Pramāṇa · Search · About · API

Nandipurana 1.25-2

Nandipurāṇa 1.25-2

Language
Sanskrit

Contents

1.25-2.1

marīciruvāca
pitāmaha tvayā proktaṃ sāvitrī nāgatā ca yat
kauṭilyena samāyuktai rāhūtā vacanaistathā

1.25-2.2

pulastyena punaścaiva prasaktā gṛhakarmaṇi
tatastu brāhmaṇaiḥ kopādgāyatrī ca samāhṛtā

1.25-2.3

devairviśvaiśca sātīva śaṃsitā bhāryatāṃ gatā
sāvitrī ca kathaṃ jātā tāṃ jñātvā yajñamaṃḍape

1.25-2.4

patnīśālāṃ praviṣṭāṃca sarvaṃ vistarato vada
brahmovāca
sāvitrīvaśagaṃ kāntaṃ jñātvā devyaḥ samāgatāḥ

1.25-2.5

sthirā bhūtvā tadā sarvā devapatnyaḥ samanvitāḥ
ghṛtācī menakā raṃbhā hyurvaśī ca tilottamā

1.25-2.6

apsarasāṃ gaṇāḥ sarve samājagmurmudānvitāḥ
sā tābhiḥ sahitā devī pūrṇahastābhireva ca

1.25-2.7

saṃprahṛṣṭamanobhiśca prasthitā maṃḍapaṃ prati
vādyamāneṣu vādyeṣu gītadhvaniyuteṣu ca

1.25-2.8

gaṃdharvāṇāṃ pramukhyānāṃ kiṃnarāṇāṃ tathaiva ca
prasthitā sā mahābhāgā yāvattaṃ yajñamaṃḍapam

1.25-2.9

tāvattasyāstadā pāṇiḥ prāsphuraddakṣiṇo muhuḥ
apasavyaṃ mṛgāścakrastathānye'pi khagādayaḥ

1.25-2.10

viparyayāstesaṃyāni śabdān kurvanti vā'sakṛt
dakṣiṇāni tathāṃgāni spandamānāni vai muhuḥ

1.25-2.11

tasyā manasi saṃkṣobhaṃ janayanti nirargalam
tāścadevastriyaḥ sarvāḥ nṛtyanti ca hasanti ca

1.25-2.12

gāyanti ca yathotsāhaṃtasyāḥ pārśve vyavasthitāḥ
na jānanti ca saṃkṣobhaṃ tathā śakunajaṃ hṛdi

1.25-2.13

anyonya spardhayā sarvā gītanṛtyaparāyaṇāḥ
ahaṃ mpūrvamahaṃ pūrvaṃ praviśāmi mahāmakhe

1.25-2.14

ityautsukyasamopetāstā gacchanti sadā pathi

1.25-2.14.p1

iti śrīvahnipurāṇe nāṃdīmukhotpattau sāvitrīyajñamaṃḍapagamanaṃ nāma paṃcaviṃśo'dhyāyaḥ

Linked texts (1)