Nandipurana 1.14

1.14.1

marīciruvāca
punaḥ kathaya deveśa tatra nāṃdīmukhodbhavaiḥ
tīrthe ca sumahāpuṇye kiṃ tīrthaṃ kiṃ phalaṃsmṛtam

Wind, its touch removed by space, dissolves into space;
everything, such as spatial directions consumed by the Self of Time, merges into the Self.

1.14.2

brahmovāca
yatra tīrthe mayā vipra yajñamuravyaḥ kṛtaḥ purā
deva viprarṣibhiḥ sārdhaṃ śṛṇuṣvaikāgramānasaḥ

1.14.3

marīciruvāca
atyadbhutamidaṃ brahman yattvayā samudāhṛtam
tyayaivaṃ yatkṛto yajña statra kṣetre mahātmanā

1.14.4

agniṣṭomādayo yajñā ye varttaṃte dharātale
yaṣṭavyasteṣu yajñeṣu tanme brūhi sureśvara

1.14.5

tenaiva yajatā tatra kiyantaḥ prabravīhinaḥ
ṛtvijo maṃtritā staistu kṛtaṃkarmamakhodbhavam

1.14.6

tatpratyakṣaṃ kṛtaṃ sarva metannaḥ kautukaṃparaṃ
kācaiva dakṣiṇā dattā tena teṣāṃ dvijanmanām

1.14.7

ko'dhvaryurvihitastatra yena tadyajanaṃ kṛtaṃ
kohotā kaścanāgnīdhraḥ ko brahmā tatra saṃsthitaḥ

1.14.8

udgātā kaḥ sthitastatra hyācāryo yajñakarmaṇi
brahmovāca
ahaṃte kīrtayiṣyāmi sarvaṃ yajñasya saṃbhavaṃ

1.14.9

vṛttāṃtaṃ yacca tatrastha mācāryaṃ dvijapuṃgavāḥ
ye sadasyāḥ sthitāstatracartvijovai dvijottama

1.14.10

dakṣiṇā yāḥ pradattāśca tena teṣāṃ mahātmanāṃ
yajatā devadevena brahmaṇā mitatejasā

1.14.11

yajñakāmaṃ caturvaktraṃ jñātvādevaḥ śatakratuḥ
sarvaiḥ suragaṇaiḥ sārdhaṃ sāhāyyārthamupāgatā

1.14.12

tathā ca bhagavān śaṃbhuḥ sarvadevagaṇaiḥ saha
tāndṛṣṭvābhyāgatān brahmā satkāraṃ kṛtavānmudā

1.14.13

provāca vinayopetaḥ kṛtāṃjaliḥpurasthitaḥ
svāgataṃ vaḥsuraśreṣṭhaḥ prasādaḥkriyatāṃ mama

1.14.14

niveśyatān yathānyāyaṃ sthāneṣurucireṣuca
dhanyo smyanugṛhītosmi yadyūyaṃ svayamāgatāḥ

1.14.15

maṃtrāhūtā yathākṛcchrātsarvasatreṣu gacchatha
devā ūcuḥ
yena yaccātra kartavyaṃ tacchīghraṃ vada padmaja

1.14.16

yajñe tava mahābhāga tasya tattvaṃ samādiśa
brahmovāca
viśvakarman drutaṃ gaccha yajñamaṇḍapasiddhaye

1.14.17

patnīśālā sadṛśyeva yajñavedī tathaiva ca
pātrāṇi caiva sarvāṇi grahāṃścai camasām̐stathā

1.14.18

yūpaśca tatpramāṇena kartavyaḥ sa ca khādīraḥ
śayanārthaṃ tathā gatvā kartavyā matpramāṇataḥ

1.14.19

iṣṭikānāṃ sahasrāṇidaśa cāṣṭaśatāni ca
kartavyāni tvayā śīghraṃ cayanānīti satvaraṃ

1.14.20

tathā hiraṇmayaścāpi puruṣaḥ kārya eva hi
tathetyukta stata stvaṣṭā śīghrācchīghrataraṃ yayau

1.14.21

tatastu padmajaḥ prāhe devācāryaṃ bṛhaspatiḥ
bṛhaspate tvayāneyā yajñārhā ṛtvijo'khilāḥ

1.14.22

yāvatṣoḍaśa saṅkhyākā nānyasmai ta dviyujyate
tvayā śakra sadā kāryā śuśrūṣā ca dvijanmanām

1.14.23

hastapādāvamardaśca śrāntānāṃ pṛṣṭhamardanam
dhanādhyakṣa tvayā deyā dakṣiṇāḥ kālasaṃbhavāḥ

1.14.24

suvastrāṇihiraṇyaṃcatathā nyadvāpi vāṃchitaṃ
tvayāviṣṇosadā kāryaṃ kṛtvā kṛtyaparīkṣaṇaṃ

1.14.25

yuktaṃ tvayā maghonaiva sāvadhānena sarvadā
lokapālāśca ye sarve rakṣaṃtu sakalādiśaḥ

1.14.26

bhūtapretapiśācānāṃ praveśaṃ rākṣasodbhavam
yo'yaṃ kāmayate kāmaṃ kiṃcidvastraṃ dhanaṃ tathā

1.14.27

vicārya yajñatatvaṃ ca tatra yajñādhipena tu
ādityā vasavo rudrā viśvedevā marudgaṇāḥ

1.14.28

marutaḥ pariveṣṭāro bhoktukāmāñjanānprati
etasminnaṃtare prāpte viśvakarmā tvarānvitaḥ

1.14.29

abravītpaṃkajabhavaṃ saṃsiddho yajñamaṃḍapaḥ
sarvamanyatsamādiṣṭaṃ yattvayoktaṃ caturmukha

1.14.30

tato bṛhaspatiḥ prāha samabhyetya pitāmaham
samānītā mayā brahman brāhmaṇā yajñakarmaṇi

1.14.31

viprāḥ śoḍaśa saṃkhyātā ṛtvikkarmaṇi yojaya
svayaṃ parīkṣya deveśa tattat karmaprasiddhaye

1.14.32

tato brahmā svayaṃ dṛṣṭvā tāṃ parīkṣya prayatnataḥ
ṛtviktvaṃ ca niyujyaivaṃ tathācakre tadarpaṇam

1.14.33

śrī ṛṣaya ūcuḥ
ṛtvijāṃ caiva sarveṣāṃ brahman nāmāni kīrttaya
yena vo vihitastatra padārthopihitaṃ vada

1.14.34

brahmovāca
bhṛgurhotre tatastena vṛto brāhmaṇasattamaḥ
maitrāvaruṇasaṃjñastu tathaivacyavano muniḥ

1.14.35

pulastyaśca tathā'dhvaryuḥ prastotā tatra saṃsthitaḥ
tatraraibhyo muniḥ śreṣṭha statraivaca sanātanaḥ

1.14.36

brahmā ca nārado gargo brāhmaṇācchesireva ca
āgnīdhraśca bharadvājaḥ potaḥpārāśarastathā

1.14.37

tathaiva tatrakṣetre ca udgātāgobhilo muniḥ
tathaiva kauśikaścāpi prastotā yajñakarmaṇi

1.14.38

śāṃḍilyaḥ pratihartā ca subrahmaṇyastathāṃgirāḥ
tasya yajñasya sidhyarthamitye te śoḍaśartvijaḥ

1.14.39

vastrābharaṇaśobhāḍhyā vittayuktāḥkṛtāścaye
tataḥ kṛtvā svayaṃbrahmā sarveṣā marhaṇakriyām

1.14.40

gṛhoktena vidhānena tataḥ provāca sādaram
eṣo'haṃ śaraṇaṃ prāpto yuṣmākaṃ dvijasattamāḥ

1.14.40.p1

anugṛhṇīta māṃ sarve dīkṣāyai yajñakarmaṇi

1.14.40.p2

iti śrīvahnipurāṇe nāṃdīmukhamāhātmye caturdaśo'dhyāyaḥ