Pramāṇa · Search · About · API

Nandipurana 1.46

Nandipurāṇa 1.46

Language
Sanskrit

Contents

1.46.1

brahmovāca
evaṃ bahusamāḥsopi rājyaṃ cakre hyakaṃṭakam
nāṃdīmukhānāṃ viprāṇāṃ prabhāvādyajñakarmaṇaḥ

1.46.2

evaṃ bahutithe kāle samāsanne kalaṃ tathā
samāsannā mahī mlecchairduṣṭaistaiḥ pālānvitaiḥ

1.46.3

mlecchaiḥ sarvaistataste ma hyatra kṛtvā samāvṛtāḥ
purī nāṃdīmukhānāṃ tu tadā vyākulatāṃ gatā

1.46.4

naṃdo'pi tān vinamyātha kiṃkāryamiti cātravīt

1.46.5

atha te brāhmaṇāḥ sarve sapretyeti ca cakrire
stutyāparājitāyāśca homaṃ cakre vijānataḥ

1.46.6

marīciruvāca
aparājitāyāḥ stotraṃ kathayasva prasādataḥ
yasya saṃśravaṇādeva nāribhiḥ paribhūyate

1.46.7

brahmovāca
tataḥ siddhāṃvikāṃ natvā japtvā tāmaparājitām
mahāvidyāṃ vaiṣṇāvīṃ ca sādhanena samanvitām

1.46.8

yasyāḥ śravaṇamātreṇa sarva duḥkhakṣayobhavet
tāṃ vidyāṃ kīrtayiṣyāmi śṛṇudhvaṃ viprapuṃgavāḥ

1.46.9

asyā mahāvidyāyā mahāvaiṣṇavyā aparājitāyāḥ śrī vāmana ṛṣiḥ
gāyatryuṣṇiganuṣṭupa jagatī chedāṃsi śrī lakṣmīnṛsiṃho devatā caturvarga
phalāvāptaye jape viniyogaḥ

1.46.10

namo'naṃtāya sahasraśīrṣāya kṣīrodārṇavaśāyine | śeṣabhogaparyaṃkāya
garuḍavāhanāya | ajeyāya aprameyāya aparājitāya pītanīrmalavāsase

1.46.11

vāsudeva saṃkarṣaṇa pradyumna aniruddha hayagrīva varāha dāmodara nṛsiṃha vāmana
trivikrama paraśurāma rāma varaprada namo'stute svāhā

1.46.12

asuradaityadānava bhūtapretapiśāca kuṣmāṇḍān paca paca matha matha vidhvaṃsaya
vidhvaṃsaya śaṃkhena vajreṇa cakreṇa śūlena cāpena bhasmīkuru svāhā

1.46.13

sahasravāhana sahasrapraharaṇāyudha jaya jaya vijaya vijaya aparājita aptihata
sahasranetra jvala jvala prajvala prajvala

1.46.13.p1

viśvarūpa nityarūpa bahurūpa mādhava madhusūdana mahāvarāha mahāpuruṣa vaikuṃṭha

1.46.13.p2

nārāyaṇa padmanābha goviṃda dāmodara hṛṣīkeśa keśava sarvāśubhotsādana

1.46.13.p3

sarvabhūtavaśaṃkara sarvaduḥkhaprabhedana sarvayaṃtraprabhedana sarvanāgapravaṃdhana

1.46.14-16

sarvadevamaheśvara sarvabaṃdhaviprokṣaṇa sarvadaityapramardana sarvajvarapraṇāśana
sarvagrahanivāraṇa sarvapāpapraṇāśana janārdana janānaṃdakāraka namostute svāhā

1.46.17

ya imāmaparājitāṃ paramavaiṣṇavīṃ paṭhitasiddhāṃ paṭhati japati śṛṇoti smarati
dhārayati kīrtayati vā na tasya vāyvagnivajropalabhayaṃ viṣabhayaṃ na samudrabhayaṃ na
grahabhayaṃ na caurabhayaṃ na śvāpadabhayaṃ kadāpi na bhavet

1.46.18

na vidyudrātryaṃdhakārastrī rājakula viṣāṣṭaprabaṃdha sāgara gada vaśīkaraṇa
vidviṣoccāṭanabaṃdha bhayavān na bhavet

1.46.19

etairmaṃtrairudāhṛtaiḥ siddhaiḥ saṃsiddhapūjitaiḥ
tato yathā namaste stu hyabhaye cānuṣiñjite

1.46.20

asite amṛte aparājite jite paṭhitasiddhe smaraṃti vidye ekāneke umedhruve
aruṃdhati sāvitri gāyatri jātavedasi mānase

1.46.20.p1

sarasvati dharaṇi dhāriṇi
ghiraṇi saudāmini adite dite vinate gauri gāṃdhāri mātaṃgi kṛṣṇe yaśode

1.46.20-21

satyavādini brahmavādini kāli kapālini nidre satye māyāvini jalagataṃ
sthalamatamaṃtarikṣagataṃ mā rakṣa rakṣa sarvabhūtopadravebhyo rakṣa rakṣa svāhā

1.46.22

yasyāstu patate puṣpaṃ garbho vā pātyate yadi
mriyante bālakā yasyāḥ kākavaṃdhyā ca yā bhavet

1.46.23

sā tvimāṃ dhāraye dvidyā metairdoṣairna vidyate
raṇe rājakule dyūte nityaṃ tasya jayo bhavet

1.46.24

śastraṃ dhārayatāṃ hyeṣā samare kāṃḍadhāriṇām
gulmaśūlādirogāṇāṃ kṣipraṃ nāśayate yathā

1.46.24.p1

śirorogajvarāṇāṃ vai nāśinī sarvadehinām
tadyathā hara hara kāli sara sara gauri dhama dhama vidye suvidye vasuvidye āle

1.46.24.p2

māle tamāle gaṃdhe bandhe pāvanavidye nāśaya niḥsaṃhara duḥsvapnān vidhnān
nāśaya rajanīsaṃdhe duṃdubhi bhānavege śaṃkhini cakriṇi vajriṇi śūlini

1.46.26-27

alpamṛtyuvināśini viśveśvari draviṇi drāviṇi keśavadaitye paśupati sahite
duṃdubhidamani śavari kirāti mātaṃgi hue hue juṃ juṃ kruṃ kruṃ kuru svāhā

1.46.26-27.p1

amukā ya imāṃ dviṣanti pratyakṣaṃ parokṣaṃ vā tān sarvān daṃbhaya daṃbhaya mardaya

1.46.26-27.p2

mardaya tāpaya tāpaya śoṣaya śoṣaya uccāṭaya uccāṭaya utsādaya utsādaya

1.46.26-27.p3

brahmāṇī māheśvarī vārāhī vaināyakī pūrvadiśi āgneyi cāmuṃḍe vāruṇi

1.46.27-29

vāyavi rakṣokte pracaṃḍavidye rakṣopendrabhogini vijaye śāṃti svastipuṣṭivardhini
kāmāṃkuśe kāmadughe sarvakāmavaraprade sarvabhūteṣu māṃ priyaṃ kuru kuru svāhā

1.46.27-29.p1

ākarṣaṇe āveśini jvālāmālini ramaṇi rāmaṇi dharaṇi dhāriṇi tapani

1.46.27-29.p2

tāpini madanonmādini śoṣiṇi saṃmohini nīlapatāke mahānīle mahāgauri

1.46.27-29.p3

mahāśriye mahācāndri mahāsene ādityaraśmi jāhnavi yamaghaṃṭe kiṃkiṇi

1.46.30-33

ciṃtāmaṇi surabhi surotpanne sarvakāmadughe tadyathā manīṣiṇāṃ kārya siddhistathā
me sidhyatu svāhā | yataścaivāgataṃ pāpaṃ tatraiva pratigacchatu

1.46.34

vyāhṛtihomaḥ | bale mahābale asiddha asiddhasādhanāni svāhā

1.46.34.p1

eṣā amoghā aparājitā paṭhitasiddhā mahāviṃdyā anayā mahāvidyayā
bhagavān śrī nṛsiṃho devatā prīyatāṃ mamaciṃtitaṃ kāryaṃ sidhyatu | gāṃ gīṃ gūṃ

1.46.35-36

gaṇapataye svāhā | kṣāṃ kṣīṃ kṣūṃ kṣetrapālāya namaḥ svāhā prīyatām
trisaṃdhyaṃ japaḥ kāryaḥ

1.46.37

ya imāṃ sādhayetprājño vaiṣṇavīmaparājitām
vijayaḥ saṃyuge bhūyā nmanobuddhisamādhibhiḥ

1.46.38

ya imāṃ prajapennityaṃ sādhanena vināpi hi
tasyāpi sarvavighnāni naśyanti dvijasattamāḥ

1.46.39

brahmovāca
praṇavādi namo'ntaśca caturthyā ca samanvitaḥ
pūjāviśeṣaḥ kartavyaḥ svāhāntairhoma ucyate

1.46.40

pratidaivatamaṃtraiśca svagṛhyoktavidhānataḥ
homaṃ kuryātprayatnena sarvakāmasamṛddhaye

1.46.41

bandhyā strī dhārayedgarbhamavaśyaṃ putramāpnuyāt

1.46.42

apūpān modakāṃścaiva pāyasaṃ juhuyādatha
trimadhurāktasaghṛtaṃ śatapatrasamanvitam

1.46.43

śamīpālāśasaṃyuktaṃ juhuyācca samṛddhaye
aṣṭamyāṃ ca caturdaśyāṃ saṃkrāntau parvasaṃbhave

1.46.44

kāryā parājitā pūjā sarvakāmasamṛddhaye
pāyasa sarvakāryeṣu uttamāni phalāni ca

1.46.45

bilvīdalāni ramyāṇi juhuyātsarvakāmukaḥ
vaśyārtheṣvapyapāmārga samidho juhuyādatha

1.46.46

sarvāmayavināśāya hyalpamṛtyoścaśāṃtaye
durvāhūtiḥ palāśasya samidho juhuyādyavaiḥ

1.46.47

duṣṭaśatruvināśāya samidho'kṣasya kīrtitāḥ
daśarātraṃ daśāvartaṃ paṭhedyaḥ prayataḥ śuciḥ

1.46.48

brahmacārī bhūmiśāyī saṃpūrṇaṃ labhate phalam
daśāṃśena mahāhomaḥ kartavyaḥ śubhamicchatā

1.46.49

rājodbhavaṃ mahāghoraṃ baṃdhanaṃ vyaṃjanaṃ tathā
sarvasaṃkaṭaduḥkhāni nāśayejjapataḥ śivāṃ

1.46.50

indumaṇḍalamadhyasthā homakuṃḍendusannibhā
dhyātvāyo vinyasedvakre sabhāryaḥ pūjyatāṃ vrajet

1.46.51

āśvinasya site pakṣe daśamyāṃ vijayārthibhiḥ
datvāhomaṃ vidhānena yātrākāryā naraiḥ sadā

1.46.52

ṣaṇmāsābhyaṃtare mṛtyuryadā bhavatidehinām
tadāyaṃ vismṛtiṃ yāti maṃtro mālāsamanvitaḥ

1.46.53

alpamṛtyuharā devī sarvāmayavināśinī
duḥkhadāridryarogāghnī mahāmāyā'parājitā

1.46.54

kaṃṭhe bāhostathā mūrdhni dhāryā devī śubhārthibhiḥ
caurāhivahni bhūpālarājaghorabhaye tathā

1.46.55

amṛtaṃ tadbhavettasya nālpamṛtyurbhavet kvacit
kare baddhvā mahārakṣāṃ vicarennirbhayaḥ sadā

1.46.56

likhedrocanayā bhūrje kaṃṭhe bāhvornidhārayet
mahārakṣā bhavedeṣā sarvadoṣavināśinī

1.46.57

haricaṃdanamiśreṇa rocanākuṃkumena ca
likhitvā bhūrjapatreṇa dhāryaṃ tattu naraiḥ sadā

1.46.58

puṣpadhūpapavitraiśca balyopahārapūjanaiḥ
pūjayitvā yathānyāyaṃ śātakuṃbhena veṣṭayet

1.46.59

rocanākuṃkumābhyāṃ ca samabhāgairna caṃdanam
mālāmaṃtraṃ japitvātu tilakaṃ kārayedbudhaḥ

1.46.60

tilakasya prabhāveṇa trailokyaṃ vaśamānayet
ya imāṃ dhārayedvatsa samare śatrusaṃkule

1.46.60.p1

vijayastasya cāvaśyaṃ sarvaśatrukṣayo bhavet

1.46.60.p2

atha mālāmaṃtraḥ | — hrīṃ namaḥ | kṛṣṇavāsase śatasahasrakoṭisiṃhavāhane

1.46.60.p3

sahasravadane mahābale | ajite aparājite śrī śrī pratyaṃgire sarvasyaiva

1.46.60.p4

parākramavidhvaṃsini paramaṃtracchedini sarvabhūtadamani sarvāhitān baṃdhaya baṃdhaya

1.46.60.p5

sarvavighnān chiedhi chiedhi nikṛṃtaya nikṛṃtaya sarvaduṣṭān bhaṃjaya bhaṃjaya

1.46.61-62

jvalajihve karālavaktre sarvayaṃtrān sphoṭaya sphoṭaya śṛṃkhalān troṭaya troṭaya
ebhirmitaṃ kāryaṃ sādhaya sādhaya śrīpratyaṃgire namo'stute

1.46.63

trikoṇaṃ ṣaṭkoṇaṃ ca tadūrdhvaṃ ṣaṭkarṇikā tisraḥ
tato'ṣṭadalaṃ śubhaṃ prākāraṃ vai likhettato devīṃ prapūjayet

1.46.63.p1

iti śrīvahnipurāṇe nāṃdīmukhotpattau aparājitā stuti nāma ṣaṭcatvāriṃśattamo'dhyāyaḥ

Linked texts (4)