Devibhagavatapurana 1.3: tṛtīyo'dhyāyaḥ | purāṇavarṇanapūrvakatattadyugīyavyāsavarṇanam

1.3.1

sūta uvāca |
śṛṇvantu sampravakṣyāmi purāṇāni munīśvarāḥ |
yathāśrutāni tattvena vyāsātsatyavatīsutāt ||

1.3.2

madvayaṃ bhadvayaṃ caiva bratrayaṃ vacatuṣṭayam |
anāpaliṅgakūskāni purāṇāni pṛthakpṛthak ||

1.3.3

caturdaśasahasraṃ ca matsyamādyaṃ prakīrtitam |
tathā grahasahasraṃ tu mārkaṇḍeyaṃ mahādbhutam ||

1.3.4

caturdaśasahasrāṇi tathā pañcaśatāni ca |
bhaviṣyaṃ parisaṅkhyātaṃ munibhistattvadarśibhiḥ ||

1.3.5

aṣṭādaśasahasraṃ vai puṇyaṃ bhāgavataṃ kila |
tathā cāyutasaṅkhyākaṃ purāṇaṃ brahmasaṃjñakam ||

1.3.6

dvādaśaiva sahasrāṇi brahmāṇḍaṃ ca śatādhikam |
tathāṣṭādaśasāhasraṃ brahmavaivartameva ca ||

1.3.7

ayutaṃ vāmanākhyaṃ ca vāyavyaṃ ṣaṭśatāni ca |
caturviṃśatisaṅkhyātaḥ sahasrāṇi tu śaunaka ||

1.3.8

trayoviṃśatisāhasraṃ vaiṣṇavaṃ paramādbhutam |
caturviṃśatisāhasraṃ vārāhaṃ paramādbhutam ||

1.3.9

ṣoḍaśaiva sahasrāṇi purāṇaṃ cāgnisaṃjñitam |
pañcaviṃśatisāhasraṃ nāradaṃ paramaṃ matam ||

1.3.10

pañcapañcāśatsāhasraṃ padmākhyaṃ vipulaṃ matam |
ekādaśasahasrāṇi liṅgākhyaṃ cātivismṛtam ||

1.3.11

ekonaviṃśatsāhasraṃ gāruḍaṃ haribhāṣitam |
saptadaśasahasraṃ ca purāṇaṃ kūrmabhāṣitam ||

1.3.12

ekāśītisahasrāṇi skandākhyaṃ paramādbhutam |
purāṇākhyā ca saṅkhyā ca vistareṇa mayānaghāḥ ||

The first is the Upapurâna narrated by Sanat Kumâra; next comes Narasimha Purâna; then Naradiya Purâna, S’iva Purâna, Purâna narrated by Durvasa, Kapila Purâna, Manava Purâna, Aus’anasa Purâna, Varuna Purâna. Kalika Purâna, Samva Purâna, Nandi Kes’wara Purâna, Saura Purâna, Purâna spoken by Parâs’ara, Âditya Purâna, Mahesvara Purâna, Bhâgavata and Vasistha Purâna. These Upa Purânas are described by the Mahatmas.
After compiling the eighteen Purânas, Veda Vyâsa, the son of Satyavati composed Mahabharata, that has no rival, out of these Purânas.

1.3.13

tathaivopapurāṇāni śṛṇvantu ṛṣisattamāḥ |
sanatkumāraṃ prathamaṃ nārasiṃhaṃ tataḥ param ||

1.3.14

nāradīyaṃ śivaṃ caiva daurvāsasamanuttamam |
kāpilaṃ mānavaṃ caiva tathā cauśanasaṃ smṛtam ||

1.3.15

vāruṇaṃ kālikākhyaṃ ca sāmbaṃ nandikṛtaṃ śubham |
sauraṃ pārāśaraproktamādityaṃ cātivistaram ||

1.3.16

māheśvaraṃ bhāgavataṃ vāsiṣṭhaṃ ca savistaram |
etānyupapurāṇāni kathitāni mahātmabhiḥ ||

1.3.17

aṣṭādaśa purāṇāni kṛtvā satyavatīsutaḥ |
bhāratākhyānamatulaṃ cakre tadupabṛṃhitam ||

1.3.18

manvantareṣu sarveṣu dvāpare dvāpare yuge |
prāduḥkaroti dharmārthī purāṇāni yathāvidhi ||

At every Manvantara, in each Dvâpara Yuga, Veda Vyâsa expounds the Purânas duly to preserve the religion. Veda Vyâsa is no other person than Visnu Himself; He, in the form of Veda Vyâsa, divides the (one) Veda into four parts, in every Dvâpara Yuga, for the good of the world. The Brahmânas of the Kali age are shortlived and their intellect (Buddhi) is not sharp; they cannot realise the meaning after studying the Vedas; knowing this in every Dvâpara Yuga Bhagavân expounds the holy Purâna Samhitas. The more so because women, S’udras, and the lower Dvijas are not entitled to hear the Vedas; for their good, the Purânas have been composed. Tne present auspicious Manvantara is Vaivasvata; it is the seventh in due order; and the son of Satyavati, the best of the knowers of Dharma, is the Veda Vyâsa of the 28th Dvâpara Yuga of this seventh Manvantara. He is my Guru; in the next Dvâpara, Yuga Asvatthama, the son of Drona will be the Veda Vyâsa. Twenty-seven Veda Vyâsas had expired and they duly compiled each their own Purâna Samhitas in their own Dvâpara Yugas.

1.3.19

dvāpare dvāpare viṣṇṇurvyāsarūpeṇa sarvadā |
vedamekaṃ sa bahudhā kurute hitakāmyayā ||

1.3.20

alpāyuṣo'lpabuddhīṃśca viprānjñātvā kalāvatha |
purāṇasaṃhitāṃ puṇyāṃ kurute'sau yuge yuge ||

1.3.21

strīśūdradvijabandhūnāṃ na vedaśravaṇaṃ matam |
teṣāmeva hitārthāya purāṇāni kṛtāni ca ||

1.3.22

manvantare saptame'tra śubhe vaivasvatābhidhe |
aṣṭāviṃśatime prāpte dvāpare munisattamāḥ ||

1.3.23

vyāsaḥ satyavatīsūnurgururme dharmavittamaḥ |
ekonatriṃśatsamprāpte drauṇirvyāso bhaviṣyati ||

1.3.24

atītāstu tathā vyāsāḥ saptaviṃśatireva ca |
purāṇasaṃhitāstaistu kathitāstu yuge yuge ||

1.3.25

ṛṣaya ūcuḥ |
brūhi sūta mahābhāga vyāsāḥ pūrvayugodbhavāḥ |
vaktārastu purāṇānāṃ dvāpare dvāpare yuge ||

The Risis said:-- “O highly fortunate Sûta! kindly describe to us the names of the previous Veda Vyâsas, the reciters of the Purânas in the Dvâpara Yugas.
Sûta said:-- In the first Dvâpara, Brahmâ Himself divided the Vedas; in the second Dvâpara, the first Prajapati Vyâsa did the same; so S’akra, in the third, Brihaspati, in the fourth, Surya in the fifth; Yama, in the sixth, Indra, in the seventh, Vasistha, in the eighth; Sarasvata Risi in the ninth, Tridhama, in the tenth; Trivrisa, in the eleventh, Bharadvâja, in the twelfth; Antariksa, in the thirteenth; Dharma, in the fourteenth; Evaruni in the fifteenth; Dhananjaya, in the sixteenth; Medhatithi in tba seventeenth; Vrati, in the eighteenth; Atri, in the nineteenth; Gautama in the twentieth, Uttama, whose soul was fixed on Hari, in the twenty-first, Vâjasravâ Vena, in the twenty second; his family descendant Soma iu the twenty-third; Trinavindu, in the twenty-fourth; Bhârgava, in the twenty-fifth; Sakti, in the twenty-sixth, Jâtûkarnya in the twenty-seventh and Krisna Dvaipâyana became the twenty-eighth Veda Vyâs in the Dvâpara Yugas. Thus I have spoken of the 28 Veda Vyâsas, as I heard. 1 have heard the holy S’rimad Bhâgavat from the month of Krisna Dvaipayana. This removes all troubles, yields all desires, and gives Moksa and is full of the meanings of the Vedas. This treatise contains the essence of all the S’astras and is dear always to the Mamuksas (those who want Moksa or liberation).

1.3.26

sūta uvāca |
dvāpare prathame vyastāḥ svayaṃ vedāḥ svayambhuvā |
prajāpatirdvitīye tu dvāpare vyāsakāryakṛt ||

1.3.27

tṛtīye cośanā vyāsaścaturthe tu bṛhaspatiḥ |
pañcame savitā vyāsaḥ ṣaṣṭhe mṛtyustathāpare ||

1.3.28

maghavā saptame prāpte vasiṣṭhastvaṣṭame smṛtaḥ |
sārasvatastu navame tridhāmā daśame tathā ||

1.3.29

ekādaśe'tha trivṛṣo bharadvājastataḥ param |
trayodaśe cāntarikṣo dharmaścāpi caturdaśe ||

1.3.30

trayyāruṇiḥ pañcadaśe ṣoḍaśe tu dhanañjayaḥ |
medhātithiḥ saptadaśe vratī hyaṣṭādaśe tathā ||

1.3.31

atrirekonaviṃśe'tha gautamastu tataḥ param |
uttamaścaikaviṃśe'tha haryātmā parikīrtitaḥ ||

1.3.32

veno vājaśravāścaiva somo'muṣyāyaṇastathā |
tṛṇabindustathā vyāso bhārgavastu tataḥ param ||

1.3.33

tataḥ śaktirjātukarṇyaḥ kṛṣṇadvaipāyanastataḥ |
aṣṭāviṃśatisaṅkhyeyaṃ kathitā yā mayā śrutā ||

1.3.34

kṛṣṇadvaipāyanātproktaṃ purāṇaṃ ca mayā śrutam |
śrīmadbhāgavataṃ puṇyaṃ sarvaduḥkhaughanāśanam ||

1.3.35

kāmadaṃ mokṣadaṃ caiva vedārthaparibṛṃhitam |
sarvāgamarasārāmaṃ mumukṣūṇāṃ sadā priyam ||

1.3.36

vyāsena kṛtvātiśubhaṃ purāṇaṃ śukāya putrāya mahātmane yat |
vairāgyayuktāya ca pāṭhitaṃ vai vijñāya caivāraṇisambhavāya ||

O best Munis! Thus, compiling the Purânas Veda Vyâsa thought this Purâna to be the best; so (without teaching it to other persons) he settled that his own son the high-sould S’uka Deva born of the dry woods used for kindling fire (excited by attrition), having no passion for the worldly things, would be the fit student to be taught this Purâna and therefore taught him; at that time I was a fellow student along with S’aka Deva and I heard every thing from the mouth of Vyâsa Deva and realised th« secret meanings thereof. This has happened through the grace of the merciful Guru Veda Vyâsa.
Here ends the Third Chapter of S’rimad Devi Bhâgavatam on praising the Purânas and on each Vyâsa of every Dvâpara Yuga.

1.3.37

śrutaṃ mayā tatra tathā gṛhītaṃ yathārthavadvyāsamukhānmunīndrāḥ |
purāṇaguhyaṃ sakalaṃ sametaṃ guroḥ prasādātkaruṇānidheśca ||

1.3.38

sūtena pṛṣṭaḥ sakalaṃ jagāda dvaipāyanastatra purāṇaguhyam |
ayonijenādbhutabuddhinā vai śrutaṃ mayā tatra mahāprabhāvam ||

1.3.39

śrīmadbhāgavatāmarāṅghripaphalāsvādādaraḥ sattamāḥ saṃsārārṇavadurvigāhyasalilaṃ santartukāmaḥ śukaḥ |
nānākhyānarasālayaṃ śrutipuṭaiḥ premṇāśṛṇodadbhutaṃ tacchrutvā na vimucyate kalibhayādevaṃvidhaḥ kaḥ kṣitau ||

1.3.39.p1

pāpīyānapi vedadharmarahitaḥ svācārahīnāśayo ||

1.3.40

vyājenāpi śṛṇoti yaḥ paramidaṃ śrīmatpurāṇottamam |
bhuktyā bhogakalāpamatra vipulaṃ dehāvasāne'calaṃ yogiprāpyamavāpnuyādbhagavatīnāmāṅkitaṃ sundaram ||

1.3.41

yā nirguṇā hariharādibhirapyalabhyā vidyā satāṃ priyatamātha samādhigamyā |
sā tasya cittakuhare prakaroti bhāvaṃ yaḥ saṃśṛṇoti satataṃ tu satīpurāṇam ||

1.3.42

samprāpya mānuṣabhavaṃ sakalāṅgayuktaṃ potaṃ bhavārṇavajalottaraṇāya kāmam |
samprāpya vācakamaho na śṛṇoti mūḍhaḥ sa vañcito'tra vidhinā sukhadaṃ purāṇam ||

1.3.43

yaḥ prāpya karṇayugalaṃ paṭumānuṣatve rāgī śṛṇoti satataṃ ca parāpavādān |
sarvārthadaṃ rasanidhiṃ vimalaṃ purāṇaṃ naṣṭaḥ kuto na śṛṇute bhuvi mandabuddhiḥ ||

1.3.43.c1

iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ prathamaskandhe purāṇavarṇanapūrvakatattadyugīyavyāsavarṇanaṃ nāma tṛtīyo'dhyāyaḥ ||