Ganeshakhanda 34
Gaṇeśakhaṇḍa 34
- Language
- Sanskrit
Contents
- 34.45 — 1 part
34.6
ṣaṭtriṃśattamo'dhyāyaḥ
sucandreṇa nṛpatinā saha rāmasya yuddham
nārāyaṇa uvāca
matsyarāje nipatite rājā yuddhaviśāradaḥ | rājendrān preṣayāmāsa yuddhaśāstraviśāradān
bṛhadbalaṃ somadattaṃ vidarbhaṃ mithileśvaram | niṣadhādhipatiñcaiva magadhādhipatistathā
āyayuḥ samare yoddhuṃ paraśurāmaṃ mahārathāḥ | tribhirakṣauhiṇībhiśca senābhiḥ saha nārada
rāmasya bhrātaraḥ sarve vīrāstīkṣṇāstrapāṇayaḥ | vārayāmāsurastraiśca tāneva raṇamūrdhani
te vīrāḥ śarajālena divyāstreṇa prayatnataḥ | vārayāmāsa suraikaikaṃ bhrātṛvargān bhṛgostathā
āyayayau samare śīghraṃ dṛṣṭvā tāṃśca parājitān
pinākahastaḥ sabhṛgurjvaladagniśikhopamaḥ
34.7
cikṣepa nāgapāśāṃśca paraśurāmo mahābalaḥ | ciccheda tāṃstathā rāmaḥ somadatto mahābalaḥ
34.8
bhṛguḥ śaṅkuśūlena somadattaṃ jaghāna ha| bṛhadbalaśca gadayā vidarbhaṃ muṣṭibhistathā
34.9
maithilaṃ mudgareṇaiva śaktyā ca naiṣadhaṃ tathā| māgadhaṃ caraṇoddhūtairasrajālena sainikān
34.10
nihatya nikhilān bhūpān saṃhārāgnisamo raṇe
dudrāva kārtavīryaśca paraśurāmo mahābalaḥ
34.13
dṛṣṭvā taṃ yoddhumāyāntaṃ rājānaśca mahārathāḥ| āyayuḥ samaraṃ kartuṃ kārtavīryanivārya ca
kāmyakubjāśca śataśaḥ saurāṣṭrāḥ śataśastathā| rāḍhīyā śataśaścaiva vārendrāḥ śataśastathā
saumyā vāṅgāśca śataśo mahārāṣṭrāstathā daśa
katidhā gurjajātīyāḥ kāliṅgāḥ śataśastathā
34.14
kṛtvā tu śarajālaśca bhṛguśchiccheda tatkṣaṇam
taṃ chitvābhyutthito rāmo nīhāramiva bhāskaraḥ
34.15
trirātraṃ yuyudhe rāmastaiḥ sārdhaṃ samarājire| dvādaśākṣauhiṇīṃ senāṃ tataściccheda paraśunā
34.16
rambhāstambhasamūhaśca yathā khaḍgena līlayā| chittvā senāṃ bhūpavargaṃ jaghāna śivaśūlataḥ
34.17
sarvāṃstāñjihatān dṛṣṭvā sūryavaṃśasamudbhavaḥ| ājagāma sucandraśca lakṣarājendrasaṃyutaḥ
34.18
dvādaśākṣauhiṇībhiśca senābhiḥ saha saṃyuge| kopena yuyudhe rāmaṃ siṃhaṃ siṃho yathāraṇe
34.19
bhṛguḥ śaṅkuśūlena nṛpalakṣaṃ nihatya ca| dvādaśākṣauhiṇīṃ senāṃ jaghāna paraśunā balī
34.20
nihatya sarvāḥ senāśca sucandraṃ yuyudhe balī| nāgāstraṃ prerayāmāsa nirddhataṃtaṃbhṛguḥsvayam
34.21
nāgapāśaśca ciccheda gāruḍena nṛpeśvaraḥ| jahāsa ca bhṛguṃ rājā samare ca punaḥpunaḥ
34.22
bhṛgurnārāyaṇāstraśca cikṣepa raṇamūrddhani| astraṃ yayau taṃ nihantuṃ śatasūryasamaprabham
34.23
dṛṣṭvāstraṃ nṛpaśārdūlaścāvaruhya rathāt kṣaṇāt
nyastaśastraḥ praṇanāma stutvā nārāyaṇaṃ śivam
34.24
tameva praṇataṃ tyaktvā yayau nārāyaṇāntikam| astrarājo bhagavatorāmaḥsaṃprāpavismayam
34.25
bhṛguḥ śaktiśca muṣalaṃ tomaraṃ paṭṭiśaṃ tathā| gadāṃ parśuśca kopena cikṣepa nṛpahiṃsayā
34.26
jagrāha kālī tān sarvān sucandrasyandanasthitā
cikṣepa śivaśūlaṃ sa nṛpamālyaṃ babhūva tat
34.34
dadarśa purato rāmo bhadrakālīṃ jagatprasūm | vahantīṃ muṇḍamālāśca vikaṭāsyāṃ bhayaṅkarīm
vihāya śastramastrañca pinākañca bhṛgustadā | tuṣṭāva tāṃ mahāmāyāṃ bhaktinamrātmakandharaḥ
paraśurāma uvāca
namaḥ śāṅkarakāntāyai sārāyai te namo namaḥ | namo durgatināśinyai māyāyai te namo namaḥ
namo namo jagaddhātryai jagatkartryai namo namaḥ | namo'stute jaganmātre kāraṇāyai namonamaḥ
prasīda jagatāṃ mātaḥ sṛṣṭisaṃhārakāriṇi | tvatpāde śaraṇaṃ yāmi pratijñāṃ sārthakaṃ kuru
tvayi me vimukhāyāśca ko māṃ rakṣitumīśvaraḥ | tvaṃ prasannā bhava śubhemāṃbhaktaṃ bhaktavatsale
yuṣmābhiḥ śivaloke ca mahyaṃ datto varaḥ purā | taṃ varaṃ saphalaṃ kartuṃ tvamarhasi varānane
paraśurāmastavaṃ śrutvā prasannābhavadambikā | māmairityevamuktvā tu tatraivāntaradhīyata
34.37
etadgha bhṛgukṛtaṃ stotraṃ bhaktiyuktaśca yaḥ paṭhet | mahābhayātsamuttīrṇaḥ sa bhavedalīlayā
sa pūjitaśca trailokye trailokyavijayī bhavet | jñāniśreṣṭho bhaveccaiva vairipakṣavimardakaḥ
iti śrībrahmavaivarte mahāpurāṇe bhṛgukṛtaṃ kālīstotram
etasminnantare brahmā bhṛguṃ dharmabhṛtāṃ varam | āgatya kathayāmāsa rahasyaṃ rāmameva ca
34.38
brahmovāca
śṛṇu rāma mahābhāga rahasyaṃ pūrvameva ca | sucandrajayahetuśca pratijñāsārthakāya ca
34.43
daśākṣarī mahāvidyā dattā durvāsasā purā | sucandrāyaiva kavacaṃ bhadrakālyāḥ sudurlabham
kavacaṃ bhadrakālyāśca devānāñca sudurlabham | kavacaṃ tannleyasya sarvaśatruvimardakam
atīva pūjyaṃ śastañca trailokyajayakāraṇam | tasmin sthite ca kavacekastvaṃjetumalaṃ bhuvi
bhṛgo gacchatu bhikṣārthaṃ karotu prārthanāṃ nṛpa | sūryavaṃśodbhavo rājā dātā paramadhārmikaḥ
prāṇāṃśca kavacaṃ mantraṃ sarvaṃ dāsyati niścitam
34.45
bhṛguḥ sannyāsiveṣeṇa gatvā rājāntikaṃ mune | bhikṣāñcakāra mantrañcakavacaṃparamādbhutam
rājā dadau ca mantrañca kavacaṃ paramādarāt | tataḥ śaṅkaśūlena jaghāna taṃ nṛpaṃ bhṛguḥ
34.45.p1
iti śrībrahmavaivarte mahāpurāṇe gaṇapatikhaṇḍe nārāyaṇanāradasaṃvāde kālīstotraṃ nāma ṣaṭtriṃśattamo'dhyāyaḥ
Linked texts (2)
- Brahmāṇḍapurāṇa — Vyāsa, Sanskrit
- Brahmavaivartapurāṇa (another edition) — Sanskrit