Ganeshakhanda 44
Gaṇeśakhaṇḍa 44
- Language
- Sanskrit
Contents
- 44.46 — 2 parts
44.2
nārāyaṇa uvāca
stutvā durgāṃ paśurāmo harṣavihvalamānasaḥ | hariṇoktena stotreṇa pratuṣṭāva gaṇeśvaram
pūjāścakāra bhaktyā ca naivedyairvividhairapi | dhūpairdīpaiśca gandhaiśca puṣpaiśca tulasīṃ vinā
44.6
sampūjya bhrātaraṃ bhaktyā sa rāmaḥ śaṅkarājñayā | gurupatnīṃ guruṃ natvā gamanaṃ kartumudyataḥ
nārada uvāca
pūjāṃ bhagavataścakre rāmo gaṇapateryadā | naivedyairvividhaiḥ puṣpaistulasīśca vinā katham
tulasī sarvapuṣpāṇāṃ mānyā dhanyā manoharā | kathaṃ pūjāṃ sārabhūtāṃ na gṛhṇāti gaṇeśvaraḥ
nārāyaṇa uvāca
śrṛṇu nārada vakṣyehamitihāsaṃ purātanam
brahmakalpasya vṛttāntaṃ nigūḍhaśca manoharam
44.7
ekadā tulasī devī prodbhinnarnavayauvanā | tīrthaṃ bhramantī tapasā nārāyaṇaparāyaṇā
44.16
dadarśa gaṅgātīre sā gaṇeśaṃ yauvanānvitam | atīva sundaraṃ śuddhaṃ sasmitaṃpītavāsasam
candanokṣita sarvāṅgaṃ ratnabhūṣaṇabhūṣitam | dhyāyantaṃ kṛṣṇapādābjaṃ janmamṛtyujarāpaham
jitendriyāṇāṃ pravaraṃ yogīndrāṇāṃ gurorgurum | arūpahāryaṃ niṣkāmaṃ sakāmātamuvāca ha
tulasyuvāca
aye kiṃ dhyāyase deva śāntarūpa gajānana | kathaṃ lambodaro deho gajavaktraṃ kathaṃ tava
ekadantaḥ kathaṃ javatre vadāmṛṣya ca kāraṇam | tyaja dhyānaṃ mahābhāga sāyaṅkālaṃupasthitaḥ
ityuktvā tulasī devī prajahāsa punaḥ punaḥ | paraṃ cetasi dagdhā sā kāmabāṇaiḥ sudāruṇaiḥ
gaṇeśasya pradhānāṅge dattvā kiñcijjalaṃ mune | jaghāna tarjanyagreṇa niṣpandaṃ kṛṣṇamānasam
babhūva dhyānabhaṅgaśca tasya nārada cetanam | duḥkhañca dhyānabhedena sadbhicchedohi śokadaḥ
dhyānaṃ tyaktvā hariṃ smṛtvā dadarśa kāminīṃ puraḥ | navayauvanasampannāṃ sasmitāṃ kāmapīḍitāṃ
44.17
lambodaraśca tāṃ dṛṣṭvā paraṃ vinayapūrvakam
uvāca sasmitaḥ śāntaḥ śāntāṃ kāmāturāṃ vaśī
44.18
gaṇeśvara uvāca
kā tvaṃ vatse kasya kanye mātarmāṃ brūhi kiṃ śubhe
pāpado'śubhadaḥ śaśvad dhyānabhaṅgastapasvinām
44.19
kṛṣṇaḥ karotu kalyāṇaṃ hantu vighnaṃkṛpānidhiḥ | maddhyānabhaṅgajo doṣonāśubhavatuteśubhe
44.20
gaṇeśacanaṃ śrutvā tamuvāca smarāturā | sasmitaṃ sakaṭākṣañca devaṃ madhurayā girā
44.21
tulasyuvāca
dharmātmajasya kanyā'hamaprauḍhā ca tapasvinī
tapasyā me svāmino'rthaṃ tvaṃ svāmī bhava me prabho
44.24
tulasī vacanaṃ śrutvā gaṇeśaḥ śrīhariṃ smaran | tāmuvāca mahāprājñaḥ prājñīṃ madhurayāgirā
gaṇeśa uvāca
he mātarnāsti me vāñchā ghoredāraparigrahe | dāragrahohi duḥkhāya na sukhāya kadācana
haribhaktairyavāyaśca tapasyānāśahetukaḥ | mokṣadvārakapāṭañca bhavabandhanapāśakaḥ
44.27
garbhavāsakaraḥ śaśvat tatvajñānanikṛntanaḥ | saṃśayānāṃ samārambhoyastyājyo vṛṣabhairapi
moho'yaṃ karaṇānāñca sarvamāyākaraṇḍakaḥ| sāhasānāṃ samūhaśca doṣāṇāñca viśeṣataḥ
nivartasva mahābhāge paśyānyaṃ kāmukaṃ patim
kāmukenaiva kāmukyā saṅgamo guṇavān bhavet
44.21-2
ityevaṃvacanaṃśrutvā kopāttu sā śaśāpa ha | dāragrahastebhavitā sā sādhvītigaṇeśvaram
ityākarṇya suraśreṣṭha stāṃśaśāpaśivātmajaḥ | devitvamasuragrastā bhaviṣyati na saṃśayaḥ
tatpaścānmahatāṃ śāpādvṛkṣatvaṃ bhaviteti ca | mahātapasvītyuktacaiva virarāma ca nāradaṃ
śāpaṃ śrutvā tu tulasīpraroda punaḥpunaḥ | tuṣṭāvaca suraśreṣṭhaṃ sa prasanna uvāca tām
44.34
gaṇeśvara uvāca
puṣpāṇāṃ sārabhūtā tvaṃ bhaviṣyasi manorame | kalāśīna mahābhāge nārāyaṇapriyā
priyā tvaṃ sarvadevānāṃśrīkṛṣṇasyaviśeṣataḥ | pūjāvimuktidānūnāṃmatyājyāca sarvadā
ityuktvātāṃ suraśreṣṭho jagāma tapase punaḥ | harerārādhanavyagro badarīsannidhiṃ yayau
44.35
jagāma tulasīdevī hṛdayena vidūyatā | nirāhārā tapaścakre puṣkare lakṣavarṣakam
44.37
paścānmunīndra śāpena gaṇeśasya ca nārada | sā priyā śaṅkhacūḍasya babhūva suciraṃ mune
tataḥ śaṅkaraśūlena saṃmamārāsureśvaraḥ | sā kalāṃśena vṛkṣatvaṃ yayau nārāyaṇapriyā
44.46
kathitaścetihāsaste śruto dharmamukhāt purā | mokṣapradaśca sāraśca purāṇe na prakīrtitaḥ
parśurāmo mahābhāgo jagāma tapase vanam | praṇamya śaṅkaraṃ durgāṃ saṃpūjya ca gaṇeśvaram
pūjito vanditaḥ sarvaiḥ surendramunipuṅgavaiḥ | pārvatī śivasānnidhye tatratasthau gaṇeśvaraḥ
idaṃgaṇapateḥ khaṇḍaṃ yaḥ śṛṇoti samāhitaḥ | sa rājasūyayajñasya phalamāpnoti niścitam
aputro labhate putraṃ śrīgaṇeśaprasādataḥ | dhīraṃ vīraśca dhaninaṃ guṇinaṃ cirajīvinam
yaśasvinaṃ putriṇaśca vidvāṃsaṃ sukavīśvaram | jitendriyāṇāṃ pravaraṃ dātāraṃsarvasampadām
supavitraṃ sadācāraṃ praśaṃsyaṃ vaiṣṇavaṃ labhet | ahiṃsakaṃ dayāluśca tattvajñānaviśāradam
bhaktyā gaṇeśaṃ saṃpūjya vastrālaṅkāracandanaiḥ | śrutvā gaṇapateḥ khaṇḍaṃmahāvandhyā prasūyate
mṛtavatsā kākavandhyā brahman putraṃ labhed dhruvam
adūṣitaṃ dūṣitāpi śuddhā ceva labhet sutam
44.46.p1
saṃpūrṇabrahmavaivartaṃ śrutvā yallabhate phalam | tatphalaṃ labhate martyaḥ śrutvedaṃ khaṇḍamuttamam
vāñchā''kṛtvā tu manasi śṛṇoti paramāsthitaḥ | tasmaidādātisarveṣṭaṃsuraśreṣṭhogaṇeśvaraḥ
śrutvāgaṇapateḥ khaṇḍaṃ vighnanāśāya yatnataḥ | svarṇayajñopavītaśca śvetachatrāśvamālyakam
pradīyate vācakāya svastikaṃ tilalaḍḍukam | paripakvaphalānyeva deśakālodbhavāni ca
44.46.p2
iti śrībrahmavaivarte mahāpurāṇe nārāyaṇanārada saṃvāde gaṇapatikhaṇḍe ṣaṭcatvāriṃśattamo'dhyāyaḥ
Linked texts (1)
- Brahmavaivartapurāṇa (another edition) — Sanskrit