Nandipurana 1.23
Nandipurāṇa 1.23
- Language
- Sanskrit
Contents
- 1.23.26 — 1 part
1.23.1
śrībrahmovāca
bhara vācacca śaptāstā prātaro dvijattama
harivyā tāstu vakrāṃgīṃ prāptā sā yatra tiṣṭhati
1.23.2
tataḥ praṇamya tā ūcuḥ sarvā dīnataraṃ vacaḥ
vayaṃ samāgatā devi sarvāṃstava makhe yataḥ
1.23.3
sapsyāmahe yajñabhāgaṃ vakrāṃgyāśca prasādataḥ
tatkurvām̐ṇāstathārebhe śaptā devi sureśvarī
1.23.4
strīṇāṃ duḥkhena duḥkhārtā jāyante sarvayoṣitaḥ
sūyamānanditāḥ savarṇa sapatnyā mama cotsave
1.23.5
tāṃ praṇamya prapūjārhā nāhaṃ saṃbhāṣitā'pi ca
sa viśeṣaṃ nṛtmagītaṃ prārabdhaṃ ca mayāgrataḥ
1.23.6
tasmādvyomagatirnaiva bhavatīnāṃ bhaviṣyati
asmin sthāne sadāstheyaṃ tathā'śramavivarjitāḥ
1.23.7
saṃtiṣṭhadhvaṃ na vaḥ pūjāṃ dvakariṣyanti mānavāḥ
dīnānā masamarthānāṃ yatra kṛtyeṣu sarvadā
1.23.8
tasyāstadvacanaṃ devi nānyathā saṃbhaviṣyati
vakrāṃgyāḥ pūjanārthāya dhruvaṃ sāhi prakāmadā
1.23.9
tenātra surasā śaptā yāvannaṣvamanorathāḥ
tasmādviruṣva kalyāṇi yathāsmākaṃ gatirbhavet
1.23.10
māharābhyaṃ tava vardheta traisokthe sacarācare
śrīvakrāṃgī uvāca
kā śaktirvidyate'smākaṃ śāpaṃ sāvitrīsaṃbhavam
1.23.11
anyathākartumevādya sarvairapi surāsuraiḥ
tathāpi śaktitaḥ sarvaṃ yatiṣye'haṃ hitāya vaḥ
1.23.12
caturviṃśatigotreṣu bhavatyaḥ saṃniyojitāḥ
pitāmahena tuṣṭena tatrapūjāmavāpsyata
1.23.13
nayaṃ rātrau ca saṃjñābhirhāsyapūrvābhireva ca
adyaprabhṛti yasyātra nāṃdīmukhasya sadgṛhe
1.23.14
vṛddhiḥ saṃdṛśyate kāścidviśeṣānmaṃḍapodbhavā
tathaiva yoṣitaḥ kāścitpuradvāraṃ sametya ca
1.23.15
adṛṣṭahāsyamādhāya prakṣipanti baliṃ tataḥ
tena yo bhavitā tṛptirdevānāṃ ca yathāmakhaiḥ
1.23.16
yāḥpunarna kariṣyanti pūjāmekāṃ mayoditām
yuṣmākaṃ nagare tāsāṃ kumutro nāśamāpsyati
1.23.17
yuṣmākamapamānena sadā rogī bhaviṣyati
tasmāttiṣṭhata cātraiva rakṣārthaṃ nagarasya ca
1.23.18
gaṃdharvaḥ parvato jātaḥ sapatnyā sahitastadā
vakrāṃgīyaṃ yadā śaptā nāradena maharṣiṇā
1.23.19
mānuṣī bhava kruddhena tadā saṃprārthitamvṛthā
madarthaṃ mānuṣo bhūtvā tāta tvaṃ cāṃbayā tava
1.23.20
yaja māṃ mānuṣīṃ caiva yena gacchāmi no vibho
viṇmūtrasaṃyute garthe sarvadoṣasamanvite
1.23.21
tataḥ sa kṛpayā tasyāḥ sapatnyā devaśarmaṇaḥ
avatīrṇo dharāpṛṣṭhe vānaprasthāśrame punaḥ
1.23.22
evaṃ sā paṃcamī rātristasya yajñasya sattama
utsavena manojñena vakrāṃgyāśca vyatikramāt
1.23.23
pratyūṣe ca tato jāte yadā tena vivarjite
vakrāṃgī ca tataḥ prāha brahmāṇaṃ janakaṃ nijam
kalpe'trāvabhṛthe bhāvī vidhiryajñasamudbhavaḥ
1.23.24
sarvatīrthamayastasmin snānaṃ naḥ syāttataḥ param
yāsyāmaḥ svagṛhaṃ bhūyaḥ sarvairdevaiḥ samanvitāḥ
1.23.25
anenaiva vimānena trayo vāpi yathā sukham
mamāpi ca varo jātastacchāpānnāradodbhavāt
1.23.26
yajñabhāgo mayāprāpto devānāmapi durlabhaḥ
pūrṇamāsīdine prāpte viśeṣāt strījanaiḥ kṛtaḥ
1.23.26.p1
iti śrīvahnipurāṇe nāṃdīmukhotpattau vakrāṃgyutpattināma trayoviṃśo'dhyāyaḥ
Linked texts (1)
- Skandamahāpurāṇa (vulgate) — Sanskrit