Pramāṇa · Search · About · API

Devimahatoriginal 15: atha dvādaśo'dhyāyaḥ

Devīmāhātoriginal 15

Language
Sanskrit

Contents

atha dvādaśo'dhyāyaḥ

15.1

devyuvāca

15.2

prabhiḥ stavaiśca māṃ nityaṃ stoṣyate yaḥ samāhitaḥ
tasyāhaṃ sakalāṃ bādhāṃ nāśayiṣyāmyasaṃśayam

15.3

madhukaiṭabhanāśaṃ ca mahiṣāsuraghātanam
kīrtayiṣyanti ye tadvadhaṃ śumbhaniśumbhayoḥ

15.4

aṣṭamyāṃ ca caturdaśyāṃ navamyāṃ caikacetasaḥ
śroṣyanti caiva ye bhaktyā mama māhātmyamuttamam

15.5

na teṣāṃ duṣkṛtaṃ kiñcidduṣkṛtotthā na cāpadaḥ
bhaviṣyati na dāridryaṃ na caiveṣṭaviyojanam

15.6

śatruto na bhayaṃ tasya dasyuto vā na rājataḥ
na śastrānalatoyaughāt kadācit sambhaviṣyati

15.7

tasmānmamaitanmāhātmyaṃ paṭhitavyaṃ samāhitaiḥ
śrotavyaṃ ca sadā bhaktyā paraṃ svastyayanaṃ hi tat

15.8

upasargānaśeṣāṃstu mahāmārīsamudbhavān
tathā trividhamutpātaṃ māhātmyaṃ śamayenmama

15.9

yannaitatpaśyate samyaṅnityamāyatane mama
sadā na tadvimokṣyāmi sānnidhyaṃ tatra me sthitam

15.10

balipradāne pūjāyāmagnikārye mahotsave
sarvaṃ mamaitaccaritamuccāryaṃ śrāvyameva ca

15.11

jānatāājānatā vāpi balipūjāṃ tathā kṛtām
pratīcchiṣyāmyahaṃ prītyā vahnihomaṃ tathākṛtam

15.12

śaratkāle mahāpūjā kriyate yā ca vārṣikī
tasyāṃ mamaitanmāhātmyaṃ śrutvā bhaktisamanvitaḥ

15.13

sarvābādhāvinirmukko dhanadhānyasutānvitaḥ
manuṣyo matprasādena bhaviṣyati na saṃśayaḥ

15.14

śrutvā mamaitanmāhātmyaṃ tathā cotpattayaḥ śubhāḥ
parākramaṃ ca yuddheṣu jāyate nirbhayaḥ pumān

15.15

ripavaḥ saṃkṣayaṃ yānti kalyāṇaṃ copapadyate
nandate ca kulaṃ puṃsāṃ māhātmyaṃ mama śṛṇvatām

15.16

śāntikarmaṇi sarvatra tathā duḥsvapnadarśane
grahapīḍāsu cogrāsu māhātmyaṃ śṛṇuyānmama

15.17

upasargāḥ śamaṃ yānti grahapīḍāśca dāruṇāḥ
duḥsvapnaṃ ca nṛbhirdṛṣṭaṃ sukhapramupajāyate

15.18

bālagrahābhibhūtānāṃ bālānāṃ śāntikārakam
saṅghātamede ca nṛṇāṃ maitrīkaraṇamuttamam

15.19

durvṛttānāmaśeṣāṇāṃ balahānikaraṃ param
rakṣobhūtapiśācānāṃ paṭhanādeva nāśanam

15.20

sarvaṃ mamaitanmāhātmyaṃ mama sannidhikārakam
paśupuṣpārghyadhūpaiśca gandhadīpaistathottamaiḥ

15.21

viprāṇāṃ bhojanairhomaiḥ prokṣaṇīyairaharniśam
anyaiśca vividhairbhogaiḥ pradānairvatsareṇa yā

15.22

prītirme kriyate sāsminsakṛtsucarite śrute
śrutaṃ harati pāpāni tathārogyaṃ prayacchati

15.23

rakṣāṃ karoti bhūtebhyo janmanāṃ kīrtanaṃ mama
yuddheṣu caritaṃ yanme duṣṭadaityanibarhaṇam

15.24

tasmiñchrute vairikṛtaṃ bhayaṃ puṃsāṃ na jāyate
yuṣmābhiḥ stutayo yāśca yāśca brahmarṣibhiḥ kṛtāḥ

15.25

brahmaṇā ca kṛtāstvāstu prayacchanti śubhāṃ matim
araṇye prāntare vāpi dāvāgniparivāritaḥ

15.26

dasyubhirvā vṛtaḥ śūnye gṛhīto vāpi śatrubhiḥ
siṃhavyāghrānuyāto vā vane vā vanahastibhiḥ

15.27

rājñā kruddhena cājñaso vadhyo bandhagato'pi vā
āghūrṇito vā vātena sthitaḥ pote mahārṇave

15.28

patatsu cāpi śastreṣu saṅgrāme sūdāruṇe
sarvābādhāsu ghorāsu vedanābhyardito'pi vā

15.29

smaran mamaitaccaritaṃ naro mucyeta saṅkaṭāt
mama prabhāvātsiṃhādyā dasyavo vairiṇastathā

15.30

dūrādeva palāyante smarataścaritaṃ mama

15.31

ṛṣiruvāca

15.32

ityuktvā sā bhagavatī caṇḍikā caṇḍavikramā
paśyatāmeva devānāṃ tatraivāntaradhīyata

15.33

te'pi devyā nirātaṅkāḥ svādhikārānyathā purā
yajñabhāgabhujaḥ sarve cakrurvinihatārayaḥ

15.34

daityāśca devyā nihate śumbhe devaripau yudhi
jagadvidhvaṃsini tasmin mahogre'tulavikrame

15.35

niśumbhe ca mahāvīrye śeṣāḥ pātālamāyayuḥ

15.36

evaṃ bhagavatī devī sā nityāpi punaḥ punaḥ
sambhūya kurute bhūpa jagataḥ paripālanam

15.37

tayaitanmohyate viśvaṃ saiva viśvaṃ prasūyate
sā yācitā ca vijñānaṃ tuṣṭā ṛddhiṃ prayacchati

15.38

dhyānaṃ tayaitatsakalaṃ brahmāṇḍaṃ manujeśvara
mahākālyā mahākāle mahāmārīsvarūpayā

15.39

saiva kāle mahāmārī saiva sṛṣṭirbhavatyajā
sthitiṃ karoti bhūtānāṃ saiva kāle sanātanī

15.40

bhavakāle nṛṇāṃ saiva lakṣmīrvṛddhipradā gṛhe
saivābhāve tathālakṣmīrvināśāyopajāyate

15.41

stutā sampūjitā puṣpairdhūpagandhādimistathā
dadāti vittaṃ putrāṃśca matiṃ dharme gatiṃ śubhām

15.41.p1

iti śrīmārkaṇḍeyapurāṇe sāvarṇike manvantare devīmāhātmye phalastutirnāma dvādaśo'dhyāyaḥ || 12

Linked texts (13)