Vaishnavakhanda 103

Vaiṣṇavakhaṇḍa 103

Language: Sanskrit

103.60 — 1 part

103.1

sūta uvāca || || tato ghaṭotkaco
muktvā tatra kāmakaṭaṃkaṭām || putreṇānugato dhīmānviyatā dvārakāṃ yayau

103.2

āgacchantaṃ ca taṃ dṛṣṭvā rākṣasaṃ rākṣasānugam || dvārakāvāsino yodhā
śrakuratyulbaṇaṃ ravam

103.3

grāme grāme susaṃnaddhā navalakṣamitā rathāḥ || rākṣasau dvau samāyātau pātyetāṃ viśikhairiti

103.4

tāngṛhītāyudhānhṛṣṭvā
yaduvīrānghaṭotkacaḥ || pragṛhya vipulaṃ bāhuṃ jagau tārasvareṇa saḥ

103.5

rākṣasaṃ vitta māṃ vīrā bhīmaputraṃ ghaṭotkacam || supriyaṃ vāsudevasya praṇāmā
rthamupāgatam

103.6

nivedayata māṃ prātaṃ yādavendrāya sātmajam || iti tasya vacaḥ śrutvā te kṛṣṇāya nyavedayan

103.7

āha devaḥ sabhāsthaśca śīghra
matrātrajatvasau || tataḥ praveśayāmāsurdvārakāṃ te ghaṭotkacam

103.8

saputraḥ so'pi ramyāṇi vanānyupavanāni ca || krīḍāśailāṃśca harmyāṇi saṃpaśyannā
gataḥ sabhām

103.9

sa tatra ugrasenaṃ ca vasudevaṃ ca sātyakim || akrūrārāmapramukhānvavande kṛṣṇameva ca

103.10

taṃ pādayornipatitaṃ samāliṃgya sahā
tmajam || sāśiṣaṃ svasamīpasthamupaveśyedamabravīt

103.11

putra rākṣasaśārdūla kurūṇāṃ kulavardhana || kuśalaṃ sarvataḥ kaccitkimarthaste samāgamaḥ

103.12

ghaṭotkaca uvāca || || deva yuṣmatprasādena sarvataḥ kuśalaṃ mama || śrayatāṃ kāraṇaṃ svāminyarthamahamāgataḥ

103.13

devopadiṣṭa
bhāryāyāṃ jāto'yaṃ tanayo mama || sa ca praśnaṃ vakṣyati tvāṃ śrayatāmāgatastvataḥ

103.14

śrīkṛṣṇa uvāca || || vatsa maurveya brūhi tvaṃ sarvaṃ
pṛccha yadicchasi || yathā ghaṭotkaco mahyaṃ supriyaśca tathā bhavān

103.15

barbarīka uvāca || || praṇamya tvāmādidevaṃ manobuddhisamādhibhiḥ
prakṣyāmi kena śreyaḥ syājjaṃtorjātasya mādhava

103.16

kecicchreyo dharmamāhuraiśvaryaṃ tyāgabhojanam || kecidamaṃ tapo dravyaṃ bhogānmuktiṃ ca kecana

103.17

tadevaṃ śatasaṃkhyeṣu śreyassu puruṣottama || mama caivaṃ kulasyāsya śreyo yadbrūhi niścitam

103.18

śrīkṛṣṇa uvāca || || vatsa pṛtha
kpṛthakproktaṃ varṇānāṃ śreya uttamam || brāhmaṇānāṃ tapo mūlaṃ damo'dhyayanameva ca

103.19

dharmaprakaṭanaṃ cāpi śreya uktaṃ manīṣibhiḥ || balaṃ sādhyaṃ pūrva
meva kṣatriyāṇāṃ prakīrtitam

103.20

duṣṭānāṃ śāsanaṃ cāpi sādhūnāṃ paripālanam || pāśupālyaṃ ca vaiśyānāṃ kṛṣirvijñānameva ca

103.21

śūdrasya dvijaśuśrūṣā tayā jīvanvaṇigbhavet || śilpairvā vividhairjīvedvijātihitamācaran

103.22

bhāryāratirbhṛtyapoṣyā śuciḥ śraddhā
parāyaṇaḥ || namaskāreṇa mantreṇa pañcayajñānna hāpayet

103.23

tadvānkṣatriyakule jāto'si kuru tacchṛṇu || balaṃ sādhaya pūrvaṃ
tvamatulaṃ tena śikṣaya

103.24

duṣṭānpālaya sādhūṃśca svargamevamavāpsyasi || balaṃ ca labhyate putra devīnāṃ suprasādataḥ

103.25

tadvānbalaprāptyarthaṃ devyārādhanamācara

103.26

barbarīka uvāca || || kasminkṣetre ca kāṃ devīṃ kathamārādhayāmyaham || etatprasādapravaṇaṃ
manaḥ kṛtvā nivedaya

103.27

sūta uvāca || || iti pṛṣṭaḥ kṣaṇaṃ dhyātvā prāha dāmodaro vibhuḥ || vatsa kṣetraṃ pravakṣyāmi yatra tapsyasi
tattapaḥ || guptakṣetramiti khyātaṃ mahīsāgarasaṃgame

103.28

tatra tribhuvane yāśca saṃti devyaḥ pṛthagvidhāḥ || nāradena samānītāstāścaikyaṃ
sumahātmanā

103.29

catuḥsaptastasya digdevyo nava durgāśca saṃti yāḥ || samārādhaya tā gatvā tāsāmaikyaṃ hi durlabham

103.30

nityaṃ pūjaya tāḥ putra
puṣpadhūpavilepanaiḥ || stutibhiścopahāraiśca yathā tuṣyaṃti tāstava

103.31

tuṣṭāsu devīṣu balaṃ dhanaṃ ca kīrtiśca putrāḥ subhagāśca dārāḥ || svargastathā
muktipadaṃ ca satsukhaṃ na durlabhaṃ satyametattavoktam

103.32

sūta uvāca || || evamuktvā barbarīkaṃ kṛṣṇaḥ prāha ghaṭotkacam || ghaṭotkacārya
putraste dṛḍhaṃ suhṛdayo hyasau

103.33

tasmātsuhṛdayetyevaṃ dattaṃ nāma mayā dvikam || evamuktvā samāliṃgya saṃtarpya vividhairdhanaiḥ

103.34

guptakṣetrāya
bhagavānvarbarīkaṃ samādiśat || so'tha kṛṣṇaṃ namaskṛtya pitaraṃ yādavāṃśca tān

103.35

anujñāpya ca tānsarvānguptakṣetraṃ samāvrajat || ghaṭotkaco'pi
kṛṣṇena visṛṣṭaḥ svavanaṃ yayau

103.36

smaranputraguṇānpatnyā svarājyaṃ samapālayat || tataḥ suhṛdayo dhīmāndagdhasthalyāṃ kṛtārthaḥ

103.37

trikālaṃ pūjayāmāsa devīḥ karmasamādhibhiḥ || nityaṃ puṣpaiśca dhūpaiśca upahāraiḥ pṛthagvidhaiḥ

103.38

tasyārādhayato devyastuturburhṛyanaistribhiḥ || tataḥ
pratyakṣato bhūtvā balāttasya mahātmanaḥ

103.39

valaṃ yatrittaṣu lokeṣu kasyacinnāsti durlabham || ūṣuśca kaṃcitkālaṃ tvaṃ vasātraiva mahādyute

103.40

saṃgatyā vijayasya tvaṃ bhūyaḥ śreyo hyavāpsyasi || ityuktaḥ sarvadevībhiḥ sa tatraiva vyavasthitaḥ

103.41

ājagāmātha vijayo nāmnā māgadhabrāhmaṇaḥ
sa sarvāṃ pṛthivīṃ kṛtvā pādākrāṃtāṃ dvijottamaḥ

103.42

kāśyāṃ vidyābalaṃ prāpya sādhanārthamupāyayau || guheśvaramukhānyeṣa saptaliṃgānyapūjayat

103.43

ārādhayāmāsa ciraṃ devīrvidyāphalāptaye || tatastuṣṭāstasya devyaḥ svapne procuridaṃ vacaḥ

103.44

vidyāṃ sādhaya tvaṃ sādho siddhamātuḥ puro
jage || ayaṃ bhaktaḥ suhṛdayaḥ sāhāyyaṃ te kariṣyati

103.45

tatastadvacanaṃ śrutvā vijayaḥ svapnamadhyataḥ || utthāya gatvā devyaustaṃ vatre bhīmātma
jātmajam

103.46

so'pi devīvacaḥ śrutvā mene sāhāyyakāraṇam || tataḥ kṛṣṇacaturdaśyāmupoṣya vijayaḥ śuciḥ

103.47

snātvābhyarcyaiva liṃgāni
devīścaivārcayatpṛthak || kṛtvā snānamupoṣyaiva barbarīko'tike'bhavat

103.48

prathamāyāṃ tato rātrau yayau siddhāṃbikāpuraḥ || maṃḍalaṃ tatra kṛtvā ca
bhagākāraṃ karānnava

103.49

aṣṭadikṣvaṣṭakīlāṃśca nikhanyaiva sasūtrakān || kṛṣṇājinadharo bhūtvā barbarīkasamanvitaḥ

103.50

śikhāmābadhnaca
digbaṃdhaṃ kṛtvārebhe tato vidhim || madhye maṃḍalasyāpi kuṃḍe śubhre trimekhale

103.51

samarghya ca tataḥ khaḍgaṃ khādiraṃ maṃtratejitam || saṃsthāpya
kīlānabhito barbarīkamathābravīt

103.52

śucirvinidraḥ saṃtiṣṭha stavaṃ devyāḥ samudbhiran || yāvatkarma karomyeṣa yathā vighnaṃ na jāyate

103.53

ityukte saṃsthite tatra barbarīke mahābale || vijayaḥ śoṣaṇaṃ dāhaṃ drāvanaṃ kṛtavānyamī

103.54

tataḥ sukhāsano bhūtvā guṃgurubhyo namaḥ
iti || maṃtramaṣṭottaraśataṃ japtvā gurubhyaḥ praṇamya ca || tato gaṇeśvaravidhānamārabdhavān

103.55

athātaḥ saṃpravakṣyāmi maṃtraṃ gaṇapateḥ
param

103.56

sarvakāryakaraṃ svalpaṃ mahārthaṃ sarvasiddhidam

oṃgāṃgīgūṃgaiṃgauṃgaḥ saptākṣaro'yaṃ mahāmaṃtraḥ || oṃgaṇapatimaṃtrasya gaṇako
nāma ṛṣiḥ vighneśvaro devatā gaṃ bījam oṃ śaktiḥ pūjārthe japārthe vā tilakārthe vā manasaīpsitārthe homārthe vā viniyoga iti || svādha
kasya pūrvaṃ tilakakaraṇam || oṃgāṃgaṇapataye namaḥ || iti tilakasyopari akṣatāndadyāt anena mantreṇa || oṃ gāṃgaṇapataye namaḥ || iti tila
kamaṃtraḥ || oṃgāṃ gaṇapataye namaḥ || anena maṃtreṇa gaṇeśāya puṣpāṃjalitrayaṃ dadyāt || mūlamaṃtreṇātra caṃdanagandhapuṣpadhūpadīpanaivedyapūgīphala
tāṃbūlādikaṃ dadyāt || ata ūrdhvaṃ mūlamantreṇa japaṃ kuryāt || aṣṭottaraśataṃ sahasraṃ lakṣaṃ koṭiṃ ceti yathāśakti japtvā daśāṃśahomārthaṃ gaṇeśāyye
āvāhayāmīti abhimāvāhya || oṃgāṃ gaṇapataye svāheti mantreṇa guggulaguṭikābhihomaṃ vidhādviniyogaṃ ceti gāṇeśvaro mahākalpaḥ || ya evaṃ sarva
vighneṣu sādhayenmantramuttamam || sarvavighnāni naśyaṃti manobhīṣṭaṃ ca sidhyati

Vaishnavakhanda 103

Contents

Linked texts (5)