḥ punāti saha candralalāmalokān
17.10
ye me tanūrdvijavarān duhatīrmadīyā bhūtānyalabdhaśaraṇāni ca bhedabuddhyā || drakṣyantyaghakṣatadṛśo hyahimanyavastān gṛdhrā ruṣā mama kuṣantyadhidaṇḍanetuḥ
17.11
ye brāhmaṇāṃn mayi dhiyā
kṣipato'rcayantastuṣyaddhṛdaḥ smitasudhokṣitapadmavaktrāḥ || vāṇyā'nurāgakalayā''tmajavadgṛṇantaḥ saṃvodhantyahamivārhamupāhatastaiḥ
17.12
tanme svabharturavasāyamalakṣamāṇau yuṣmadvyatikramagatiṃ pratipadya sadyaḥ || bhūyo mamāntikamitāṃ tadanugraho me yat kalpatāmacirato bhṛtayorvivāsaḥ
17.13
brahmovāca || atha tasyośatīṃ devīmṛṣikulyāṃ sarasvatīm || nāsvādyamanyudaṣṭānāṃ teṣāmātmā'pyatṛpyata
17.14
gahvarām || vigāhyāgādhagambhīrāṃ na vidustaccikīrṣitam
17.15
te yogamāyayā''rabdhapārameṣṭhyamahodayam || procuḥ prāñjalayo viprāḥ prahṛṣṭāḥ kṣubhitattvacaḥ
17.16
ṛṣayaḥ ūcuḥ || na vayaṃ bhagavan vidmastava deva cikīrṣitam || kṛto me'nugrahaśceti yadadhyakṣaḥ prabhāṣase
17.17
brahmaṇyasya paraṃ
daivaṃ brāhmaṇāḥ kila te prabho || viprāṇāṃ devadevānāṃ bhagavānātmadaivatam
17.18
tvattaḥ sanātano dharmo rakṣyate tanubhistava || dharmasya paramo guhyo
nirvikalpo bhavānmataḥ
17.19
taranti hyañjasā mṛtyuṃ nivṛttā yadanugrahāt || yoginaḥ sa bhavānkiṃsvidanugṛhyeta yat paraiḥ
17.20
yaṃ vai vibhūtirupayātyanuvelmamartyairarthārthibhiḥ svaśirasā dhṛtapādareṇuḥ || dhanyārpitāṅghritulasīnavadāmadhāmno lokaṃ madhuvratapateriva kāmayānā
17.21
yastāṃ viviktacaritairanuvartamānāṃ nātyādriyatparamabhāgavataprasaṅgaḥ || sa tvaṃ dvijānupathapuṇyarajaḥpunītaḥ śrīvatsalakṣma kimagā bhagabhājanastvam
17.22
dharmasya
te bhagavatastriyuga tribhiḥ svaiḥ paddhiścarācaramidaṃ dvijadevatārtham || nūnaṃ bhṛtaṃ tadabhighātirajastamaśca sattvena no varadayā tanuvā nirasya
17.23
na
tvaṃ dvijottama kulaṃ yadihātmagopaṃ goptā vṛṣaḥ svahaṇena sasūnṛtena || tarhyeva naṃkṣyati śivastava deva panthā loko'grahīṣyadṛṣabhasya hi tat pramāṇam
17.24
tattannabhīṣṭamiva sattvanidhervidhitsoḥ kṣemaṃ janāya nijaśaktibhiruddhatāreḥ || naitāvatā vyadhipaterbata viśvabhartustejaḥ kṣataṃ tvavanatasya sa te
vinodaḥ
17.25
yaṃ vā'nayordamamadhīśa bhavānvidhatte vṛttiṃ nu vā tadanu manmahi nirvyalīkam || asmāsu vā ya ucito dhriyatāṃ sa daṇḍo ye'nāgasau vayamayuṅkṣmahi kilviṣeṇa
17.26
śrībhagavānuvāca || etau suretaragatiṃ pratipadya sadyaḥ saṃrambhasambhṛtasamādhyanubaddhayogau || bhūyaḥ sakāśamupayāsyata āśu yo vaḥ śāpo mayaiva nimitastadavaita viprāḥ
17.27
brahmovāca || atha te munayo dṛṣṭvā nayanānandabhājanam || vaikuṇṭhaṃ tadadhiṣṭhānaṃ vikuṇṭhaṃ
ca svayaṃprabham
17.28
bhagavantaṃ parikramya praṇipatyānumānya ca || pratiyagmuḥ pramuditāḥ śaṃsanto vaiṣṇavīṃ śriyam
17.29
bhagavānanugāvāha yātaṃ
mā bhaiṣṭamastu śam || brahmatejaḥ samartho'pi hantuṃ necche mataṃ tu me
17.30
mayi saṃrambhayogena nistīrya brahmahelanam || pratyeyyataṃ nikāśaṃ me
kālenālpīyasā punaḥ
17.31
dvāḥsthāvādiśya bhagavānvimānaśreṇibhūṣaṇam || sarvātiśayayā lakṣmyā juṣṭaṃ svaṃ dhiṣṇyamāviśat
17.32
tau
tu gīrvāṇaṛṣabhau dustarāddharilokataḥ || hataśriyau brahmaśāpādabhūtāṃ vigatasmayau
17.33
tadā vikuṇṭhadhiṣaṇāttayornipatamānayoḥ || hāhākāro
mahānāsīdvimānāgryeṣu putrakāḥ
17.34
tāveva hyadhunā prāptau pārṣadapravarau hareḥ || diterjaṭharanirviṣṭaṃ kāśyapaṃ teja ulbaṇam
17.35
tayorasurayoradya tejasā yamayorhi vaḥ || ākṣiptaṃ teja etarhi bhagavāṃstadvidhitsati
17.36
viśvasya yaḥ sthitilayodbhavaheturādyo yogeśvarairapi duratyayayogamāyaḥ || kṣemaṃ vidhāsyati sa no bhagavāṃstryadhīśastatrāsmadīyavimṛśena kiyānihārthaḥ
17.36.p1
iti śrībhāgavate mahāpurāṇe tṛtīyaskandhe vaikuṇṭhanāthena vaikuṇṭhe brāhmaṇamāhātmyavarṇanaṃ nāma ṣoḍaśo'dhyāyaḥ
Linked texts (8)
- Bhāgavatapurāṇa — Vyāsa, Sanskrit
- Ṣaṭsandarbha — Jīva Gosvāmin 1555, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāgavatamāhātmya — Kṛṣṇacandra, Sanskrit
- Bhagavadbhaktiratnāvalī — Viṣṇupurī 1609, Sanskrit
- Prītisaṃdarbha — Rūpa Gosvāmin, Sanskrit
- Bhāgavatabhaktiratnāvalī — Viṣṇupurī, Sanskrit
- Bhagwadbhaktiratnāvalī — Sanskrit