Devimahatoriginal 16
Devīmāhātoriginal 16
- Language
- Sanskrit
Contents
- 16.29 — 1 part
16.1
ṛṣiruvāca
16.2
etatte kathitaṃ bhūpa devīmāhātmyamuttamam
16.3
evamprabhāvā sā devī yayedaṃ dhāryate jagat
vidyā tathaiva kriyate bhagavadviṣṇumāyayā
16.4
tayā tvameṣa vaiśyaśca tathaivānye vivekinaḥ
mohyante mohitāścaiva mohameṣyanti cāpare
16.5
tāmupaihi mahārāja śaraṇaṃ parameśvarīm
ārādhitā saiva nṝṇāṃ bhogasvargāpavargadā
16.6
mārkaṇḍeya uvāca
16.7
iti tasya vacaḥ śrutvā surathaḥ sa narādhipaḥ
praṇipatya mahābhāgaṃ tamṛṣiṃ saṃśitavratam
16.8
nirviṇṇo'timamatvena rājyāpaharaṇena ca
jagāma sadyastapase sa ca vaiśyo mahāmune
16.9
sandarśanārthamambāyā nadīpulinasaṃsthitaḥ
sa ca vaiśyastapastepe devīsūktaṃ paraṃ japan
16.10
tau tasmin puline devyāḥ kṛtvā mūrtiṃ mahīmayīm
arhaṇāṃ cakratustasyāḥ puṣpadhūpāgnidarpaṇaiḥ
16.11
nirāhārau yatāhārau tanmanaskau samāhitau
dadatustau baliṃ caiva nijagātrāsṛgukṣitam
16.12
evaṃ samārādhayatostribhirvarṣairyatātmanoḥ
parituṣṭā jagaddhātrī pratyakṣaṃ prāha caṇḍikā
16.13
devyuvāca
16.14
yatprārthyate tvayā bhūpa tvayā ca kulanandana
16.15
mattastatprāpyatāṃ sarvaṃ parituṣṭā dadāmi tat
16.16
mārkaṇḍeya uvāca
16.17
tato vavre nṛpo rājyamavibhraṃśyanyajanmani
atra caiva nijaṃ rājyaṃ hataśatrubalaṃ balāt
16.18
so'pi vaiśyastato jñānaṃ vavre nirviṇṇamānasaḥ
mametyahamiti prājñaḥ saṅgavicyutikārakam
16.19
devyuvāca
16.20
svalpairahobhirnṛpate svarājyaṃ prāpsyate bhavān
16.21
hatvā ripūnaskhalitaṃ tava tadbhaviṣyati
16.22
mṛtaśca bhūyaḥ saṃprāpya janma devādvivasvataḥ
16.23
sāvarṇiko nāma manurbhavānbhuvi bhaviṣyati
16.24
vaiśyavarya tvayā yaśca varo'satto'bhivāñchitaḥ
16.25
taṃ prayacchāmi saṃsiddhyai tava jñānaṃ bhaviṣyati
16.26
mārkaṇḍeya uvāca
16.27
iti dattvā tayordevī yathābhilaṣitaṃ varam
babhūvāntarhitā sadyo bhaktyā tābhyāmabhiṣṭutā
16.28
evaṃ devyā varaṃ labdhvā surathaḥ kṣatriyarṣabhaḥ
sūryajanma samāsādya sāvarṇirbhavitā manuḥ
16.29
sāvarṇirbhavitā manuḥ klīṃ om
16.29.p1
iti śrīmārkaṇḍeyapurāṇe sāvarṇike manvantare devīmāhātmye surathavaiśyayorvarapradānaṃ nāma trayodaśo'dhyāyaḥ || 13
Linked texts (12)
- Mārkaṇḍeyapurāṇa — Vyāsa, Sanskrit
- Devīmāhātmya — Sanskrit
- Durgārcanasṛti — Sanskrit
- Caṇḍīmāhātmya Devīmāhātmya — Sanskrit
- Caṇḍīsaptasatī — Sanskrit
- Durgārahasya — Sanskrit
- Śrīcaṇḍī — Sanskrit
- Saptaśatīmahāstotra — Sanskrit
- Durgāpāṭha — Vyāsa, Sanskrit
- Durgāstotra or saptaśatī — Sanskrit
- Devīmāhātmya or Saptaśatīcaṇḍī — Sanskrit
- Durgāsaptaśatī Devīmāhātmya — Sanskrit