[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śākta Upapurāṇas](https://indike.org/pramana/in.purana.upa.sakta) › [Devibhagavatapurana](https://indike.org/pramana/in.purana.upa.sakta.devibhagavata) › 12.2 # Devibhagavatapurana 12.2: dvitīyo'dhyāyaḥ | gāyatriśaktyādipratipādanam Devībhāgavatapurāṇa 12.2 - **Language:** Sanskrit ## Contents - [12.2.18](https://indike.org/pramana/in.purana.upa.sakta.devibhagavata.12.2.18) — 1 part ### dvitīyo'dhyāyaḥ | gāyatriśaktyādipratipādanam ### [12.2.1](https://indike.org/pramana/in.purana.upa.sakta.devibhagavata.12.2.1) śrīnārāyaṇa uvāca | varṇānāṃ śaktayaḥ kāśca tāḥ śṛṇuṣva mahāmune | vāmadevī priyā satyā viśvā bhadravilāsinī || ### [12.2.2](https://indike.org/pramana/in.purana.upa.sakta.devibhagavata.12.2.2) prabhāvatī jayā śāntā kāntā durgā sarasvatī | vidrumā ca viśāleśā vyāpinī vimalā tathā || ### [12.2.3](https://indike.org/pramana/in.purana.upa.sakta.devibhagavata.12.2.3) tamo'pahāriṇī sūkṣmā viśvayonirjayā vaśā | padmālayā parā śobhā bhadrā ca tripadā smṛtā || ### [12.2.4](https://indike.org/pramana/in.purana.upa.sakta.devibhagavata.12.2.4) caturviṃśativarṇānāṃ śaktayaḥ samudāhṛtāḥ | ataḥ paraṃ varṇavarṇānvyāharāmi yathātatham || ### [12.2.5](https://indike.org/pramana/in.purana.upa.sakta.devibhagavata.12.2.5) campakā atasīpuṣpasannibhaṃ vidrumaṃ tathā | sphaṭikākārakaṃ caiva padmapuṣpasamaprabham || ### [12.2.6](https://indike.org/pramana/in.purana.upa.sakta.devibhagavata.12.2.6) taruṇādityasaṅkāśaṃ śaṅkhakundendusannibham | pravālapadyapatrābhaṃ padmarāgasamaprabham || ### [12.2.7](https://indike.org/pramana/in.purana.upa.sakta.devibhagavata.12.2.7) indranīlamaṇiprakhyaṃ mauktikaṃ kuṅkumaprabham | añjanābhaṃ ca raktaṃ ca vaidūryaṃ kṣaudrasannibham || ### [12.2.8](https://indike.org/pramana/in.purana.upa.sakta.devibhagavata.12.2.8) hāridraṃ kundadugdhābhaṃ ravikāntisamaprabham | śukapucchanibhaṃ tadvacchatapatranibhaṃ tathā || ### [12.2.9](https://indike.org/pramana/in.purana.upa.sakta.devibhagavata.12.2.9) ketakīpuṣpasaṅkāśaṃ mallikākusumaprabham | karavīraśca ityete krameṇa parikīrtitāḥ || ### [12.2.10](https://indike.org/pramana/in.purana.upa.sakta.devibhagavata.12.2.10) varṇāḥ proktāśca varṇānāṃ mahāpāpaviśodhanāḥ | pṛthivyāpastathā tejo vāyurākāśa eva ca || ### [12.2.11](https://indike.org/pramana/in.purana.upa.sakta.devibhagavata.12.2.11) gandho rasaśca rūpaṃ ca śabdaḥ sparśastathaiva ca | upasthaṃ pāyupādaṃ ca pāṇī vāgapi ca kramāt || ### [12.2.12](https://indike.org/pramana/in.purana.upa.sakta.devibhagavata.12.2.12) prāṇaṃ jihvā ca cakṣuśca tvakśrotraṃ ca tataḥ param | prāṇo'pānastathā vyānaḥ samānaśca tataḥ param || ### [12.2.13](https://indike.org/pramana/in.purana.upa.sakta.devibhagavata.12.2.13) tattvānyetāni varṇānāṃ kramaśaḥ kīrtitāni tu | ataḥ paraṃ pravakṣyāmi varṇamudrāḥ kameṇa tu || ### [12.2.14](https://indike.org/pramana/in.purana.upa.sakta.devibhagavata.12.2.14) sumukhaṃ sampuṭaṃ caiva vitataṃ vismṛtaṃ tathā | dvimukhaṃ trimukhaṃ caiva catuḥpañcamukhaṃ tathā || ### [12.2.15](https://indike.org/pramana/in.purana.upa.sakta.devibhagavata.12.2.15) ṣaṇmukhādhomukhaṃ caiva vyāpakājjalikaṃ tathā | śakaṭaṃ yamapāśaṃ ca grathitaṃ sanmukhonmukham || ### [12.2.16](https://indike.org/pramana/in.purana.upa.sakta.devibhagavata.12.2.16) vilambaṃ muṣṭikaṃ caiva matsyaṃ kūrmaṃ varāhakam | siṃhākrāntaṃ mahākrāntaṃ mudgaraṃ pallavaṃ tathā || ### [12.2.17](https://indike.org/pramana/in.purana.upa.sakta.devibhagavata.12.2.17) triśūlayonī surabhiścākṣamālā ca liṅgakam | ambujaṃ ca mahāmudrāsturyarūpāḥ prakīrtitāḥ || ### [12.2.18](https://indike.org/pramana/in.purana.upa.sakta.devibhagavata.12.2.18) ityetāḥ kīrtitā mudrā varṇānāṃ te mahāmune | mahāpāpakṣayakarāḥ kīrtidāḥ kāntidā mune || ### [12.2.18.c1](https://indike.org/pramana/in.purana.upa.sakta.devibhagavata.12.2.18.c1) iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ dvādaskandhe gāyatriśaktyādipratipādanaṃ nāma dvitīyo'dhyāyaḥ || ## Linked texts (1) - [Śrīvidyārṇavatantra](https://indike.org/pramana/in.sampradaya.saiva.agama.srividya.srividyarnavatantra.59.98) — Sanskrit --- Source: [https://indike.org/pramana/in.purana.upa.sakta.devibhagavata.12.2](https://indike.org/pramana/in.purana.upa.sakta.devibhagavata.12.2) · Pramāṇa