Ganeshakhanda 9

Gaṇeśakhaṇḍa 9

Language: Sanskrit

9.25-2 — 2 parts

9.1

navamo'dhyāyaḥ
harau tirohite pārvatyā brāhmaṇānveṣaṇam
nārāyaṇa uvāca
harau tirohite bhūte durgā ca śaṅkarastadā | brāhmaṇānveṣaṇaṃ kṛtvā babhrāma parito mune

9.3

pārvatyuvāca
aye viprendrātivṛddha ka gato'si kṣudhāturaḥ | he tāta darśanaṃ dehi prāṇāṃśca rakṣa me vibho
śiva śīghraṃ samuttiṣṭha brāhmaṇānveṣaṇaṃ kuru | kṣaṇamunmanasoreṣaḥ pratyakṣamāvayorgataḥ

9.4

agṛhītvā gṛhāt pūjāṃ gṛhiṇo'tithirīśvara
yadi yāti kṣudhārtaśca tasya kiṃ jīvanaṃ vṛthā

pitarastatra gṛhṇanti piṇḍadānañca tarpaṇam | tasyāhutiṃ na gṛhṇanti vahniḥ puṣpaṃ jalaṃ surāḥ
havyaṃ puṣpaṃ jalaṃ dravyamaśuceśca surāsamam | amedhyasadṛśaḥ piṇḍaḥ sparśanaṃ puṇyanāśanam
patasminnantare tatra vāgvabhūvāśarīriṇī | kaivalyayuktā sā durgā tāṃ śuśrāva śucāturā
śāntā bhava jaganmātaḥ svasutaṃ paśya mandire | kṛṣṇaṃ golokanāthaṃ taṃ paripūrṇatamaṃ param
supuṇyakalpataroḥ phalarūpaṃ sanātanam | yattejo yoginaḥ śaśvat dhyāyante santataṃ mudā
dhyāyantevaiṣṇavā devā brahmaviṣṇuśivādayaḥ | yasyapūjyasya sarvāgre kalpe kalpeca pūjanam
yasya smaraṇamātreṇa sarvavighno vinaśyati | puṇyarāśisvarūpaśca svasutaṃ paśya mandire
kalpe kalpe dhyāyase yaṃ jyotīrūpaṃ sanātanam | paśyatvaṃ muktidaṃ putraṃ bhaktānugrahavigraham
tava vāñchāpūrṇabījaṃ tapaḥ kalpataroḥ phalam | sundaraṃ svasutaṃ paśya koṭikandarpanandakam
nāyaṃ vipraḥ kṣudhārtaśca viprarūpī janārdanaḥ | kiṃ vā vilapase durge kavāvṛddha kacātithiḥ
sarasvatītyevamuktvā virāmaṃ ca nārada

9.16

trastā śrutvā'kāśavāṇīṃ jagāmasvālayaṃ satī | dadarśa bālaṃ paryaṅke śayānaṃsmitamudā
paśyante mauliśikhare śatacandrasamaprabham | svaprabhāpaṭalenaiva dyotayantaṃ mahotalam

9.18

kurvantaṃ bhramaṇaṃ tape paśyantaṃ svecchayā mudā | umeti śabdaṃ kurvantaṃrudantaṃ taṃ stanārthinam
dṛṣṭvā tamadbhutaṃ rūpaṃ trastā śaṅkarasannidhim | gatvetyuvāca prāṇeśaṃ maṅgalaṃ sarvamaṅgalā

9.20

pārvatyuvāca
gṛhamāgaccha prāṇeśa tapasāṃ phaladāyakam | kalpe kalpe dhyāyase yaṃ taṃ paśyāgatyamandiram
śīghraṃ putramukhaṃ paśya puṇyabījaṃ mahotsavam | punnāmanatrāṇaṃ kāraṇaṃ bhavatāraṇam

9.25

jñānaśca sarvatīrtheṣu sarvayajñeṣu dīkṣaṇam | putrasudarśanasyāsya kalāṃ nārhati ṣor̤aśīm
sarvadānena yatpuṇyaṃyatpṛthivyāḥ pradakṣiṇāt | putradarśanapuṇyasya kalāṃ nārhati ṣor̤aśīm
sarvaistapobhiryatpuṇyaṃ yadevānaśanairvrataiḥ | matputrodbhavapuṇyasya kalāṃ nārhati ṣor̤aśīm
yadviprabhojanaiḥ puṇyaṃ yadeva surasevanaiḥ | satputraprāptipuṇyasya kalāṃ nārhati ṣor̤aśīm
pārvatī vacanaṃ śrutvā śivaḥ prahṛṣṭamānasaḥ | ājagāma svabhavanaṃ kṣipraṃ sa kāntayā saha
dadarśa tape svasutaṃ taptakāñcanasannibham | hṛdayasthaṃ ca yadrūpaṃ tadevāti manoharam

9.25-2

durgā tatpāt samādāya kṛtvāvakṣasi taṃ sutam | cumbasvānandajaladhau nimagnaḥsetyuvācaha
saṃprāpyāmūlyaratnaṃ tvāṃ pūrṇameva sanātanam | yathā mano daridrasyasahasā prāpyasaddhanam
kānte suciramāyāte proṣite yoṣito yathā | mānasaṃ paripūrṇaṃśca babhūva ca tathā manaḥ
suciraṃ gatamāyāntamekaputrā yathā sutam | dṛṣṭvā tuṣṭā yathā vatsa tathāhamapi sāmpratam
sadratnaṃ suciraṃ bhraṣṭaṃ prāpya hṛṣṭo yathā janaḥ | anāvṛṣṭau suvṛṣṭiśca samprāpyāhaṃ tathāsutam
yathā suciramandhānāṃ sthitānāñca nirāśraye | cakṣuḥ sunirmalaṃ prāpya manaḥ pūrṇaṃ tathaivame
duttare sāgare ghore patitasya ca saḍkaṭe | anaukasya prāpya naukāṃ manaḥ pūrṇaṃ tathā mama
tṛṣṇayā śuṣkakaṇṭhānāṃ sucirācchuśītalam | suvāsitaṃjalaṃprāpya manaḥpūrṇaṃ tathāmama
dāvāgnipatitānāñca śītānāñca nirāśraye | nirāgnimāśrayaṃ prāpyamanaḥ pūrṇaṃ tathā mama
ciraṃ bubhukṣitānāñca vratopavāsakāriṇām | sadratnaṃ purato dṛṣṭvā manaḥ pūrṇaṃ tathā mama
ityuktvā pārvatī tatra kroḍe kṛtvā svabālakam

9.25-2.p1

prītyā stanaṃ dadau tasmai paramānandamānasā | kroḍe cakāra bhagavān bālakaṃ hṛṣṭamānasaḥ

9.25-2.p2

iti śrībrahmavaivarte mahāpurāṇe nārāyaṇanāradasaṃvāde gaṇapatikhaṇḍe gaṇeśadarśanaṃ nāma navamo'dhyāyaḥ

Linked texts (1)

Brahmavaivartapurāṇa — Vyāsa, Sanskrit