Devibhagavatapurana 11.5: pañcamo'dhyāyaḥ | rudrākṣajapamālāvidhānavarṇanam

11.5.1

īśvara uvāca |
lakṣaṇaṃ japamālāyāḥ śṛṇu vakṣyāmi ṣaṇmukha |
rudrākṣasya mukhaṃ brahmā bindū rudra itīritaḥ ||

11.5.2

viṣṇuḥ pucchaṃ bhaveccaiva bhogamokṣaphalapradam |
pañcaviṃśatibhiścākṣaiḥ pañcavaktraiḥ sakaṇṭakaiḥ ||

11.5.3

raktavarṇaiḥ sitairmiśraiḥ kṛtarandhravidarbhitaiḥ |
akṣasūtraṃ prakartavyaṃ gopucchavalayākṛti ||

11.5.4

vaktraṃ vaktreṇa saṃyojya pucchaṃ pucchena yojayet |
merumūrdhvamukhaṃ kuryāttadūrdhvaṃ nāgapāśakam ||

11.5.5

evaṃ saṅgrathitāṃ mālāṃ mantrasiddhipradāyinīm |
prakṣālya gandhatoyena pañcagavyena copari ||

11.5.6

tataḥ śivāmbhasā''kṣālya tato mantragaṇānnyaset |
spṛṣṭvā śivāstramantreṇa kavacenāvaguṇṭhayet ||

11.5.7

mūlamantraṃ nyasetpaścātpūrvavatkārayettathā |
sadyojātādibhiḥ prokṣya yāvadaṣṭottaraṃ śatam ||

11.5.8

mūlamantraṃ samuccārya śuddhabhūmau nidhāya ca |
tasyopari nyasetsāmbaṃ śivaṃ paramakāraṇam ||

11.5.9

pratiṣṭhitā bhavenmālā sarvakāmaphalapradā |
yasya devasya yo mantrastāṃ tenaivābhipūjayet ||

11.5.10

mūrdhni kaṇṭhe'thavā karṇe nyasedvā japamālikām |
rudrākṣamālayā caivaṃ japtavyaṃ niyatātmanā ||

11.5.10.p1

kaṇṭhe mūrdhni hṛdi prānte karṇe bāhuyuge'thavā |
rudrākṣadhāraṇaṃ nityaṃ bhaktyā paramayā yutaḥ | 11 ||

11.5.12

kimatra bahunoktena varṇanena punaḥ punaḥ |
rudrākṣadhāraṇaṃ nityaṃ tasmādetatpraśasyate ||

11.5.13

snāne dāne jape home vaiśvadeve surārcane |
prāyaścitte tathā śrāddhe dīkṣākāle viśeṣataḥ ||

11.5.14

arudrākṣadharo bhūtvā yatkiñcitkarma vaidikam |
kurvanviprastu mohena narake patati dhruvam ||

11.5.15

rudrākṣaṃ dhārayenmūrdhni kaṇṭhe sūtre kare'thavā |
suvarṇamaṇisambhinnaṃ śuddhaṃ nānyairdhṛtaṃ śivam ||

It is advisable to use the true Rudrâksam with gold and jewel, on the head, neck or on one's hand. Never use the Rudrâksam worn by another. Use Rudrâksam always with devotion; never use it while you are impure. Even the grass that grows with the air in contact with the Rudrâksa tree, goes verily to a holy region for ever. Jâbâla Muni says in the S’ruti:-- lf a man wearing Rudrâksam commits a sin, he gets deliverance from that sin. Even if animals hold Rudrâksam, they become S’iva; what of men! The devotees of S’rî Rudra should always use at least one Rudrâksa on the head. Those great devotees, who with Rudrâksam on take the name of the Highest Self S’ambhu, get themselves freed of all sorts of sins and pains. Those who are ornamented with Rudrâksam are the best devotees. It is highly incumbent on those who want their welfare to wear Rudrâksam. Those who hold Rudrâksam on their ears, crown hair, neck, hands, and breast, get Brahmâ, Visnu, and Mahes'vara under them as their Vibhûtis (manifestations, powers). The Devas and all those Risis that started the Gotra, the Âdipurusas (the first chief men in several families), held with reverence the Rudrâksams. All the other Munis, that descended from their families, the ardent followers of S’rauta Dharma, the pure souled, held the Rudrâksams. It may be, that many might not like at first to hold this Rudrâksam, the visible giver of liberation and so well written in the Vedas; but after many births, out of the Grace of Mahâdeva many become eager to take the Rudrâksams. The Munis that are the Jâbâla Sâkhîs are famous in expounding the inestimable greatness of Rudrâksams.
The effect of holding Rudrâksams is well known in the three worlds. Punyam (great merit) arises from the mere sight of Rudrâksams; ten million times that merit arises by its touch; and by wearing it, one hundred Koti times the fruit arises and if one makes Japam every day, then one lakh koti times the punyam arises. There is no manner of questionings in this.

11.5.16

nāśucirdhārayedakṣaṃ sadā bhaktyaiva dhārayet |
rudrākṣatarusambhūtavātodbhūtatṛṇānyapi ||

11.5.17

puṇyalokaṃ gamiṣyanti punarāvṛttidurlabham |
rudrākṣaṃ dhārayanpāpaṃ kurvannapi ca mānavaḥ ||

11.5.18

sarvaṃ tarati pāpmānaṃ jābālaśrutirāha hi |
paśavo hi ca rudrākṣadhāraṇādyānti rudratām ||

11.5.19

kimu ye dhārayanti sma narā rudrākṣamālikām |
rudrākṣaḥ śirasā hyeko dhāryo rudraparaiḥ sadā ||

11.5.20

dhvaṃsanaṃ sarvaduḥkhānāṃ sarvapāpavimocanam |
vyāharanti ca nāmāni ye śambhoḥ paramātmanaḥ ||

11.5.21

rudrākṣālaṅkṛtā ye ca te vai bhāgavatottamāḥ |
rudrākṣadhāraṇaṃ kāryaṃ sarvaśreyo'rthibhirnṛbhiḥ ||

11.5.22

karṇapāśe śikhāyāṃ ca kaṇṭhe haste tathodare |
mahādevaśca viṣṇuśca brahmā teṣāṃ vibhūtayaḥ ||

11.5.23

devāścānye tathā bhaktyā khalu rudrākṣadhāriṇaḥ |
gotrarṣayaśca sarveṣāṃ kūṭasthā mūlarūpiṇaḥ ||

11.5.24

teṣāṃ vaṃśaprasūtāśca munayaḥ sakalā api |
śrautadharmaparāḥ śuddhāḥ khalu rudrākṣadhāriṇaḥ ||

11.5.25

śraddhā na jāyate sākṣādvedasiddhe vimuktide |
bahūnāṃ janmanāmante mahādevaprasādataḥ ||

11.5.26

rudrākṣadhāraṇe vāñchā svabhāvādeva jāyate |
rudrākṣasya tu māhātmyaṃ jābālairādareṇa tu ||

11.5.27

paṭhyate munibhiḥ sarvairmayā putra tathaiva ca |
rudrākṣasya phalaṃ caiva triṣu lokeṣu viśrutam ||

11.5.28

phalasya darśane puṇyaṃ sparśātkoṭiguṇaṃ bhavet |
śatakoṭiguṇaṃ puṇyaṃ dhāraṇāllabhate naraḥ ||

11.5.29

lakṣakoṭisahasrāṇi lakṣakoṭiśatāni ca |
japācca labhate nityaṃ nātra kāryā vicāraṇā ||

11.5.30

haste corasi kaṇṭhe ca karṇayormastake tathā |
rudrākṣaṃ dhārayedyastu sa rudro nātra saṃśayaḥ ||

He who holds in his hand, breast, neck, ears, head, the Rudrâksams, becomes an image of Rudra. There is no manner of doubt in this. By holding Rudrâksams, men become invulnerable of all the beings, become respected, like Mahâ Deva, by the Devas and Asuras and they roam on the earth like Rudra. Even if a man be addicted to evil deeds and commits all sorts of sins, he becomes respected by all, on holding Rudrâksams. By this men are freed of the sin of taking Uchhista and of all the other sins. Even if you suspend a Rudrâksam rosary on the neck of a dog and if that dog dies in that state, he gets liberation! Then what to speak of others! By holding Rudrâksams, men even if they be devoid of Japam and Dhyânam, become freed of all sins and attain the highest state. Even if one holds merely one Rudrâksa seed purified and surcharged with Mantra S’akti, he uplifts his twentyone generations, gets to Heaven and resides there with respect. I am speaking now further of the Greatness of Rudrâksam.
Here ends the Fifth Chapter of the Eleventh Book on the Rudrâksam rosaries in the Mahâ Purânam S’rî Mad Devî Bhâgavatam of 18,000 verses by Mahârsi Veda Vyâsa.

11.5.31

avadhyaḥ sarvabhūtānāṃ rudravaddhi caredbhuvi |
surāṇāmasurāṇāṃ ca vandanīyo yathā śivaḥ ||

11.5.32

rudrākṣadhārī satataṃ vandanīyastathā naraiḥ |
ucchiṣṭo vā vikarmastho yukto vā sarvapātakaiḥ ||

11.5.33

mucyate sarvapāpebhyo rudrākṣasya tu dhāraṇāt |
kaṇṭhe rudrākṣamābadhya śvāpi vā mriyate yadi ||

11.5.34

so'pi muktimavāpnoti kiṃ punarmānuṣo'pi saḥ |
japadhyānavihīno'pi rudrākṣaṃ yadi dhārayet ||

11.5.35

sarvapāpavinirmuktaḥ sa yāti paramāṃ gatim |
ekaṃ vāpi hi rudrākṣaṃ kṛtvā yatnena dhārayet ||

11.5.36

ekaviṃśatimuddhṛtya rudraloke mahīyate |
ataḥ paraṃ pravakṣyāmi rudrākṣasya punarvidhim ||

11.5.36.c1

iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāmekādaśaskandhe rudrākṣajapamālāvidhānavarṇanaṃ nāma pañcamo'dhyāyaḥ ||