[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Minor Purāṇas](https://indike.org/pramana/in.purana.upa) › [Śākta Upapurāṇas](https://indike.org/pramana/in.purana.upa.sakta) › [Devimahatoriginal](https://indike.org/pramana/in.purana.upa.sakta.devimahatoriginal) › 8 # Devimahatoriginal 8: atha pañcamo'dhyāyaḥ Devīmāhātoriginal 8 - **Language:** Sanskrit ## Contents - [8.129](https://indike.org/pramana/in.purana.upa.sakta.devimahatoriginal.8.129) — 1 part ### atha pañcamo'dhyāyaḥ ### [8.p1](https://indike.org/pramana/in.purana.upa.sakta.devimahatoriginal.8.p1) Mārkaṇḍeya Purāṇa, during the period ghaṇṭāśūlahalāni śāṅkhamusale cakraṃ dhanuḥ sāyakaṃ hastābjairdadhatīṃ ghanāntavilasacchītāṃśutulyaprabhām gaurīdehasamudbhavāṃ trijagatāmādhārabhūtāṃ mahāpūrvamalla sarasvatīmanubhaje śumbhādidaityārdinīm ### [8.1](https://indike.org/pramana/in.purana.upa.sakta.devimahatoriginal.8.1) oṃ ṛṣiruvāca ### [8.2](https://indike.org/pramana/in.purana.upa.sakta.devimahatoriginal.8.2) purā śumbhaniśumbhābhyāmasurābhyāṃ śācīpateḥ trailokyaṃ yajñabhāgāśca hṛtā madbalāśrayāt ### [8.3](https://indike.org/pramana/in.purana.upa.sakta.devimahatoriginal.8.3) tāveva sūryatāṃ tadvadadhikāraṃ tathaindavam kauberamatha yāmyaṃ ca cakrāte varuṇasya ca ### [8.4](https://indike.org/pramana/in.purana.upa.sakta.devimahatoriginal.8.4) tāveva pavanarddhiṃ ca cakraturvahnikarma ca tato devā vinirdhūtā bhraṣṭarājyāḥ parājitāḥ ### [8.5](https://indike.org/pramana/in.purana.upa.sakta.devimahatoriginal.8.5) hatādhikārākhidaśāstābhyāṃ sarve nirākṛtāḥ mahāsurābhyāṃ tāṃ devīṃ saṃsmarantyaparājitām ### [8.6](https://indike.org/pramana/in.purana.upa.sakta.devimahatoriginal.8.6) tayāsmākaṃ varo datto yathāpatsu smṛtākhilāḥ bhavatāṃ nāśayiṣyāmi tatkṣaṇātparamāpadaḥ ### [8.7](https://indike.org/pramana/in.purana.upa.sakta.devimahatoriginal.8.7) iti kṛtvā matiṃ devā himavantaṃ nageśvaram jagmustatra tato devīṃ viṣṇumāyāṃ praṇatuvuḥ ### [8.8](https://indike.org/pramana/in.purana.upa.sakta.devimahatoriginal.8.8) devā ūcuḥ ### [8.9](https://indike.org/pramana/in.purana.upa.sakta.devimahatoriginal.8.9) namo devyai mahādevyai śivāyai satataṃ namaḥ namaḥ prakṛtyai bhadrāyai niyatāḥ praṇatāḥ sma tām ### [8.10](https://indike.org/pramana/in.purana.upa.sakta.devimahatoriginal.8.10) raudrāyai namo nityāyai gauryai dhātryai namo namaḥ jyotsnāyai cendurūpiṇyai sukhāyai satataṃ namaḥ ### [8.11](https://indike.org/pramana/in.purana.upa.sakta.devimahatoriginal.8.11) kalyāṇyai praṇatā vṛddhyai siddhyai kurmo namo namaḥ nairṛtyai bhūbhṛtāṃ lakṣmyai śarvāṇyai te namo namaḥ ### [8.12](https://indike.org/pramana/in.purana.upa.sakta.devimahatoriginal.8.12) durgāyai durgapārāyai sārāyai sarvakāriṇyai khyātyai tathaiva kṛṣṇāyai dhūmrāyai satataṃ namaḥ ### [8.13](https://indike.org/pramana/in.purana.upa.sakta.devimahatoriginal.8.13) atisaumyātiraudrāyai natāstasyai namo namaḥ namo jagatpratiṣṭhāyai devyai kṛtyai namo namaḥ ### [8.77](https://indike.org/pramana/in.purana.upa.sakta.devimahatoriginal.8.77) yā devī sarvabhūteṣu viṣṇumāyeti śabditā namastasyai, namastasyai, namastasyai namo namaḥ || 14-16 yā devī sarvabhūteṣu cetanetyabhidhīyate namastasyai, namastasyai, namastasyai namo namaḥ || 17-19 yā devī sarvabhūteṣu buddhirūpeṇa saṃsthitā namastasyai, namastasyai namastasyai namo namaḥ || 20-22 yā devī sarvabhūteṣu nidrārūpeṇa saṃsthitā namastasyai, namastasyai, namastasyai namo namaḥ || 23-25 yā devī sarvabhūteṣu kṣudhārūpeṇa saṃsthitā namastasyai, namastasyai, namastasyai namo namaḥ || 26-28 yā devī sarvabhūteṣu chāyārūpeṇa saṃsthitā namastasyai, namastasyai, namastasyai namo namaḥ || 29-31 yā devī sarvabhūteṣu śaktirūpeṇa saṃsthitā namastasyai, namastasyai namastasyai namo namaḥ || 32-34 yā devī sarvabhūteṣu tṛṣṇārūpeṇa saṃsthitā namastasyai, namastasyai, namastasyai namo namaḥ || 35-37 yā devī sarvabhūteṣu tuṣṭirūpeṇa saṃsthitā namastasyai, namastasyai, namastasyai namo namaḥ || 68-70 yā devī sarvabhūteṣu mātṛrūpeṇa saṃsthitā namastasyai, namastasyai, namastasyai namo namaḥ || 71-73 yā devī sarvabhūteṣu bhrāntirūpeṇa saṃsthitā namastasyai, namastasyai, namastasyai namo namaḥ || 74-76 indriyāṇāmadhiṣṭhātrī bhūtānāṃ cākhileṣu yā bhūteṣu satataṃ tasyai vyāptidevyai namo namaḥ ### [8.81](https://indike.org/pramana/in.purana.upa.sakta.devimahatoriginal.8.81) citirūpeṇa yā kṛtsnametadvyāpya sthitā jagat namastasyai, namastasyai, namastasyai namo namaḥ|| 78-80 stutā suraiḥ pūrvamabhīṣṭasaṃśrayātthā surendreṇa dineṣu sevitā karotu sā naḥ śubhaheturīśvarī śubhāni bhadrāṇyabhihantu cāpadaḥ ### [8.82](https://indike.org/pramana/in.purana.upa.sakta.devimahatoriginal.8.82) sā samprataṃ coddhatadaityatāpitairasmābhirīśā ca surairnamasyate yā ca smṛtā tatkṣaṇameva hanti naḥ sarvāpado bhaktivinamramūrtibhiḥ ### [8.83](https://indike.org/pramana/in.purana.upa.sakta.devimahatoriginal.8.83) ṛṣiruvāca ### [8.84](https://indike.org/pramana/in.purana.upa.sakta.devimahatoriginal.8.84) evaṃ stavādiyuktānāṃ devānāṃ tatra pārvatī snātumabhyāyayau toye jāhnavyā nṛpanandana ### [8.85](https://indike.org/pramana/in.purana.upa.sakta.devimahatoriginal.8.85) śāmbavīttān surān śumbharbhatradbhiḥ stūyate'tra kā śarīrakośataścāsyāḥ samudbhūtā'mbavīcchivā ### [8.86](https://indike.org/pramana/in.purana.upa.sakta.devimahatoriginal.8.86) stotraṃ mamaitatkriyate śumbhadaityanirākṛtaiḥ devaiḥ sametaiḥ samare niśumbhena parājitaiḥ ### [8.87](https://indike.org/pramana/in.purana.upa.sakta.devimahatoriginal.8.87) śarīrakośādyattasyāḥ pārvatyā niḥsṛtāmbikā kauśikīti samasteṣu tato lokeṣu gīyate ### [8.88](https://indike.org/pramana/in.purana.upa.sakta.devimahatoriginal.8.88) tasyāṃ vinirgatāyāṃ tu kṛṣṇābhūtsāpi pārvatī kāliketi samākhyātā himācalakṛtāśrayā ### [8.89](https://indike.org/pramana/in.purana.upa.sakta.devimahatoriginal.8.89) tato'mbikāṃ paraṃ rūpaṃ bibhrāṇāṃ sumanoharam dadarśa caṇḍo muṇḍaśca bhṛtyau śumbhaniśumbhayoḥ ### [8.90](https://indike.org/pramana/in.purana.upa.sakta.devimahatoriginal.8.90) tābhyāṃ śubhāya cākhyātā sātīva sumanoharā kāpyāste strī mahārāja bhāsayantī himācalam ### [8.91](https://indike.org/pramana/in.purana.upa.sakta.devimahatoriginal.8.91) naiva tādṛk kvacidrūpaṃ dṛṣṭaṃ kenaciduttamam jñāyatāṃ kāpyasau devī gṛhyatāṃ cāsureśvara ### [8.92](https://indike.org/pramana/in.purana.upa.sakta.devimahatoriginal.8.92) strīratnamaticārvaṅgī dyotayantī diśastviṣā sā tu tiṣṭhati daityendra tāṃ bhavān draṣṭumarhati ### [8.93](https://indike.org/pramana/in.purana.upa.sakta.devimahatoriginal.8.93) yāni ratnāni maṇayo gajāśvādīni vai prabho trailokye tu samastāni sāmprataṃ bhānti te gṛhe ### [8.94](https://indike.org/pramana/in.purana.upa.sakta.devimahatoriginal.8.94) airāvataḥ samānīto gajaratnaṃ purāndarāt pārijātataruścāyaṃ tathaivoccaiḥśravā hayaḥ ### [8.95](https://indike.org/pramana/in.purana.upa.sakta.devimahatoriginal.8.95) vimānaṃ haṃsasaṃyuktametattiṣṭhati te'ṅgaṇe ratnabhūtamihānītaṃ yadāsīdvedhaso'dbhutam ### [8.96](https://indike.org/pramana/in.purana.upa.sakta.devimahatoriginal.8.96) nidhireṣa mahāpadmaḥ samānīto dhaneśvarāt kiñjalkinīṃ dadau cābdhirmālāmamlānapaṅkajām ### [8.97](https://indike.org/pramana/in.purana.upa.sakta.devimahatoriginal.8.97) chatraṃ te vāruṇaṃ gehe kāñcanasrāvi tiṣṭhati tathā'yaṃ syandanavaro yaḥ purāsītprajāpateḥ ### [8.98](https://indike.org/pramana/in.purana.upa.sakta.devimahatoriginal.8.98) mṛtyorutkrāntidā nāma śaktirīśa tvayā hṛtā pāśaḥ salilarājasya bhrātustava parigrahe ### [8.99](https://indike.org/pramana/in.purana.upa.sakta.devimahatoriginal.8.99) niśumbhasyābdhijātāśca samastā ratnajātayaḥ vahniścāpi dadyau tubhyamagniśauce ca vāsasī ### [8.100](https://indike.org/pramana/in.purana.upa.sakta.devimahatoriginal.8.100) evaṃ daityendra ratnāni samastānyāhṛtāni te strīratnameṣā kalyāṇī tvayā kasmānna gṛhyate ### [8.101](https://indike.org/pramana/in.purana.upa.sakta.devimahatoriginal.8.101) ṛṣiruvāca ### [8.102](https://indike.org/pramana/in.purana.upa.sakta.devimahatoriginal.8.102) niśamyeti vacaḥ śumbhaḥ sa tadā caṇḍamuṇḍayoḥ preṣayāmāsa sugrīvaṃ dūtaṃ devyā mahāsuram ### [8.103](https://indike.org/pramana/in.purana.upa.sakta.devimahatoriginal.8.103) iti ceti ca vaktavyā sā gatvā vacanānmama yathā cābhyeti samprītyā tathā kāryaṃ tvayā laghu ### [8.104](https://indike.org/pramana/in.purana.upa.sakta.devimahatoriginal.8.104) sa tatra gatvā yatrāste śailoddeśe'tiśobhane sā devī tāṃ tataḥ prāha ślakṣṇaṃ madhurayā girā ### [8.105](https://indike.org/pramana/in.purana.upa.sakta.devimahatoriginal.8.105) dūta uvāca ### [8.106](https://indike.org/pramana/in.purana.upa.sakta.devimahatoriginal.8.106) devi daityeśvaraḥ śumbhastrailokye parameśvaraḥ dūto'haṃ preṣitastena tvatsakāśamihāgataḥ ### [8.107](https://indike.org/pramana/in.purana.upa.sakta.devimahatoriginal.8.107) avyāhatājñaḥ sarvāsu yaḥ sadā devayoniṣu nirjitākhiladaityāriḥ sa yadāha śrṛṇuṣva tat ### [8.108](https://indike.org/pramana/in.purana.upa.sakta.devimahatoriginal.8.108) mama trailokyamakhilaṃ mama devā vaśānugāḥ yajñabhāgānahaṃ sarvānupāśnāmi pṛthak pṛthak ### [8.109](https://indike.org/pramana/in.purana.upa.sakta.devimahatoriginal.8.109) trailokye vararatnāni mama vaśyānyaśeṣataḥ tathaiva gajaratnaṃ ca hṛtaṃ devendravāhanam ### [8.110](https://indike.org/pramana/in.purana.upa.sakta.devimahatoriginal.8.110) kṣīrodamathanodbhūtamaśvaratnaṃ mamāmaraiḥ uccaiḥśravasasaṃjñaṃ tatpraṇipatya samarpitam ### [8.111](https://indike.org/pramana/in.purana.upa.sakta.devimahatoriginal.8.111) yāni cānyāni deveṣu gandharveṣūrageṣu ca ratnabhūtāni bhūtāni tāni mayyeva śobhane ### [8.112](https://indike.org/pramana/in.purana.upa.sakta.devimahatoriginal.8.112) strīratnabhūtāṃ tvāṃ devi loke manyāmahe vayam sā tvamasmānupāgaccha yato ratnabhujo vayam ### [8.113](https://indike.org/pramana/in.purana.upa.sakta.devimahatoriginal.8.113) māṃ vā mamānujaṃ vāpi niśumbhamuruvikramam bhaja tvaṃ cañcalāpāṅgi ratnabhūtāsi vai yataḥ ### [8.114](https://indike.org/pramana/in.purana.upa.sakta.devimahatoriginal.8.114) paramaiśvaryamatulaṃ prāpsyase matparigrahāt etadbuddhyā samālocya matparigrahatāṃ vraja ### [8.115](https://indike.org/pramana/in.purana.upa.sakta.devimahatoriginal.8.115) ṛṣiruvāca ### [8.116](https://indike.org/pramana/in.purana.upa.sakta.devimahatoriginal.8.116) ityuktvā sā tadā devī gambhīrāntaḥsmitā jagau durgā bhagavatī bhadrā yayedaṃ dhāryate jagat ### [8.117](https://indike.org/pramana/in.purana.upa.sakta.devimahatoriginal.8.117) devyuvāca ### [8.118](https://indike.org/pramana/in.purana.upa.sakta.devimahatoriginal.8.118) satyamuktaṃ tvayā nātra mithyā kiñcittvayoditam trailokyādhipatiḥ śumbho niśumbhaścāpi tādṛśaḥ ### [8.119](https://indike.org/pramana/in.purana.upa.sakta.devimahatoriginal.8.119) kiṃ tvatra yatpratijñātaṃ mithyā tatkriyate katham śrūyatāmalpabuddhitvātpratijñā yā kṛtā purā ### [8.120](https://indike.org/pramana/in.purana.upa.sakta.devimahatoriginal.8.120) yo māṃ jayati saṅgrāme yo me darpaṃ vyapohati yo me pratibalo loke sa me bhartā bhaviṣyati ### [8.121](https://indike.org/pramana/in.purana.upa.sakta.devimahatoriginal.8.121) tadāgacchatu śumbho 'tra niśumbho vā mahāsuraḥ māṃ jitvā kiṃ cireṇātra pāṇiṃ gṛhṇātu me laghu ### [8.122](https://indike.org/pramana/in.purana.upa.sakta.devimahatoriginal.8.122) dūta uvāca ### [8.123](https://indike.org/pramana/in.purana.upa.sakta.devimahatoriginal.8.123) avaliptāsi maivaṃ tvaṃ devi brūhi mamāgrataḥ trailokye kaḥ pumāṃstiṣṭhedagre śumbhaniśumbhayoḥ ### [8.124](https://indike.org/pramana/in.purana.upa.sakta.devimahatoriginal.8.124) anyeṣāmapi daityānāṃ sarve devā na vai yudhi tiṣṭhanti sammukhe devi kiṃ punaḥ strī tvamekikā ### [8.125](https://indike.org/pramana/in.purana.upa.sakta.devimahatoriginal.8.125) indrādyāḥ sakalā devāstasthuryeṣāṃ na saṃyuge śumbhādīnāṃ kathaṃ teṣāṃ strī prayāsyasi sammukham ### [8.126](https://indike.org/pramana/in.purana.upa.sakta.devimahatoriginal.8.126) sā tvaṃ gaccha mayaivoktā pārśvaṃ śumbhaniśumbhayoḥ keśākarṣaṇanirdhūtagauravā mā gamiṣyasi ### [8.127](https://indike.org/pramana/in.purana.upa.sakta.devimahatoriginal.8.127) devyuvāca ### [8.128](https://indike.org/pramana/in.purana.upa.sakta.devimahatoriginal.8.128) evametad balī śumbhoniśumbhaścātivīryavān kiṃ karomi pratijñā me yadanālocitā purā ### [8.129](https://indike.org/pramana/in.purana.upa.sakta.devimahatoriginal.8.129) sa tvaṃ gaccha mayoktaṃ te yadetatsarvamāhataḥ tadrācakṣvāsurendrāya sa ca yuktaṃ karotu yat ### [8.129.p1](https://indike.org/pramana/in.purana.upa.sakta.devimahatoriginal.8.129.p1) iti śrīmārkaṇḍeyapurāṇe sāvarṇike manvantare devīmāhātmye devyā dūtasaṃvādo nāma pañcamo'dhyāyaḥ|| 5 ## Linked texts (12) - [Mārkaṇḍeyapurāṇa](https://indike.org/pramana/in.purana.markandeya.85.2) — Vyāsa, Sanskrit - [Devīmāhātmya](https://indike.org/pramana/in.purana.markandeya.devimahatmya.5.3) — Sanskrit - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.6.969) — Sanskrit - [Durgārahasya](https://indike.org/pramana/in.purana.upa.sakta.durgarahasya.25.3) — Sanskrit - [Śrīcaṇḍī](https://indike.org/pramana/in.purana.sricandi.11.3) — Sanskrit - [Caṇḍīmāhātmya Devīmāhātmya](https://indike.org/pramana/in.purana.candimahatmyadevimahatmya.11.3) — Sanskrit - [Durgāstotra or saptaśatī](https://indike.org/pramana/in.sampradaya.general.devistotra.durga.durgastotraorsaptasati.18.3) — Sanskrit - [Devīmāhātmya or Saptaśatīcaṇḍī](https://indike.org/pramana/in.purana.devimahatmyaorsaptasaticandi.18.3) — Sanskrit - [Caṇḍīsaptasatī](https://indike.org/pramana/in.purana.upa.sakta.candisaptasati.5.2) — Sanskrit - [Saptaśatīmahāstotra](https://indike.org/pramana/in.sampradaya.general.devistotra.durga.saptasatimahastotra.5.40) — Sanskrit - [Durgāsaptaśatī Devīmāhātmya](https://indike.org/pramana/in.purana.upa.sakta.durgasaptasatidevimahatmya.3.39.p1) — Sanskrit - [Durgāpāṭha](https://indike.org/pramana/in.purana.durgapatha.1.p72) — Vyāsa, Sanskrit --- Source: [https://indike.org/pramana/in.purana.upa.sakta.devimahatoriginal.8](https://indike.org/pramana/in.purana.upa.sakta.devimahatoriginal.8) · Pramāṇa