Devimurtirahadya (Devīmūrtirahadya)

देवीमूर्तिरहद्य

Language: Sanskrit
Date: 200–1800 CE
Extent: 34 passages, 303 words
Text: partly digitised
Source: archiveorg · Shri Durga Saptashati Mula Bhaga Patha Vidhi Sahita Sanskrit And Hindi Stotra Gorakhpur Gita Press; Gita Press · Scan of a printed edition hosted by the Internet Archive (archive.org); the ancient text is in the public…

2 — 24 parts
3 — 8 parts

Text

2.2

ṛṣiruvāca
oṃ nandā bhagavatī nāma yā bhaviṣyati nandajā
stutā sā pūjitā bhaktyā vaśīkuryājjagattrayam
kanakottamakāntiḥ sā sukāntikanakāmbarā
devī kanakavarṇābhā kanakottamabhūṣaṇā

2.3

kamalāṅkuśapāśābjairalaṃkṛtacaturbhujā
indirā kamalā lakṣmīḥ sā śrī rukmāmbujāsanā

2.4

yā raktadantikā nāma devī proktā mayānagha
tasyāḥ svarūpaṃ vakṣyāmi śṛṇu sarvabhayāpaham

2.5

raktāmbarā raktavarṇā raktasarvāṅgabhūṣaṇā
raktāyudhā raktanetrā raktakeśātibhīṣaṇā

2.6

raktatīkṣṇanakhā raktadaśanā raktadantikā
patiṃ nārīvānuraktā devī bhaktaṃ bhajejjanam

2.7

vasudheva viśālā sā sumeruyugalastanī
dīrghau lambāvatisthūlau tāvatīva manoharau

2.8

karkaśāvatikāquantau tau sarvānandapayonidhī
bhaktān sampāyayeddevī sarvakāmadughau stanau

2.9

khaḍgaṃ pātraṃ ca musalaṃ lāṅgalaṃ ca bibharti sā
ākhyātā raktacāmuṇḍā devī yogeśvarīti ca

2.10

anayā vyāptamakhilaṃ jagatsthāvarajaṅgamam
imāṃ yaḥ pūjayedbhaktyā sa vyāpnoti carācaram

2.10.p1

bhuktvā bhogān yathākāmaṃ devīsāyujyamāpnuyāt

2.11

adhīte ya imaṃ nityaṃ raktadantyā vapuḥstavam
taṃ sā paricareddevī patiṃ priyamivāṅganā

2.12

śākambharī nīlavarṇā nīlotpalavilocanā
gambhīranābhistrivalīvibhūṣitatanūdarī

2.13

sukarkaśasamottuṅgavṛttapīnaghanastanī
muṣṭiṃ śilīmukhāpūrṇaṃ kamalaṃ kamalālayā

2.14

puṣpapallavamūlādiphalāḍhyaṃ śākasañcayam
kāmyānantarasairyuktaṃ kṣuttṛṇmṛtyubhayāpaham

2.15

kārmukaṃ ca sphuratkānti bibhratī parameśvarī
śākambharī śatākṣī sā saiva durgā prakīrtitā

2.16

viśokā duṣṭadamanī śamanī duritāpadām
umā gaurī satī caṇḍī kālikā sā ca pārvatī

2.17

śākambharīṃ stuvan dhyāyañjapan sampūjayannaman
akṣayyamaśnute śīghramannapānāmṛtaṃ phalam

2.18

bhīmāpi nīlavarṇā sā daṃṣṭrādaśanabhāsurā
viśālalocanā nārī vṛttapīnapayodharā

2.19

candrahāsaṃ ca ḍamaruṃ śiraḥ pātraṃ ca bibhratī
ekavīrā kālarātriḥ saivoktā kāmadā stutā

2.20

tejomaṇḍaladurdharṣā bhrāmarī citrakāntibhṛt
citrānulepanā devī citrābharaṇabhūṣitā

2.21

citrabhramarapāṇiḥ sā mahāmārīti gīyate
ityetā mūrtayo devyā yāḥ khyātā vasudhādhipa

2.22

jaganmātuścaṇḍikāyāḥ kīrttitāḥ kāmadhenavaḥ
idaṃ rahasyaṃ paramaṃ na vācyaṃ kasyacittvayā

2.23

vyākhyānaṃ divyamūrtīnāmabhīṣṭaphaladāyakam
tasmāt sarvaprayatnena devīṃ japa nirantaram

2.24

saptajanmārjitairghorairbrahmahatyāsamairapi
pāṭhamātreṇa mantrāṇāṃ mucyate sarvakilbiṣaiḥ

2.25

devyā dhyānaṃ mayā khyātaṃ guhyād guhyataraṃ mahat
tasmāt sarvaprayatnena sarvakāmaphalapradam

(etasyāstvaṃ prasādena sarvamānyo bhaviṣyasi
sarvarūpamayī devī sarvaṃ devīmayaṃ jagat
ato'haṃ viśvarūpāṃ tāṃ namāmi parameśvarīm |)
iti mūrtirahasyaṃ sampūrṇam
kṣamā-prārthanā
aparādhasahasrāṇi kriyante'harniśaṃ mayā
dāso'yamiti māṃ matvā kṣamasva parameśvari