Ramashvamedha 3
Rāmāśvamedha 3
- Language
- Sanskrit
Contents
- 3.34 — 1 part
3.1
śeṣa uvāca
dṛṣṭvā rāmo rājadhānīṃ nijalokanivāsitām
jaharṣa matimānvīraściradarśanalālasaḥ
3.2
bharato'pi svakaṃ mitraṃ sumukhaṃ nagaraṃ prati | preṣayāmāsa sacivaṃ nagarotsavasiddhaye
3.3
bharata uvāca
kurvantu lokāstvaritaṃ raghunāthāgamotsavam | mandire mandire ramyaṃ kṛtakautuka citrakam
3.4
vipāṃsukā rājamārgāścandanadravasecitāḥ | prasūnabharasaṅklaptā hṛṣṭapuṣṭajanāvṛtāḥ
3.5
vicitravarṇadhvajabhā citritākhilasvāṅgaṇāḥ | meghāgame dhanuriva paśyantyeva balīmukhāḥ
3.6
pratigehaṃ tu lokānāṃ kārayantvagarūkṣaṇam | yaddhūmaṃ vīkṣya śikhino nṛtyaṃ kurvanti līlayā
3.7
hastino mama śailābhānadhoraṇasuyantritān | vicitrayantu bahuśo gairikādyupadhātubhiḥ
3.8
vājinaścitritā bhūyaḥsuśobhantu manojavāḥ | yadvegavīkṣaṇādeva garvaṃ tyajati svarhayaḥ
3.9
kanyāḥsahasraśoramyāḥsarvābharaṇabhūṣitāḥ | gajopari samārūḍhā muktābhirvikirantu ca
3.10
brāhmaṇyaḥpātrahastāśca dūrvā hāridrasaṃyutāḥ | suvāsinyo mahārājaṃ rāmaṃ nīrājayantu tāḥ
3.11
kausalyā putrasaṃyogasandeśavidhurā satī | harṣaṃ prāpnotu sukṛśā tadīkṣaṇasulālasā
3.12
ityevamādi racanāḥ puraśobhāvidhāyikāḥ | karotu janatā hṛṣṭā rāmasyāgamanaṃ prati
3.13
śeṣa uvāca
iti śrutvā tato vākyaṃ sumukho mantravittamaḥ
prayayau nagarīṃ kartuṃ kṛtakautukatoraṇām
3.14
gatvā'tha nagarīṃ tāṃ vai mantrī tu sumukhābhidhaḥ
khyāpayāmāsa lokānāṃ rāmāgamahamotsavam
3.15
lokāḥśrutvā purīṃ prāptaṃ raghunāthaṃ suharṣitāḥ
pūrvaṃ tadīyavirahatyaktabhogasukhādayaḥ
3.16
brāhmaṇā vedasampannāḥpavitrā darbhapāṇayaḥ | dhautottarīya valitā jagmuḥśrīraghunāyakam
3.17
kṣatriyā ye śūratamā dhanurvāṇadharā varāḥ | saṅgrāme bahuśo vīrā jetāro yayurapyamum
3.18
vaiśyā dhanasamṛddhāśca mudrāśobhitapāṇayaḥ | śubhravastraparīdhānā abhijagmurnareśvaram
3.19
śūdrā dvijeṣu ye bhaktāḥ svīyācārasuniṣṭhitāḥ
vedācāraratā ye vai te'pi jagmuḥ purīpatim
3.20
ye ye vṛttikarā lokāḥsve sve karmaṇyadhiṣṭhitāḥ
svakaṃ vastu samādāya yayuḥ śrīrāmabhūpatim
3.21
itthaṃ bhūpatisandeśātpramodāplavasaṃyutāḥ | nānākautukasaṃyuktā ājagmurmanujeśvaram
3.22
raghunātho'pi sakalairdevaiḥ svasvayānagaiḥ| parītaḥ praviveśoccaiḥ purīṃ racitamohanām
3.23
plavaṅgāḥ plavanairyuktā ākāśapathacāriṇaḥ | svasvaśobhā parītāṅgāścānujagmuḥ purottamam
3.24
puṣpakādavaruhyāśu narayānamathāruhat | sītayā sahito rāmaḥ parivārasamāvṛtaḥ
3.25
ayodhyāṃ praviveśātha kṛtakautukatoraṇām | hṛṣṭapuṣṭajanākīrṇāmotsavaiḥ paribhūṣitām
3.26
vīṇāpaṇavabheryādi vāditrairāhatairbhṛśam | śobhamānaḥ stūyamānaḥ sūtamāgadhabandibhiḥ
3.27
jaya rāghava rāmeti jaya sūrya kulāṅgada | jaya dāśarathe deva jayatāllokanāyaka !
3.28
iti śṛṇvañchubhāṃ vācaṃ paurāṇāṃ harṣitāṅginām
rāmadarśanasañjāta pulakodbhedaśobhinām
3.29
praviveśa varaṃ mārgaṃ rathyācatvarabhūṣitam | candanodakasaṃṃsiktaṃ puṣpapallavasaṃyutam
3.30
tadā paurāṅganāḥ kāścidgavākṣa vilamāśritāḥ | raghunāthasvarūpekṣā jātakāmā athābruvan
3.31
paurāṅganā ūcuḥ
dhanyā abhūvanbata bhillakanyā vaneṣu yā rāmamukhāravindam
svalocanendīvarakairathāpibansvabhāgyasañjātamahodayā imāḥ
3.32
dhanyaṃ mukhaṃ paśyata vīradhāmna śrīrāmadevasya sarojanetram
yad darśanaṃ dhātṛmukhāḥ surā api prāpurmahadbhāgyayutā vayaṃ tvaho
3.33
etanmukhaṃ paśyata cāruhāsaṃ kirīṭasaṃśobhi nijottamāṅgam
bandhūkadhikkāralasacchavipradaṃ dantacchadaṃ bibhratamuccanāsam
3.34
iti gaditavatīstāḥsnehabhāreṇa rāmo nalinadalasadṛkṣairnetrapātairnirīkṣya
nikhilagururūnūnapremabhāraṃ nṛlokaṃ jananigṛhamiyeṣa proṣitāṅgena hṛṣṭaḥ
3.34.p1
iti śrīpadmamahāpurāṇe pañcame pātālakhaṇḍe śeṣavātsyāyanasaṃvāde rāmāśvamedhe raghunāthasya purapraveśanaṃ nāma tṛtīyo'dhyāyaḥ ||3
Linked texts (2)
- Padmapurāṇa — Vyāsa, Sanskrit
- Pātālakhaṇḍa — Sanskrit