Pramāṇa · Search · About · API

Nandipurana 1.17

Nandipurāṇa 1.17

Language
Sanskrit

Contents

1.17.1

vahniruvāca
dvitīye divase prāpte yajñakarmasamudbhave

1.17.2

dvādaśyāmabhavattatra śṛṇudhvaṃ taddvijottamāḥ
vṛttāṃtaṃ sarvadevānāṃ mahāvismayakārakam

1.17.3

makhakarmaṇi prārabdhe ṛtvigbhirvedapāragaiḥ
jalasarpaṃ samādāya vaṭuḥ kaścitsukarmakṛt

1.17.4

praviśya ca sadastatra sarpaṃ taṃ brāhmaṇāntikam
cikṣepa prahasaṃścaiva sa vaṭurvai bhayaṃkaram

1.17.5

tatastu duṃdubhistūrṇaṃ bhramamāṇa itastataḥ
viprāṇāṃ sadasisthānāṃ saktānāṃ yajñakarmaṇi

1.17.6

hotaryupasthite praiṣe dīrghasatrasamudbhave
sa sarpo veṣṭayāmāsa tasya kāyaṃ samaṃtataḥ

1.17.7

na cacāla nijasthānātprāyaścitta vimīṣayā
novāca vacanaṃ so'tra cayananyastalocanaḥ

1.17.8

hāhākāro mahānāsīttaṃ dṛṣṭvā sarpaveṣṭitam
tasya putro vinītātmā maitrāvāruṇakarmaṇi

1.17.9

saṃsthitastena saṃdṛṣṭaḥ pitā sarpābhiveṣṭitaḥ
jñātvātu veṣṭitaṃ tasyabhaye sarpasamudbhave

1.17.10

śaśāpa krodhasaṃyuktastatastaṃ sa vaṭuṃ muniḥ
yasmātpāpatvayā sarpaḥ kṣiptaḥ sadasi durmate

1.17.11

tasmādbhava drutaṃ sarpo mama vākyādasaṃśayam
vaṭuruvāca
hāsyena jalasarpo'yaṃ mayā mukto'tra līlayā

1.17.12

na te tātaṃ samuddiśya tatkiṃ māṃ śapase dvija
etasminnaṃtare muktvā tasya gātraṃ sa pannagaḥ

1.17.13

jagāmānyatra tasyāpi sarpatvaṃ samapadyata
sopi sarpatvamāpannaḥ sanātanasuto vaṭuḥ

1.17.14

duḥkhaśokasamāpanno brāhmaṇaiḥ pariveṣṭitaḥ
atha gatvā bhṛguṃ so'pi vāṣpavyākulalocanaḥ

1.17.15

provāca gadgadaṃ vākyaṃ praṇipātapuraḥ saram
sanātanasutaścāpi pautrastu parameṣṭhinaḥ

1.17.16

śaptastavasutenāsmi cyavanena mahātmanā
nirdoṣo brāhmaṇaśreṣṭha tasmācchāpācca rakṣa mām

1.17.17

tacchrutvā vacanaṃ prāha kṛpāviṣṭo bhṛguḥ svayam
ayuktaṃ vihitaṃ tāta yacchapto'yaṃ vaṭustvayā

1.17.18

na māṃ dharṣayituṃ śakto viṣāktopi bhujaṃgamaḥ
kiṃ punarjalasarpoyaṃ nirviṣo rajjusaṃnnibhaḥ

1.17.19

na māmuddiśya nirmuktaḥ sarpo'nena dvijanmanā
śāpamokṣaṃ kuruṣvāsya tasmācchīghraṃ dvijanmanaḥ

1.17.20

cyavana uvāca
yadi tyajati maryādāmabdhiḥ śaityaṃvrajedraviḥ
ūṣṇatvaṃ ca kṣapānāthastanmesyādanṛtaṃ vacaḥ

1.17.21

tacchrutvā vacanaṃ tasya svayameva pitāmahaḥ
tataḥśīghraṃ tatrayātaḥ sapautraḥ sarparūpadhṛk

1.17.22

provāca na viṣādaste putra kāryaḥ kathaṃcana
yatsarpatvamanuprāptaḥ śṛṇuṣvātra vaco mama

1.17.23

purā saṃsṛṣṭukāmohaṃ nāgānāṃ navamaṃ kulam
tadbhaviṣyati tvatpārśvātsamaryādaṃ dharātale

1.17.24

maṃtrauṣadhiyujāṃ puṃsāṃ na pīḍāmācariṣyati
saṃprāpsyasi parāṃ pūjāṃ samaste jagatītale

1.17.25

atrāsti suśubhaṃ toyaṃ kṣetre kāpālike śubhe
tatrasthitvā samāvāsaḥ putra kāryastvayā sadā

1.17.26

tatrasthasya tapaḥsthasya nāgaḥ kakoṭako mahān
tava dāsyati tatkanyāṃ tataḥsṛṣṭirbhaviṣyati

1.17.27

navamasya kulasyātra samaryādasya bhūtale
śrāvaṇe kṛṣṇapakṣe tu saṃprāpte paṃcamīdine

1.17.28

saṃprāpsyati parāṃ pūjāṃ pṛthivyāṃ navamaṃ kulam
adyaprabhṛti tattoyaṃ nāgatīrthamiti smṛtam

1.17.29

khyātiṃ yāsyati bhūpṛṣṭhe sarvapātakanāśanam
ye'tra snānaṃ kariṣyanti saṃprāpte paṃcamīdine

1.17.30

na teṣāṃ vatsaraṃ yāvadbhaviṣya tyahitaṃ bhayam
viṣārditastu yo martyastatrasnānaṃ kariṣyati

1.17.31

tatkṣaṇenirviṣo bhūtvā saṃprāpsyati paraṃ sukham
putrakāmā tu yā nārī pacamyāṃ bhāsakarodaye

1.17.32

kariṣyati tathā snānaṃ phalahastā prabhaktitaḥ
bhaviṣyati ca śīghraṃ sā vandhyāpi ca saputriṇī

1.17.33

vahniruvāca
evaṃ pravadatastasya brahmaṇo'vyaktajanmanaḥ
anyenāgāḥ samāyātāstatra yajñe nimaṃtritāḥ

1.17.34

vāsukistakṣakaścaivapuṃḍarīkaḥ kṛśodaraḥ
kaṃbalāśvatarau nāgau śeṣaḥ kālīya eva ca

1.17.35

te praṇamya vacaḥ procuḥproccairdeva mṛṣanprati
nāgā ūcuḥ
yajñoddeśādvayaṃ prāptā yajñe'tra prapitāmaha

1.17.36

yena kurmo vadaṃ śīghraṃ nāgarājye'dhitiṣṭhataḥ
brahmovāca
nāgatīrthe sadā stheyaṃ sarvaistatra samāhitaiḥ

1.17.37

yaḥ kaścinmama yajñe'tra duṣṭabhāvaṃ samāśritaḥ
samāgacchati vighnāya rakṣaṇīyaḥ sa satvaram

1.17.38

rākṣaso vā piśāco vā bhūto vā mānuṣopi vā
etatkṛtyaṃ tu vo nāgā mama yajñasya rakṣaṇam

1.17.39

tathā yūyamapi prāpte māsi bhādrapade tathā
paṃcamyāṃ kṛṣṇapakṣasya tatra pūjāmavāpsyatha

1.17.40

vahniruvāca
bāḍhamityeva te procya praṇipatya pitāmaham
sanātanasutopetā nāgāstīrthaṃ samāśritāḥ

1.17.41

kāmapradaṃ ca bhaktānāṃ narāṇāṃ snānakāriṇām
yastatra kurute snānaṃ sakṛdbhaktyā samanvitaḥ

1.17.42

nānvayepi bhayaṃ tasya jāyate sarpasaṃbhavam
tatra yacchatimiṣṭānnaṃ dvijebhyaḥ sajjanaiḥ saha

1.17.43

pūjayitvā tu nāgendrān sanātanapuraḥsarān
saptajanmāntaraṃ yāvanna sa duḥkha mavāpnuyāt

1.17.44

bhūtapretapiśācānāṃ śākinīnāṃ viśeṣataḥ
na chidraṃ na ca rogāśca nādhirna ca riporbhayam

1.17.45

yaścedaṃ śṛṇuyādbhaktyā vācyamānaṃ dvijottama
sopisaṃvatsaraṃ yāvatpannagairna ca pīḍyate

1.17.46

sarpadaṣṭasya yasyaitat purataḥ pāṭhyate bhṛśam
etattīrthasya māhātmyaṃ kāladaṣṭopi jīvati

1.17.47

pustake likhitaṃ yatra etattīrthasamudbhavam
māhātmyaṃ tiṣṭhati yatra kalistatra na tiṣṭhati

1.17.47.p1

iti śrīvahnipurāṇe nāṃdīmukhotpattau dvitīyadivasakṛtyaṃ nāma saptadaśo'dhyāyaḥ

Linked texts (1)