Devibhagavatapurana 9.3: tṛtīyo'dhyāyaḥ | brahmaviṣṇumaheśvarādidevatotpattivarṇanam

9.3.1

śrīnārāyaṇa uvāca |
atha ḍimbho jale tiṣṭhanyāvadvai brahmaṇo vayaḥ |
tataḥ sa kāle sahasā dvidhābhūto babhūva ha ||

9.3.2

tanmadhye śiśurekaśca śatakoṭiraviprabhaḥ |
kṣaṇaṃ rorūyamāṇaśca stanāndhaḥ pīḍitaḥ kṣudhā ||

9.3.3

pitrā mātrā parityakto jalamadhye nirāśrayaḥ |
brahmāṇḍāsaṅkhyanātho yo dadarśordhvamanāthavat ||

9.3.4

sthūlāsthūlatamaḥ so'pi nāmnā devo mahāvirāṭ |
paramāṇuryathā sūkṣmātparaḥ sthūlāttathāpyasau ||

9.3.5

tejasā ṣoḍaśāṃśo'yaṃ kṛṣṇasya paramātmanaḥ |
ādhāraḥ sarvaviśvānāṃ mahāviṣṇuśca prākṛtaḥ ||

9.3.6

pratyekaṃ lomakūpeṣu viśvāni nikhilāni ca |
asyāpi teṣāṃ saṅkhyāṃ ca kṛṣṇo vaktuṃ na hi kṣamaḥ ||

9.3.7

saṅkhyā cedrajasāmasti viśvānāṃ na kadācana |
brahmaviṣṇuśivādīnāṃ tathā saṅkhyā na vidyate ||

9.3.8

prativiśveṣu santyevaṃ brahmaviṣṇuśivādayaḥ |
pātālād brahmalokāntaṃ brahmāṇḍaṃ parikīrtitam ||

9.3.9

tata ūrdhvaṃ ca vaikuṇṭho brahmāṇḍād bahireva saḥ |
tata ūrdhvaṃ ca golokaḥ pañcāśatkoṭiyojanaḥ ||

9.3.10

nityaḥ satyasvarūpaśca yathā kṛṣṇastathāpyayam |
saptadvīpamitā pṛdhvī saptasāgarasaṃyutā ||

9.3.11

ūnapañcāśadupadvīpāsaṅkhyaśailavanānvitā |
ūrdhvaṃ sapta svargalokā brahyalokasamanvitāḥ ||

9.3.12

pātālāni ca saptādhaścaivaṃ brahmāṇḍameva ca |
ūrdhvaṃ dharāyā bhūrloko bhuvarlokastataḥ param ||

9.3.13

tataḥ paraśca svarloko janalokastathā paraḥ |
tataḥ parastapolokaḥ satyalokastataḥ paraḥ ||

9.3.14

tataḥ paraṃ brahmalokastaptakāñcanasannibhaḥ |
evaṃ sarvaṃ kṛtrimaṃ ca bāhyābhyantarameva ca ||

9.3.15

tadvināśe vināśaśca sarveṣāmeva nārada |
jalabudbudavatsarvaṃ viśvasaṅghamanityakam ||

9.3.16

nityau golokavaikuṇṭhau proktau śaśvadakṛtrimau |
pratyekaṃ lomakūpeṣu brahmāṇḍaṃ pariniścitam ||

9.3.17

eṣāṃ saṅkhyāṃ na jānāti kṛṣṇo'nyasyāpi kā kathā |
pratyekaṃ pratibrahmāṇḍaṃ brahmaviṣṇuśivādayaḥ ||

9.3.18

tisraḥ koṭyaḥ surāṇāṃ ca saṅkhyā sarvatra putraka |
digīśāścaiva dikpālā nakṣatrāṇi grahādayaḥ ||

9.3.19

bhuvi varṇāśca catvāro'pyadho nāgāścarācarāḥ |
atha kāle'tra sa virāḍūrdhvaṃ dṛṣṭvā punaḥ punaḥ ||

9.3.20

ḍimbhāntare ca śūnyaṃ ca na dvitīyaṃ ca kiñcana |
cintāmavāpa kṣudyukto ruroda ca punaḥ punaḥ ||

9.3.21

jñānaṃ prāpya tadā dadhyau kṛṣṇaṃ paramapūruṣam |
tato dadarśa tatraiva brahmajyotiḥ sanātanam ||

9.3.22

navīnajaladaśyāmaṃ dvibhujaṃ pītavāsasam |
sasmitaṃ muralīhastaṃ bhaktānugrahakātaram ||

9.3.23

jahāsa bālakastuṣṭo dṛṣṭvā janakamīśvaram |
varaṃ tadā dadau tasmai vareśaḥ samayocitam ||

9.3.24

matsamo jñānayuktaśca kṣutpipāsādivarjitaḥ |
brahmāṇḍāsaṅkhyanilayo bhava vatsa layāvadhi ||

9.3.25

niṣkāmo nirbhayaścaiva sarveṣāṃ varado bhava |
jarāmṛtyurogaśokapīḍādivarjito bhava ||

9.3.26

ityuktvā tasya karṇe sa mahāmantraṃ ṣaḍakṣaram |
triḥkṛtvaśca prajajāpa vedāṅgapravaraṃ param ||

9.3.27

praṇavādicaturthyantaṃ kṛṣṇa ityakṣaradvayam |
vahnijāyāntamiṣṭaṃ ca sarvavighnaharaṃ param ||

9.3.28

mantraṃ dattvā tadāhāraṃ kalpayāmāsa vai vibhuḥ |
śrūyatāṃ tad brahmaputra nibodha kathayāmi te ||

9.3.29

prativiśvaṃ yannaivedyaṃ dadāti vaiṣṇavo janaḥ |
tatṣoḍaśāṃśo viṣayiṇo viṣṇoḥ pajvadaśāsya vai ||

9.3.30

nirguṇasyātmanaścaiva paripūrṇatamasya ca |
naivedye caiva kṛṣṇasya na hi kiñcitprayojanam ||

9.3.31

yadyaddadāti naivedyaṃ tasmai devāya yo janaḥ |
sa ca khādati tatsarvaṃ lakṣmīnātho virāṭ tathā ||

9.3.32

taṃ ca mantravaraṃ dattvā tamuvāca punarvibhuḥ |
varamanyaṃ kimiṣṭaṃ te tanme brūhi dadāmi ca ||

9.3.33

kṛṣṇasya vacanaṃ śrutvā tamuvāca virāḍ vibhuḥ |
kṛṣṇaṃ taṃ bālakastāvadvacanaṃ samayocitam ||

9.3.34

bālaka uvāca |
varo me tvatpadāmbhoje bhaktirbhavatu niścalā |
satataṃ yāvadāyurme kṣaṇaṃ vā suciraṃ ca vā ||

9.3.35

tvadbhaktiyuktaloke'smiñjīvanmuktaśca santatam |
tvadbhaktihīno mūrkhaśca jīvannapi mṛto hi saḥ ||

In this world he is Jîvanmukta (liberated whilst living) who is your Bhakta; and that bewildered fool is dead while living who is devoid of any Bhakti to Thee. What needs he to perform Japam, asceticism, sacrifice, worship, holding fasts and observances, going to sacred places of pilgrimages and other virtuous acts if he be without any bhakti to S’ri Krisna? Vain is his life who is devoid of any devotion to S’ri Krisna, under Whose Grace he has obtained his life and Whom he does not now pay homage and worship. He is endowed with Sakti as long as Âtma (Self) resides in his body; no sooner the Âtma departs from his body all the Saktis accompany him. O Great One! And thou art the Universal Âtman (soul) who transcends Prakriti, Who is All will, the Primeval Person and of the nature of the Highest Light. O Child! Thus saying, the Virât boy remained silent. S’ri Krisna then, spoke in sweet words:-- “O Child! Let you remain as fresh as ever like Me. You will not have any fall even if innumerable Brahmâs pass away.

9.3.36

kiṃ tajjapena tapasā yajñena pūjanena ca |
vratena copavāsena puṇyena tīrthasevayā ||

9.3.37

kṛṣṇabhaktivihīnasya mūrkhasya jīvanaṃ vṛthā |
yenātmanā jīvitaśca tameva na hi manyate ||

9.3.38

yāvadātmā śarīre'sti tāvatsa śaktisaṃyutaḥ |
paścādyānti gate tasminsvatantrāḥ sarvaśaktayaḥ ||

9.3.39

sa ca tvaṃ ca mahābhāga sarvātmā prakṛteḥ paraḥ |
svecchāmayaśca sarvādyo brahmajyotiḥ sanātanaḥ ||

9.3.40

ityuktvā bālakastatra virarāma ca nārada |
uvāca kṛṣṇaḥ pratyuktiṃ madhurāṃ śrutisundarīm ||

9.3.41

śrīkṛṣṇa uvāca |
suciraṃ susthiraṃ tiṣṭha yathāhaṃ tvaṃ tathā bhava |
brahmaṇo'saṅkhyapāte ca pātaste na bhaviṣyati ||

9.3.42

aṃśena pratibrahmāṇḍe tvaṃ ca kṣudravirāḍ bhava |
tvannābhipadmād brahmā ca viśvasraṣṭā bhaviṣyati ||

Let you divide yourself in parts and turn into smaller Virâts in every universe. Brahmâ will spring from your navel and will create the cosmos. From the forehead of that Brahmâ will spring eleven Rudras for the destruction of the creation. But they will all be parts of S’iva. The Rudra named Kâlâgni, of these eleven Rudras, will be the destroyer of all this Vis’vas (cosmos). Besides, from each of your sub-divisions, the Vis’nu will originate and that Bhagavân Visnu will be the Preserver of this Vis’vu world. I say that under my favour you will always be full of Bhakti towards Me and no sooner you meditate on Me, you will be able to see My lovely form. There is no doubt in this; and your Mother, Who resides in My breast, will not be difficult for you to see. Let you remain here in ease and comfort. I now go to Goloka. Saying thus S’ri Krisna, the Lord of the world disappeared. Going to His own abode He spoke instantly to Brahmâ and S’ankara, skilled in the works of creation and destruction:-- “O Child Brahmâ! Go quickly and be born in parts from the navels of each of the smaller Virâts that will arise from the pores of the Great Virât. O Child Mahâdeva! Go and be born in parts from the forehead of each Brahmâ in every universe for the destruction of the creation; (but be careful that you not forget) and perform austerities for a long, long time. O son of the Creator Brahmâ! Thus saying, the Lord of the Universe remained silent. Brahmâ and S’iva, the auspicious, bowing to the Lord, went to their own duties. On the other hand, the great Virât that lay floating in the waters of the Brahmânda sphere, created from his every pore each smaller Virât. That youth Janârdan of the form of the Great Cosmos, wearing yellow garment of the bluish-green colour of the Durba grass, lay sleeping pervading everywhere. Brahmâ took his birth in His navel. He, then, after his birth, began to travel in that navel-lotus and in the stem of the lotus for one lakh yugas. But he could not find out the place whence the lotus or its stem had sprung up. O Nârada! Then your father became very anxious and came back to his former place and began to meditate on the lotus feet of S’ri Krisna. Then, in meditation, with his introspective eye, he first saw the small Virât, then the endless great Virât lying on the watery bed, in whose pores the universes are existing and then he saw the God S’ri Krisna in Goloka with Gopas and Gopis. He then began to praise the Lord of Goloka when He granted boons to your father, and he began to do the work of creation.

9.3.43

lalāṭe brahmaṇaścaiva rudrāścaikādaśaiva te |
śivāṃśena bhaviṣyanti sṛṣṭisaṃharaṇāya vai ||

9.3.44

kālāgnirudrasteṣveko viśvasaṃhārakārakaḥ |
pātā viṣṇuśca viṣayī rudrāṃśena bhaviṣyati ||

9.3.45

madbhaktiyuktaḥ satataṃ bhaviṣyasi vareṇa me |
dhyānena kamanīyaṃ māṃ nityaṃ drakṣyasi niścitam ||

9.3.46

mātaraṃ kamanīyāṃ ca mama vakṣaḥsthalasthitām |
yāmi lokaṃ tiṣṭha vatsetyuktvā so'ntaradhīyata ||

9.3.47

gatvā svalokaṃ brahmāṇaṃ śaṅkaraṃ samuvāca ha |
sraṣṭāraṃ sraṣṭumīśaṃ ca saṃhartuṃ caiva tatkṣaṇam ||

9.3.48

śrībhagavānuvāca |
sṛṣṭiṃ sraṣṭuṃ gaccha vatsa nābhipadmodbhavo bhava |
mahāvirāḍ lomakūpe kṣudrasya ca vidhe śṛṇu ||

9.3.49

gaccha vatsa mahādeva brahmabhālodbhavo bhava |
aṃśena ca mahābhāga svayaṃ ca suciraṃ tapa ||

9.3.50

ityuktvā jagatāṃ nātho virarāma vidheḥ suta |
jagāma brahmā taṃ natvā śivaśca śivadāyakaḥ ||

9.3.51

mahāvirāḍ lomakūpe brahmāṇḍagolake jale |
babhūva ca virāṭ kṣudro virāḍaṃśena sāmpratam ||

9.3.52

śyāmo yuvā pītavāsāḥ śayāno jalatalpake |
īṣaddhāsyaḥ prasannāsyo viśvavyāpī janārdanaḥ ||

9.3.53

tannābhikamale brahmā babhūva kamalodbhavaḥ |
sambhūya padmadaṇḍe ca babhrāma yugalakṣakam ||

9.3.54

nāntaṃ jagāma daṇḍasya padmanālasya padmajaḥ |
nābhijasya ca padmasya cintāmāpa pitā tava ||

9.3.55

svasthānaṃ punarāgamya dadhyau kṛṣṇapadāmbujam |
tato dadarśa kṣudraṃ taṃ dhyānena divyacakṣuṣā ||

9.3.56

śayānaṃ jalatalpe ca brahmāṇḍagolakāplute |
yallomakūpe brahmāṇḍaṃ taṃ ca tatparamīśvaram ||

9.3.57

śrīkṛṣṇaṃ cāpi golokaṃ gopagopīsamanvitam |
taṃ saṃstūya varaṃ prāpa tataḥ sṛṣṭiṃ cakāra saḥ ||

9.3.58

babhūvurbrahmaṇaḥ putrā mānasāḥ sanakādayaḥ |
tato rudrakalāścāpi śivasyaikādaśa smṛtāḥ ||

From the mind of your father, were born first S’anaka and other brothers and then from his forehead eleven Rudras sprang. Then from the left side of that small Virât lying on the bed of waters, the four-handed Visnu Bhagavân, the Preserver of the Universe, came. He went to S’vetadvîpa, where he remained. Then your father became engaged in creating this Universe, moveable and non-moveable, composed of three worlds, heaven, earth and Pâtâla, in the navel of that small Virât Purusa. O Nârada! Thus from the pores of that great Virât each universe has sprung and in every universe there is one small Virât, one Brahmâ, one Visnu and one S’iva and S’anaka and others. O Best of twice born! Thus I have described the glories of Krisna, that give exceeding pleasure and Moksa. Now say what more you want to hear?
Here ends the Third Chapter of the Ninth Book on the Origin of Brahmâ, Visnu and Mahes’a and others in the Mahâ Purânam S’ri Mad Devî Bhâgavatam of 18,000 verses by Mahârsi Veda Vyâsa.

9.3.59

babhūva pātā viṣṇuśca kṣudrasya vāmapārśvataḥ |
caturbhujaśca bhagavān śvetadvīpe sa cāvasat ||

9.3.60

kṣudrasya nābhipadme ca brahmā viśvaṃ sasarja ha |
svargaṃ martyaṃ ca pātālaṃ trilokīṃ sacarācarām ||

9.3.61

evaṃ sarvaṃ lomakūpe viśvaṃ pratyekameva ca |
prativiśve kṣudravirāḍ brahmaviṣṇuśivādayaḥ ||

9.3.62

ityevaṃ kathitaṃ brahman kṛṣṇasaṅkīrtanaṃ śubham |
sukhadaṃ mokṣadaṃ brahmankiṃ bhūyaḥ śrotumicchasi ||

9.3.62.c1

iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ navamaskandhe brahmaviṣṇumaheśvarādi-devatotpattivarṇanaṃ nāma tṛtīyo'dhyāyaḥ ||