[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śākta Upapurāṇas](https://indike.org/pramana/in.purana.upa.sakta) › [Devimahatoriginal](https://indike.org/pramana/in.purana.upa.sakta.devimahatoriginal) › 2 # Devimahatoriginal 2 Devīmāhātoriginal 2 - **Language:** Sanskrit ### [2.1](https://indike.org/pramana/in.purana.upa.sakta.devimahatoriginal.2.1) iti śrīmārkaṇḍeyapurāṇe argalāstotraṃ samāptam oṃ namaścaṇḍikāyai mārkaṇḍeya uvāca oṃ viśuddhajñānadehāya trivedīdivyacakṣuṣe śreyaḥprāptinimittāya namaḥ somārdhadhāriṇe ### [2.2](https://indike.org/pramana/in.purana.upa.sakta.devimahatoriginal.2.2) sarvametadvijānīyānmantrāṇāmapi kīlakam so'pi kṣemamavāpnoti satataṃ japyatatparaḥ ### [2.3](https://indike.org/pramana/in.purana.upa.sakta.devimahatoriginal.2.3) siddhyantyuccāṭanādīni karmāṇi sakalānyapi etena stuvatāṃ devīṃ stotravṛndena bhaktitaḥ ### [2.4](https://indike.org/pramana/in.purana.upa.sakta.devimahatoriginal.2.4) na mantro nauṣadhaṃ tasya na kiñcidapi vidyate vinā japyena siddhyeta sarvamuccāṭanādikam ### [2.5](https://indike.org/pramana/in.purana.upa.sakta.devimahatoriginal.2.5) samagrāṇyapi setsyanti lokaśaṅkāmimāṃ haraḥ kṛtvā nimantrayāmāsa sarvamevamidaṃ śubham ### [2.6](https://indike.org/pramana/in.purana.upa.sakta.devimahatoriginal.2.6) stotraṃ vai caṇḍikāyāstu tacca guhyaṃ cakāra saḥ samāpnoti sa puṇyena tāṃ yathāvannimantraṇām ### [2.7](https://indike.org/pramana/in.purana.upa.sakta.devimahatoriginal.2.7) so'pi kṣemamavāpnoti sarvameva na saṃśayaḥ kṛṣṇāyāṃ vā caturdaśyāmaṣṭamyāṃ vā samāhitaḥ ### [2.8](https://indike.org/pramana/in.purana.upa.sakta.devimahatoriginal.2.8) dadāti pratigṛhṇāti nānyathaiṣā prasīdati itthaṃ rūpeṇa kīlena mahādevena kīlitam ### [2.9](https://indike.org/pramana/in.purana.upa.sakta.devimahatoriginal.2.9) yo niṣkīlāṃ vidhāyaināṃ caṇḍīṃ japati nityaśaḥ sa siddhaḥ sa gaṇaḥ so'tha gandharvo jāyate dhruvam ### [2.10](https://indike.org/pramana/in.purana.upa.sakta.devimahatoriginal.2.10) na caivāpāṭavaṃ tasya bhayaṃ kvāpi na jāyate nāpnamṛtyuvaśaṃ yāti mṛte ca mokṣamāpnuyāt ### [2.11](https://indike.org/pramana/in.purana.upa.sakta.devimahatoriginal.2.11) jñātvā prārabhya kurvīta hankurvāṇo vinaśyati tato jñātvaiva sampūrṇamidaṃ prārabhyate budhaiḥ ### [2.12](https://indike.org/pramana/in.purana.upa.sakta.devimahatoriginal.2.12) saubhāgyādi ca yatkiñcid dṛśyate lalanājane tatsarvaṃ tatprasādena tena japyamidaṃ śubham ### [2.13](https://indike.org/pramana/in.purana.upa.sakta.devimahatoriginal.2.13) śanaistu japyamāne'smin stotre sampattiruccakaiḥ bhavatyeva samagrāpi tataḥ prārabhyameva tat ### [2.14](https://indike.org/pramana/in.purana.upa.sakta.devimahatoriginal.2.14) aiśvaryaṃ tatprasādena saubhāgyārogyameva ca śatruhāniḥ paro mokṣaḥ stūyate sā na ki janaiḥ ### [2.15](https://indike.org/pramana/in.purana.upa.sakta.devimahatoriginal.2.15) caṇḍikāṃ hṛdayenāpi yaḥ smaret satataṃ naraḥ hṛdyaṃ kāmamavāpnoti hṛdi devī sadā vaset ### [2.16](https://indike.org/pramana/in.purana.upa.sakta.devimahatoriginal.2.16) agrato'smuṃ mahādevakṛtaṃ kīlakavāraṇam niṣkīlañca tathā kṛtvā paṭhitavyaṃ samāhitaiḥ ## Linked texts (2) - [Caṇḍīmāhātmya Devīmāhātmya](https://indike.org/pramana/in.purana.markandeya.candimahatmyadevimahatmya.2.3) — Sanskrit - [Śrīcaṇḍī](https://indike.org/pramana/in.purana.other.sricandi.2.3) — Sanskrit --- Source: [https://indike.org/pramana/in.purana.upa.sakta.devimahatoriginal.2](https://indike.org/pramana/in.purana.upa.sakta.devimahatoriginal.2) · Pramāṇa