Devimahatoriginal 17
Devīmāhātoriginal 17
- Language
- Sanskrit
Contents
- 17.9 — 1 part
17.1
śrīsaptaśatī devīmāhātmyaṃ samāptam
oṃ tat sat oṃ
atha aparādhakṣamāpaṇastotram
oṃ aparādhaśataṃ kṛtvā jagadambeti coccaret
yāṃ gatiṃ samavāpnoti na tāṃ brahmādayaḥ surāḥ
17.2
sāparādho'smi śaraṇaṃ prāptastvāṃ jagadambike
idānīmanukampyo'haṃ yathecchasi tathā kuru
17.3
ajñānādvismṛterbhrāntyā yannyūnamadhikaṃ kṛtam
tatsarvaṃ kṣamyatāṃ devi prasīda parameśvari
17.4
kāmeśvari jaganmātaḥ saccidānandavigrahe
gṛhāṇārcāmimāṃ prītyā prasīda parameśvari
17.5
sarvarūpamayī devī sarvaṃ devīmayaṃ jagat
ato'haṃ viśvarūpāṃ tvāṃ namāmi parameśvarīm
17.6
yadakṣaraṃ paribhraṣṭaṃ mātrāhīnañca yadbhavet
pūrṇaṃ bhavatu tat sarvaṃ tvatprasādānmaheśvari
17.7
yadvā pāṭhe jagadambike mayā
visargabinduakṣarahīnamīritam
tadastu sampūrṇatamaṃ prasādataḥ
saṅkalpasiddhiśca sadaiva jāyatām
17.8
yanmātrābindubindudvitayapadapadacchandavarṇādihīnaṃ
bhaktyābhaktyānupūrvaṃ prasabhakṛtivaśāt vyaktamavyaktamamba
mohādajñānato vā paṭhitamapaṭhitaṃ samprataṃ te stave'smin
tat sarvaṃ sāṅgamāstāṃ bhagavati varade tvatprasādāt prasīda
17.9
prasīda bhagavatyamba prasīda bhaktavatsale
prasādaṃ kuru me devi durge devi namo'stu te
17.9.p1
iti aparādhakṣamāpaṇastotraṃ samāptam
oṃ tat sat om
Linked texts (7)
- Durgārcanasṛti — Sanskrit
- Durgārahasya — Sanskrit
- Śrīcaṇḍī — Sanskrit
- Durgāstotra or saptaśatī — Sanskrit
- Devīmāhātmya or Saptaśatīcaṇḍī — Sanskrit
- Caṇḍīsaptasatī — Sanskrit
- Saptaśatīmahāstotra — Sanskrit