Nandipurana 1.4

1.4.1

parāśara uvāca
idaṃ ca śṛṇu maitreya yatpṛṣṭohamihatvayā
śrīsaṃbaṃdhaṃmayāpyetac śrutamāsīnmarīcitaḥ

and the forty [purificatory rites], the description of the Solar and Lunar dynasties and others—
this and more, O lord, has been heard by me in detail.

1.4.2

durvāsāḥ śaṃkarasyāṃśaścacāra pṛthivīmimām
sa dadarśa srajaṃ vidyāmṛṣirvidyādharīkare

1.4.3

saṃcārakāṇāmakhilaṃ yasyā gaṃdhena vāsitam
atisevyamabhṛdbrahman tadvanaṃ vanacāriṇām

1.4.4

unmattarūpadhṛg vipraḥ sa daṣṭvā śobhanāṃ srajam
tāṃ yayāce varārohāṃ vidyādharavadhūṃ tataḥ

1.4.5

yācitā tena tanvaṃgī mālāṃ vidyādharāganā
dadau tasmai viśālākṣī sāradā praṇipatyatam

1.4.6

tāmādāyātmano mūrdhnisrajamunmattarūpadhṛk
kṛtvā sa vipro maitreya parivabhrāma medinīm

1.4.7

sa dadarśa tamāyātamunmattairāvatasthitam
trailokyādhipatiṃ devaṃ sahadevaiḥ śacīpatim

1.4.8

tāmātmanaḥ sa śirasaḥ srajamunmattaṣaṭpadām
ādāyāmararājāya cikṣeponmattavanmuniḥ

1.4.9

gṛhītvā mararājenu sragairāvatamūrdhani
kṣiptārarāja kailāsa śikhare jāhnavīṃ yathā

1.4.10

madāndhakāritākṣo'sau gaṃdhotkṛṣṭena vāraṇaḥ
kariṇāghrāya nikṣiptā sā mālā dharaṇītale

1.4.11

tataścukrodha bhagavān durvāsā munisattama
maitreya devarājaṃ taṃ kruddhaścaiainamuvācaha

1.4.12

aiśvaryamatta duṣṭātman natistabdho'sivāsava
śriyodhāmasrajaṃ nūnaṃ mahattāṃ nābhivaṃdase

1.4.13

prasāda itinoktaṃ te praṇipātapuraḥsaram
harṣotkullakapolena na cāpi śirasā dhṛtā

1.4.14

mayādattāmimāṃ mālāṃ yasmānnabahumanyase
trailokyaśrīhato mūḍha vināśamupayāsyasi

1.4.15

māṃ manyase'nyaiḥ sadṛśaṃ bhūtaṃ śakra bhavān dvijaiḥ
ato'vamānanaṃtasmān māninā bhavatā kṛtam

1.4.16

mahattā bhavatā yasmāt kṣiptā mālā mahītale
tasmātpraṇaṣṭalamīkaṃ trailokyaṃ te bhaviṣyati

1.4.17

yasyasaṃjātakopasya bhayameti carācaram
taṃ tvaṃmāmatigarveṇa devarājāvamanyase

1.4.18

parāśara uvāca
mahendro vāraṇaskaṃdhādavatīrya tvarānvitaḥ
prasādayāmāsa tadā durvāsasamakalmaṣam

1.4.19

prasādayāmāsa tadā praṇipātapuraḥ saram
pratyuvāca sahasrākṣaṃ durvāsā munisattamaḥ

1.4.20

nāhaṃ kupāluhṛdayo na ca māṃbhajate kṣamā
anye te munayaḥ śakra durvāsasamavaihi mām

1.4.21

gautamādimiranyaistvaṃ garvamāyādito mudhā
akṣāṃtisārasarvasvaṃ durvāsasa evaihi mām

1.4.22

vaśiṣṭhādyairvayaḥ sāraiḥ stotraṃ kurvadbhiruccakaiḥ
garvagato'siyenaivaṃ māmevādyāvamanyase

1.4.23

jvalajjaṭa lāpasya bhṛkuṭīkuṭilaṃ mukham
nirīkṣya kastribhuvane mamayo na gato bhayam

1.4.24

nāhaṃkṣamiṣye bahunā kumuktena śatakrato
viḍambanāmimāṃ bhūyaḥ karoṣyanunayātmikām

1.4.25

parāśara uvāca
ityuktvā prayayau vipro devarājo'pitaṃpunaḥ
āru hyairāvataṃ brahman prayayāvamarāvatīṃ

1.4.26

tataḥ prabhṛti niḥśrīkaṃ saśakraṃ bhuvanatrayam
maitreyāsīdapadhvastaṃ saṃkṣīṇauṣadhirvārudham

1.4.27

na yajñā saṃpravartante na tapasyanti tāpasyāḥ
na ca dānādidharmeṣu manaścakre tadā janaḥ

1.4.28

niḥptatvāḥ sakalā lokā lobhādupahatendriyāḥ
svalpepi hivabhūvuste sābhilāṣā dvijottamāḥ

1.4.29

yataḥ satvaṃ tato lakṣmīḥ satvaṃ bhūpe'nusāri ca
niḥśrīkāṇāṃ kutaḥ satvaṃ vinā tena guṇāḥ kṛtaḥ

1.4.30

balaśauryādyabhāvaśca puruṣāṇāṃ guṇairvinā
laṃdhanīyāḥ samastāśca balaśauryavivarjitāḥ
bhavatyapadhvastamatilaṃbitaḥ prathitaḥ pumān

1.4.31

evamatyantaniḥśrīke trailokye satvavarjite
devān prati balo yogaṃ cakrudaiteyadānavāḥ

1.4.32

lobhābhibhūtā niḥśrīkādairayāḥ satvavivarjitāḥ
priyā vihīnairniḥsatvairdevāścakrustato raṇam

1.4.33

vijitāstridaśā daityairindrādyāḥ śaraṇaṃ yayuḥ
pitāmahaṃ mahābhāgaṃ hutāśanapurogamāḥ

1.4.34

yathākakathite devairbrahmā prāha tataḥ surān
parāṣareśaṃ śaraṇaṃ brajadhvamasurārdanam

1.4.35

utpattisthitināśānāmahetuṃ hetumīśvaram
prajāpatipatiṃ viṣṇumanantamaparājitam

1.4.36

pradhānapuṃsoranayoḥ kāraṇaṃ kāryaśrūtayoḥ
praṇatārtiharaṃ viṣṇuṃ sa ca śreyovipāsyati

1.4.37

evamuktvā surān sarvān brahmā lokapitāmahaḥ
tuṣṭāva vāgbhiriṣṭābhiḥ parāparapatiṃ harim

1.4.38

brahmā uvāca
namāmi sarvaṃ sarveśamanantamajamavyayam
lokadhāmadharābhāra maprakāmabhabhedinam

1.4.39

nārāyaṇamaśīyāṃsa maśedānā maṇīyamām
samastānāṃ gariṣṭaṃ yat bhūrādīnāṃ garīyasām

1.4.40

yatra sarvaṃ yataḥ sarvamutpannaṃ yatpuraḥsaram
sarvasūtaścayo devaḥ parāṇāmapi yatparaḥ

1.4.41

paraḥ ---prātpuruṣāt paramātmasvarūpadhṛk
yogibhiścityaneyo'sau yuktiheturmumukṣubhiḥ

1.4.42

satsādayoḥ na saṃtīśe yatra ca prākṛtā guṇāḥ
sa śuddhaḥ ---śuddhebhyaḥ pumānāthaḥ bhasīdaha

1.4.43

kalākāṣmanimeṣadi kālasūtrasyagocaraḥ
yasyarśāścarna śuddhasya prasīdatu sa no hariḥ

1.4.44

procyate parameśo yo yaḥ śuddhohyupacārataḥ
pratī---no viṣṇurātmāyaḥ sarvadehinām

1.4.45

yaḥ kāraṇaṃ ca kāryaṃ ca kāraṇasyāpi kāraṇam
kāryasyāpicayaḥ kāryaṃ prasīdatu sa no hariḥ

1.4.46

kāryakāryasya yatkāryaṃ tatkāryasyāpi yaḥ svayam
kāryaṃ kāryavato yaśca tataḥsmaḥ praṇatāḥśca tam

1.4.47

kāraṇaṃ kāraṇasyāpi tasya kāraṇakāraṇam
tatkāraṇānāṃ hetutvaṃ praṇatāḥsmaḥ sureśvaram

1.4.48

bhoktāraṃ bhojyabhūtaṃ ca sṛṣṭāraṃ sṛṣṭimeva ca
kāryakartṛsvarūpaṃ taṃ praṇatāḥsmaḥ paraṃ padam

1.4.49

viśuddhaṃ bodhavannitya majamavyayamakṣayam
avyaktamavikārya yattadviṣṇoḥ paramaṃ padam

1.4.50

na sthūlaṃ naiva sūkṣmaṃ ca praṇamābhastamavyayam
yatra devā na munayo na evaṃ cāpi śaṃkaraḥ

1.4.51

ānandi parameśasya tadviṣṇoḥ paramaṃ padam
yadyoginaḥ sadodyuktāḥ pāpapuṇyakṣayākṣaye

1.4.52

paśyanti praṇamennityaṃ tadviṣṇoḥ paramaṃ padam
śaktayo yasya devasya brahmaviṣṇuśivātmakam

1.4.53

bhavanti bhūtapūrvasya tadviṣṇoḥ paramaṃ padam
sarveśasarvabhūtātman sarvasarvābhayācyuta

1.4.54

prasīda viṣṇo bhaktānāṃ vrajano dṛṣṭigocaram
yannāvaṃ bhagavan brahmā jānāti paramaṃ padam

1.4.55

tannatā--mo ja--dāma tavasarvagatācyuta
ityevaṃ vacanānyeṣāṃ devānāṃ brahmaṇastathā

1.4.56

ūcurdevarṣayaḥ sarve bṛhaspatipurogamāḥ
yajño yajñapumānnityo yaḥ pūrveṣāṃ ca pūrvajaḥ

1.4.57

tannatāḥ smo jagatsṛṣṭuḥ sṛṣṭāramapi śoṣaṇam
bhagavan bhūtabhavyeśa yajñamūrtidharāvyaya

1.4.58

prasīda praṇatānāṃ tvamasmākaṃ dehidarśanam
eṣa brahmā tathaivāyaṃ saharudraistrilocanaḥ

1.4.59

sarvādityaiḥ samaṃ pūṣā pāvako'yaṃ sahāgnibhiḥ
aśvinau vasavaścaime sarve caite marudgaṇāḥ

1.4.60

sādhyā viśve tathā devā devendraścāpi ceśvaraḥ
praṇāmapravaṇāścātha daityasainyaparājitāḥ

1.4.61

śaraṇaṃ tvāmanuprāptāḥ samastā devatāgaṇāḥ
parāśara uvāca
evaṃ sarvaiḥ saṃstutastu bhagavān śaṃkhacakradhṛk

1.4.62

pradadau darśanaṃ teṣāṃ maitreya parameśvaraḥ
taṃ dṛṣṭvā te tato devāḥ śaṃkhacakragadādharam

1.4.63

apūrvarūpasaṃsthānaṃ tejasāṃ rāśimūrjitam
praṇamya praṇatāḥ sarve saṃkṣobhastimikṣateṇāḥ

1.4.64

tuṣṭuvuḥ pūṇḍarīkākṣaṃ pitāmahapurogamāḥ
devā ūcuḥ
namo namo viśeṣastvaṃ brahmā cāpi pinākadhṛk

1.4.65

indrastvamagniḥpavano varuṇaḥ savitā yamaḥ
vasavo marutaḥ saṃdhyā viśvedevā gaṇā bhavān

1.4.66

yo'yaṃtavāgato devasamīpaṃ devatāgaṇaḥ
satvameva jagatsṛṣṭaryataḥ mardagato bhavān

1.4.67

tvaṃ yajñastvaṃ vaṣaṭkārastvamoṃkāraḥ prajāpatiḥ
vedāvedyaṃ ca sarvātman tejasā pyāyayasvanaḥ

1.4.68

tāvadārtistathā vāṃchā tāvanprohastathāsukham
yāvannāyāti śaraṇaṃ tvāmaśeṣāghanāśanam

1.4.69

tatprasīda prasannātman prapannānāṃ kuruṣva śam
tejasāṃ nātha sarveṣāṃ svaśaktyāpyāyanaṃ kuru

1.4.70

evaṃ saṃstūyamānastu praṇatairamarairhariḥ
prasannadṛṣṭirbhagavānidamāha sa viśvadhṛk

1.4.71

tejasāṃ bhavatāṃ devāḥ kariṣyāmyupabṛṃhaṇam
vadāmyahaṃ yatkriyatāṃ bhavadbhistadidaṃ surāḥ

1.4.72

ānīya sahitā daityaiḥ kṣīrābdhausakalauṣadhīḥ
maṃthānaṃ maṃdaraṃ kṛtvā netraṃ kṛtvā ca vāsukim

1.4.73

mathyatāmamṛtaṃ devāḥ sahāye mayyavasthite
sāmapūrvaṃ ca daiteyāstatra sāhāyyakarmaṇi

1.4.74

sāmānyaphalabhoktāro yūyaṃ vācyā bhaviṣyatha
madhyamāne ca tatrābdhau yatsamutpadyatemṛtam

1.4.75

tatpānādbalino yūyamajarāśca bhaviṣyatha
tathā cāhaṃ kariṣyāmi te yayā tridaśadviṣaḥ

1.4.76

na prāpyatvamṛtaṃ devāḥ kevalaṃ kleśabhāginaḥ
parāśara uvāca
ityuktvā devadevena satyameva tataḥpurā

1.4.76.p1

saṃdhānamasuraiḥ kṛtvā yatnavaṃto'mṛte'bhavan
tatrauṣadhīḥ samānīya devadaiteyadānavāḥ

1.4.78

kṣiptvā kṣīrābdhipayasi śaradabhrāmalatviṣi
maṃthānaṃ maṃdaraṃ kṛtvā netraṃ kṛtvāca vāsukim

1.4.79

tato mathitumārabdhaṃ maitreya tarasā'mṛtam
vibudhāḥ sahitāḥ sarve yatra pucche tataḥ kṛtāḥ

1.4.80

kṛṣṇena vāsukerdaityāḥ pūrvakāye niveśitāḥ
tataśca phaṇiniśvāsavahnināpahatatviṣaḥ

1.4.81

nistejaso'surāḥ sarve babhūvuramitadyutaḥ
tenaiva mukhaniśvāsavāyunā svabalāhakaiḥ

1.4.82

pucchapradeśavarṣadbhistadā cāpyāyitāḥ surāḥ
kṣīrodamadhye bhagavān kūrmarūpī svayaṃ hariḥ

1.4.83

maṃthānādreradhiṣṭhānaṃ bhramato'bhūnmahāmune
rūpeṇānyena devānāṃ sādhyacakragadādharaḥ

1.4.84

cakarṣanāgarājānaṃ daityamadhyepareṇa ca
uparyākrāntavāñcchailaṃ bṛhadrūpeṇa keśavaḥ

1.4.85

tathā pareṇa maitreya yadṛnnaṣṭaṃ surāsuraiḥ
tejasā nāgarājānaṃ tadāpyāyitavān hariḥ

1.4.86

anyena tejasādevānupabṛṃhitavān vibhuḥ
mathyamāne tatastasmin kṣīrābdhau devadānavaiḥ

1.4.87

havirdhānya bhavatpūrvaṃ surabhiḥ surapūjitā
jagmurmudaṃ tato devā dānavāśca mahāmune

1.4.88

vyākṣiptacetasaścaiva tedevāḥstimitekṣaṇāḥ
kimetaditi siddhānāṃ divi ciṃtayatāṃ tataḥ

1.4.89

babhūva vāruṇī devī madādhūrṇitalocanā
kṛtāvartastatastasmātkṣīrodādvāsayañjagat

1.4.90

gaṃdhena pārijāto'bhūddevastrīnaṃ danastaruḥ
rūpaudāryaguṇopetastasmāccāpsarasāṃ gaṇaḥ

1.4.91

kṣīrodadheḥ samutpanno maitreya paramādbhutaḥ
tataḥ śītāṃśurabhavajjagṛhetaṃ maheśvaraḥ

1.4.92

jagṛhuśca viṣaṃ nāgāḥ kṣīrodadhisamudbhavam
tato dhanvaṃtarirdevastathā'mṛtavaraṃdharaḥ

1.4.93

vibhratkamaṃḍaluṃ pūrṇamamṛtasya samucchritaḥ
tataḥ svasthamanaskāste sarve daiteyadānavāḥ

1.4.94

babhūvurmuditāḥ sadyo maitreya munibhiḥ saha
tataḥ skuratkāṃtimatī vikāśakamalasthitā

1.4.95

śrīdevī payasastasmāddvikāśakarapaṃkajā
tāṃ tuṣṭuvurmudāyuktāḥ śrīsūktena maharṣayaḥ

1.4.96

viśvāvasumukhāstasyā gaṃdharvāḥpurato jaguḥ
dhṛtācīpramukhā brahman nanṛtuścāpsarogaṇāḥ

1.4.97

gaṃgādyāḥ saritastoyaiḥ snānārthamupatasthire
diggajā hemapātrasthagrādāya vimalaṃ jalam
snāpayāṃcakrire devīṃ sarvadevamaheśvarīm

1.4.98

kṣīrodarūpadhṛk cāsyai mālāmamlānapaṃkajām

1.4.99

dadauvibhūṣaṇānyaṃge viśvakarmā cakāraha
divyamālyāṃbaradharā snātābhūṣaṇabhūṣitā

1.4.100

paśyatāṃ sarvadevānāṃ yayau vakṣaḥsthalaṃ hareḥ
tato'valokitā devā harivakṣaḥsthalasthayā

1.4.102

lakṣmyā maitreya sahasā parāṃ nirvṛttimāgatāḥ
udvegaṃ paramaṃ jagmurdaityā viṣṇuparāṅmukhāḥ

1.4.103

tyaktā lakṣmyā mahābhāga dīnā vikalatāṃ gatāḥ
tataste jagṛhurdaityā dhanvaṃtarikare sthitām

1.4.104

kamaṃḍaluṃ mahāvīryā yatrāste tadvijāmṛtam
māyayā lobhayitvā tān viṣṇuḥ strīrūpasaṃsthitaḥ

1.4.105

dānavebhyastadādāya devebhyaḥ pradadau prabhuḥ
punaḥ papuḥ suragaṇāḥ saśakrādyāstadāmṛtam

1.4.106

udyatāyudhanistriśā daityāstāṃśca samabhyayuḥ
pīte'mṛte ca balibhirdevairdaityavamūstadā

1.4.107

vadhyamānā diśobheje pātālaṃ ca viveśaha
tato devā mudāyuktāḥ śaṃkhacakragadāmṛtam

1.4.108

praṇipatya yathāpūrvamaśāsattattriviṣṭapam
tataḥ prasannatāṃ sūryaḥ prayayau svena vartmanā

1.4.109

jyotīṃṣi ca tathā mārgaṃprayayurmunisattama
jajvāla bhagavāṃścoccaiścārudīptirvibhāvasuḥ

1.4.110

dharme ca sarvabhūtānāṃ tadāmatirajāyata
kriyājuṣṭaṃ ca trailokyaṃ babhūva dvijasattama

1.4.111

śakraścatridaśaśreṣṭhastadā śrīmānajāyata
siṃhāsanagataḥ śakraḥ saṃprāpya tridivaṃ tathā

1.4.112

devarājye sthito devīṃ tuṣṭāvābjakarāṃ tataḥ
indra uvāca
namasye sarvaratnānāṃ jananīmabja saṃbhavām

1.4.113

śriyamunnidrapadmākṣīṃ viṣṇuvakṣaḥsthalasthitām
tvaṃ siddhistvaṃ svadhāsvāhā sudhā tvaṃ lokapāvanī

1.4.114

saṃdhyā rātristathā bhūtirmedhā śraddhā sarasvatī
yajñavidyā mahāvidyā guhyavidyāsi śobhane

1.4.115

ātmavidyā ca devi tvaṃ vimuktaphaladāyinī
ānvikṣikī trayī vārtā daṇḍanītistvameva ca

1.4.116

saumyāsaumyairjagadrūpaistvayaitaddevi pūritam
kātvanyā tvāmṛte devi sarvayajñamayaṃvapuḥ

1.4.117

adhyāste devadevasya yogiciṃtyagadābhṛtaḥ
tvayā devi parityaktaṃ sakalaṃ bhuvanatrayam

1.4.118

vinaṣṭaprāyamabhavat tvayedānīṃ samedhitam
bhavatyetanmahābhāge nityaṃ tvadvīkṣaṇānnṛṇām

1.4.119

śarīrārogyamaiśvaryaṃ ripupakṣakṣayaḥ sukham
devi tvaṣṭidṛṣṭānāṃ puruṣāṇāṃ na durlabham

1.4.120

tvaṃ mātāsarvabhūtānāṃ devadevo hariḥ pitā
tavaitattejasā mātarjagadvyāptaṃ carācaram

1.4.121

mā naḥ kośaṃ tathā koṣṭhaṃ no gṛhaṃ naḥparicchadam
naḥśarīraṃ kalatraṃ ca tyajenmā sarvapāvini

1.4.122

mā putrān naḥ suhṛdvargānmāpaśūnnovibhūṣaṇam
mātyajeddvābhadevasya viṣṇurvakṣaḥsthalāśrayā

1.4.123

satyena satvaśaucābhyāṃ tathā śīlādibhirguṇaiḥ
tyakṣyante netare sadyaḥ saṃtyaktā ye tvayāmale

1.4.124

tvayāvilokitāḥ sadyaḥ śīlādyairakhilairguṇaiḥ
kulaiśca yaiśca pūjyante puruṣānirguṇā api

1.4.125

sa ślādhyaḥ saguṇī dhanyaḥ sakulīnaḥ sabuddhimān
saśūraḥ sacavikrānto yastvayā devi vīkṣitaḥ

1.4.126

sadyo vaiguṇayamāyānti śīlādyāḥ sakalāguṇāḥ
parāṅmukhī jagaddhātrī yasyatvaṃ viṣṇuvallabhe

1.4.127

na te varṇayituṃ śaktā guṇāñjihvāpi vedhasaḥ
prasīda devi padmākṣi māsmāṃstyākṣīḥ kadācana

1.4.128

parāśara uvāca
evaṃ śrīḥ saṃstutā samyak prāha dṛṣṭvā śatakratum
śṛṇvatāṃ sarvadevānāṃ sarvabhūtasthitā dvija

1.4.129

śrīruvāca
parituṣṭāsmi deveśa stotreṇānena te hare
varaṃ vṛṇīṣva yastviṣṭo varadāhaṃtavāgatā

1.4.130

indra uvāca
varadāyadi me devi varārho yadicāpyaham
trailokyaṃ na tvayā tyājyaṃ eṣa eva varaḥ paraḥ

1.4.131

stotreṇa ca tavānena yastoṣyatyabdhisaṃbhaye
sa tvayā na parityājyo dvitīyo'stu varomama

1.4.132

śrīruvāca
trailokyaṃ tridaśaśreṣṭha na tyakṣpāmyapi vāsava
māṃ stoṣyati natasyāhaṃ bhaviṣyāmi parāṅmukhī

1.4.133

evaṃ dadau varaṃ devī devarājāya vai purā
maitreya śrīrmahābhāgā stotrārādhanatoṣitā

1.4.134

bhṛgoḥ khyātyāṃ samutpannā śrīḥ pūrvamudadheḥpunaḥ
devadānavayatnena prasūtā'mṛtamaṃthane

1.4.135

evaṃ yadā jagatsvāmī devadevo janārdanaḥ
avatāraṃ karotyeṣa tadāśrīstatsahāyinī

1.4.136

punaśca padmādudbhūtā hyādityobhūdyadāhariḥ
yadā ca bhārgavo rāmastadābhūddhariṇī tviyam

1.4.137

rāghavatve bhavetsītā rukmiṇī kṛṣṇajanmani
anyeṣu cāvatāreṣu viṣṇoreṣā sahāyinī

1.4.138

devatve devadeheyaṃ manuṣyatve ca mānuṣī
viṣṇordehānurūpā vai karotyeṣātmanastanum

1.4.139

yaścaitacchṛṇuyānnityaṃ lakṣmyāyaśca paṭhennaraḥ
śriyo na vicyutistasya gṛhe yāvatkulatrayam

1.4.140

paṭhyate yatra caivaiṣā gṛheṣu śrīrmahāmune
alakṣmīḥ kalahādhārā na teṣvāste kadācana

1.4.140-2

etatte kathitaṃ brahman yanmāṃtvaṃ paripṛcchasi
kṣīrābdhau śrīryathā jātā pūrvaṃ bhṛgusutā satī

1.4.140-2.p1

iti śrī vahnipurāṇe nāṃdīmukhotpattau lakṣyī prādurbhāvo nāma caturtho'dhyāyaḥ