Devimahatoriginal 2

Devīmāhātoriginal 2

Language: Sanskrit

2.1

iti śrīmārkaṇḍeyapurāṇe argalāstotraṃ samāptam
oṃ namaścaṇḍikāyai
mārkaṇḍeya uvāca
oṃ viśuddhajñānadehāya trivedīdivyacakṣuṣe
śreyaḥprāptinimittāya namaḥ somārdhadhāriṇe

2.2

sarvametadvijānīyānmantrāṇāmapi kīlakam
so'pi kṣemamavāpnoti satataṃ japyatatparaḥ

2.3

siddhyantyuccāṭanādīni karmāṇi sakalānyapi
etena stuvatāṃ devīṃ stotravṛndena bhaktitaḥ

2.4

na mantro nauṣadhaṃ tasya na kiñcidapi vidyate
vinā japyena siddhyeta sarvamuccāṭanādikam

2.5

samagrāṇyapi setsyanti lokaśaṅkāmimāṃ haraḥ
kṛtvā nimantrayāmāsa sarvamevamidaṃ śubham

2.6

stotraṃ vai caṇḍikāyāstu tacca guhyaṃ cakāra saḥ
samāpnoti sa puṇyena tāṃ yathāvannimantraṇām

2.7

so'pi kṣemamavāpnoti sarvameva na saṃśayaḥ
kṛṣṇāyāṃ vā caturdaśyāmaṣṭamyāṃ vā samāhitaḥ

2.8

dadāti pratigṛhṇāti nānyathaiṣā prasīdati
itthaṃ rūpeṇa kīlena mahādevena kīlitam

2.9

yo niṣkīlāṃ vidhāyaināṃ caṇḍīṃ japati nityaśaḥ
sa siddhaḥ sa gaṇaḥ so'tha gandharvo jāyate dhruvam

2.10

na caivāpāṭavaṃ tasya bhayaṃ kvāpi na jāyate
nāpnamṛtyuvaśaṃ yāti mṛte ca mokṣamāpnuyāt

2.11

jñātvā prārabhya kurvīta hankurvāṇo vinaśyati
tato jñātvaiva sampūrṇamidaṃ prārabhyate budhaiḥ

2.12

saubhāgyādi ca yatkiñcid dṛśyate lalanājane
tatsarvaṃ tatprasādena tena japyamidaṃ śubham

2.13

śanaistu japyamāne'smin stotre sampattiruccakaiḥ
bhavatyeva samagrāpi tataḥ prārabhyameva tat

2.14

aiśvaryaṃ tatprasādena saubhāgyārogyameva ca
śatruhāniḥ paro mokṣaḥ stūyate sā na ki janaiḥ

2.15

caṇḍikāṃ hṛdayenāpi yaḥ smaret satataṃ naraḥ
hṛdyaṃ kāmamavāpnoti hṛdi devī sadā vaset

2.16

agrato'smuṃ mahādevakṛtaṃ kīlakavāraṇam
niṣkīlañca tathā kṛtvā paṭhitavyaṃ samāhitaiḥ

Linked texts (2)

Caṇḍīmāhātmya Devīmāhātmya — Sanskrit
Śrīcaṇḍī — Sanskrit