Devibhagavatapurana 12.14: caturdaśo'dhyāyaḥ | śrīmaddevībhāgavatamahāpurāṇa-śravaṇaphalavarṇanam

12.14.1

sūta uvāca |
ardhaślokātmakaṃ yattu devīvaktrābjanirgatam |
śrīmadbhāgavataṃ nāma vedasiddhāntabodhakam ||

12.14.2

upadiṣṭaṃ viṣṇuve yadvaṭapatranivāsine |
śatakoṭipravistīrṇaṃ tatkṛtaṃ brahmaṇā purā ||

12.14.3

tatsāramekataḥ kṛtvā vyāsena śukahetave |
aṣṭādaśasahasraṃ tu dvādaśaskandhasaṃyutam ||

12.14.4

devībhāgavataṃ nāma purāṇaṃ grathitaṃ purā |
adyāpi devaloke tadbahuvistīrṇamasti hi ||

12.14.5

nānena sadṛśaṃ puṇyaṃ pavitraṃ pāpanāśanam |
pade pade'śvamedhasya phalamāpnoti mānavaḥ ||

12.14.6

paurāṇikaṃ pūjayitvā vastrādyābharaṇādibhiḥ |
vyāsabuddhyā tanmukhāttu śrutvaitatsamupoṣitaḥ ||

12.14.7

likhitvā nijahastena lekhakenāthavā mune |
prauṣṭhapadyāṃ paurṇamāsyāṃ hemasiṃhasamanvitam ||

12.14.8

dadyātpaurāṇikāyātha dakṣiṇāṃ ca payasvinīm |
sālaṅkṛtāṃ savatsāṃ ca kapilāṃ hemamālinīm ||

12.14.9

bhojayedbrāhmaṇānante'pyadhyāyaparisammitān |
suvāsinīstāvatīśca kumārīrbaṭukaiḥ saha ||

12.14.10

devībuddhyā pūjayettānvasanābharaṇādibhiḥ |
pāyasānnavareṇāpi gandhasrakkusumādibhiḥ ||

12.14.11

purāṇadānenaitena bhūdānasya phalaṃ labhet |
ihaloke sukhī bhūtvāpyante devīpuraṃ vrajet ||

12.14.12

nityaṃ yaḥ śṛṇuyādbhaktyā devībhāgavataṃ param |
na tasya durlabhaṃ kiñcitkadācitkvacidasti hi ||

12.14.13

aputro labhate putrāndhanārthī dhanamāpnuyāt |
vidyārthī prāpnuyādvidyāṃ kīrtimaṇḍitabhūtalaḥ ||

12.14.14

vandhyā vā kākavandhyā vā mṛtavandhyā ca yāṅganā |
śravaṇādasya taddoṣānnivarteta na saṃśayaḥ ||

12.14.15

yadgehe pustakaṃ caitatpūjitaṃ yadi tiṣṭhati |
tadgehaṃ na tyajennityaṃ ramā caiva sarasvatī ||

12.14.16

nekṣante tatra vetālaḍākinīrākṣasādayaḥ |
jvaritaṃ tu naraṃ spṛṣṭvā paṭhedetatsamāhitaḥ ||

12.14.17

maṇḍalānnāśamāpnoti jvaro dāhasamanvitaḥ |
śatāvṛttyāsya paṭhanātkṣayarogo vinaśyati ||

12.14.18

pratisandhyaṃ paṭhedyastu sandhyāṃ kṛtvā samāhitaḥ |
ekaikamasya cādhyāyaṃ sa naro jñānavānbhavet ||

If after performing the Sandhyâ, one reads only one chapter of this Bhâgavatam with a collected mind, he soon acquires the Real Knowledge. O Muni S’aunaka! While going to read this Bhâgavatam, first examine omens and then read. I have spoken already on this subject. If during the S’âradîya Pûjâ (the autumnal Durgâ Pûjâ), at the Navarâtra period, one reads with devotion this Bhâgavatam, the Devî Bhagavatî becomes greatly pleased and awards him results more than his desires.

12.14.19

śakunāṃścaiva vīkṣeta kāryākāryeṣu caiva hi |
tatprakāraḥ purastāttu kathito'sti mayā mune ||

12.14.20

navarātre paṭhennityaṃ śāradīye'tibhaktitaḥ |
tasyāmbikā tu santuṣṭā dadātīcchādhikaṃ phalam ||

12.14.21

vaiṣṇavaiścaiva śaivaiśca ramomā prīyate sadā |
sauraiśca gāṇapatyaiśca sveṣṭaśakteśca tuṣṭaye ||

During the Navarâtri period all can read well this book for the satisfaction of his Îsta Deva (his own deity) whether he be a Vaisnava, S’aiva, Saura, Gânapatya or a S’âkta. All can read this for the satisfaction of Laksmî, Umâ and other S’aktis. The Vaidik Brâhmanas are to recite this daily for the satisfaction of the Devî Gâyatrî. This Purânam is not contradictory to any sectarian belief. The reason of this being that to whatever deity he pays his worship, he must worship some S’akti or other, this is stated everywhere. So for the satisfaction of one’s own S’akti, all can read this, without contradicting each other. Never any woman nor any S’ûdra, is to read this herself or himself, even out of ignorance; rather they should hear this from the mouth of a Brâhmana. This is the rule of the S’âstras. (The vibrations and the consequent results would be truer then.) O Risis! What more to say on this book than this, that this Purânam is the most excellent of all and yields great merits. It is the essence of the Vedas. This I tell you with great certainty. There is not the least doubt in this. Reading or hearing this yields results equivalent to reading or hearing the Vedas. I now bow to the Devî of the nature of Hrîm and established by Gâyatrî, of the nature of Everlasting Existence, Intelligence and Bliss, Who stimulates our activities to the understanding of various subjects. Thus hearing the excellent words of Sûta, the great Paurânik, all the Munis of Naimisâranya worshipped him specially and as the result of hearing this Purânam glady became the servants of the Lotus Feet of the Devî and they attained the Highest Rest. The Munis expressed their humility and gratitude to Sûta frequently and bowed down to him again and again. And they said:-- “O Sûta! It is you that have saved us from this ocean of world.” Thus (the great Bhâgavata) Sûta, the bee drinking the honey of the Lotus Feet of the Devî, recited before the assemblage of the best of the Munis this Purânam from the beginning to the end, the Secret of all the Nigamas and full of the Glories of the Devî Bhagavatî. After this the Risis bowed down to him and he blessed and honoured them.
Then he went away to his desired place. Here the Devî Bhâgavatam ends and is fully completed.
THE END.
Here ends the Fourteenth Chapter of the Twelfth Book on the recitation of the fruits of this Purânam in the Mahâ Purânam S’rî Mad Devî Bhâgavatam of 18,000 verses by Maharsi Veda Vyâsa.
Here ends as well the Full Treatise, S’rî Mad Devî Bhâgavatam.
Om. Om. Om. Om Tat Sat. Om Hari Om.

12.14.22

paṭhitavyaṃ prayatnena navarātracatuṣṭaye |
vaidikairnijagāyatrīprītaye nityaśo mune ||

12.14.23

paṭhitavyaṃ prayatnena virodho nātra kasyacit |
upāsanā tu sarveṣāṃ śaktiyuktāsti sarvadā ||

12.14.24

tacchaktereva toṣārthaṃ paṭhitavyaṃ sadā dvijaiḥ |
strīśūdro na paṭhedetatkadāpi ca vimohitaḥ ||

12.14.25

śṛṇuyāddvijavaktrāttu nityameveti ca sthitiḥ |
kiṃ punarbahunoktena sāraṃ vakṣyāmi tattvataḥ ||

12.14.26

vedasāramidaṃ puṇyaṃ purāṇaṃ dvijasattamāḥ |
vedapāṭhasamaṃ pāṭhe śravaṇe ca tathaiva hi ||

12.14.27

saccidānandarūpāṃ tāṃ gāyatrīpratipāditām |
namāmi hrīṃmayīṃ devīṃ dhiyo yo naḥ pracodayāt ||

12.14.28

iti sūtavacaḥ śrutvā naimiṣīyāstapodhanāḥ |
pūjayāmāsuratyuccaiḥ sūtaṃ paurāṇikottamam ||

12.14.29

prasannahṛdayāḥ sarve devīpādāmbujārcakāḥ |
nirvṛtiṃ paramāṃ prāptāḥ purāṇasya prabhāvataḥ ||

12.14.30

namaścakruḥ punaḥ sūtaṃ kṣamāpya ca muhurmuhuḥ |
saṃsāravāridhestāta plavo'smākaṃ tvameva hi ||

12.14.31

iti sa munivarāṇāmagrataḥ śrāvayitvā sakalanigamaguhyaṃ daurgametatpurāṇam |
natamatha munisaṅghaṃ vardhayitvā''śiṣāmbā-caraṇakamalabhṛṅgo nirjagāmātha sūtaḥ ||

12.14.31.c1

iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ dvādaśaskandhe śrīmaddevībhāgavatamahāpurāṇa-śravaṇaphalavarṇanaṃ nāma caturdaśo'dhyāyaḥ ||

12.14.31.c2

iti śrīmaddevībhāgavate mahāpurāṇe dvādaśaskandhaḥ samāptaḥ ||

12.14.31.c3

iti śrīmaddevībhāgavatamahāpurāṇe uttarārdhaḥ sampūrṇaḥ ||

12.14.31.c4

iti śrīmaddevībhāgavatamahāpurāṇaṃ samāptam ||