Tritiyaskandha 18
Tṛtīyaskandha 18
- Language
- Sanskrit
Contents
- 18.31 — 1 part
18.1
maitreya uvāca || niśamyātmabhuvā gītaṃ kāraṇaṃ śaṅkayojjhitāḥ || tataḥ sarve nyavartanta tridivavavāya divaukasaḥ
18.2
ditistu bharturādeśādapatyapariśaṅkinī || pūrṇe varṣaśate sādhvī putrau prasuṣuve yamau
18.3
utpāta bahavastatra nipeturjāyamānayoḥ || divi bhuvyantarikṣe ca lokasyorubhayāvahāḥ
18.4
sahācalā bhuvoścelurdiśaḥ sarvāḥ prajajvaluḥ || solkāścāśanayaḥ petuḥ ketavaścārtihetavaḥ
18.5
vavau vāyuḥ suduḥsparśaḥ phūtkārānīrayanmuhuḥ
unmūlayannagapatīnvātyānīko rajodhvajaḥ
18.6
uddhasattaḍidambhodaghaṭayā naṣṭabhāgaṇe || vyomni praviṣṭatamasā na sma vyādṛśyate padam
18.7
cukrośa vimanā vārdhirudūrmiḥ kṣubhitodaraḥ || sodapānāśca saritaścukṣubhuḥ śuṣkapaṅkajāḥ
18.8
muhuḥ paridhayo'bhūvansarāhoḥ śaśisūryayoḥ || nirghātā
rathanirhādā vivarebhyaḥ prajajñire
18.9
antargrāmeṣu mukhato vamanto vahnimulbaṇam || sṛgālolūkaṭaṅkāraiḥ praṇeduraśivaṃ śivāḥ
18.10
saṃgītavadrodanavadunnamayya śirodharām || vyamuñcanvividhā vāco grāmasiṃhāstatastataḥ
18.11
kharāśca karkaśaiḥ kṣattaḥ khurairghnanto dharātalam || khārkārairabhasā
mattāḥ paryadhāvanvarūthaśaḥ
18.12
rudanto rāsabhatrastā nīḍādudapatankhagāḥ || ghoṣe'raṇye ca paśavaḥ śakṛnmūtramakurvata
18.13
gāvo'trasannasṛgdohāstoyadāḥ pūyavarṣiṇaḥ || vyarudandevaliṅgāni drumāḥ peturvinā'nilam
18.14
grahānpuṇyatamānanye bhagaṇāṃścāpi dīpitāḥ || aticerurvakragatyā
yuyudhuśca parasparam
18.15
dṛṣṭvā'nyāṃśca mahotpātānatattvavidaḥ prajāḥ || brahmaputrānṛte bhītā menire viśvasaṃplavam
18.16
tāvādityaityau sahasā
vyajyamānamātmapauruṣau || vavṛdhāte'śmamāreṇa kāyenādripatī iva
18.17
divispṛśau hemakirīṭakoṭibhirniruddhakāṣṭhau sphuradaṅgadābhujau || gāṃ
kampayantau caraṇaiḥ pade pade kaṭyā sukāñcyā'rkramatītya tasthatuḥ
18.18
prajāpatirnāma tayorakārṣīdyaḥ prāk svadehādyamyorajāyata || taṃ vai hiraṇyakaśipuṃ viduḥ prajā yaṃ taṃ hiraṇyākṣamasūta sāgrataḥ
18.19
cakre hiraṇyakaśipurdobhyāṃ brahmavareṇa ca || vaśe sapālāṃllokāṃstrīnakutomṛtyuruddhataḥ
18.20
hiraṇyākṣo'nujastasya priyaḥ prītikṛdanvaham || gadāpāṇirdivaṃ yāto yuyutsurmṛgayaṇraṇam
18.21
taṃ vīkṣya duḥsahajavaṃ raṇatkāñcananūpuram || vaijayantyā srajā juṣṭamaṃsanyastamahāgadam
18.22
manovīryavarotsiktamasṛṇyakutobhayam || bhītā nililyire devāstārkṣyatrastā ivāhayaḥ
18.23
sa
vai tirohitāndṛṣṭvā mahasā svena daityarāṭ || sendrāndevagaṇānklībānapaśyanvyanadadbhṛśam
18.24
tato nivṛttaḥ krīḍiṣyangambhīraṃ bhīmanisvanam
vijagāhe mahāsattvo vārdhiṃ matta iva dvipaḥ
18.25
tasminpraviṣṭe varuṇasya sainikā yādogaṇāḥ sannadhiyaḥ sasādhvasāḥ || ahanyamānā api tasya
varcasā pradharṣitā dūrataraṃ pradudruvuḥ
18.26
sa varṣapūgānudadhau mahābalaścaranmahormīn śvasaneritānmuhuḥ || maurvyā'bhijaghne gadayā vibhāvarīmāsedivāṃstāta purīṃ pracetasaḥ
18.27
tatropalabhyāsuralokapālako yādogaṇānāmṛṣabhaṃ pracetasam || smayanpralabdhuṃ praṇipatya nīcavajjagāda me dehyadhirāja saṃyugam
18.28
tvaṃ lokapālo'dhipatirbṛhacchravā vīryāpaho durmadavīramāninām || vijitya loke'khiladaityadānavān yadrājasūyena purā'jayatprabho
18.29
sa evamutsiktamadena vidviṣā dṛḍhaṃ pralabdho bhagavānapāmpatiḥ || roṣaṃ samutthaṃ śamayansvayā dhiyā vyavocadaṅgopaśamaṃ gatā vayam
18.30
paśyāmi nānyaṃ puruṣātpurātanādyaḥ saṃyuge tvāṃ raṇamārgakovidam || ārādhayiṣyatyasurarṣabhehitaṃ manasvino yaṃ gṛṇate bhavādṛśāḥ
18.31
taṃ vīramārādabhipadya vismayaḥ śayiṣyase vīraśaye śvabhirvṛtaḥ || yastvadvidhānāmasatāṃ praśāntaye rūpāṇi dhatte sadanugrahecchayā
18.31.p1
iti śrībhāgavate tṛtīyaskandhe hiraṇyākṣadigvijaya saptadaśo'dhyāyaḥ
Linked texts (4)
- Bhāgavatapurāṇa — Vyāsa, Sanskrit
- Adbhutasāgara — Ballālasena & Lakṣmaṇasena, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāgavatamāhātmya — Kṛṣṇacandra, Sanskrit