[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śaiva Upapurāṇas](https://indike.org/pramana/in.purana.upa.saiva) › [Nandipurana](https://indike.org/pramana/in.purana.upa.saiva.nandi) › 1.2 # Nandipurana 1.2 Nandipurāṇa 1.2 - **Language:** Sanskrit ## Contents - [1.2.41](https://indike.org/pramana/in.purana.upa.saiva.nandi.1.2.41) — 1 part ### [1.2.1](https://indike.org/pramana/in.purana.upa.saiva.nandi.1.2.1) vasiṣṭha uvāca sargādi kāraṇaṃ brūhi kasmātsṛṣṭiḥ prajāyate sṛṣṭeḥ pālaḥ pitā kaśca hartā cāravyātu marhasi > and the precise measure of fire-pits, pavilions, and goddesses as heard \[in tradition\], > initiation, sacrificial rites and the like, and the exposition of architectural science, > — English (machine translation) (machine translation) ### [1.2.2](https://indike.org/pramana/in.purana.upa.saiva.nandi.1.2.2) agniruvāca nārāyaṇādidaṃ sarvaṃ samutpannaṃ carācara ### [1.2.3](https://indike.org/pramana/in.purana.upa.saiva.nandi.1.2.3) yathāhi devaḥ sṛjati tathā vakṣyāmi tacchṛṇu āsṛṣṭeḥ pralayaṃ yāvadeko nityaḥ sanātanaḥ aṃtarlīno mahābhūtaḥ sṛṣṭiṃ kartumupakramet ### [1.2.4](https://indike.org/pramana/in.purana.upa.saiva.nandi.1.2.4) sātviko rājasaścaiva tāmasaśca tathā'nagha trividho'yamahaṃkāro mahattatvādajāyata ### [1.2.5](https://indike.org/pramana/in.purana.upa.saiva.nandi.1.2.5) tadā vṛtto hi bhagavānmahābhūtānsasarjaha śabdatanmātrikām̐ścaiva tanmātrā kāśameva ca ### [1.2.6](https://indike.org/pramana/in.purana.upa.saiva.nandi.1.2.6) śābdalakṣaṇikaścaiva bhūtādīṃstu samāvṛṇot balavāna bhavadvāyustasya sparśaguṇo mataḥ ### [1.2.7](https://indike.org/pramana/in.purana.upa.saiva.nandi.1.2.7) ākāśaṃ śabda tanmātraṃ sparśamātraṃ tathā'vṛṇot tato vāyurvikurvāṇo rūpamātraṃ sasarja ha ### [1.2.8](https://indike.org/pramana/in.purana.upa.saiva.nandi.1.2.8) jyotīrūpādyato vāyostadrūpo guṇaucyate sparśamātrastu vai vāyūrūpamātraṃ samāvṛṇot ### [1.2.9](https://indike.org/pramana/in.purana.upa.saiva.nandi.1.2.9) tasmājjātā mahīcedaṃ sarvabhūtaguṇādhikā saṃdhāto jāyate tasmāttasya gandhaguṇo mataḥ ### [1.2.10](https://indike.org/pramana/in.purana.upa.saiva.nandi.1.2.10) tasmiṃstasmiṃstu tanmātrāstena tanmātṛkāḥ smṛtāḥ tanmātrāṇyavaśeṣāṇi viśeṣāḥ kramaśo'parāḥ ### [1.2.11](https://indike.org/pramana/in.purana.upa.saiva.nandi.1.2.11) bhūtatanmātrasargo'yamahaṃkārāttu tāmasāt taijasānīndriyāṇyāhurdevā vaikārikā daśa ### [1.2.12](https://indike.org/pramana/in.purana.upa.saiva.nandi.1.2.12) ekādaśaṃ manaścātra kīrtitaṃ tatra ciṃtakaiḥ buddhīndriyāṇi paṃcātra paṃca karmendriyāṇi ca ### [1.2.13](https://indike.org/pramana/in.purana.upa.saiva.nandi.1.2.13) tāni vakṣyāmi teṣāṃ ca karmāṇi kulapāvana śravaṇaṃ tvagdṛśau jihvā nāsikā caiva paṃcamī ### [1.2.14](https://indike.org/pramana/in.purana.upa.saiva.nandi.1.2.14) śabdādijñānasidvayarthaṃ buddhiyuktāni paṃca va pāyūpasthau hastapādau vāṅmayaṃ cāpi paṃcamam ### [1.2.15](https://indike.org/pramana/in.purana.upa.saiva.nandi.1.2.15) ākāśavāyutejāṃsi salilaṃ pṛthivī tathā śabdāditrirguṇairvipra saṃyuktāstatpurottare ### [1.2.16](https://indike.org/pramana/in.purana.upa.saiva.nandi.1.2.16) nānāvīryāḥ pṛthagbhūtāstataste saṃhatiṃ vinā nāśaknuvan prajāḥ sṛṣṭuṃ samāgamya tu kṛtsnaśaḥ ### [1.2.17](https://indike.org/pramana/in.purana.upa.saiva.nandi.1.2.17) puruṣeṇa samāsādya parasparamathāśrayāt puruṣādhiṣṭhitatvācca prakṛtyānugraheṇa ca ### [1.2.18](https://indike.org/pramana/in.purana.upa.saiva.nandi.1.2.18) mahadādyā viśeṣāye tvaṃṇḍamutpādayantite tatkrameṇa vivṛddhaṃ tu jalabudbudvatsthitam ### [1.2.19](https://indike.org/pramana/in.purana.upa.saiva.nandi.1.2.19) bhūtebhyo'ṇḍe mahābuddhe bṛhatta udakeśayam prākṛtaṃ brahmarūpasya viṣṇoḥ sthānamanuttamam ### [1.2.20](https://indike.org/pramana/in.purana.upa.saiva.nandi.1.2.20) tatrāvyaktasvarūpo'sau viṣṇurviśveśvaraḥ prabhuḥ brahmaṇo rūpamāsthāya svayameva vyavasthitaḥ ### [1.2.21](https://indike.org/pramana/in.purana.upa.saiva.nandi.1.2.21) tasminnaḍe'bhavatsarvaṃ sadevāsuramānuṣam rajoguṇayuto devaḥ svayameva hariḥ paraḥ ### [1.2.22](https://indike.org/pramana/in.purana.upa.saiva.nandi.1.2.22) brahmarūpaṃ samāsthāya jagatsṛṣṭau pravartate agniruvāca brahmabhūtvā jagatsṛṣṭau bhagavānapyavartata ### [1.2.23](https://indike.org/pramana/in.purana.upa.saiva.nandi.1.2.23) nārāyaṇākhyo bhagavān sarvaloka pitāmahaḥ utpannaḥ procyate vidvannityaḥ sa hyupacārataḥ ### [1.2.24](https://indike.org/pramana/in.purana.upa.saiva.nandi.1.2.24) nijena tasya mānena hyāyurvarṣaśataṃ smṛtam kālaścāpi smṛtastena tasyāyuḥparikīrtitam ### [1.2.25](https://indike.org/pramana/in.purana.upa.saiva.nandi.1.2.25) anyeṣāṃ caiva bhūtānāṃ carāṇāmacarātmanām bhūbhṛtsusāgarādīnāmaśeṣāṇāṃ ca sattama ### [1.2.26](https://indike.org/pramana/in.purana.upa.saiva.nandi.1.2.26) saṃkhyājñānaṃ pravakṣyāmi manuṣyāṇāṃ nibodha me aṣṭādaśa nimeṣāṇāṃ kāṣṭhakā parikīrtitā ### [1.2.27](https://indike.org/pramana/in.purana.upa.saiva.nandi.1.2.27) kāṣṭhātriṃśatkalājñeyā kalātriṃśanmuhūrtakam triṃśatsaṃkhyaihorātraṃ muhūrtairmānuṣaṃ smṛtam ### [1.2.28](https://indike.org/pramana/in.purana.upa.saiva.nandi.1.2.28) ahorātrāṇi tāvanti māsaḥ pakṣadvayātmakaḥ tai ṣaḍbhirayanaṃ māsairdve'yane dakṣiṇottare ### [1.2.29](https://indike.org/pramana/in.purana.upa.saiva.nandi.1.2.29) ayanaṃ dakṣiṇaṃ rātrirdevānāmuttaraṃ dinam ayanaṃ dvitīyaṃ varṣaṃ martyānāmiha kīrtitam ### [1.2.30](https://indike.org/pramana/in.purana.upa.saiva.nandi.1.2.30) nṛṇāṃ māsaḥ pitṝṇāṃ tu hyahorātramudāhṛtam vasvādīnāmahorātraṃ mānuṣovatsaraḥ smṛtaḥ ### [1.2.31](https://indike.org/pramana/in.purana.upa.saiva.nandi.1.2.31) divyairvarṣasahasraistu kṛtatretādisaṃsmṛtam caturyuga dvādaśabhistadvibhāgaṃ nibodha me ### [1.2.32](https://indike.org/pramana/in.purana.upa.saiva.nandi.1.2.32) catvāri trīṇi dvecaikaṃ kṛtādiṣu yathākramam divyābdānāṃ sahasraistu yugairāhuḥ purāvidaḥ ### [1.2.33](https://indike.org/pramana/in.purana.upa.saiva.nandi.1.2.33) tat āmāṇaiḥ śataṃ sandhyā pūrvā tatra vidhīyate saṃdhyāṃśakaśca tattubhyo yugaḥ syāttatra bho dvija ### [1.2.34](https://indike.org/pramana/in.purana.upa.saiva.nandi.1.2.34) saṃdhyāsaṃ dhyāṃśayormadhye yaḥ kālo vartate khalu yugākhyaḥ sa tu vijñeyaḥ kṛtatretādisaṃjñakaḥ ### [1.2.35](https://indike.org/pramana/in.purana.upa.saiva.nandi.1.2.35) kṛtaṃ tretā dvāparaṃ ca kaliśceti caturyugam procyate tatsahasraṃ tu brahmaṇo divasohyayam ### [1.2.36](https://indike.org/pramana/in.purana.upa.saiva.nandi.1.2.36) brahmaṇo divase brahman manavaśca caturdaśa bhavanti parimāṇaṃ hi teṣāṃ kālakṛtaṃ śṛṇu ### [1.2.37](https://indike.org/pramana/in.purana.upa.saiva.nandi.1.2.37) saptarṣayastu śakrādi manustatsūnavo'pi ca ekakāle'pi sṛjyante saṃhrīyante'pi pūrvavat ### [1.2.38](https://indike.org/pramana/in.purana.upa.saiva.nandi.1.2.38) caturyugānāṃ saṃkhyā ca sādhikā hyekasaptatiḥ manvaṃtaraṃ manoḥkālaḥ śakrādīnāmapi dvija ### [1.2.39](https://indike.org/pramana/in.purana.upa.saiva.nandi.1.2.39) aṣṭau śatasahasrāṇi divyayā saṃkhyayā smṛtaḥ dvāpaṃcāśattathānyāni sapta cānyāni vai mune ### [1.2.40](https://indike.org/pramana/in.purana.upa.saiva.nandi.1.2.40) viṃśatiśca sahasrāṇi kālo'yaṃ sādhikaḥ smṛtaḥ brāhmamekamaharjñeyametadevānukīrtanam ### [1.2.41](https://indike.org/pramana/in.purana.upa.saiva.nandi.1.2.41) evaṃ kālaḥ samākhyātastava vedavidāṃvara kālarūpaḥ sa bhagavān sṛṣṭicakre pravartate ### [1.2.41.p1](https://indike.org/pramana/in.purana.upa.saiva.nandi.1.2.41.p1) iti śrī vahnipurāṇe nāṃdīmukhotpattau sargādhyāye kālavarṇanaṃ nāma dvitīyo'dhyāyaḥ ## Translations (1) - [English (machine translation)](https://indike.org/pramana/in.purana.upa.saiva.nandi~en-mt.1.2) — English, machine translation ## Linked texts (7) - [Narasiṃhapurāṇa](https://indike.org/pramana/in.purana.upa.vaisnava.narasimha.1.31) — Sanskrit - [Padmapurāṇa](https://indike.org/pramana/in.purana.padma.1.1.102) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.2.49) — Sanskrit - [Agnipurāṇa](https://indike.org/pramana/in.purana.agni.382.71.p22) — Vyāsa, Sanskrit - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.10.8) — Śrīnivāsamakhin, Sanskrit - [Mārkaṇḍeyapurāṇa](https://indike.org/pramana/in.purana.markandeya.45.41) — Vyāsa, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.1.103) — Ṭoḍaramalla 1564, Sanskrit --- Source: [https://indike.org/pramana/in.purana.upa.saiva.nandi.1.2](https://indike.org/pramana/in.purana.upa.saiva.nandi.1.2) · Pramāṇa