Pramāṇa · Search · About · API

Vaishnavakhanda 1

Vaiṣṇavakhaṇḍa 1

Language
Sanskrit

1.20

dvitīyo vaiṣṇavaḥ khaṇḍastasyākhyānāni me śṛṇu || prathamaṃ
bhūmivārāhasamākhyānaṃ prakīrtitam

1.21

yatra veṃkaṭakudhrasya māhātmyaṃ pāpanāśanam || kamalāyāḥ kathā puṇyā śrīnivāsasthitistataḥ

1.22

kulālākhyānakaṃ
cātra suvarṇamukharīkathā || nānākhyānasamāyuktā bharadvājakathā'dbhutā

1.23

mataṅgajñānasaṃvādaḥ kīrtitaḥ pāpanāśanaḥ || puruṣottamamāhātmyaṃ kīrtitaṃ cotkale tataḥ

1.24

mārkaṇḍeyasamākhyānamambarīṣasya bhūpateḥ || indradyumnasya māhātmyaṃ vidyāpatikathā tataḥ

1.25

jaimineḥ samupākhyānaṃ nāradasyāpi vāḍava || nīlakaṇṭhasamākhyānaṃ nararsiṃhopavarṇanam

1.26

aśvamedhakathā rājño brahmalokagatistathā || rathayātrāvidhiḥ paścājjanmasthānavidhistathā

1.27

dakṣiṇāmūryupākhyānaṃ guṇḍicākhyānakaṃ tataḥ
ratharakṣāvidhānaṃ ca śayanotsavakīrtanam

1.28

śvetopākhyānamatroktaṃ pṛthūtsavanirūpaṇam || dolotsavo bhagavato vrataṃ sāṃvatsarābhidham

1.29

pūjā cākāmikā viṣṇoruddālakaniyogataḥ || yogasādhanamatroktaṃ nānāyoganirūpaṇam

1.30

daśāvatārakathanaṃ snānādipārīkīrtanam || tato badārikāyāśca māhātmyaṃ pāpa nāśanam

1.31

aśvyāditīrthamāhātmyaṃ vainateyaśilābhavam || kāraṇaṃ bhagavaddāse tīrthe kāpālamocanam

1.32

pañcadhārābhidhaṃ tīrthaṃ merusaṃsthāpanaṃ tathā || tataḥ kārtikamāhātmye māhātmyaṃ madanālasam

1.33

dhūmrakeśasamākhyānaṃ dinakṛtyāni kārtike || pañcabhīṣmavratākhyānaṃ kīrtitaṃ bhuktimukti dam

1.34

tato mārgasya māhātmye vidhānaṃ snānajaṃ tathā || puṃḍrādikīrtanaṃ cātra mālādhāraṇapuṇyakam

1.35

pañcāmṛtasnānapuṇyaṃ ghaṃṭānādādijaṃ phalam || nānā puṣpārcanaphalaṃ tulasīdalajaṃ phalam

1.36

naivedyasya ca māhātmyaṃ harivāsarakīrtanam || akhaṇḍaikādaśīpuṇyaṃ tathā jāgaraṇasya ca

1.37

yātrotsavavidhānaṃ ca nāmamāhātmyakīrtanam || dhyānādipuṇyakathanaṃ māhātmyaṃ mathurābhavam

1.38

mathurātīrthamāhātmyaṃ pṛthaguktaṃ tataḥ param || vanānāṃ dvādaśānāṃ ca māhātmyaṃ kīrtitaṃ tataḥ

1.39

śrīmadbhāgavatasyātra māhātmyaṃ kīrtitaṃ param || vajraśāṇḍilyasaṃvādo hyantarlīlāprakāśakam

1.40

tato māghasya māhātmyaṃ snānadānajapodbhavam || nānākhyānasamāyuktaṃ daśādhyāyairnirūpitam

1.41

tato vaiṣṇavamāhātmye śaṣpyādānādijaṃ phalam || jaladānādividhayaḥ kāmākhyānamataḥ param

1.42

śrutadevasya cāritaṃ vyāghopākhyānamadbhutam || tathā'kṣyatyatṛtīyāderviśeṣātpuṇyakīrtanam

1.43

tatastvayodhyāmāhātmye cakrabrahmāḍhatīrthake || surāpāpavimokṣākhye tathādhāra
sahasrakam

1.44

svargadvāraṃ candrahārirbharmeharyupavarṇanam || svarṇavṛṣṭerupākhyānaṃ tilodāsarayūyutiḥ

1.45

sītākuṇḍaṃ guptahāriḥ sarayūghargharānvayaḥ || gopratāraṃ ca
dugdhodaṃ gurukuṇḍādipañcakam

1.46

somārkādīni tīrthāni trayodaśa tataḥ param || gayākūpasya māhātmyaṃ sarvāghavinivartakam

1.47

māṇḍavyāśramapūrvāṇi tīrthāni
tadanantaram || ajitādimānasāditīrthāni gaditāni ca

1.48

ityeṣa vaiṣṇavaḥ khaṇḍo dvitīyaḥ pārikīrtitaḥ || ataḥ paraṃ brāhmakhaṇḍaṃ marīce śṛṇu putraka

1.49

yatra vai setumāhātmye phalaṃ snānekṣaṇodbhavam || gālavasya tapaścaryā rākṣasākhyānakaṃ tataḥ

1.50

cakratīrthādimāhātmyaṃ devīpattanasaṃyutam || vetālatīrthamahimā pāpanāśā
dikīrtanam

1.51

maṃgalādikamāhātmyaṃ brahmakuṇḍādivarṇanam || hanumatkuṇḍamahimā'gastyatīrthabhavaṃ phalam

1.52

rāmatīrthādikathanaṃ lakṣmītīrthanirūpaṇam || śaṃkhā
ditīrthamahimā tathā sādhyāmṛtādijaḥ

1.53

dhanuṣkoṭyādimāhātmyaṃ kṣīrakuṇḍādijaṃ tathā || gāyatryādikatīrthānāṃ māhātmyaṃ cātra kīrtitam

1.54

rāma
nāthasya mahimā tattvajñānopadeśanam || yātrāvidhānakathanaṃ setau muktipradaṃ nṛṇām

1.55

dharmāraṇyasya māhātmyaṃ tataḥ paramudīritam || sthāṇuḥ skandāya
bhagavānyatra tattvamupādiśat

1.56

dharmāraṇyasusaṃbhūtistatpuṇyapārikīrtanam || karmasiddheḥ samākhyānamṛṣivaṃśanirūpaṇam

1.57

apsarastīrthamukhyānāṃ
māhātmyaṃ yatra kīrtitam || varṇānāmāśramāṇāṃ ca dharmatattvanirūpaṇam

1.58

devasthānavibhāgaśca bahulārkakathā śubhā || chatrānandā tathā śāntā
śrīmātā ca mataṃginī

1.59

puṇyadā ca samākhyātā yatra devyaḥ samāsthitāḥ || indreśvarādimāhātmyaṃ dvārakādinirūpaṇam

1.60

lohāsurasamākhyānaṃ
gaṅgākūpanirūpaṇam || śrīrāmacaritaṃ caiva satyamandiravarṇanam

1.61

jīrṇoddhārasya kathanamāsanapratipādanam || jātibhedaprakathanaṃ smṛtidharmanirūpaṇam

1.62

tatastu vaiṣṇavā dharmā nānākhyānairudīritāḥ || cāturmāsye tataḥ puṇye sarvadharmanirūpaṇam

1.63

dānapraśaṃsā tatpaścādvratasya mahimā tataḥ || tapasaścaiva pūjāyāḥ
sacchidrakathanaṃ tataḥ

1.64

tadvṛttīnāṃ bhidākhyānaṃ śāligrāmanirūpaṇam || bhārakasya vadhopāyo vṛkṣārcāmahimā tathā

1.65

viṣṇoḥ śāpaśca vṛkṣatvaṃ
pārvatyanutapastataḥ || harasya tāṇḍavaṃ nṛtyaṃ rāmanāmanirūpaṇam

1.66

harasya liṃgakathanaṃ kathā paijavanasya ca || pārvatījanmacaritaṃ tārakasya vadhodbhutaḥ

1.67

praṇavaiśvaryakathanaṃ tārakācāritaṃ punaḥ || dakṣayajñasamāptiśca dvādaśākṣarabhūṣaṇam

1.68

jñānayogasamākhyānaṃ mahimā dvādaśākṣaraḥ || śravaṇādikamāhātmyaṃ kīrtitaṃ
śarmadaṃ nṛṇām

1.69

tavo brāhmottare bhāge śivasya mahimādbhutaḥ || pañcākṣarasya mahimā gokarṇamahimā tataḥ

1.70

śivarātreśca māhātmyaṃ pradoṣavrata
kīrtanam || somavāravrataṃ cāpi sīmantinyāḥ kathānakam

1.71

bhadrāyūtpattikathanaṃ sadācāranirūpaṇam || śivavarmasamuddeśo bhadrāyūdbhāhavarṇanam

Linked texts (2)