Tritiyaskandha 20
Tṛtīyaskandha 20
- Language
- Sanskrit
Contents
- 20.38 — 1 part
20.1
maitreya uvāca || || avadhārya viriñcasya nirvyalīkāmṛtaṃ vacaḥ || prahasya premagarbheṇa tadapāṅgena so'grahīt
20.2
tataḥ sapatnaṃ mukhataścarantamakutobhayan || jaghānotpatya gadayā hanāvasuramakṣajaḥ
20.3
sā hatā tena gadayā vihatā bhagavatkarāt || vipūrṇitā'patad reje tadadbhutamivābhavat
20.4
sa tadā labdhatīrtho'pi na bavādhe nirāyudham || mānayan sa mṛdhe dharmaṃ viṣvaksenaṃ prakoparyan
20.5
gadāyāmapaviddhāyāṃ hāhākāre
vinirgate || mānayāmāsa taddharmaṃ sunābhaṃ cāsmaradvibhuḥ
20.6
taṃ vyagracakraṃ ditiputrādhamena svapārṣadamukhyena viṣajjamānam || citrā vāco'tadvidāṃ
khecarāṇāṃ tatra smāsan svasti te'rmuṃ jahīti
20.7
sa tanniśāmyāttarathāṅgamagrato vyavasthitaṃ padmapalāśalocanam || vilokya cāmarṣapariplutendriyo
ruṣā svadantacchadamādaśacchvasan
20.8
karāladaṃṣṭraścakṣurbhyāṃ saṃcakṣāṇo dahanniva || abhiplutya svagadayā hato'sītyāhanaddharim
20.9
padā savyena
tāṃ sādho bhagavān yajñasūkaraḥ || līlayā miṣataḥ śatroḥ prāharadvātaraṃhasam
20.10
āha cāyudhamādhatsva ghaṭasva tvaṃ jigīṣasi || ityuktaḥ sa tadā
bhūyastāḍayanvyanadadbhṛśam
20.11
tāṃ sa āpatatīṃ vīkṣya bhagavānsamavasthitaḥ || jagrāha līlayā prāptāṃ garutmāniva pannagīm
20.12
svapauruṣe
pratihate hatamāno mahāsuraḥ || naicchadgadāṃ dīyamānāṃ hariṇā vigataprabhaḥ
20.13
jagrāha triśikhaṃ śūlaṃ jvalajjvalanalolupam || yajñāya dhṛtarūpāya
viprāyābhicaranyathā
20.14
tadojasā daityamahābhaṭārpitaṃ cakāsadantaḥ kha udīrṇadīdhitam || cakreṇa ciccheda niśātaneminā harairyathā tārkṣyapatattramujjhitam
20.15
vṛkṇe svaśūle bahudhā'riṇā hareḥ pratyetya vistīrṇamuro vibhūtimat || pravṛddharoṣaḥ sa kaṭhoramuṣṭinā nadanprahatyāntaradhīyatāsuraḥ
20.16
tenetthamāhataḥ kṣattarbhagavāngādisūkaraḥ || nākampata manāk kvāpi srajā hata iva dvipaḥ
20.17
athorudhā sṛjanmāyāṃ yogamāyeśvare
harau || yāṃ vilokya prajāstrastā menire'syopasaṃyamam
20.18
pravavurvāyavaścaṇḍāstamaḥ pāṃsavamairayan || digbhyo nipeturgrāvāṇaḥ kṣepaṇaiḥ prahitā iva
20.19
dyaurnaṣṭabhagaṇābhraughaiḥ savidyutstanayitnubhiḥ || varṣadbhiḥ pūyakeśāsṛgviṇmūtrāsthīni cāsakṛt
20.20
girayaḥ pratyadṛśyanta nānāyudhamuco'nagha || digvāsaso yātudhānyaḥ śūlinyo muktamūrdhajāḥ
20.21
bahubhiryakṣarakṣobhiḥ pattyaśvarathakuñjaraiḥ || ātatāyibhirutsṛṣṭā hiṃsā vāco'tivaiśasāḥ
20.22
prāduṣkṛtānāṃ māyānāmāsurīṇāṃ vināśayat || sudarśanāstraṃ bhagavān prāyuṅkta dayitaṃ tripāt
20.23
tadā diteḥ samabhavat
sahasā hṛdi vepathuḥ || smarantyā bharturādeśaṃ stanāccāsṛk prasusruve
20.24
vinaṣṭāsu svamāyāsu bhūyaśvāvrājya keśavam || ruṣopagūhamāno'muṃ dadṛśe'vasthitaṃ bahiḥ
20.25
taṃ muṣṭibhirvanighnantaṃ vajrasārairadhokṣajaḥ || kareṇa karṇamūle'han yathā tvāṣṭraṃ marutpatiḥ
20.26
sa āhato viśvajitā
hyavajñayā paribhramadgātra udastalocanaḥ || viśīrṇabāhvaṅghriśiroruho'patad yathā nagendro lulito nabhasvatā
20.27
kṣitau śayānaṃ tamakuṇṭhavarcasaṃ
karāladaṃṣṭraṃ paridaṣṭadacchadam|| ajādayo vīkṣya śaśaṃsurā gatā aho imāṃ ko nu labhetta saṃsthitim
20.28
yaṃ yogino yogasamādhinā raho dhyāyanta
liṅgādasato mumukṣayā || tasyaiṣa daityāpasadaḥ padāhato mukhaṃ prapaśyaṃstanumutsasarja ha
20.29
etau tau pārṣadauvasya śāpādyātāvasadgatim || punaḥ katipayaiḥ sthānaṃ prapatsyete ha janmabhiḥ
20.30
devā ūcuḥ || namo namaste'khilayajñatantave sthitau gṛhītāmalasattvamūrtaye || diṣṭyā hato'yaṃ jagatāmaruntudastvatpādabhaktyā vayamīśa nirvṛtāḥ
20.31
maitreya uvāca || evaṃ hiraṇyākṣamasahyavikramaṃ sa sādayitvā harirādisūkaraḥ || jagāma lokaṃ svamakhaṇḍitotsavaṃ samīḍitaḥ puṣkaraviṣṭarādibhiḥ
20.32
mayā yathā'nūktamavādi te hareḥ kṛtāvatārasya sumitra ceṣṭitam || yathā hiraṇyākṣa udāravikramo mahāmṛdhe krīḍanavannirākṛtaḥ
20.33
sūta uvāca || iti kauṣāravākhyātāmāśrutya bhagavatkathām || kṣattā''nandaṃ paraṃ lebhe mahābhāgavato dvija
20.34
anyeṣāṃ puṇyaślokānāmuddāmayaśasāṃ satām || upaśrutya bhavenmodaḥ śrīvatsāṅkasya kiṃ punaḥ
20.35
yo gajendraṃ jhaṣagrastaṃ dhyāyantaṃ caraṇāmbujam || krośantīnāṃ kareṇūnāṃ kṛcchrato'mocayaddrutam
20.36
taṃ sukhārādhyamṛjubhirananyaśaraṇairnṛbhiḥ || kṛtajñaḥ ko na seveta durārādhyamasādhubhiḥ
20.37
yo vai hiraṇyākṣavadhe mahā'dbhutaṃ vikrīḍitaṃ kāraṇasūkarātmanaḥ || śrṛṇoti gāyatyanumodate'ñjasā vimucyate brahmavadhādapi dvijāḥ
20.38
etanmahāpuṇyamalaṃ pavitraṃ dhanyaṃ yaśasyaṃ padamāyurāśiṣām || prāṇendriyāṇāṃ yudhi śauryavardhanaṃ nārāyaṇo'nte gatiraṅga śṛṇvatām
20.38.p1
iti śrībhāgavate tṛtīyaskandhe hiraṇyākṣavadhavarṇanaṃ nāma ekonaviṃśo'dhyāyaḥ || 19
Linked texts (3)
- Bhāgavatapurāṇa — Vyāsa, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāgavatamāhātmya — Kṛṣṇacandra, Sanskrit