<!-- Pramāṇa, a library of Indian primary sources · https://indike.org/pramana/in.purana.upa.sakta.devimahatoriginal.7 -->

[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śākta Upapurāṇas](https://indike.org/pramana/in.purana.upa.sakta) › [Devimahatoriginal](https://indike.org/pramana/in.purana.upa.sakta.devimahatoriginal) › 7

# Devimahatoriginal 7: Caṇḍamuṇḍavadhaḥ

Devīmāhātoriginal 7

- **Language:** Sanskrit

## Contents

- [7.27](https://indike.org/pramana/in.purana.upa.sakta.devimahatoriginal.7.27) — 1 part

### Caṇḍamuṇḍavadhaḥ

### [7.1](https://indike.org/pramana/in.purana.upa.sakta.devimahatoriginal.7.1)

ṛṣiruvāca

### [7.2](https://indike.org/pramana/in.purana.upa.sakta.devimahatoriginal.7.2)

ājñaptāste tato daityāścaṇḍamuṇḍapurogamāḥ  
caturaṅgabalopetā yayurabhyudyatāyudhāḥ

### [7.3](https://indike.org/pramana/in.purana.upa.sakta.devimahatoriginal.7.3)

dadṛśuste tato devīmīṣaddhāsāṃ vyavasthitām  
siṃhasyopari śailendraśṛṅge mahati kāñcane

### [7.4](https://indike.org/pramana/in.purana.upa.sakta.devimahatoriginal.7.4)

te dṛṣṭvā tāṃ samādātumudyamaṃ cakrurudyatāḥ  
ākṛṣṭacāpāsidharāstathānye tatsamīpagāḥ

### [7.5](https://indike.org/pramana/in.purana.upa.sakta.devimahatoriginal.7.5)

tataḥ kopaṃ cakāroccairambikā tānarīnprati  
kopena cāsyā vadanaṃ maṣīvarṇamabhūttadā

### [7.6](https://indike.org/pramana/in.purana.upa.sakta.devimahatoriginal.7.6)

bhrukuṭīkuṭilāttasyā lalāṭaphalakāddrutam  
kālī karālavadanā viniṣkrāntāsipāśinī

### [7.7](https://indike.org/pramana/in.purana.upa.sakta.devimahatoriginal.7.7)

vicitrakhaṭvāṅgadharā naramālāvibhūṣaṇā  
dvīpicarmaparīdhānā śuṣkamāṃsātibhairavā

### [7.8](https://indike.org/pramana/in.purana.upa.sakta.devimahatoriginal.7.8)

ativistāravadanā jihvālelanabhīṣaṇā  
nimagnāraktanayanā nādāpūritadiṅmukhā

### [7.9](https://indike.org/pramana/in.purana.upa.sakta.devimahatoriginal.7.9)

sā vegenābhipatitā ghātayantī mahāsurān  
sainye tatra surārīṇāmabhakṣayata tadbalam

### [7.10](https://indike.org/pramana/in.purana.upa.sakta.devimahatoriginal.7.10)

pārṣṇigrāhāṅkuśagrāhiyodhaghaṇṭāsamanvitān  
samādāyaikahastena mukhe cikṣepa vāraṇān

### [7.11](https://indike.org/pramana/in.purana.upa.sakta.devimahatoriginal.7.11)

tathaiva yodhaṃ turagai rathaṃ sārathinā saha  
nikṣipya vaktre daśanaiścarvayatyatibhairavam

### [7.12](https://indike.org/pramana/in.purana.upa.sakta.devimahatoriginal.7.12)

ekaṃ jagrāha keśeṣu grīvāyāmatha cāparam  
pādenākramya caivānyaṃ urasānyamapothayat

### [7.13](https://indike.org/pramana/in.purana.upa.sakta.devimahatoriginal.7.13)

tairmuktāni ca śastrāṇi mahāstrāṇi tathāsuraiḥ  
mukhena jagrāha ruṣā daśanairmathitānyapi

### [7.14](https://indike.org/pramana/in.purana.upa.sakta.devimahatoriginal.7.14)

balināṃ tadvalaṃ sarvamasurāṇāṃ durātmanām  
mamarda bhakṣayaccānyānanyāṃścātāḍayattathā

### [7.15](https://indike.org/pramana/in.purana.upa.sakta.devimahatoriginal.7.15)

asinā nihatāḥ kecitkeciitkhaṭvāṅgatāḍitāḥ  
jagmurvināśamasurā dantāgrābhihatāstathā

### [7.16](https://indike.org/pramana/in.purana.upa.sakta.devimahatoriginal.7.16)

kṣaṇena tadvalaṃ sarvamasurāṇāṃ nipātitam  
dṛṣṭvā caṇḍo'bhidudrāva tāṃ kālīmatibhīṣaṇām

### [7.17](https://indike.org/pramana/in.purana.upa.sakta.devimahatoriginal.7.17)

śaravarṣairmahābhīmairbhīmākṣīṃ tāṃ mahāsuraḥ  
chādayāmāsa cakraiśca muṇḍaḥ kṣiptaiḥ sahasraśaḥ

### [7.18](https://indike.org/pramana/in.purana.upa.sakta.devimahatoriginal.7.18)

tāni cakrāṇyanekāni viśamānāni tanmukham  
babhuryathārkabimbāni subahūni ghanodaram

### [7.19](https://indike.org/pramana/in.purana.upa.sakta.devimahatoriginal.7.19)

tato jahāsātiruṣā bhīmaṃ bhairavanādinī  
kālī karālavaktrāntardurdarśadśanojjvalā

### [7.20](https://indike.org/pramana/in.purana.upa.sakta.devimahatoriginal.7.20)

utthāya ca mahāsiṃhaṃ devī caṇḍamadhāvata  
gṛhītvā cāsya keśeṣu śirastenāsinācchinat

### [7.21](https://indike.org/pramana/in.purana.upa.sakta.devimahatoriginal.7.21)

atha muṇḍo'bhyadhāvattāṃ dṛṣṭvā caṇḍaṃ nipātitam  
tamapyapātayadbhūmau sā khaḍgābhihataṃ ruṣā

### [7.22](https://indike.org/pramana/in.purana.upa.sakta.devimahatoriginal.7.22)

hataśeṣaṃ tataḥ sainyaṃ dṛṣṭvā caṇḍaṃ nipātitam  
muṇḍaṃ ca sumahāvīryaṃ diśo bheje bhayāturam

### [7.23](https://indike.org/pramana/in.purana.upa.sakta.devimahatoriginal.7.23)

śiraścaṇḍasya kālī ca gṛhītvā muṇḍameva ca  
prāha pracaṇḍāṭṭahāsamiśramabhyetya caṇḍikām

### [7.24](https://indike.org/pramana/in.purana.upa.sakta.devimahatoriginal.7.24)

mayā tavātropahṛtau caṇḍamuṇḍau mahāpaśū  
yuddhayajñe svayaṃ śumbhaṃ niśumbhaṃ ca haniṣyasi

### [7.25](https://indike.org/pramana/in.purana.upa.sakta.devimahatoriginal.7.25)

ṛṣiruvāca

### [7.26](https://indike.org/pramana/in.purana.upa.sakta.devimahatoriginal.7.26)

tāvānītau tato dṛṣṭvā caṇḍamuṇḍau mahāsurau  
uvāca kālīṃ kalyāṇī lalitaṃ caṇḍikā vacaḥ

### [7.27](https://indike.org/pramana/in.purana.upa.sakta.devimahatoriginal.7.27)

yasmāccaṇḍaṃ ca muṇḍaṃ ca gṛhītvā tvamupāgatā  
cāmuṇḍeti tato loke khyātā devi bhaviṣyasi

### [7.27.p1](https://indike.org/pramana/in.purana.upa.sakta.devimahatoriginal.7.27.p1)

iti śrīmārkaṇḍeyapurāṇe sāvarṇike manvantare devīmāhātmye caṇḍamuṇḍavadho nāma saptamo'dhyāyaḥ || 7

## Linked texts (9)

- [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.8.27) — Sanskrit
- [Mārkaṇḍeyapurāṇa (Veṅkaṭeśvara text, adhyāyas 1–137 (the other e-text has 1–93, without 39.1–26, 66–68, 69.1–52))](https://indike.org/pramana/in.purana.markandeya*venkatesvara.87.10) — Sanskrit
- [Durgārahasya](https://indike.org/pramana/in.purana.upa.sakta.durgarahasya.28.16) — Sanskrit
- [Śrīcaṇḍī](https://indike.org/pramana/in.purana.upa.sakta.sricandi.13.16) — Sanskrit
- [Caṇḍīmāhātmya Devīmāhātmya](https://indike.org/pramana/in.purana.markandeya.devimahatmya*candimahatmyadevimahatmya.13.16) — Sanskrit
- [Caṇḍīsaptasatī](https://indike.org/pramana/in.purana.upa.sakta.candisaptasati.7.17) — Sanskrit
- [Saptaśatīmahāstotra](https://indike.org/pramana/in.sampradaya.general.devistotra.durga.saptasati.saptasatimahastotra.7.17) — Sanskrit
- [Durgāsaptaśatī Devīmāhātmya](https://indike.org/pramana/in.purana.upa.sakta.durgasaptasatidevimahatmya.7.p1.3) — Sanskrit
- [Durgāpāṭha](https://indike.org/pramana/in.purana.markandeya.devimahatmya.durgapatha.1.p87) — Vyāsa, Sanskrit

---
Source: [https://indike.org/pramana/in.purana.upa.sakta.devimahatoriginal.7](https://indike.org/pramana/in.purana.upa.sakta.devimahatoriginal.7) · Pramāṇa
