Ganeshakhanda 5
Gaṇeśakhaṇḍa 5
- Language
- Sanskrit
Contents
- 5.28 — 2 parts
5.5
pañcamo'dhyāyaḥ
vratamāhātmyakathā
nārāyaṇa uvāca
śrutvā vratavidhānañcaturvargapradāyakam | punaḥ papraccha kāntaṃsā divyāṃ vratakathāṃśubhām
śrīpārvatyuvāca
kimadbhutaṃ vrataṃ nātha vidhānaṃ phalamasya ca | adhikāntat kathāṃ brūhi vrataṃ kena prakāśitam
atha vrata kathā | śrīmahādeva uvāca
śatarūpā manoḥ patnī putraduḥkhena duḥkhitā | brahmaṇaḥ sthānamāgatya sā brahmāṇamuvāca ha
śatarūpovāca
brahman kena prakāreṇa vandhyāyāśca suto bhavet | tanme brūhi jagaddhātaḥ sṛṣṭikāraṇakāraṇa
tajjanma niṣphalaṃ brahmannaiśvaryaṃ dhanameva ca
kiñcinna śobhate gehe vinā putreṇa putriṇām
5.7
tapodānodbhavaṃ puṇyaṃ janmāntarasukhāvaham | sukhado mokṣadaḥ prīti dātā putraścaputriṇām
putrī putramukhaṃdraṣṭvā śatāśvamedhināṃ phalam | putrāmanarakatrāṇakāraṇaṃ labhate dhruvam
5.21
putropāyaṃ yadi vidhe vad māṃ tāpasaṃyutām | tadā bhadraṃ naceddhātrā saha yāsyāmi kānanam
gṛhāṇa rājyamaiśvaryaṃ dhanaṃ pṛthvīṃ prajābahām | kimetenāvayostāta vinā putrairaputriṇoḥ
aputriṇo mukhaṃ draṣṭuṃ vidvānnotsahate'śivam | mukhaṃ darśayituṃ lajjāṃ samavāpnotyaputrakaḥ
athavā garalaṃ bhuktvā pravekṣyāmi hutāśanam | aputraputramaśivaṃ gṛhāṇa strīvihīnakam
ityevamuktvā sā sākṣād brahmaṇaśca ruroda ha | kṛpānidhiśca tāṃ dṛṣṭvā pravaktumupacakrame
brahmovāca
śṛṇu vatse pravakṣyāmi putropāyaṃ sukhāvaham | sarvaiśvaryādivījaśca sarvavāñchāpradaṃśubham
māghaśuklatrayodaśyāṃ vratametat supuṇyakam | karttavyaṃ śuddhakāle ca kṛṣṇamārādhya sarvadam
saṃvatsarañca karttavyaṃ sarvavighnavināśanam | vedoktāni ca dravyāṇi vrate deyāni suvrate
vratañca kāṇvaśākhoktaṃ sarvavāñchitasiddhidam | kṛtvā putraṃ labhaśubhe viṣṇutulyaparākramam
brahmaṇaśca vacaḥ śrutvā sākratvā vratamuttamam | priyavratottānapādau lebhe putrau manoharau
vrataṃ kṛtvā devahūtī lebhe siddheśvaraṃ sutam | nārāyaṇāṃśaṃ kapilaṃ puṇyakaṃ puṇyadaṃ śubham
arundhatīdaṃ kṛtvā tu lebhe śaktisutaṃ śubhā | śaktikāntā vrataṃ kṛtvā sutaṃ lebhe parāśaram
aditiśca vrataṃ kṛtvā lebhe vāmanakaṃ sutam | śacī jayanta putrañca lebha kṛtvedamīśvarī
uttānapādapatnīdaṃ kṛtvā lebhe dhruvaṃ sutam | kuverajāyā kṛtvedaṃ lebhe ca nalakūbaram
5.22
sūryapatnī manuṃ lebhe kṛtvedaṃ vratamuttamam | atripatnī sutaṃ candraṃ lebhe kṛtvedamuttamam
5.23
lebhe cāṅgirasaḥ patnī kṛtvedaṃ vratamuttamam | bṛhaspatiṃ suraguruṃ putramasya prabhāvataḥ
5.25
bhṛgorbhāryā vrataṃ kṛtvā lebhe daityaguruṃ sutam | śukraṃ nārāyaṇāṃśañca sarvatejasvināṃparam
ityevaṃ kathitaṃ devi vratānāṃ vratamuttamam | tvameva kuru kalyāṇi himālayasute śubhe
5.28
sādhyaṃrājendrapatnīnāṃ devīnāñcasukhāvaham | vratametanmahāsādhvi sādhvīnāṃprāṇataḥpriyam
vratasyāsya prabhāveṇa svayaṃ gopāṅganeśvaraḥ | īśvaraḥ sarvadevānāṃ tava putro bhaviṣyati
ityuktvā śaṅkarastatra virarāma ca nārada | vratañcakāra sā devī prahṛṣṭā śaṅkarājñayā
5.28.p1
ityevaṃ kathitaṃ sarvaṃ kimbhūyaḥ śrotumicchasi | sukhadaṃ mokṣadaṃ sāraṃ gaṇeśajanmakāraṇam
5.28.p2
iti śrībrahmavaivarte mahāpurāṇe nārāyaṇanāradasaṃvāde gaṇapatikhaṇḍe vratakathāprakaraṇaṃ nāma pañcamo'dhyāyaḥ
Linked texts (1)
- Brahmavaivartapurāṇa — Vyāsa, Sanskrit