<!-- Pramāṇa, a library of Indian primary sources · https://indike.org/pramana/in.purana.upa.sakta.devimahatoriginal.3 -->

[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śākta Upapurāṇas](https://indike.org/pramana/in.purana.upa.sakta) › [Devimahatoriginal](https://indike.org/pramana/in.purana.upa.sakta.devimahatoriginal) › 3

# Devimahatoriginal 3: Mahiṣāsuravadhaḥ

Devīmāhātoriginal 3

- **Language:** Sanskrit

## Contents

- [3.44](https://indike.org/pramana/in.purana.upa.sakta.devimahatoriginal.3.44) — 1 part

### Mahiṣāsuravadhaḥ

### [3.1](https://indike.org/pramana/in.purana.upa.sakta.devimahatoriginal.3.1)

ṛṣiruvāca

### [3.2](https://indike.org/pramana/in.purana.upa.sakta.devimahatoriginal.3.2)

nihanyamānaṃ tatsainyamavalokya mahāsuraḥ  
senānīścikṣuraḥ kopādyau yoddhumathāmbikām

### [3.3](https://indike.org/pramana/in.purana.upa.sakta.devimahatoriginal.3.3)

sa devīṃ śaravarṣeṇa vavarṣa samare'suraḥ  
yathā merugireḥ śrṛṅgaṃ toyavarṣeṇa toyadaḥ

### [3.4](https://indike.org/pramana/in.purana.upa.sakta.devimahatoriginal.3.4)

tasya cchittvā tato devī līlayaiva śarotkarān  
jaghāna turagānbāṇairyantāraṃ caiva vājinām

### [3.5](https://indike.org/pramana/in.purana.upa.sakta.devimahatoriginal.3.5)

ciccheda ca dhanuḥ sadyo dhvajaṃ cātisamucchritam  
vivyādha caiva gātreṣu chinnadhanvānamāśugaiḥ

### [3.6](https://indike.org/pramana/in.purana.upa.sakta.devimahatoriginal.3.6)

sa chinnadhanvā viratho hatāśvo hatasārathiḥ  
abhyadhāvata tāṃ devīṃ khaḍgacarmadharo'suraḥ

### [3.7](https://indike.org/pramana/in.purana.upa.sakta.devimahatoriginal.3.7)

siṃhamāhatya khaḍgena tīkṣṇadhāreṇa mūrdhani  
ājaghāna bhuje savye devīmapyativegavān

### [3.8](https://indike.org/pramana/in.purana.upa.sakta.devimahatoriginal.3.8)

tasyāḥ khaḍgo bhujaṃ prāpya paphāla nṛpanandana  
tato jagrāha śūlaṃ sa kopādaruṇalocanaḥ

### [3.9](https://indike.org/pramana/in.purana.upa.sakta.devimahatoriginal.3.9)

cikṣepa ca tatastattu bhadrakālyāṃ mahāsuraḥ  
jājvalyamānaṃ tejobhī ravibimbamivāmbarāt

### [3.10](https://indike.org/pramana/in.purana.upa.sakta.devimahatoriginal.3.10)

hṛṣṭvā tadāpatacchūlaṃ devī śūlamamuñcata  
tacchūlaṃ śatadhā tena nītaṃ sa ca mahāsuraḥ

### [3.11](https://indike.org/pramana/in.purana.upa.sakta.devimahatoriginal.3.11)

hate tasminmahāvīrye mahiṣasya camūpatau  
ājāgāma gajārūḍhaścāmaratridaśārdanaḥ

### [3.12](https://indike.org/pramana/in.purana.upa.sakta.devimahatoriginal.3.12)

so'pi śaktiṃ mumocātha devyāstāmambikā drutam  
huṅkārābhihatāṃ bhūmau pātayāmāsa niṣprabhām

### [3.13](https://indike.org/pramana/in.purana.upa.sakta.devimahatoriginal.3.13)

bhagnāṃ śaktiṃ nipatitāṃ dṛṣṭvā krodhasamanvitaḥ  
cikṣepa cāmaraḥ śūlaṃ bāṇaistadapi sācchinat

### [3.14](https://indike.org/pramana/in.purana.upa.sakta.devimahatoriginal.3.14)

tataḥ siṃhaḥ samutpatya gajakumbhāntarasthitaḥ  
bāhuyuddhena yuyudhe tenoccaistridaśāriṇā

### [3.15](https://indike.org/pramana/in.purana.upa.sakta.devimahatoriginal.3.15)

yudhyamānau tatastau tu tasmādgajānmahīṃ gatau  
yuyudhāte'tisaṃrabdhau prahārairatidāruṇaiḥ

### [3.16](https://indike.org/pramana/in.purana.upa.sakta.devimahatoriginal.3.16)

tato vegāt khamutpatya nipatya ca mṛgāriṇā  
karaprahāreṇa śiraścāmarasya pṛthak kṛtam

### [3.17](https://indike.org/pramana/in.purana.upa.sakta.devimahatoriginal.3.17)

udgraśca raṇe devyā śilāvṛkṣādibhirhataḥ  
dantamuṣṭitalaiścaiva karālaśca nipātitaḥ

### [3.18](https://indike.org/pramana/in.purana.upa.sakta.devimahatoriginal.3.18)

devī kruddhā gadāpātaiścūrṇayāmāsa coddhatam  
bāṣkalaṃ bhindipālena bāṇaistāñca tathāndhakam

### [3.19](https://indike.org/pramana/in.purana.upa.sakta.devimahatoriginal.3.19)

ugrāsyamugravīryaṃ ca tathaiva ca mahāhanum  
trinetrā ca triśūlena jaghāna parameśvarī

### [3.20](https://indike.org/pramana/in.purana.upa.sakta.devimahatoriginal.3.20)

biḍālasyāsinā kāyāt pātayāmāsa vai śiraḥ  
durdharaṃ durmukhaṃ cobhau śarairninye yamakṣayam

### [3.21](https://indike.org/pramana/in.purana.upa.sakta.devimahatoriginal.3.21)

aivaṃ saṃkṣīyamāṇe tu svasainye mahiṣāsuraḥ  
māhiṣeṇa svarūpeṇa trāsayāmāsa tān gaṇān

### [3.23](https://indike.org/pramana/in.purana.upa.sakta.devimahatoriginal.3.23)

kāṃścittuṇḍaprahāreṇa khurakṣepaistathāparān  
lāṅgūlatāḍitāṃścānyān śṛṅgābhyāṃ ca vidāritān  
vegena kāṃścidaparāddhādena bhramaṇena ca  
niḥśvāsapavanenānyānpātayāmāsa bhūtale

### [3.24](https://indike.org/pramana/in.purana.upa.sakta.devimahatoriginal.3.24)

nipātya pramathānīkamabhyadhāvata so'suraḥ  
siṃhaṃ hantuṃ mahādevyāḥ kopaṃ cakre tato'mbikā

### [3.25](https://indike.org/pramana/in.purana.upa.sakta.devimahatoriginal.3.25)

so'pi kopānmahāvīryaḥ khurakṣuṇṇamahītalaḥ  
śṛṅgābhyāṃ parvatānuccāṃścikṣepa ca nanāda ca

### [3.26](https://indike.org/pramana/in.purana.upa.sakta.devimahatoriginal.3.26)

vegabhramaṇavikṣuṇṇā mahī tasya viśīryata  
lāṅgūlenāhataścābdhiḥ plāvayāmāsa sarvataḥ

### [3.27](https://indike.org/pramana/in.purana.upa.sakta.devimahatoriginal.3.27)

dhutaśrṛṅgavibhinnāśca khaṇḍaṃ khaṇḍaṃ yayurghanāḥ  
śvāsānilāstāḥ śataśo nipeturnabhaso'calāḥ

### [3.28](https://indike.org/pramana/in.purana.upa.sakta.devimahatoriginal.3.28)

iti krodhasamādhmātamāpatantaṃ mahāsuram  
dṛṣṭvā sā caṇḍikā kopaṃ tadvadhāya tadākarot

### [3.29](https://indike.org/pramana/in.purana.upa.sakta.devimahatoriginal.3.29)

sā kṣiptvā tasya vai pāśaṃ taṃ babandha mahāsuram  
tatyāja māhiṣaṃ rūpaṃ so'pi baddho mahāmṛdhe

### [3.30](https://indike.org/pramana/in.purana.upa.sakta.devimahatoriginal.3.30)

tataḥ siṃho'bhavatsadyo yāvattasyāmbikā śiraḥ  
chinatti tāvat puruṣaḥ khaḍgapāṇiradṛśyata

### [3.31](https://indike.org/pramana/in.purana.upa.sakta.devimahatoriginal.3.31)

tata evāśu puruṣaṃ devī ciccheda sāyakaiḥ  
taṃ khaḍgacarmaṇā sārdhaṃ tataḥ so'bhūnmahāgajaḥ

### [3.32](https://indike.org/pramana/in.purana.upa.sakta.devimahatoriginal.3.32)

kareṇa ca mahāsiṃhaṃ taṃ cakarṣa jagarja ca  
karṣatastu karaṃ devī khaḍgena nirakṛntata

### [3.33](https://indike.org/pramana/in.purana.upa.sakta.devimahatoriginal.3.33)

tato mahāsuro bhūyo māhiṣaṃ vapurāsthitaḥ  
tathaiva kṣobhayāmāsa trailokyaṃ sacarācaram

### [3.34](https://indike.org/pramana/in.purana.upa.sakta.devimahatoriginal.3.34)

tataḥ kruddhā jaganmātā caṇḍikā pānamuttamam  
papau punaḥ punaścaiva jahāsāruṇalocanā

### [3.35](https://indike.org/pramana/in.purana.upa.sakta.devimahatoriginal.3.35)

nanarda cāsuraḥ so'pi balavīryamadoddhataḥ  
viṣāṇābhyāṃ ca cikṣepa caṇḍikāṃ prati bhūdharān

### [3.36](https://indike.org/pramana/in.purana.upa.sakta.devimahatoriginal.3.36)

sā ca tānprahitāṃstena cūrṇayantī śarotkaraiḥ  
uvāca taṃ madoddhūtamukharāgākulākṣaram

### [3.37](https://indike.org/pramana/in.purana.upa.sakta.devimahatoriginal.3.37)

devyuvāca

### [3.38](https://indike.org/pramana/in.purana.upa.sakta.devimahatoriginal.3.38)

garja garja kṣaṇaṃ mūḍha madhu yāvatpibāmyaham  
mayā tvayi hate'traiva garjiṣyantyāśu devatāḥ

### [3.39](https://indike.org/pramana/in.purana.upa.sakta.devimahatoriginal.3.39)

ṛṣiruvāca

### [3.40](https://indike.org/pramana/in.purana.upa.sakta.devimahatoriginal.3.40)

evamuktvā samutpatya sārūḍhā taṃ mahāsuram  
pādenākramya kaṇṭhe ca śūlenainamatāḍayat

### [3.41](https://indike.org/pramana/in.purana.upa.sakta.devimahatoriginal.3.41)

tataḥ so'pi padākrāntastayā nijamukhāccataḥ  
ardhaniṣkrānta evāsīddevyā vīryeṇa saṃvṛtaḥ

### [3.42](https://indike.org/pramana/in.purana.upa.sakta.devimahatoriginal.3.42)

ardhaniṣkrānta evāsau yudhyamāno mahāsuraḥ  
tayā mahāsinā devyā śiraśchittvā nipātitaḥ

### [3.43](https://indike.org/pramana/in.purana.upa.sakta.devimahatoriginal.3.43)

tato hāhākṛtaṃ sarvaṃ daityasainyaṃ nanāśa tat  
praharṣaṃ ca paraṃ jagmuḥ sakalā devatāgaṇāḥ

### [3.44](https://indike.org/pramana/in.purana.upa.sakta.devimahatoriginal.3.44)

tuṣṭuvustāṃ surā devīṃ sahadivyairmaharṣibhiḥ  
jagurgandharvapatayo nanṛtuścāpsarogaṇāḥ

### [3.44.p1](https://indike.org/pramana/in.purana.upa.sakta.devimahatoriginal.3.44.p1)

iti śrīmārkaṇḍeyapurāṇe sāvarṇike manvantare devīmāhātmye mahiṣāsuravadho nāma tṛtīyo'dhyāyaḥ || 3

## Linked texts (11)

- [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.4.12) — Sanskrit
- [Mārkaṇḍeyapurāṇa (Veṅkaṭeśvara text, adhyāyas 1–137 (the other e-text has 1–93, without 39.1–26, 66–68, 69.1–52))](https://indike.org/pramana/in.purana.markandeya*venkatesvara.83.4) — Sanskrit
- [Durgārahasya](https://indike.org/pramana/in.purana.upa.sakta.durgarahasya.22.5) — Sanskrit
- [Caṇḍīsaptasatī](https://indike.org/pramana/in.purana.upa.sakta.candisaptasati.3.4) — Sanskrit
- [Saptaśatīmahāstotra](https://indike.org/pramana/in.sampradaya.general.devistotra.durga.saptasati.saptasatimahastotra.3.4) — Sanskrit
- [Durgāstotra or saptaśatī](https://indike.org/pramana/in.sampradaya.general.devistotra.durga.saptasati.durgastotraorsaptasati.15.5) — Sanskrit
- [Devīmāhātmya or Saptaśatīcaṇḍī](https://indike.org/pramana/in.purana.markandeya.devimahatmyaorsaptasaticandi.15.5) — Sanskrit
- [Caṇḍīmāhātmya Devīmāhātmya](https://indike.org/pramana/in.purana.markandeya.devimahatmya*candimahatmyadevimahatmya.9.5) — Sanskrit
- [Śrīcaṇḍī](https://indike.org/pramana/in.purana.upa.sakta.sricandi.9.6) — Sanskrit
- [Durgāpāṭha](https://indike.org/pramana/in.purana.markandeya.devimahatmya.durgapatha.1.p46) — Vyāsa, Sanskrit
- [Durgāsaptaśatī Devīmāhātmya](https://indike.org/pramana/in.purana.upa.sakta.durgasaptasatidevimahatmya.3.69.p3) — Sanskrit

---
Source: [https://indike.org/pramana/in.purana.upa.sakta.devimahatoriginal.3](https://indike.org/pramana/in.purana.upa.sakta.devimahatoriginal.3) · Pramāṇa
